Флузамед 150мг № 1 капс
Тауарлардың көрінісі фотосуретте көрсетілгеннен өзгеше болуы мүмкін

Флузамед 150мг № 1 капс

3207
Қолжетімділігі
Сатылымда бар
Үлгі
6221032131584
Елі
Египет
Өндіруші
World Medicine
0-0-4 бөліп төлеу
802 x 4 ай
  • Сипаттама
  • Дәріханалар

Сипаттама

Дәрілік затты медициналық қолдану

жөніндегі нұсқаулық

Флузамед

Саудалық атауы

Флузамед

Халықаралық патенттелмеген атауы

Флуконазол

Дәрілік түрі

Капсулалар

Құрамы

Бір капсуланың құрамында

белсенді зат -150 мг флуконазол,

қосымша заттар: лактоза моногидраты, микрокристалды целлюлоза, магний стеараты,натрий лаурилсульфаты,

капсуланың құрамы: желатин, титанның қостотығы (Е 171), бриллиант көгі

(Е 133), кармоизин (Е 122).

Сипаттамасы

Корпусы ақ түсті және қақпақшасы күңгірт-көк түсті, өлшемі № 1 қатты желатинді капсулалар. Капсулалардың ішіндегісі – ақ түсті ұнтақ.

Фармакотерапиялық тобы

Жүйелі қолдануға арналған микробқа қарсы препараттар. Жүйелі қолдануға арналған зеңге қарсы препараттар.

Триазол туындылары. Флуконазол.

АТХ коды J02АС01

Фармакологиялық қасиеттері

Фармакокинетикасы

Препарат асқазан-ішек жолынан (АІЖ) жылдам және толығымен дерлік сіңіріледі (ас ішу сіңірілу жылдамдығына әсер етпейді), биожетімділігі - 90%. Ең жоғарғы концентрациясына аш қарында қабылдағаннан кейін 0,5-1,5 сағаттан соң жетеді.

Қан плазмасы ақуыздарымен байланысуы 11-12%. Организмнің барлық сұйықтықтарына жақсы өтеді. Белсенді затының емшек сүтіндегі, буын сұйықтығындағы, сілекейдегі, қақырық пен перитонеальді сұйықтықтағы концентрациясы қан плазмасындағы осындайларға ұқсас. Қынап секретіндегі тұрақты мәндеріне ішке қабылдағаннан кейін 8 сағаттан соң жетеді және осы деңгейінде кемінде 24 сағат сақталады. Зеңдік менингит кезінде жұлын-ми сұйықтығындағы концентрациясы қан плазмасындағы осындайының 80%-ға жуығын құрайды. Тер сұйықтығында, эпидермисте және мүйізгектіі қабатта сарысудағысынан жоғары концентрацияларына жетеді (селективті жинақталады). 80%-ы өзгеріссіз күйінде бүйрек арқылы, қалғаны – метаболиттері түрінде шығарылады. Айналымдағы метаболиттері анықталмаған. Жартылай шығарылу кезеңі 30 сағатқа жуықты құрайды.

Флуконазолдың фармакокинетикасы бүйрек функциясына айтарлықтай тәуелді, сонымен қатар, жартылай шығарылу уақыты мен креатинин клиренсінің арасында кері пропорционал тәуелділік бар. Гемодиализден кейін 3 сағат ішінде флуконазолдың қан плазмасындағы концентрациясы 50%-ға төмендейді.

Фармакодинамикасы

Флузамед – триазол тобына жататын зеңге қарсы дәрі. Препараттың белсенді заты - Флуконазол – зең жасушасы жарғақшаларындағы стеролдар синтезінің күшті селективті тежегіші болып табылады. Әсер ету механизміне Р450 цитохромының блокадасы түрткі болады. Флуконазол ланостеролдың зең жасушаларын эргостеролға айналдыруын бөгейді, жасуша жарғақшасының өткізгіштігін арттырады, оның көбеюі мен репликациясын бұзады. P450 цитохромы үшін зеңдерді іріктегіштігі жоғары бола отырып, іс жүзінде адам организміндегі бұл ферменттерді бәсеңдетпейді деуге болады (итраконазолмен, клотримазолмен, эконазолмен және кетоконазолмен салыстырғанда, адам бауырының микросомаларындағы P450 цитохромына тәуелді тотығу үдерістерін азғантай дәрежеде бәсеңдетеді). Антиадрогендік белсенділігі жоқ.

Оппортунистік микоздар, соның ішінде Candida spp. (иммунодепрессия аясындағы кандидоздың жайылған түрлерін қоса), Cryptococcus neoformans және Coccidioides immitis (бассүйекішілік инфекцияларды қоса), Microsporum spp. және Trichophyton spp. туғызған микоздар кезінде; эндемиялық Blastomyces dermatidis, Histoplasma capsulatum туғызған микоздар кезінде (соның ішінде, иммунодепрессияда) белсенді. Қатерлі жаңа түзілімдері бар науқастарда, оларды цитостатиктермен емдеу кезінде немесе сәулемен ем жүргізуде; ағзаларды ауыстырып салғанда және иммунитет бәсеңдеген және зең инфекциясының даму қаупі бар басқа жағдайларда зең инфекциясының профилактикасына арналған.

Қолданылуы

Флузамедті қолдану төменде атап келтірілген зең инфекциялары кезінде ұсынылады.

Флузамед ересектердегі келесі ауруларды емдеу үшін көрсетілімде:

  • криптококтық менингитте
  • кокцидиоидомикозда
  • инвазивтік кандидозда
  • шырышты қабықтардың кандидозында, соның ішінде, орофарингеальді кандидозда, өңеш кандидозында, кандидурияда және тері мен шырышты қабықтардың созылмалы кандидозында
  • ауыз қуысының созылмалы атрофиялық кандидозында (тіс протездерін тағумен байланысты) ауыз қуысының гигиенасы немесе жергілікті емнің тиімділігі жеткіліксіз болған жағдайда
  • жедел және қайталанатын қынап кандидозында, жергілікті ем қолайлы болмаған жағдайда
  • кандидоздық баланитте, жергілікті ем қолайлы болмаған жағдайда;
  • дерматомикоздарда, соның ішінде tineapedis, tineacorporis, tineacruris, tineaversicolor және терінің кандидоздық инфекцияларында жүйелі ем жүргізу қажет болған жағдайда;
  • tineaunguium (онихомикозда) басқа дәрілік заттарды тағайындау қолайсыз болған жағдайда.
  • қайталанулар қаупі жоғары пациенттерде криптококтық менингиттің қайталануларында;
  • қайталанулар қаупі жоғары АИТВ-инфекциясы бар пациенттердегі орофарингеальді кандидозда немесе өңеш кандидозының қайталануларында;
  • қынап кандидозының қайталану жиілігін азайту үшін (жылына 4 немесе одан да көп көрінісі);
  • ұзаққа созылған нейтропениясы бар пациенттерде (мысалы, гемобластоздары бар, химиотерапия қабылдап жүрген пациенттерде немесе, гемопоэздік дің жасушаларының трансплантациясын бастан өткерген пациенттерде) кандидоздық инфекциялардың профилактикасы үшін

Флузамедересектердегі келесі аурулардыңпрофилактикасы үшін көрсетілімде:

Қолдануға болмайтын жағдайлар

- флуконазолға, препараттың басқа компоненттеріне немесе құрылымы жағынан флуконазолға ұқсас азолдық заттарға жоғары сезімталдық

- Флузамедті тәулігіне 400 мг және одан артық дозасында бірнеше рет қолдану кезінде терфенадинаді бір мезгілде қабылдау

- QT аралығын ұзартатын және Р450 цитохромының CYP3A4 изоферменті арқылы метаболизденетін, цизаприд, астемизол, амиодарон, эритромицин, пимозид және хинидин сияқты дәрілік препараттарды бір мезгілде қабылдау

- флузамед капсулаларының құрамында лактоза бар болғандықтан, галактозаны көтере алмаушылықтың сирек тұқым қуалайтын қиындықтары, лактоза жеткіліксіздігі немесе глюкоза-галактоза мальабсорбциясы бар науқастарға

- жүктілік және лактация кезеңі

- 18 жасқа дейінгі балаларға (капсуланың құрамында бояғыш заттың болуына байланысты)

Дәрілермен өзара әрекеттесулері

Флуконазол мен келесі дәрілік заттарды бірге қабылдау қарсы көрсетілімді:

Цизаприд: флуконазол мен цизапридті бір мезгілде қолдануға болмайды.

Терфенадин: флуконазолды тәулігіне 400 мг аз дозада терфенадинмен қолданғанда пациенттің жағдайына мұқият мониторинг жүргізу керек.

Астемизол: флуконазол мен астемизолды бірге қолдану астемизол клиренсінің төмендеуіне алып келуі мүмкін. Осыдан туындаған қан плазмасындағы астемизол концентрациясының жоғарылауы, өз кезегінде, QT аралығының ұзаруына және сирек жағдайларда, пируэт типті пароксизмалық қарыншалық тахикардияның (torsade de pointes) дамуына алып келуі мүмкін. Флуконазол мен астемизолды бір мезгілде қолдануға болмайды.

Пимозид: флуконазол мен пимозидті бірге қолдану пимозид метаболизмінің тежелуіне алып келуі мүмкін. Өз кезегінде, қан плазмасындағы пимозид концентрациясының жоғарылауы QT аралығының ұзаруына және, сирек жағдайларда, пируэт типті пароксизмалық қарыншалық тахикардияның (torsade de pointes) дамуына алып келуі мүмкін. Флуконазол мен пимозидті бір мезгілде қолдануға болмайды.

Хинидин: флуконазол мен хинидинді бірге қолдану соңғысының метаболизмінің тежелуіне алып келуі мүмкін. Хинидинді қолдану QT аралығының ұзаруымен және, сирек жағдайларда, пируэт типті пароксизмалық қарыншалық тахикардияның {torsade de pointes) дамуымен қатар жүрген. Флуконазол мен хинидинді бір мезгілде қолдануға болмайды.

Эритромицин: Эритромицин мен флуконазолды бір мезгілде қолдану кардиоуыттылықтың (QT аралығының ұзаруы, пируэт типті пароксизмалық қарыншалық тахикардия torsadedepointes) даму қаупін және соның салдарынан, кенеттен болатын коронарлық өлімді арттырады. Флуконазол мен эритромицинді бір мезгілде қолдануға болмайды.

Амиодарон: флуконазолды амиодаронмен үйлестіріп бір мезгілде қолдану амиодарон метаболизмінің тежелуіне алып келуі мүмкін. Амиодаронды қолданғанда QT аралығының ұзаруы анықталмаған. Флуконазолды амиодаронмен бір мезгілде қолдануға болмайды.

Флуконазол мен келесі дәрілік заттарды бір мезгілде қолдану ұсынылмайды:

Галофантрин: флуконазол CYP3A4 бәсеңдету әсерінің есебінен, галофантриннің қан плазмасындағы концентрациясын жоғарылатуы мүмкін. Флу коназол мен галофантринді бір мезгілде қолдану кардиоуыттылығының (QT аралығының ұзаруы, пируэт типті пароксизмалық қарыншалық тахикардия torsadedepointes) даму қаупін және соның салдарынан, кенеттен болатын коронарлық өлімді арттыруы мүмкін. Аталған дәрілік заттар біріктірілімінің қолданылуын болдырмау керек.

Келесі дәрілік заттармен бір мезгілде қолдану сақтықты және дозасын түзетуді қажет етеді:

Басқа дәрілік заттардыңфлуконазолға әсері

Рифампицин: флуконазол мен рифампицинді бір мезгілде қолдану флуконазолдың AUC 25%-ға азаюына және жартылай шығарылу кезеңінің 20%-ға қысқаруына алып келді. Рифампицинді қабылдап жүрген пациенттерде, флуконазолдың дозасын арттыру мәселесін қарастыру керек.

Антацидтермен немесе бүкіл денені түгелдей сәулелендіру жүргізілгеннен кейін (сүйек кемігін ауыстырып қондыруға дайындалу кезінде) флуконазолдың сіңірілуіне клиникалық елеулі әсер етпейді.

Гидрохлортиазид: диуретиктерді бір мезгілде қабылдап жүрген пациенттерде флуконазолдың дозасын өзгерту қажет емес.

Флуконазолдың басқа дәрілік заттарға әсері

Флуконазол - Р450 цитохромының CYP2C9 изоферментінің күшті тежегіші және CYP3A4 орташа тежегіші болып табылады. Бұдан өзге, флуконазол CYP2C19 изоферментінің тежегіші болып табылады. Айқындалған / анықталған өзара әрекеттесулерінен (жоғарыда келтірілген) бөлек, CYP2C9, CYP2C19 және CYP3A4 арқылы метаболизденетін басқа препараттарды флуконазолмен бір мезгілде қолданғанда, олардың қан плазмасындағы концентрациясының жоғарылау қаупі бар. Сәйкесінше, препараттардың ондай біріктірілімдерін сақтықпен қолдану керек; сонымен қатар пациенттердің жағдайын мұқият бақылау қажет. Флуконазолдың жартылай шығарылу кезеңінің ұзақтығына байланысты, оның ферменттерге тежегіштік әсері емдеу аяқталғаннан кейін 4-5 тәулік бойы сақталады.

Алфентанил: флуконазол (400 мг дозада) мен алфентанилді (20 мкг/кг дозада вена ішіне) бір мезгілде қолдану алфентанилдің AUC екі есе артуына алып келген (CYP3A4 изоферментін тежеуінің есебінен болуы ықтимал). Алфентанилдің дозасын түзету қажет болуы мүмкін.

Амитриптилин, нортриптилин: флуконазол амитриптилин мен нортриптилиннің әсерін күшейтеді. 5-нортриптилиннің және/немесе S-амитриптилиннің концентрацияларын біріктіріп емдеудің басында және емдеудің алғашқы аптасынан кейін анықтау ұсынылады. Қажет болған жағдайда, амитриптилиннің/нортриптилиннің дозасын түзету керек.

Амфотерицин В: флуконазол мен амфотерицинді бір мезгілде қолданғанда С.albicans туғызған жүйелі инфекция кезінде зеңге қарсы аздаған аддитивтік әсері; Cryptococcusneoformans туғызған бассүйекішілік инфекция кезінде өзара әрекеттестіктің жоқтығы; және Aspergillusfumigatus туғызған жүйелі инфекция кезінде екі препараттың антагонизмі байқалған.

Антикоагулянттар: Тіркеуден кейінгі қадағалау кезеңінде, варфарин мен флуконазолды бір мезгілде қолданғанда протромбиндік уақыттың ұзаруы түрткі болған қан кетулердің дамығаны (гематомалардың түзілуі, мұрыннан қан кету, асқазан-ішектен қан кету, гематурия және мелена) туралы хабарламалар түскен. Мұндай құбылыстар азолдартобының зеңге қарсы басқа дәрілерін қолданғанда да байқалған. Флуконазол мен варфаринді бір мезгілде қолданғанда протромбиндік уақыттың екі есе ұзарғаны білінген, бұл CYP2C9 изоферментінің әсерінен варфарин метаболизмінің бәсеңдеуі салдарынан болуы ықтимал. Кумариндік қатардың антикоагулянттарын, немесе индандиондыфлуконазолмен бірге қабылдап жұрген пациенттерде, протромбиндік уақытты мұқият бақылау ұсынылады. Қажет болған жағдайда, антикоагулянттың дозасын түзету керек.

Қысқа әсерлі бензодиазепиндер, мысалы мидазолам және триазолам:

мидазолам мен флуконазолды ішу арқылы қолданғаннан кейін, қан сарысуындағы мидазолам концентрациясының елеулі жоғарылауы және психомоторлық әсерлерінің күшейгені байқалады. Флуконазолды 200 мг дозада және мидазоламды 7,5 мг дозада бір мезгілде ішке қолдану мидазоламның AUC 3,7 есе артуына және жартылай шығарылу кезеңінің сәйкесінше 2,2 есе ұзаруына алып келген. Флуконазолды тәулігіне 200 мг дозада және триазоламды 0,25 мг дозада бір мезгілде ішке қолдану триазолам AUC 4,4 есе артуына және жартылай шығарылу кезеңінің сәйкесінше 2,3 есе ұзаруына алып келген. Флуконазол мен триазоламды бір мезгілде қолданғанда триазолам әсерлерінің күшейгені мен ұзарғаны байқалған. Егер, флуконазолды қабылдап жүрген пациенттерге, бензодиазепиндермен бір мезгілде ем жүргізу қажет болса, соңғыларының дозасын төмендету туралы мәселені қарастыру және пациенттердің жағдайына тиісінше қадағалау жүргізу керек.

Карбамазепин: Флуконазол карбамазепиннің метаболизмін бәсеңдетеді және карбамазепиннің қан плазмасындағы концентрациясының 30%-ға жоғарылауына ықпал етеді, бұл өз кезегінде, карбамазепиннің уытты әсерлерінің дамуымен қатар жүруі мүмкін. Карбамазепиннің дозасын оның қандағы концентрациясының деңгейіне және емдік әсерінің айқындық дәрежесінебайланысты түзету қажет болуы мүмкін.

Кальций өзекшелерінің блокаторлары: кальций өзекшелерінің кейбір блокаторлары (нифедипин, исрадипин, амлодипин, верапамил және фелодипин) CYP3A4 изоферментінің көмегімен метаболизденеді. Флуконазол кальций өзекшелері блокаторларының жүйелі экспозициясынарттыруға қабілетті. Жағымсыз реакцияларының анықталуына қатысты мұқият мониторинг жүргізу ұсынылады.

Целекоксиб: целекоксиб пен флуконазолды бір мезгілде қолданғанда, целекоксибтің дозасын екі есе төмендету қажет болуы мүмкін.

Циклофосфамид: циклофосфамид пен флуконазолды бір мезгілде қолдану қан сарысуындағы билирубин мен креатинин деңгейінің жоғарылауына алып келеді. Бұл препараттарды бір мезгілде, қан сарысуындағы билирубин мен креатинин концентрациясының жоғарылауы қаупінің мүмкіндігін ескере отырып қолдануға болады.

Фентанил: фентанил мен флуконазол арасында өзара әрекеттесудің болуы мүмкіндігі салдарынан, фентанилмен уыттанудың өлімге соқтырған бір жағдайы туралы хабарланған. Флуконазол фентанилдің элиминациясын едәуір баяулатады. Фентанил концентрациясының жоғарылауы тыныстың тарылуына алып келуі мүмкін. Тыныстың тарылуының ықтимал қаупін анықтау мақсатында, пациенттердің жағдайын мұқият бақылау керек. Фентанилдің дозасын түзету қажет болуы мүмкін.

ГМГ-КоА-редуктаза тежегіштері: флуконазол мен CYP3А4 арқылы метаболизденетін ГМГ-КоА-редуктаза тежегіштерін (аторвастатин мен симвастатин сияқты), немесе CYP2C9 арқылы метаболизденетін ГМГ-КоА-редуктаза тежегіштерін (флувастатин сияқты) бір мезгілде қолдану миопатия мен рабдомиолиздің даму қаупін арттырады. Аталған препараттарды бр мезгілде қодану қажет болған жағдайда, пациенттің жағдайын миопатия мен рабдомиолиз симптомдарының анықталуына қатысты мұқият қадағалау және креатинкиназа деңгейіне мониторинг жүргізу керек. Креатинкиназа деңгейі айқын жоғарылаған, сондай-ақ, миопатияға / рабдомиолизге күдік болған немесе анықталған жағдайда, ГМГ-КоА- редуктаза тежегіштерін қабылдауды тоқтату керек.

Иммунодепрессанттар (мысалы, циклоспорин, эверолимус, сиролимус және такролимус):

Циклоспорин: бұл препараттарды бір мезгілде, циклоспориннің дозасын концентрациясына байланысты төмендеткен жағдайда ғана қолдануға болады.

Эверолимус: флуконазол CYP3 А4 бәсеңдетудің есебінен, қан сарысуындағы эверолимус концентрациясын жоғарылатуға қабілетті.

Сиролимус: флуконазол сиролимустың қан плазмасындағы концентрациясын, сиролимустың CYP3A4 метаболизмі мен Р-гликопротеинді бәсеңдету арқылы арттыруы ықтимал. Бұл біріктірілімін, сиролимустың дозасын концентрациясының деңгейі мен емдік әсерінің айқындығына байланысты түзеткен жағдайда ғана қолдануға болады.

Такролимус: флуконазол қан сарысуындағы такролимус концентрациясын, оны ішу арқылы қолданғанда, такролимустың CYP3A4 ферменті арқылыжүретін ішектегі метаболизмін тежеу арқылы 5 есе арттыруға қабілетті. Такролимусты вена ішіне қолданғанда, фармакокинетикасының елеулі өзгерістері байқалмаған. Қан сарысуындағы такролимус концентрациясының жоғарылауы нефроуыттылығының дамуымен астасқан. Такролимустың ішке қабылдауға арналған дозасын, оның қандағы концентрациясына байланысты төмендету қажет.

Лозартан: Флуконазол лозартанның метаболизмін, лозартанды қабылдау кезіндегі ангиотензин II рецепторларына антагонизмімен байланысты әсерлерінің көп бөлігіне жауап беретін белсенді метаболитіне (Е-3174) дейін бәсеңдетеді. Пациенттерде барлық емдеу кезеңі бойына артериялық қысымға тұрақты мониторинг жүргізуді жүзеге асыру ұсынылады.

Метадон: флуконазол қан сарысуындағы метадон концентрациясын арттыруға қабілетті. Метадонның дозасын түзету қажет болуы мүмкін.

Қабынуға қарсы стероидтыемесдәрілік заттар (ҚҚСД):

флуконазол, CYP2C9 изоферменті арқылы метаболизденетін басқа ҚҚСД (мысалы, напроксеннің, лорноксикамның, мелоксикамның, диклофенактың) жүйелі экспозициясын арттыруға қабілетті Аталған препараттарды бірге қабылдаған жағдайда, ҚҚСД қабылдаумен байланысты жағымсыз реакциялар мен уыттылық көріністерін анықтауға қатысты жиі мониторинг жүргізу ұсынылады. ҚҚСД дозасын түзету қажет болуы мүмкін.

Фенитоин: флуконазол фенитоиннің бауырдағы метаболизмін тежейді. Аталған дәрілік заттарды бір мезгілде қолданғанда, фенитоиннің уытты әсері дамуының бар-жоқтығын анықтау үшін, фенитоиннің қан плазмасындағы концентрациясын мониторингтеуді жүзеге асыру керек.

Преднизолон: бауыр трансплантациясынан кейінгі пациентте 3 айлық емдеу курсынан кейін флуконазолды тоқтату аясында бүйрекүсті безі қыртысының жедел жеткіліксіздігші дамығаны туралы хабарлама бар. Флуконазолмен емдеуді тоқтау CYP3A4 изоферменті белсенділігінің жоғарылауын туғызған болуы ықтимал, бұл преднизолон метаболизмінің күшеюіне алып келген. Преднизолонмен және флуконазолмен біріктірілген емді ұзақ уақыт қабылдап жүрген пациенттер, флуконазолды қабылдауды тоқтатқанда, бүйрекүсті бездері қыртысының жеткіліксіздігін анықтау мақсатында, мұқият медициналық қадағалауда болуы тиіс.

Рифабутин: флуконазол мен рифабутинді бір мезгілде қолданғанда увеит дамыған жағдайлар сипатталған. Дәрілік заттардың мұндай біріктірілімін қолданғанда, рифабутиннің уытты әсерінің симптомдарын ескеру қажет.

Саквинавир: саквинавирдің бауырдағы метаболизмін CYP3A4 изоферментінің тежеуі және Р-гликопротеиннің тежелуі есебінен, флуконазол саквинавирдің AUC пен Сmах сәйкесінше, шамамен 50% және 55%-ға арттырады. Саквинавирдің дозасын түзету қажет болуы мүмкін.

Сульфонилмочевина препараттары:флуконазолды сульфонилмочевинаның пероральді туындыларынмен (мысалы, хлорпропамидпен, глибенкламидпен, глипизидпен, толбутамидпен) бір мезгілде қолдану олардың жартылай шығарылу кезеңдерінің ұзаруына алып келген. Флуконазолмен бір мезгілде қолданғанда, қандағы глюкоза деңгейін жүйелі түрде бақылау және, қажет болса, сульфонилмочевина препараттарының дозасын дер кезінде төмендету қажет.

Теофиллин: теофиллинді жоғары дозаларында қолданып жүрген немесе теофиллиннің уыттылық көріністерінің даму қаупі жоғары пациенттерге флуконазолды тағайындағанда, теофиллиннің уыттылық әсері симптомдарының білінуін қадағалау қажет. Уыттылық белгілері пайда болған жағдайда, емге сәйкесінше түзету жүргізу керек.

Қабіршөп алкалоидтары: арнайы мақсаттағы зерттеулер жүргізілмегендігіне қарамастан, флуконазол қабіршөп алкалоидтарының (мысалы, винкристин мен винбластиннің) қан плазмасындағы концентрациясын жоғарылатуға және сол арқылы, нейроуыттылықтың дамуына алып келуге қабілетті деп есептеледі, бұл, CYP3А4 изоферментінің тежелуімен байланысты болуы мүмкін.

А дәрумені: толықтай трансретиной қышқылы (А дәруменінің қышқылдық түрін) мен флуконазолды бір мезгілде қолданғанда, ОЖЖ тарапынан ми ісігі түріндегі жағымсыз реакциялар дамыған бір жағдай туралы хабарлама бар, олар флуконазолды тоқтатқаннан кейін басылған. Мұндай біріктірілімін қолдануға болады, бірақ, ОЖЖ тарапынан жағымсыз реакциялардың дамуы мүмкіндігін естен шығармау керек.

Вориконазол (CYP2C9. CYP2C19 жәнеCYP3A4 изоферменттерінің тежегіші): вориконазолды флуконазолмен бірге қолданғанда пациенттердің жағдайын вориконазолды қолданумен байланысты жағымсыз әсерлердің дамуына қатысты бақылау ұсынылады.

Зидовудин: дәрілік заттардың мұндай біріктірілімін қабылдап жүрген пациенттер, зидовудинді қолданумен байланысты жағымсыз реакцияларды анықтау мақсатында қадағалауда болуы тиіс. Қажет болған жағдайда, зидовудиннің дозасын төмендетуге болады.

Азитромипин: флуконазол мен азитромициннің арасында елеулі фармакокинетикалық өзара әрекеттестік анықталмаған.

Пероральді контрацептивтер: флуконазолды көрсетілген дозаларында бірнеше рет қолданудың, біріктірілген пероральді контрацептивтік дәрілердің тиімділігіне әсер ету ықтималдығы аз.

Ивакафтор: Муковисцидоз кезіндегі жарғақшаішілік өткізгіштік реттелісінің модуляторы (CFTR) - ивакафтормен бір мезгілде қолдану, ивакафтордың экспозициясын 3 есе, ал гидроксиметил-ивакафтордың (Ml) экспозициясын - 1,9 есе жоғарылатты. Флуконазол және эритромицин сияқты, CYP3A орташа тежегіштерін қабылдап жүрген пациенттерге, ивакафтордың дозасын тәулігіне бір рет150 мг дейін төмендету ұсынылады.

Айрықша нұсқаулар

Флузамедпен емдеуді клиникалық-гематологиялық ремиссия пайда болғанға дейін жалғастыру қажет. Емдеуді мерзімінен бұрын тоқтату қайталануларға алып келеді.

Емдеуді сеппе немесе басқа зертханалық талдаулардың нәтижелері жоқ болса да бастауға болады, бірақ олар болған жағдайда фунгицидтік емді сәйкесінше түзету ұсынылады.

Криптококкоз

Флуконазолдың басқа жерлерде орналасқан криптококкозды (мысалы, өкпе криптококкозы мен тері криптококкозын) емдеудегі тиімділігіне дәлелдер жеткіліксіз, сондықтан, ондай ауруларды емдеу үшін дозалау жөнінде ұсынымдар жоқ.

Терең эндемиялық микоздар

Флуконазолдың паракокцидиоидомикоз, тері-лимфа споротрихозы және гистоплазмоз сияқты эндемиялық микоздардың басқа түрлерін емдеу үшін тиімділігіне дәлелдер жоқ, сондықтан, ондай ауруларды емдеу үшін дозалау жөнінде ұсынымдар жоқ.

Гепатобилиарлық жүйе

Бауыр функциясының бұзылуы бар пациенттерде Флузамедті сақтықпен қолдану керек. Сирек жағдайларда флуконазолды қолдану бауыр тарапынан күрделі, соның ішінде өлімге соқтыратын күрделі уытты реакциялардың дамуымен қатар жүруі мүмкін. Ондай реакциялардың даму қаупі пациентте қатарлас ауыр аурулар болған жағдайда арта түседі. Гепатоуыттылықтың дамуы флуконазолды қолданумен байланысты болған жағдайларда, пациенттің жағдайы мен препараттың тәуліктік дозасы, емдеу ұзақтығы, пациенттің жас шамасы мен жынысы арасында өзара байланыстылық анықталған жоқ. Флуконазолдың гепатоуыттылық әсері әдетте, қайтымды сипатта болған.

Бауырдың ауырырақзақымдануы белгілерін анықтау мақсатында, флуконазолмен емделу кезінде бауыр функциясы бұзылатын пациенттердің жағдайын бақылау қажет.

Пациенттерге бауырдың ауыр зақымдануын білдіруі мүмкін симптомдар (айқын әлсіздік, анорексия, үздіксіз жүрек айнуы, құсу және сарғаю) туралы ақпарат беру керек. Жоғарыда көрсетілген симптомдар туындаған жағдайда, флуконазолды қолдануды дереу тоқтату және дәрігермен кеңесу керек.

Жүрек-қантамыр жүйесі

Кейбір азолдарды, соның ішінде, флуконазолды да қабылдау, электрокардиограммадағы QT аралығынң ұзаруына астасқан. Тіркеуден кейінгі қадағалау кезеңінде флуконазолды қолданып жүрген пациенттерде, QT аралығының ұзаруы мен пируэт типті пароксизмалық қарыншалық тахикардия {torsade de pointes) дамығанөте сирек жағдайлар байқалған. Аталған жағдайлар жүректің құрылымдық аурулары, электролит теңгерімінің бұзылулары сияқты көптеген қауіп факторлары бірігіп келетін ауыр аурулары бар пациенттерде, сондай-ақ, аталған асқынулардың дамуын туғызуы мүмкін басқа дәрілік заттарды бір мезгілде қолданғанда тіркелген.

Флузамедті проаритмогендік жағдайлары бар пациенттерде сақтықпен қолдану керек. QT аралығын ұзартатын және Р450 цитохромы CYP3A4 изоферментінің көмегімен метаболизденетін басқа дәрілік заттарды флуконазолмен бір мезгілде қолдану қарсы көрсетілімді.

Галофантрин

Галофантрин CYP3A4 изоферментінің субстраты болып табылатындығы және ұсынылған емдік дозаларында қолданғанда QTc аралығын ұзартатыны анықталған. Осыған байланысты, галофантрин мен флуконазолды бір мезгілде қолдану ұсынылмайды.

Бүйрек жүйесі

Флузамедті бүйрек жеткіліксіздігі бар пациенттерде сақтықпен қолдану керек.

Дерматологиялық реакциялар

Сирек жағдайларда, флуконазолды қолданғанда пациенттерде терінің Стивенс-Джонсон синдромы мен уытты эпидермальді некролиз типтес эксфолиативтік реакциялары дамыған. ЖИТСпен науқастар көптеген дәрілік заттарды қолданғанда терінің ауыр реакцияларының дамуына бейімірек келеді. Егер беткейлік зең инфекциясы бар пациентте флуконазолды қабылдағанда тері бөртпесі пайда болса, препаратты ары қарай қолдануды тоқтату керек. Егер инвазивтік/жүйелі зең инфекциясы бар пациенттің терісінде бөртпе пайда болса, оның жағдайын мұқият қадағалау керек, ал буллездік бөртпелер немесе көпформалы эритема дамыған жағдайда, флуконазолды қолдануды тоқтату қажет.

Р450 цитохромы

Флуконазол CYP2C9 изоферментінің күшті тежегіші және CYP3A4 изоферментінің орташа тежегіші болып табылады. Бұдан өзге, флуконазол CYP2C19 изоферментінің тежегіші болып табылады. Осыған байланысты, Флузамед пен емдеу аясы тар, CYP2C9, CYP2C19 және CYP3A4 изоферменттерінің қатысуымен метаболизденетін препараттарды бір мезгілде қабылдап жүрген пациенттердің жағдайын мұқият қадағалау керек.

Терфенадин

Терфенадин мен тәулігіне <400 мг дозалардағы флуконазолды бір мезгілде қолданғанда, пациенттің жағдайын мұқият қадағалау керек.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Пациенттерге Флузамедті қолданғанда бас айналуы немесе құрысулардың дамуы мүмкіндігі туралы айту және аталған симптомдардың кез келгені дамыған жағдайда автомобиль руліне отырмауға және механикалық жабдықтармен жұмыс жасауға кіріспеуге кеңес беру керек.

Артық дозалануы

Симптомдары: жүрек айнуы, құсу, диарея, ауырырақ жағдайлардақұрысулар, елестеулер.

Емі: симптоматикалық (соның ішінде демеуші шаралар мен асқазанды шаю). Флуконазол негізінен несеппен шығарылады, сондықтан, қарқынды диурез, оның шығарылуын жеделдетуі ықтимал. 3 сағатқа созылатын гемодиализ сеансы қан плазмасындағы флуконазол деңгейін шамамен 50%-ға төмендетеді.

Шығарылу түрі және қаптамасы

1 капсуладан поливинилхлорид үлбір мен алюминий фольгадан жасалғанпішінді ұяшықты қаптамаға салынған.

1 пішінді ұяшықты қаптамадан медициналық қолдану жөніндегі мемлекеттік және орыс тілдеріндегі нұсқаулықпен бірге картоннан жасалған қорапшаға салынады.

Сақтау шарттары

25 ºС-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецепт арқылы

Өндіруші

«Е.И.П.И.Ко.», Египет

(Тенс ов Рамадан сити, В1 өндірістік аймағы)

Тіркеу куәлігінің ұстаушышы

«УОРЛД МЕДИЦИН ЛИМИТЕД», Ұлыбритания,

Қазақстан Республикасы аумағында тұтынушылардан өнім сапасына қатысты шағымдарды қабылдайтын ұйымның мекенжайы

ҚР, Алматы, Түрксіб ауданы, Сүйінбай д-лы, 222б

Тел/факс: 8 (7272) 529090

Дәрілік заттың тіркеуден кейінгі қауіпсіздігін қадағалауға жауапты ұйымның мекенжайы

«TROKA-S PHARMA» ЖШС, Алматы, Сүйінбай д-лы, 222б

Ұялы тел +7 701 786 33 98, (24 сағаттық байланыс).

е-mail: pvpharma@worldmedicine.kz

Дәріханалар

Тауар артығымен бар
Тауар аз қалды
Аптека № 58, Алматы, (Акбулак)
мкр Акбулак, ул.Хан Шатыр 273
Круглосуточно
Аптека № 75, Алматы, Абая Жарокова)
ул.Абая 139, уг.ул Жарокова
Круглосуточно
Аптека № 83, Алматы, (Сейфулина Калинина)
ул.Сейфуллина 510, выше Калинина
Круглосуточно
Аптека №132 Алматы, (ул.Б.Майлина 2)          
г.Алматы, ул.Б.Майлина 2
Круглосуточно
Аптека №159
г. Алматы, ул. Розыбакиева, 220
Круглосуточно
Аптека №311
улица Курмангазы, дом 144, НП 74Б.
Круглосуточно
Аптека № 74, Алматы, (Самал 1)
Самал-2, ул.Мендикулова 35 уг.ул.Аль-фараби
Круглосуточно
Аптека № 81, Алматы, (Магнум Абая)
Микрорайон Жетысу-3, 1г
Круглосуточно
Аптека № 59, Алматы, (Радостовцова 292)
Бостандыкский р., ул.Радостовцова 292 (Магнум)
Круглосуточно
Аптека №175, Алматы, (Магнум Первомайка)
п. Первомайка тр.Алматы- Капчагай в ТД Магнум
Круглосуточно
Аптека №294
Алматы ,Кульджинский тракт, 14,
Круглосуточно
Аптека № 91, Алматы, (Магнум Думан)
мкр. Думан, ТД Магнум
Круглосуточно
Аптека №57
Демьяна бедного 3
Круглосуточно
Аптека №222
ул. Розыбакиева 33/1 ТК "Оптовка" магазин №3/8
08:00-20:00
Аптека №94, Алматы, (ЖК Евразия)
ул.Масанчи, д.23/12 (ЖК Евразия)
09:00-22:00
Аптека №234
ТД "Мерей" Райымбек батыры/Суюнбая
Круглосуточно
Аптека №108 ПТ Алматы, (пр.Достык)
г.Алматы, Медеуский район, пр.Достык 248а
Круглосуточно
Аптека №260, Алматы, (Алтынсарин)
11-й микрорайон, 26 / Алтынсарина проспект, 26
Круглосуточно
Аптека №40
г. Алматы, пр. Гагарина, 296
Круглосуточно
Аптека №263, Алматы, (Жандосова)
Жандосова 162А.
09:00-21:00
Аптека №204, Алматы, (Казахфильм)
ул. Мартебе, 1а
09:00-22:00
Аптека №309
ул. Тимирязева, дом № 42/30
09 00- 22 00
Аптека №34 ПТ Алматы (Айнабулак)
мкр. Айнабулак 3 ул.Жумабаева д 98А
09:00-21:00