Энэрион 200 мг № 20 табл покрытые оболочкой
Тауарлардың көрінісі фотосуретте көрсетілгеннен өзгеше болуы мүмкін

Энэрион 200 мг № 20 табл покрытые оболочкой

Қолжетімділігі
Тауар қолда жоқ
Үлгі
2000549491602
Елі
Франция
Өндіруші
Сервье Ле Лаборатуар
  • Сипаттама

Сипаттама

Дәрілік затты қолдану жөнінде мамандарға арналған

нұсқаулық

ЭНЭРИОНÒ

Саудалық атауы

ЭНЭРИОНÒ

Халықаралық патенттелмеген атауы

Сульбутиамин

Дәрілік түрі

Қабықпен қапталған, 200 мг-лік таблеткалар

Құрамы

Бір таблетканың құрамында

белсенді зат – сульбутиамин 200мг,

қосымша заттар: сусыз глюкоза, лактоза моногидраты, магний стеараты, жүгері крахмалы, крахмал клейстері, тальк

қабығы: араның ақ балауызы, натрий кармеллозасы, этилцеллюлоза, глицерол моноолеаты, полисорбат 80, повидон, сусыз коллоидты кремний диоксиді, натрий гидрокарбонаты, сахароза, Sunset yellow FCF (Е110) алюминий лагы, тальк, титан диоксиді (Е171)

аралық еріткіштер: техникалық спирт, тазартылған су.

Сипаттамасы

Қызғылт-сары түсті, қабықпен қапталған, дөңгелек, екі жағы дөңес таблеткалар

Фармакотерапиялық тобы

В1 витамині

АТЖ коды А11DA02

Фармакологиялық қасиеттері

Фармакокинетикасы

Ішке қабылдағаннан кейін сульбутиамин асқазан-ішек жолынан (АІЖ) тез сіңеді. Қан сарысуындағы ең жоғарғы қанығу деңгейіне (Сmax) 1-2 сағаттан соң жетеді. Бауырда метаболизденеді. Жартылай бөлініп шығу кезеңі (Т1/2) 5 сағат шамасында. Несеп арқылы шығарылады.

Фармакодинамикасы

Сульбутиамин – құрлымы жағынан тиаминге жақын синтетикалық қосынды. Сульбутиаминнің молекуласы дисульфидті байланысы бар, липофильді эфирден және ашық триазольдік циклден тұрады. Құрлымының осындай модификациясына байланысты АІЖ-ден жақсы сіңіп, гематоэнцефальді кедергіден оңай өтеді. Тиаминмен салыстырғанда оның өзгешелігі, ретикулярлық формация мен гиппокампта, сондай-ақ Пуркинье талшықтарының жасушаларында және мишық қыртысының түйіршікті қабатының шумағында жиналады. ЭнэриондыÒ қабылдау барысындақозғалыс үйлесімділігі жақсарып, физикалық жүктемелерге деген тұрақтылық артып, ми қыртысының қайталатын гипоксияға деген бейімделуі жақсарады.

Қолданылуы

  • функциональдық астенияларды белгілеріне қарай емдеу.

Қолдану тәсіліжәне дозасы

Ересектерге қолданылатын тәуліктік доза 400-600 мг (2-3 таблеткадан) күніне 2 рет.

Таблеткаларды таңертеңгі, түскі ас кезінде бір стақан сумен бірге ішу керек.

Емдеу ұзақтығы4 аптадан аспауы керек.

Жағымсыз әсері

  • діріл, бас ауруы, қозу, жайсыздық
  • асқорытудың нашарлауы
  • аллергиялық реакциялар (терілік көріністері).

Қолдануға болмайтын жағдайлар

Препаратттың кез келген құрамдас бөлігіне деген жоғары сезімталдық.

Дәрілермен өзара әрекеттесуі

Дәрілермен өзара әрекеттесуі туралы мәліметтер жоқ

Айрықша нұсқаулар

Препараттың құрамында лактоза бар, сондықтан лактаза жетіспеушілігі бар туа біткен галактоземиясы және мальабсорбцияның глюкозо-галактозды синдромы бар науқастарға оны тағайындауға болмайды.

Жүктілік және лактация

ЭнэриондыÒ жүктілік кезінде қолдану туралы клиникалық мәліметтер жоқ болғандықтан, жүктілік және лактация кезінде қолдануға кеңес берілмейді.

Педиатрияда қолданылуы

Препаратты клиникалық мәліметтердің жоқтығынан балаларға жәнежасы 18 толмаған жасөспірімдерге қолдануға болмайды.

Автокөлік және қауіпті механизмдермен жұмыс істеу қабілетіне тигізетін әсері

Препарат автокөлікті және қауіпті деп саналатын механизмдерді басқаруға әсер етпейді.

Артық мөлшерленгенде

Белгілері: көңіл күйдің көтерілуі мен аяқ-қолдың дірілімен ұласатын еліру.

Артық мөлшерленгенде пайда болатын белгілер арнайы емсіз-ақ өз бетімен кетеді.

Шығарылу түрі және қаптамасы

Блистердегі (ПВХ/алюминий) №10 200 мг-лік таблеткалар, картон пашкеде қолдану жөніндегі нұсқаулықпен бірге 2 блистерден.

Сақтау шарттары

18°С - 25°С температура аралығында сақтау керек.

Балалардың қолы жетпейтін жерде сақтау керек!

Жарамдылық мерзімі

3 жыл

Қаптамасында көрсетілген жарамдылық мерзімі өткеннен кейін қолдануға болмайды.

Дәріханадан босатылу шарттары

Рецепт арқылы

Өндіруші

Les Laboratoіres Servіer Іndustrіe

905, route de Saran,

45520 Gіdy, France

Сатуға рұқсаты бар ЛИЦЕНЗИЯ ИЕСІ

LES LABORATOІRES SERVІER (Ле Лаборатуар Сервье)

22, rue Garnіer

92200 Neuіlly sur Seіne

France (Франция)