Ампициллин 0,5 г, фл.
Рецепт бойынша
Тауарлардың көрінісі фотосуретте көрсетілгеннен өзгеше болуы мүмкін

Ампициллин 0,5 г, фл.

Қолжетімділігі
Тауар қолда жоқ
Үлгі
4602509000053
Елі
Россия
Өндіруші
Биохимик ОАО
  • Сипаттама

Сипаттама

Дәрілік затты медициналық қолдану

жөніндегі нұсқаулық

АМПИЦИЛЛИН

Саудалық атауы

Ампициллин

Халықаралық патенттелмеген атауы

Ампициллин

Дәрілік түрі

Бұлшықет ішіне енгізу үшін ерітінді дайындауға арналған ұнтақ

Құрамы

Бір құтының ішінде:

белсенді зат – натрий ампициллині

(ампициллинге шаққанда) - 500 мг

Сипаттамасы

Ақ немесе ақ дерлік ұнтақ. Гигроскопиялы.

Фармакотерапиялық тобы

Жүйелі қолдануға арналған микробқа қарсы препараттар. Жүйелі қолдануға арналған бактерияға қарсы препараттар. Бактерияға қарсы бета-лактамды препараттар. Кең ауқымды әсер ететін пенициллиндер. Ампициллин

АТХкоды J01CA01

Фармакологиялық қасиеттері

Фармакокинетикасы

Организмнің ағзалары мен тіндерінде біркелкі таралады, емдік концентрацияларында плевральді, перитонеальді, амнионның және синовиальді сұйықтықтарда, ликворда, күлдіреуік ішіндегі затта, несепте (жоғары концентрациялар), ішектің шырышты қабығында, сүйектерде, өт қалтасында, өкпеде, әйелдің жыныс ағзаларының тіндерінде, өтте, бронх сөлінде (іріңді бронх сөлінде жиналуы әлсіз), мұрынның қосалқы қуыстарында, ортаңғы құлақтың сұйықтығында, сілекейде, шарана тіндерінде болады. Гематоэнцефалдық бөгет арқылы нашар өтеді (өткізгіштігі ми қабықтары қабынған кезде артады). Көбінесе бүйрекпен (70-80%) шығарылады, несепте өзгермеген антибиотиктің өте жоғары концентрациялары түзіледі; ішінара өтпен, бала емізетін аналарда – сүтпен. Жинақталмайды. Гемодиализ кезінде шығарылады.

Фармакодинамикасы

Аминофенилсірке қышқылының қалдығымен 6-аминопенициллан қышқылының ацетилденуі арқылы алынатын жартылай синтетикалық пенициллиндер тобындағы бактерияға қарсы бактерицидті дәрі, қышқылға төзімді. Пептогликан полимеразасын және транспептидазаны тежейді, пептидтік байланыстардың түзілуін кедергілейді және бөлінетін микроорганизмнің жасушалық қабырға синтезінің кейінгі сатыларын бұзады, бұл бактериялық жасушаның осмостық төзімділігін төмендетеді және оның лизисін тудырады.

Грамоң (Streptococcus (альфа және бета-гемолиздік) Streptococcus pneumoniae, Staphylococcus spp., Bacillus anthracis, Clostridium spp., энтерококктардың көпшілігі, соның ішінде Enterococcus faeсalis) және грамтеріс (Haemophilus influenzae, Neisseria meningitidis, Proteus mirabilis, Pasteurella multocida, Salmonella spp., Shigella spp., Escherichia coli көптеген түрлері) микроорганизмдерге, аэробтық спора түзбейтін бактерияларға (Listeria spp. ) қатысты белсенді.

Пенициллиназа өндіретін Staphylococcus spp. штаммдарына, Pseudomonas aeruginoza барлық штаммдарына, Klebsiella spp. және Enterobacter spp. штаммдарының көпшілігіне қатысты тиімсіз.

Қолданылуы

  • тыныс алу жолдарының инфекциялары: пневмония, созылмалы
  • өт шығару жолдарының инфекциялары: холецистит, холангит
  • несеп шығару жолдарының инфекциялары: пиелит, пиелонефрит,
  • асқазан-ішек жолының инфекциялары: іш сүзегі, сальмонеллез
  • терінің және жұмсақ тіндердің инфекциялары (тілме, екінші қайтара жұқтырылған дерматоздар), пастереллез, листериоз
  • сепсис, сепсистік эндокардит (профилактика және емдеу)

бронхит, өкпе абсцесі

цистит

  • менингит
  • антибиотик әсеріне сезімтал микроорганизмдер туындатқан басқа аурулар.

Қолдану тәсілі және дозалары

Ампициллин тағайындар алдында ауру қоздырғышының препаратқа сезімталдығын айқындау керек.

Ампициллин бұлшықет ішіне (б/і) енгізіледі. Бұлшықет ішіне енгізуге арналған ерітіндіні құтының ішіндегісін (1,0 г) 4 мл инъекцияға арналған суға қосып, ex tempore дайындайды.

Ерітінділер дайындалғаннан кейін бірден пайдаланылады.

Ересектерге арналған препараттың бір реттік дозасы 0,5 – 1,0 г, тәуліктік–1 – 3 г құрайды; ауыр инфекциялар кезінде тәуліктік дозаны 10 г дейін және одан көп арттыруға болады.

Орташа ауыр өтетін инфекциялар кезінде ересектерге әр 6 – 8 сағат сайын 0,25 – 0,5 г б/і енгізеді, ауыр ағымды инфекциялар кезінде –тәулігіне 4 рет – 1 – 2 г.

Бактериялық менингит пен сепсисті емдеуге арналған препараттың тәуліктік дозасы 3 – 4 сағат аралықпен 6 – 8 б/і енгізуге бөлінетін 150-200 мг/кг құрайды. Ауыр инфекциялар кезіндегі ең жоғары тәуліктік доза – 8-14 г.

Стоматологиялық, эндоскопиялық араласуларға, ЛОР-мүшелерге жасалатын «кіші» операцияларға, сондай-ақ асқазан-ішек жолының немесе өт шығару жолдарының ағзаларына жасалатын операцияларға ұшырайтын жоғары қауіп тобындағы науқастарда бактериялық эндокардиттің профилактикасы үшін – емшараға немесе операцияға дейін 30 минут бұрын б/і 2 г; қажет болса, 6 сағаттан соң қайталап 1 г доза енгізеді.

Листериоз – әр 6 сағат сайын 50 мг/кг.

Сүзектік қызба – әр 6 сағат сайын 25 мг/кг.

Инфекциялар ағымы ауыр болмаған кезде балаларға препаратты суспензия түрінде тағайындаған дұрыс.

Балалардағы ауыр және орташа ауыр инфекцияларда енгізеді:

- дене салмағы 1,2–2 кг 1 айдан асқан нәрестелерге әр 8 сағат сайын 25 – 50 мг/кг,дене салмағы 2 кг-ден көптерге – әр 6 сағат сайын 25 – 50 мг/кг енгізеді.

- 2 айлықтан 1 жасқа дейін – тәулігіне 100 мг/кг; 1-7 жастағыларға – тәулігіне – 100–150 мг/кг; 7 – 14 жастағыларға – тәулігіне 100–200 мг/кг есебінен. Тәуліктік дозаны 4 – 6 енгізуге бөледі.

Менингит кезіндегі тәуліктік дозасы – 6-8 енгізілетін 100–200 мг/кг.

Емдеу ұзақтығы аурудың ауырлығына, ауру ағымының динамикасына байланысты болады және емдеуші дәрігер белгілейді (5 – 10 күн және одан көп).

Жағымсыз әсерлері

- терінің түлеуі, қышыну, есекжем

- ринит

- конъюнктивит

- Квинке ісінуі

сирек

- қызба, артралгия

- эозинофилия

- эритематозды және макулопапулезді бөртпе, эксфолиативті дерматит, мультиформалы экссудаттық эритема (соның ішінде Стивенс-Джонсон синдромы)

- сарысу құю ауруына ұқсас реакциялар

өте сирек

- анафилаксиялық шок

- стоматит, глоссит

- гастрит, ауыздың құрғауы, дәм сезудің өзгеруі, іштің ауыруы, құсу, жүрек айну, диарея, жалған жарғақшалы колит

- бауыр функциясының бұзылуы, «бауыр» трансаминазалары белсенділігінің орташа жоғарылауы

- лейкопения, нейтропения, тромбоцитопения, агранулоцитоз, анемия

- қозу немесе озбырлану, үрейлену, сананың шатасуы, мінез-құлықтың өзгеруі, депрессия, құрысулар (жоғары дозалармен емдегенде)

- бас ауыру

- енгізген жердегі ауыру, б/і енгізу кезіндегі инфильтраттар

- интерстициальді нефрит, нефропатия

- асқын инфекция (әсіресе, созылмалы аурулары бар немесе организмнің төзімділігі төмендеген пациенттерде)

- қынап кандидозы.

Қолдануға болмайтын жағдайлар

- аса жоғары сезімталдық (соның ішінде басқа пенициллиндерге, цефалоспориндерге, карбапенемдерге)

- инфекциялық мононуклеоз

- лимфолейкоз

- бауыр жеткіліксіздігі

- анамнездегі АІЖ аурулары (әсіресе, антибиотиктер қолданумен байланысты колит)

- лактация кезеңі

- сәбилік жас (1 айға дейін)

Сақтықпен:

- бронх демікпесі

- маусымдық аллергиялық ринит және басқа аллергиялық аурулар

- бүйрек жеткіліксіздігі

- анамнездегі қан кетулер

- жүктілік.

Дәрілермен өзара әрекеттесуі

Бактерицидті антибиотиктер (соның ішінде аминогликозидтер, цефалоспориндер, циклосерин, ванкомицин, рифампицин) - синергидтік; бактериостаздық препараттар (макролидтер, хлорамфеникол, линкозамидтер, тетрациклиндер, сульфаниламидтер) – антагонистік әсер көрсетеді.

Тікелей емес антикоагулянттардың тиімділігін арттырады (ішек микрофлорасын бәсеңдетумен К дәруменінің синтезін және протромбин индексін төмендетеді); құрамында эстроген бар ішу арқылы қабылданатын контрацептивтердің (контрацепцияның қосымша әдістерін пайдалану қажет), метаболизм үдерісінде парааминобензой қышқылы (ПАБҚ), этинилэстрадиол (соңғы жағдайда «құйылған» қан кетудің даму қаупін арттырады) түзілетін ДЗ тиімділігін азайтады.

Диуретиктер, аллопуринол, оксифенбутазон, фенилбутазон, қабынуға қарсы стероидты емес препараттар және өзекшелік сөліністі бөгейтін басқа да препараттар концентрациясын арттырады (өзекшелік сөліністің азаюы есебінен).

Аллопуринол тері бөртпесінің даму қаупін арттырады.

Метотрексат клиренсін азайтады және уыттылығын арттырады.

Дигоксиннің сіңуін күшейтеді.

Айрықша нұсқаулар

Курстық емдеу кезінде қан түзу ағзаларының, бауыр мен бүйректің қызмет атқару жай-күйіне бақылау жасау қажет.

Оған сезімтал емес микрофлораның өсуі есебінен асқын инфекцияның дамуы мүмкін, бұл бактерияға қарсы емді тиісінше өзгертуді талап етеді.

Бактериемиясы (сепсис) бар науқастарды емдегенде бактериолиз реакциясының (Яриш-Герксгеймер реакциясы) дамуы мүмкін.

Пенициллиндерге сезімталдығы жоғары пациенттерде цефалоспоринді антибиотиктермен айқаспалы аллергиялық реакциялар болуы мүмкін.

Курстық емдеу аясындағы жеңіл диареяны емдеу кезінде ішек перистальтикасын төмендететін диареяға қарсы препараттарды тағайындамаған дұрыс; құрамында каолин немесе аттапульгит бар диареяға қарсы дәрілерді пайдалануға болады. Ауыр диареяда түзететін ем қажет.

Емдеу аурудың клиникалық белгілері жоғалғаннан кейін тағы 48 – 72 сағат бойы міндетті түрде жалғастырылуы тиіс.

Құрамында эстроген бар ішу арқылы қабылданатын контрацептивтерді бір мезгілде қолданғанда, мүмкіндігінше, контрацепцияның басқа немесе қосымша әдістерін пайдалану қажет.

Жүктілік және лактация кезеңі

Жүктілік кезінде ампициллинді ана үшін пайдасы шаранаға төнетін ықтимал қатерден артық болатын жағдайда қолдануға болады.

Ампициллин төмен концентрацияларда емшек сүтімен бөлінеді. Лактация кезеңінде препарат қолдану қажет болғанда емшекпен қоректендіруді тоқтату туралы мәселені шешіп алған жөн.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Көлік құралын немесе қауіптілігі зор механизмдерді басқару кезінде сақтық шарасын қадағалау керек.

Артық дозалануы

Симптомдары: орталық жүйке жүйесіне уытты әсер ету көріністері (әсіресе, бүйрек жеткіліксіздігі бар науқастарда); жүрек айну, құсу, диарея, су-электролиттік теңгерімнің бұзылуы (құсу және диарея салдарынан).

Емі: су-электролиттік теңгерімді қолдауға арналған препараттар және симптоматикалық ем. Гемодиализ көмегімен шығарылады.

Шығарылу түрі және қаптамасы

500 мг белсенді заттан алюминий қалпақшалармен қаусырылған, резеңке тығындармен герметикалық тығындалған құтыларда.

50 құты препараттың медициналық қолдану жөніндегі мемлекеттік және орыс тіліндегі 5-10 нұсқаулығымен бірге картон қорапқа салынады (стационар үшін).

Сақтау шарттары

Құрғақ, жарықтан қорғалған жерде, 25 °С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

2 жыл

Қаптамасында көрсетілген жарамдылық мерзімі өткеннен кейін препаратты қолдануға болмайды.

Дәріханалардан босатылу шарттары

Рецепт арқылы

Өндіруші/қаптаушы ұйымның атауы және елі

«Биохимик» АҚ, Ресей Федерациясы, 430030, Саранск қ., Васенко к-сі, 15 А

Тел.: 8(8342) 38-03-68

Тіркеу куәлігі ұстаушысының атауы және елі

«ПРОМОМЕД РУС» ЖШҚ, Ресей Федерациясы

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электрондық пошта)

«Декалог» ЖШС

050050, Қазақстан Республикасы Алматы қ., Глазунов к-сі 41А-4

тел. 2944221, тел. 8 7017315218

E-mail: deсalog@nur.kz

(050050, Republic of Kazakhstan, Almaty, Glazunova str., 41A-4)

Tel. 2944221, Tel. 8 7017315218

E-mail: deсalog@nur.kz