Тауарлардың көрінісі фотосуретте көрсетілгеннен өзгеше болуы мүмкін

Анти-ангин формула 25 мл спрей

Қолжетімділігі
Тауар қолда жоқ
Үлгі
4807013589599
Елі
Франция
Өндіруші
Natur Produkt
  • Сипаттама

Сипаттама

Дәрілік затты медициналық қолдану жөніндегі нұсқаулық

АНТИ-АНГИН ФОРМУЛА

Саудалық атауы

Анти-Ангин Формула

Халықаралық патенттелмеген атауы

Жоқ

Дәрілік түрі

Жергілікті қолдануға арналған спрей, 25 мл

Құрамы

Бір дозаға/ 100 г препаратқа

белсенді заттар: хлоргексидин биглюконатының 20 % ерітіндісі

(хлоргексидин биглюконатына баламалы) – 1,20 мг(0,24 мг) / 0,60 г (0,12 г), тетракаин гидрохлориді - 0,12 мг / 0,06 г

қосымша заттар: глицерол 85%, этанол 96%, аспартам, жалбыз хош иістендіргіші, пропилпарагидроксибензоат, сусыз лимон қышқылы, тазартылған су.

Сипаттамасы

Жалбыз иісі бар түссіз ерітінді.

Фармакотерапиялық тобы

Тамақ ауруларын емдеуге арналған препараттар. Антисептиктер.

АТХ коды R02АA20

Фармакологиялық қасиеттері

Хлоргексидин бактерицидті және бактериостатикалық әсер етеді.

Грамоң және грамтеріс бактерияларға қатысты бактерияға қарсы әсер ету ауқымы кең, Candida albicans қатысты белсенді. Хлоргексидин әсіресе Streptococcus mutans, Streptococcus salivarius, Escherichia coli және анаэробты бактерияларға қатысты белсенді. Streptococcus spp., Proteus spp., Pseudomonas, Klebsiella spp.,Veillonella spp. сияқты микроорганизмдерге қатысты тиімділігі аздау.

Тетракаиннің жергілікті жансыздандыратын әсері бар.

Қолданылуы

-ауыз қуысы мен мұрын-жұтқыншақ қабыну ауруларының (стоматит, гингивит, баспа, фарингит, тонзиллит) профилактикасында және жергілікті емдеуде

-жоғарғы тыныс жолдары катараның салдарын жоюда, дауыс байламдары мен бадамшабездің ісінуін басуда

-тонзилэктомиядан, тісті жұлғаннан кейінгі жағдайда

-пародонтозда

Қолдану тәсілі

Жергілікті. Тыныс алуды іркілтіп, ауыз қуысы мен тамақтың шырышты қабығына шашырату керек.

Ересектер және 15 жастан асқан балалар: бір қабылдауға 1-2 бүркуден күніне 6 ретке дейін.

10-нан 15 жасқа дейінгі балалар: бір қабылдауға 1-2 бүркуден күніне 3 ретке дейін.

Емдеу курсы 5 күннен аспайды.

Жағымсыз әсерлері

Аллергиялық реакциялар, ауыз қуысы шырышты қабығын ашыту.

Қолдануға болмайтын жағдайлар

Препарат компоненттеріне жоғары сезімталдық, шырышты қабықтың зақымдануы немесе қабынуы, жоғары васкуляризацияланған аймақтарда, фенилкетонурия, балаларға (10 жасқа дейінгі).

Сақтықпен: жүктілік және лактация кезеңінде, қант диабетінде, глюкоза-6-фосфатдегидрогеназа тапшылығында, гемохроматозда, сидеробласты анемияда, талассемияда, гипероксалурияда, оксалоз және несеп-тас ауруында.

Дәрілермен өзара әрекеттесуі

Сахароза, полисорбат 80, магний, мырыш және кальцийдің ерімейтін тұздары хлоргексидиннің әсерін азайтады.

Тетракаин сульфаниламидтік препараттардың бактерияларға қарсы белсенділігін төмендетеді. Қантамырды тарылтатын дәрілер әсерін ұзартады және уыттылығын азайтады. Холинэстеразаны тежейтін дәрілік заттар (миастенияға қарсы дәрілер, циклофосфамид, тиотепа және т.б.), тетракаиннің метаболизмін төмендетеді және оның уыттылығын жоғарылатады. Антикоагулянттар (натрий далтепарині, натрий эноксапарині, натрий гепарині, варфарин) қан кетудің даму қаупін артырады. Тетракаинді моноаминоксидазаны тежейтін дәрілік заттармен (фуразолидон, прокарбазин, селегилин) қолданғанда артериялық қысымның төмендеу қаупі артады. Тетракаин миорелаксациялаушы дәрілік заттардың әсерін күшейтеді және ұзартады. Бета-адреноблокаторлар тетракаиннің метаболизмін, оның уыттылығын ұлғайта отырып, баяулатады (бауыр қан ағымын төмендетеді) .

Айрықша нұсқаулар

Спрейді деммен ішке тартуға болмайды. Препаратты көзге тигізбеген жөн.

Егер емдеу басталғаннан кейін 3 күннен соң ауру симптомдары кетпесе немесе ауру ағымының нашарлауы байқалса, одан әрі оны қолданудың орынды-орынсыздығын анықтап алу қажет.

Балалар препаратты 10 жастан бастап қолдана алады, бұл ретте препаратты бүрку кезінде бала демін іркілте алуға қабілетті болуы тиіс.

Препаратты қабылдағанда 1 дозаның (1 бүрку) құрамында 83 мг абсолютті этанол бар екендігін ескеру қажет.

Құрамында йод (Люголь ерітіндісі, повидон-йод) бар препараттармен бір мезгілде қолдану ұсынылмайды.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері.

Препаратты көлік құралын жүргізуді бастағанға дейін 30 минут бұрын қабылдаған жөн. Осы ұсынымды ұстанғанда препарат автокөлікті жүргізу мен механизмдерді басқару қабілетіне әсер етпейді.

Артық дозалануы

Симптомдары: бас айналу, жалпы әлсіздік, цианоз, қозу, мазасыздық, бұлшықет треморы, тыныс алудың бұзылуы, жүрек айну, құсу.

Емі: асқазанды шаю, тұзды іш жүргізгіштер тағайындау; симптоматикалық ем.

Шығарылу түрі және қаптамасы

Жергілікті қолдануға арналған спрей.

25 мл (100 доза) препараттан дозалайтын клапаны бар пластик құтыға салынады.

Бір құтыдан медициналық қолдану жөніндегі мемлекеттік және орыс тіліндегі нұсқаулықпен бірге картон қорапшаға салынады.

Сақтау шарттары

25°С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

2 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецептісіз

Өндіруші

Херкель Б.В., Nobelweg 6, 3899 BN Zeewolde, Нидерланды

Тіркеу куәлігінің иесі

«ВАЛЕАНТ» ЖШҚ, Ресей

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы

«ВАЛЕАНТ» ЖШҚ Қазақстан Республикасындағы өкілдігі

050059, Қазақстан Республикасы, Алматы қ.,әл-Фараби даңғылы, 17 үй, «Нұрлы Тау» бизнес орталығы, 4Б блок,1104 кеңсе

тел: + 7 7273 111 516; факс: + 7 7273 111 517,

e-mail: Office.KZ@valeant.com