Біздің компаниямыз жайлы жалпы ақпарат.
Дәрілік затты медициналық қолдану
жөніндегі нұсқаулық
(Қосымша парақ)
Саудалық атауы
Абитракс
Халықаралық патенттелмеген атауы
Цефтриаксон
Дәрілік түрі, дозалануы
Инъекция үшін ерітінді дайындауға арналған 500 мг ұнтақ
еріткішпен жиынтықта (2 мл лидокаин гидрохлоридінің 1% ерітіндісі)
Фармакотерапиялық тобы
Жүйелі пайдалануға арналған инфекцияға қарсы препараттар. Басқа да бактерияға қарсы бета-лактамды препараттар. III буын цефалоспориндері. Цефтриаксон.
АТХ коды J01DD04
Қолданылуы
- бактериялық менингит
- жедел ортаңғы отит
- ауруханадан тыс пневмония
- ауруханаішілік пневмония
- ересектердегі созылмалы обструкциялық өкпе ауруының жедел өршулері
- құрсақ қуысының инфекциялары
- сүйектер, буындар инфекциялары
- жұмсақ тіндердің, терінің асқынған инфекциялары
- нейтропениясы бар пациенттерде қызба кезінде бактериялық инфекция болу күмәні
- несеп шығару жолдарының асқынған инфекциялары (пиелонефритті қоса)
- ересектер мен балаларда, оның ішінде 15-күндік жасынан бастап жаңа туған нәрестелерде диссеминацияланған Лайм ауруы (ерте және кеш сатылары)
- соз
- мерез
- операция алдындағы хирургиялық инфекциялар профилактикасы
- бактериялық эндокардит
- жоғарыда тізбеленген инфекциялармен байланысты кез келген бактериялық қан инфекциясы
Цефтриаксонның әсер ету спектріне қоздырғыштардың болжамды қатары кірмеген жағдайда, Абитраксты басқа антибактериалды препараттармен біріктіріп тағайындау керек.
Қолданудың басталуына дейінгі қажетті мәліметтер тізбесі
Қолдануға болмайтын жағдайлар
а) гипербилирубинемия, сарғаю, гипоальбуминемия немесе ацидоз, билирубин байланысуының бұзылуы болуы мүмкін жай-күйлер болғанда;*
б) егер оларға, цефтриаксонның кальций тұздары преципитаттарының түзілу қаупіне орай, кальций немесе құрамында кальций бар ерітінділерді вена ішіне енгізу талап етілсе (немесе қажет болса).
Цефтриаксон билирубинді оның сарысулық альбуминмен байланысынан ығыстырып шығаруы мүмкін, бұл осы пациенттерде билирубиндік энцефалопатия қаупін арттырады.
Құрамында лидокаин бар цефтриаксон ерітінділерін вена ішіне енгізуге болмайды!
Қолдану кезіндегі қажетті сақтық шаралары
Лидокаинді еріткіш ретінде пайдаланған кезде алынған Цефтриаксон ерітіндісін көктамыр ішіне енгізу қолдануға болмайды!
Басқа дәрілік препараттармен өзара әрекеттесуі
Рингер ерітіндісі немесе Хартман ерітіндісі сияқты құрамында кальций бар еріткіштерді, шөгінді түзілуі мүмкін екендіктен, ампулалар ішіндегісін еріту үшін пайдалануға болмайды. Егер цефтриаксон бір ғана вена ішіне енгізу жүйесінде құрамында кальций бар ерітіндімен араластырылса, цефтриаксон-кальций шөгінділері түзілуі мүмкін. Цефтриаксонды Y ұштығы арқылы парентеральді қоректендіру сияқты құрамында кальций бар үздіксіз инфузияларды қоса, құрамында кальций бар венаішілік ерітінділермен бір мезгілде енгізуге болмайды. Алайда, жаңа туған нәрестелерден басқа пациенттерге, егер инфузиялық жүйелер тиісті сұйықтықтармен инфузиялар арасында мұқият жуылып-шайылса, цефтриаксон мен құрамында кальций бар ерітінділерді бірінен соң бірін бірізді енгізуге болады. Іn vitro зерттеуінде ересектер плазмалары мен кіндік қанынан алынған жаңа туған нәрестелер плазмалары жаңа туған нәрестелерде цефтриаксон-кальций шөгу қаупінің жоғарылауы байқалатынын көрсетті. Демек, цефтриаксон мен құрамында кальций бар ерітінділер араластырылмауы немесе бір мезгілде енгізілмеуі тиіс.
Ішуге арналған антикоагулянттармен бір мезгілде қолдану K анти-дәрумені әсерін және қан кету қаупін арттыруы мүмкін. Цефтриаксонмен емделу кезінде де, одан кейін де тиісті үлгіде түзетілген K анти-дәрумені препараттарының дозалануын және Халықаралық қалыптасқан қатынасты (INR) жиі бақылау ұсынылады. Олар цефалоспориндермен пайдаланылғанда, аминогликозидтердің бүйректік уыттылығының ықтималды артуына қатысты қарама-қайшы деректер бар. Ондай жағдайларда клиникалық практикада аминогликозидтерге (және бүйрек функциясына) ұсынылатын мониторинг деңгейін қатаң ұстану керек.
Хлорамфеникол мен цефтриаксонды біріктіру кезіндегі антагонистік әсерлер туралы деректер бар. Осы қорытындының клиникалық мәні белгісіз.
Цефтриаксон мен ішуге арналған құрамында кальций бар препараттар арасындағы өзара әрекеттесу немесе бұлшықетішілік цефтриаксон мен құрамында кальций бар препараттар (венаішілік немесе ішуге арналған) арасындағы өзара әрекеттесу туралы ешқандай хабарламалар болмаған.
Цефтриаксон қабылдаған пациенттерде Кумбс тестісі жалған оң нәтижелерге әкелуі мүмкін.
Цефтриаксон, басқа антибиотиктер сияқты, галактоземияға жалған оң тест нәтижелерін туындатуы мүмкін.
Осыған ұқсас, несептегі глюкозаны анықтайтын ферментативті емес әдістер жалған оң нәтижелер беруі мүмкін. Сондықтан цефтриаксонмен ем кезінде несептегі глюкоза деңгейін анықтауды ферментативті әдіспен жүргізген жөн.
Цефтриаксонның үлкен дозалары мен күшті әсер ететін диуретиктерді (мысалы, фуросемид) бір мезгілде қолданудан кейін бүйрек функциясының нашарлауы байқалмаған.
Пробенецидті бір мезгілде енгізу цефтриаксон элиминациясын төмендетпейді.
Үйлеспеушілігі
Әдеби көздерден табылған хабарламаларға сәйкес, цефтриаксон амсакринмен, ванкомицинмен, флуконазолмен, аминогликозидтермен және лабеталолмен үйлесімсіз.
Арнайы сақтандырулар
Аллергиялық реакциялар
Бактерияға қарсы барлық бета-лактамды дәрілер жағдайындағы сияқты, күрделі және кейде өліммен аяқталатын аса жоғары сезімталдық реакциялары хабарланған. Ауыр аса жоғары сезімталдық реакциялары жағдайында цефтриаксонмен емдеу дереу тоқтатылып, талапқа сай төтенше шаралар қабылдануы тиіс. Емдеуді бастар алдында пациент анамнезінде цефтриаксонға, басқа цефалоспориндерге немесе бета-лактамды агенттердің кез келген басқа типіне аса жоғары сезімталдықтың ауыр реакцияларының бар-жоғын анықтау керек. Егер цефтриаксон анамнезінде басқа бета-лактамды дәрілерге ауыр емес аса жоғары сезімталдығы бар пациенттерге тағайындалса, оны абайлап қолдану керек.
Терінің ауыр жағымсыз реакциялары (Стивенс-Джонсон синдромы немесе Лайелл синдромы/уытты эпидермалық некролиз) тіркелген. Дегенмен де, осы жағдайлардың жиілігі белгісіз.
Құрамында кальций бар препараттармен өзара әрекеттесуі
Шала туған және толық мерзіміне жетіп туылған 1 айдан аз жастағы жаңа туған нәрестелерде өкпесі мен бүйрегіне кальций-цефтриаксон шөгуі бар өлімге әкелген реакциялар жағдайлары сипатталған. Олардың, кем дегенде, біреуі әртүрлі уақытта және әр алуан тамшылатқыш арқылы цефтриаксон мен кальций қабылдаған. Қолда бар ғылыми деректер бойынша, цефтриаксон мен құрамында кальций бар ерітінділер немесе кез келген басқа құрамында кальций бар препараттар қабылдаған жаңа туған нәрестелерден өзге науқастарда расталған тамырдан тыс преципитаттар туралы хабарламалар жоқ.
Басқа жас топтарымен салыстырғанда, жаңа туған нәрестелерде цефтриаксон-кальцийдің жоғары шөгу қаупі болатыны туралы деректер бар.
Кез келген жастағы пациенттерде цефтриаксонды тіпті әртүрлі инфузиялық жүйелер көмегімен немесе әртүрлі инфузия орындарында кез келген құрамында кальций бар венаішілік ерітінділермен араластыруға немесе бір мезгілде енгізуге болмайды. Алайда, 28-күндік жастан асқан жаңа туған нәрестелерде, егер инфузиялық жүйелер әртүрлі бөліктерде пайдаланылса немесе егер инфузиялық жүйелер алмастырылса немесе шөгуді болдырмау үшін инфузиялар арасында физиологиялық тұз ерітіндісімен жуылса, цефтриаксон мен құрамында кальций бар ерітінділерді бірінен соң бірін бірізді енгізуге болады.
Балалар
Жаңа туған нәрестелерде, сәбилер мен балаларда Абитракс қауіпсіздігі мен тиімділігіне «Қолдану тәсілі және дозалары» бөлімінде сипатталған дозаларымен жетуге болады. Цефтриаксонның, кейбір басқа цефалоспориндер сияқты, билирубинді сарысулық альбуминнен ығыстыру мүмкіндігі туралы деректер бар.
Абитракс билирубин энцефалопатиясының даму қаупі бар шала туған және мерзіміне жетіп туылған жаңа туған нәрестелерге қарсы көрсетілімді.
Иммунитетке байланысты гемолиздік анемия
Иммунитетке байланысты гемолиздік анемия, Абитраксты қоса, цефалоспориндер класының бактерияға қарсы препараттарын қабылдайтын пациенттерде байқалады. Ересектер мен балаларды цефтриаксонмен емдегенде гемолиздік анемияның, соның ішінде өліммен аяқталатын ауыр жағдайлары тіркелген.
Егер пациентте цефтриаксон қолдану кезінде анемия дамыса, цефалоспориннен болатын анемия диагнозын қарастырып, этиологиясы анықталғанша цефтриаксон қолдануды тоқтату керек.
Ұзақ уақыт емдеу
Ұзақ уақыт емдегенде жүйелі уақыт аралықтары өткенде толық қан талдауын жасау керек.
Колит / Сезімтал емес микроорганизмдердің шектен тыс өсуі
Антибиотикпен астасқан колит және жалған жарғақшалы колит, цефтриаксонды қоса, барлық дерлік антибиотиктер жағдайында тіркеліп, ауырлығы бойынша жеңілден өмірге қатерлі түріне дейін өзгеріп отыруы мүмкін. Сондықтан цефтриаксон енгізу кезінде немесе одан кейін диареясы бар науқастарда осы диагнозды қарастыру маңызды. Цефтриаксонмен емдеуді тоқтатуды қарастырып, спецификалық Clostridium difficile емін бастау керек.
Перистальтиканы бәсеңдететін дәрілік препараттарды беруге болмайды. Бактерияға қарсы басқа дәрілермен болған жағдайдағы сияқты, сезімтал емес микроорганизмдердің асқын инфекциясы туындауы мүмкін.
Ауыр бүйрек және бауыр жеткіліксіздігі
Ауыр бүйрек және бауыр жеткіліксіздігінде қауіпсіздігі мен тиімділігіне қатаң клиникалық бақылау ұсынылады.
Серологиялық зерттеуге әсері
Абитракс сынақтардың жалған оң нәтижелеріне әкелуі мүмкін екендіктен, Кумбс тестілеріне әсер етуі орын алуы мүмкін. Абитракс галактоземияға тестілердің жалған оң реакциясына да әкелуі мүмкін.
Несептегі глюкозаны анықтаудың ферментативтік емес әдістері жалған оң нәтижелер беруі мүмкін. Абитракспен ем кезінде несептегі глюкозаны анықтау ферментативті жүргізілуі тиіс.
Натрий
Абитракс құрамында натрий тұзы бар. Ол натрий бақыланатын диетадағы пациенттерде ескерілу керек.
Бактерияға қарсы ауқымы
Цефтриаксонның бактерияға қарсы белсенділік ауқымы шектеулі, ал егер қоздырғыш расталмаған болса ғана, инфекциялардың кейбір түрлерін емдеу үшін бірден-бір дәрі ретінде пайдалануға жарамсыз. Цефтриаксонға төзімді организмдерді қоса, ауру тудыратын микроорганизмдер болуы күдікті полимикробты инфекцияларда қосымша антибиотик енгізу мәселесін қарастыру керек.
Лидокаин пайдалану
Егер лидокаин ерітіндісі еріткіш ретінде пайдаланылған жағдайда цефтриаксон ерітіндісі тек бұлшықетішілік инъекцияларға пайдаланылуы тиіс. Қолданар алдында лидокаин қолдануға қарсы көрсетілімдермен, сақтандырулармен және лидокаин дәрілік препаратының қысқаша сипаттамасында баяндалған басқа тиісті ақпаратпен танысып шығу қажет. Лидокаин ерітіндісін ешқашан вена ішіне енгізуге болмайды.
Өт тастарының түзілуі
Сонограммаларда көлеңкелер байқалғанда цефтриаксон кальций преципитаттарының түзілу мүмкіндігін қарастыру керек. Өт қалтасында тас ретінде қате қабылданатын көлеңкелер өт қалтасының сонограммаларынан табылған және цефтриаксонның тәулігіне 1 г және одан жоғары дозаларында жиірек байқалған. Балаларға ерекше көңіл бөлу керек. Ондай преципитаттар цефтриаксонмен ем тоқтатылған соң жоғалады. Цефтриаксон кальций преципитаттарының орын алуы симптомдармен сирек байланысты болды. Симптоматикалық жағдайлардахирургиялық емес консервативтік ем ұсынылады, ал дәрігер пайда-қаупін спецификалық бағалау негізінде цефтриаксонмен емдеуді тоқтатуды қарастыру керек.
Билиарлы стаз
Цефтриаксон қабылдаған пациенттерде билиарлы-обструкциялық этиологияда болуы мүмкін панкреатит жағдайлары тіркелген. Оларда билиарлы стаз және билиарлы сладждың қауіп факторлары, мысалы, алдыңғы ауқымды ем, ауыр сипаттағы ауру және парентеральді қоректену болды. Билиарлы шөгумен байланысты цефтриаксон триггерлерін немесе кофакторларын жоққа шығаруға болмайды .
Бүйрек тастарының түзілуі
Цефтриаксон қабылдауды тоқтатудан кейін қайтымды болған бүйрек тастарының түзілу жағдайлары хабарланған. Симптоматикалық жағдайлардасонография өткізу керек. Анамнезінде бүйрек тастарының түзілуі немесе гиперкальциурия бар пациенттерде пайдалануды дәрігер пайда-қаупін спецификалық бағалау негізінде қарастыруы тиіс.
Яриш-Герксгеймер реакциясы (JHR)
Цефтриаксонмен емделуден кейін спирохеталар туғызған инфекциясы бар кейбір пациенттерде Яриш-Герксгеймер (JHR) реакциясы туындауы мүмкін. Реакция әдетте өз бетінше өтеді немесе оны симптоматикалық емдеумен басуға болады. Реакция туындаған жағдайда антибиотиктермен емдеуді тоқтатуға болмайды.
Фертильділік
Ұрпақ өрбіту зерттеулері ерлер мен әйелдер фертильдігіне ешбір жайсыз әсер ету белгілерін көрсетпеген.
Жүктілік және лактация кезеңі
Цефтриаксон плацентарлық бөгет арқылы өтеді. Жүкті әйелдерде цефтриаксон пайдалану деректерінің саны шектеулі.
Цефтриаксонның эмбрион дамуына/шарана дамуына, перинатальді және постнатальді дамуға тікелей немесе жанама зиянды әсер етуін көрсетпейтіні туралы деректер бар.
Цефтриаксонды жүктілік кезінде, әсіресе, жүктіліктің бірінші триместрінде пайда/қауіп қатынасын бағалаудан кейін тағайындауға болады.
Цефтриаксон төмен концентрацияларда емшек сүтіне бөлінеді, бірақ цефтриаксонның емдік дозаларында бала емізуге әсер етуі күтілмейді. Дегенмен де, диарея мен шырышты қабықтардың зеңді инфекциясының қаупін жоққа шығаруға болмайды. Сәбиде сенсибилизация болуы мүмкін екенін ескеру керек. Бала емізу кезінде, сәби үшін емшек емудің артықшылығын және әйел үшін емнің пайдасын ескеріп, емшекпен қоректендіруді тоқтату немесе цефтриаксонмен емді тоқтату/бас тарту шешімін қабылдау керек.
Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Цефтриаксонмен емделу кезінде көлік құралдарын және механизмдерді басқару қабілетіне ықпал ететін жағымсыз әсерлер (мысалы, бас айналу) туындауы мүмкін. Пациенттер автокөлік басқару немесе механизмдерді пайдалану кезінде сақ болуы тиіс.
Қолдану жөніндегі нұсқаулар
Қолдану тәсілі және дозалары
Доза инфекцияның типіне, орналасуы мен ауырлығына, қоздырғыштың сезімталдығына, пациенттің жасына және оның бауыр мен бүйрек функциясының жағдайына байланысты.
Төменде берілген кестелерде көрсетілген дозалар осы көрсетілімдерде қолдануға ұсынылатын дозалар болып табылады. Ерекше ауыр жағдайларда атап көрсетілген диапазондарда ең жоғары дозаларды тағайындаудың мақсатқа сай болуын қарастыру керек.
Ересектер және 12 жастан асқан балалар (дене салмағы ≥ 50 кг)
| Доза* | Қолдану жиілігі** | Көрсетілімдер |
| 1-2 г | тәулігіне 1 рет | - Ауруханадан тыс пневмония - Ересектердегі созылмалы обструкциялық өкпе ауруларының өршуі - Құрсақ қуысының инфекциялары - Несеп шығару жолдарының асқынған инфекциялары (пиелонефритті қоса) |
| 2 г | тәулігіне 1 рет |
- Жұмсақ тіндердің және терінің асқынған инфекциялары - Сүйектер мен буындардың инфекциялары |
| 2-4 г | күніне 1 рет | - Бактериялық инфекция туғызған нейтропениясы мен қызбасы бар пациенттерге - Бактериялық эндокардит - Бактериялық менингит |
*Анықталған бактериемияда берілген диапазоннан аса жоғары дозалары қарастырылады.
**Препарат тәулігіне 2 г-ден көп дозада тағайындалғанда препаратты күніне 2 рет (12 сағат аралықпен) қолдану мүмкіндігі қарастырылады.
Препаратты енгізудің арнаулы режимін талап ететін ересектер мен 12 жастан үлкен балалар (≥50 кг) үшін көрсетілімдер:
Жедел ортаңғы отит
Әдетте, препаратты 1-2 г дозада бір рет бұлшықет ішіне енгізу жеткілікті.
Шектеулі деректер ауыр жағдайларда немесе алдыңғы емнің әсері болмағанда 3 күн бойы цефтриаксонды тәулігіне 1-2 г дозада бұлшықет ішіне енгізу тиімді болуы мүмкін екенін айғақтайды.
Операция алдындағы хирургиялық инфекциялар профилактикасы
Операция алдында 2 г дозада бір рет енгізу.
Соз
Бұлшықет ішіне бір рет 500 мг дозада енгізу.
Мерез
Күніне бір рет ұсынылатын 500 мг (0.5 г) немесе 1 г дозаларын нейромерез кезінде күніне бір рет 2 г дейін арттырады, емдеу ұзақтығы 10-14 күн. Мерез, соның ішінде нейромерез кезінде дозалануы туралы нұсқаулар шектеулі деректерге негізделген. Ұлттық және жергілікті нұсқауларды жетекшілікке алу қажет.
Лайм ауруы (диссеминацияланған Лайм-боррелиоз ерте (П) және кешеуілді (III) сатысы)
14-21 күн бойы тәулігіне бір рет 2 г дозада қолдану. Ұсынылатын емдеу ұзақтығы өзгеріске түседі. Ұлттық және жергілікті нұсқауларды жетекшілікке алу қажет.
Балаларда қолдану
15 күннен 12 жасқа дейінгі жаңа туған нәрестелер, сәбилер және балалар (<50 кг)
Дене салмағы 50 кг немесе одан көп балалар үшін ересектердегі әдеттегі дозасы қолданылуы тиіс.
| Доза* | Қолдану жиілігі** | Көрсетілімдер |
| 50-80 мг/кг дене салмағына | тәулігіне 1 рет | |
| 50-100 мг/кг дене салмағына (ең жоғары доза - 4 г) | тәулігіне 1 рет | туғызған нейтропениясы мен қызбасы бар пациенттерге |
| 80-100 мг/кг дене салмағына (ең жоғары доза - 4 г) | тәулігіне 1 рет | - Бактериялық менингит |
| 100 мг/кг дене салмағына (ең жоғары доза - 4 г) | тәулігіне 1 рет | - Бактериялық эндокардит |
*Анықталған бактериемияда берілген диапазоннан ең жоғары дозалар қарастырылады.
**Тәулігіне 2 г-ден көп дозалар тағайындалғанда препаратты күніне 2 рет (12 сағат аралықпен) қолдану мүмкіндігі қарастырылады.
15 күннен 12 жасқа дейінгі жаңа туған нәрестелерге, сәбилерге және балаларға (<50 кг) препаратты енгізудің арнаулы режимін талап ететін көрсетілімдер:
Жедел ортаңғы отит
Препаратты, әдетте, дене салмағына 50 мг/кг дозада бір рет бұлшықет ішіне енгізу жеткілікті.
Шектеулі деректер ауыр жағдайларда немесе алдыңғы ем әсері болмағанда 3 күн бойы цефтриаксонды тәулігіне 50 мг/кг дозада бұлшықет ішіне енгізу тиімді болуы мүмкін екенін айғақтайды.
Операция алдындағы хирургиялық инфекциялар профилактикасы
Операция алдында дене салмағына 50-80 мг/кг дозада бір рет енгізу.
Мерез
Ұсынылатын дозалары - тәулігіне бір рет дене салмағына 75-100 мг/кг (ең жоғары 4 г), емдеу ұзақтығы 10-14 күн. Мерез, соның ішінде нейромерез кезінде дозалануы туралы нұсқаулар шектеулі деректерге негізделген. Ұлттық және жергілікті нұсқауларға назар аудару қажет.
Лайм ауруы (диссеминацияланған Лайм-боррелиоз ерте (П) және кешеуілді (III) сатысы)
14-21 күн бойы тәулігіне бір рет дене салмағына 50-80 мг/кг дозада қолдану.
Ұсынылатын емдеу ұзақтығы өзгеріп отырады. Ұлттық және жергілікті нұсқауларды жетекшілікке алу қажет.
0-14 күндік жастағы жаңа туған нәрестелер
Цефтриаксон 41 аптаға дейінгі жастағы шала туған нәрестелерге (гестациялық жас + хронологиялық жас) қарсы көрсетілімді.
| Дозасы* | Қолдану жиілігі | Көрсетілімдері |
| Дене салмағына 20-50 мг/кг | тәулігіне 1 рет | |
| Дене салмағына 50 мг/кг | тәулігіне 1 рет | - Бактериялық менингит - Бактериялық эндокардит |
*Анықталған бактериемияда берілген диапазоннан ең жоғары дозалар қарастырылады. Дене салмағына 50 мг/кг ең жоғары тәуліктік дозасынан асырмау керек.
Препаратты енгізудің арнаулы режимін талап ететін 0-14 күндік жастағы жаңа туған нәрестелер үшін көрсетілімдер:
Жедел ортаңғы отит
Препаратты, әдетте, дене салмағына 50 мг/кг дозада бұлшықет ішіне бір рет енгізу жеткілікті.
Операция алдындағы хирургиялық инфекциялар профилактикасы.
Операция алдында дене салмағына 20-50 мг/кг дозада бір рет енгізу.
Мерез
Ұсынылатын доза - тәулігіне бір рет дене салмағына 50 мг/кг, емдеу ұзақтығы 10-14 күн. Мерез, соның ішінде нейромерез кезінде дозалануы туралы нұсқаулар шектеулі деректерге негізделген. Ұлттық және жергілікті нұсқауларды жетекшілікке алу қажет.
Ерекше топтағы науқастар
Егде жастағы тұлғаларда қолдану
Бүйрек және бауыр қалыпты жұмыс істеп тұрған жағдайда егде жастағы пациенттерде дозаны түзету қажет емес.
Бауыр функциясының бұзылуы бар пациенттерде қолдану
Қолда бар деректер бүйрек функциясы қалыпты жағдайда бауыр функциясының жеңіл немесе орташа бұзылуында цефтриаксон дозасын түзету қажеттілігін көрсетпейді. Бауыр жеткіліксіздігі ауыр пациенттерде препаратты қолдану жөнінде зерттеулер жүргізілмеген.
Бүйрек функциясының бұзылуы бар пациенттерде қолдану
Қолда бар деректер бауыр функциясы бұзылмаған жағдайда бүйрек функциясының бұзылулары бар пациенттерде цефтриаксон дозасын түзету қажеттілігін көрсетпейді. Терминалдық бүйрек жеткіліксіздігі (креатинин клиренсі <10 мл/мин) алдындағы жағдайларда цефтриаксон дозасы тәулігіне 2 г-ден аспауы тиіс. Диализде жүрген пациенттерде емшарадан кейін препаратты қосымша енгізу қажет емес. Цефтриаксон перитонеальді гемодиализ арқылы шығарылмайды. Препараттың қауіпсіздігі мен тиімділігіне клиникалық бақылау қажет.
Ауыр бүйрек және бауыр жеткіліксіздігі біріккенде плазмада цефтриаксон концентрациясын жүйелі анықтап, қажет болса, оның дозасын түзету ұсынылады.
Қоладану тәсілі мен жолы
Ерітіндіні дайындаған соң бірден пайдалану қажет.
Бұлшықетішілік инъекция үшін: лидокаиннің 2 мл 1% ерітіндісінде 500 мг ерітіліп, барынша аумақты бұлшықетке (бөксе) терең енгізіледі.
Бір ғана бұлшықетке 1 г-ден асырмай енгізу ұсынылады.
Лидокаинді 15 жасқа дейінгі балаларға «Цефтриаксон» халықаралық патенттелмеген атауы бар препараттар үшін еріткіш ретінде пайдалануға рұқсат етілмейді.
2 г-ден асып кететін дозалар үшін вена ішіне енгізу тәсілін пайдалану керек.
Лидокаин еріткіш ретінде пайдаланылғанда алынған цефтриаксон ерітіндісін вена ішіне енгізу қарсы көрсетілімді!
Лидокаинді еріткіш ретінде 15 жастан үлкен тұлғаларда пайдаланғанда лидокаинге тері ішіне аллергиялық сынама өткізу ұсынылады.
Лидокаинді еріткіш ретінде пайдаланғанда ерітіндіні енгізер алдында пациенттегі лидокаин қолдануға қарсы көрсетілімдерді жоққа шығарып (лидокаин қолдану жөніндегі нұсқаулықты қараңыз), сонымен қатар анамнездегі лидокаинге аллергиялық реакцияны ескеру керек.
Абитракс препаратының ерітінділерін үйлеспеушілігі болуы мүмкін екендіктен құрамында микробқа қарсы басқа препараттар немесе басқа еріткіштер бар ерітінділерге араластыруға немесе қосуға болмайды.
Операция алдындағы хирургиялық инфекциялар профилактикасында цефтриаксон операциядан 30-90 минут бұрын енгізілу керек.
Емдеу ұзақтығы
Терапияның ұзақтығы аурудың ағымына байланысты. Цефтриаксонды қолдануды пациент денесінің температурасы қалпына келтірілгеннен немесе қоздырғыштың эрадикациясы расталғаннан кейін 48-72 сағат бойы жалғастыру керек.
Артық дозалану жағдайында қабылдау қажет шаралар
Симптомдары: жағымсыз әсерлері көріністерінің күшеюі (жүрек айну, құсу, іш өту)
Емі: гемодиализ және перитонеальді диализ препарат концентрацияларын төмендетпейді. Арнайы антидоты жоқ. Емі – симптоматикалық.
Дәрілік препаратты қолдану тәсілін түсіндіру үшін медицина қызметкерінің кеңесіне жүгіну жөніндегі нұсқаулар
Бұл дәрі-дәрмекті әрдайым дәрігердің ұсынысы бойынша қолданыңыз. Егер күмәндансаңыз, дәрігермен кеңесіңіз.
ДП стандартты қолдану кезінде көрініс беретін жағымсыз реакциялар сипаттамасы және осы жағдайда қабылдауы керек шаралар
Жиі:
- эозинофилия, лейкопения, тромбоцитопения
- диарея, сұйық орындық
- бауыр энзимдерінің ұлғаюы
- бөртпе
Жиі емес:
- генитальды саңырауқұлақ жұқпасы
- гранулоцитопения, анемия, коагулопатия
- бас ауруы, бас айналуы
- жүректің айнуы, құсу
- қышу
- флебит, инъекция орнындағы ауырсыну, қызба
- қандағы креатининнің ұлғаюы
Сирек:
- жалған мембранозды колит
- бронхоспазм
- есекжем
- гематурия, глюкозурия
- ісіну, қалтырау
Белгісіз:
- суперинфекция
- гемолитикалық анемия, агранулоцитоз
- анафилактикалық шок, анафилактикалық реакциялар, жоғары сезімталдық
- конвульсиялар, бас айналу
- панкреатит, стоматит, глоссит
- өт қабындағы шөгінділер, сарғаю
- Стивенс Джонсон синдромы, уытты эпидермальді некролиз, мультиформды эритема, жедел генерализденген экзантематозды пустулез,
- эозинофилиямен және жүйелік симптомдармен дәрілік реакция (DRESS-синдромы),
- Яриш-Герксгеймер (JНR) реакциясы
- олигурия,
- бүйрек шөгінділері (қайтымды)
- Кумбстың жалған оң реакциясы, галактоземияға тесттің жалған оң нәтижесі, жалғанпозитивті глюкозаны анықтаудыңферментативті емес әдістері
Күтілетін дәрілік реакциялар туындағанда медициналық қызметкерге, фармацевтикалық қызметкерге немесе, ДП тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласуға кеңес беріледі
Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитеті «Дәрілік заттар мен медициналық бұйымдарды сараптау ұлттық орталығы»
ШЖҚ РМК
Қосымша ақпараттар
Дәрілік препарат құрамы
Бір құтының құрамында
белсенді зат – 596.5 мг натрий цефтриаксоны (500 мг цефтриаксонға баламалы).
Еріткіші бар бір ампула ішінде 1% лидокаин гидрохлориді ерітіндісі бар.
Сыртқы түрінің, иісінің, дәмінің сипаттамасы
Ақтан сары түске дейінгі сәл гигроскопиялы кристалды ұнтақ.
Еріткіш – мөлдір, түссіз ерітінді.
Шығарылу түрі және қаптамасы
500 мг препараттан резеңке тығынмен тығындалған және көгілдір түсті flip-off типті алюминий қалпақшамен қаусырылған түссіз шыны құтыларда. 2 мл еріткіштен (1% лидокаин гидрохлориді ерітіндісі) түссіз шыны ампулаларға құйылады.
Медициналық қолдану жөніндегі мемлекеттік және орыс тілдеріндегі нұсқаулықпен бірге 1 құтыдан және еріткіші бар 1 ампуладан картон қорапқа салынады.
Сақтау мерзімі
3 жыл
Жарамдылық мерзімі өткеннен кейін қолдануға болмайды.
Сақтау шарттары
Құрғақ, жарықтан қорғалған жерде, 25°С-ден аспайтын температурада сақтау керек.
Балалардың қолы жетпейтін жерде сақтау керек!
Дәріханалардан босатылу шарттары
Рецепт арқылы
Өндіруші туралы мәліметтер
LABORATORIO FARMACEUTICO C.T. S.R.L., Италия
Via Dante Alighieri 71-18038, Sanremo
Тел: +390184504507
Электрондық пошта: info@labct.it
Тіркеу куәлігінің ұстаушысы
ABC FARMACEUTICI S.р.A., Италия
Corso Vittorio Emanuele II, 72 10121 Turin, Италия
Тел: (+39) 0125 240 172
Электрондық пошта: info@abcfarmaceutici.it
Қазақстан Республикасы аумағында тұтынушылардан дәрілік заттар сапасына қатысты шағымдар (ұсыныстар)қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)
«EL сompany (ЕЛ компани)» ЖШС
Алматы қ., 050022, Масанчи к-сі, 98а, 41 кеңсе
Тел.: 8 (727) 2922630, 2922665, 8 (727) 2922637
