Фосфоглив № 50 капс
Рецепт бойынша
Тауарлардың көрінісі фотосуретте көрсетілгеннен өзгеше болуы мүмкін

Фосфоглив № 50 капс

Қолжетімділігі
Тауар қолда жоқ
Үлгі
4601669004314
Елі
Россия
Өндіруші
Фармстандарт-Лексредства
  • Сипаттама

Сипаттама

Фосфоглив®

Саудалық атауы

Фосфоглив®

Халықаралық патенттелмеген атауы

Жоқ

Дәрілік түрі

Капсулалар

Құрамы

Бір капсуланың құрамында:

белсенді заттар - фосфолипидтер (Липоид С 80) (100% затқа шаққанда) (негізгі компонент фосфатидилхолин 73-79 %) 65,0 мг, глицирризин қышқылының тринатрий тұзы (натрий глицирризинат) 35,0 мг,

қосымша заттар: микрокристалды целлюлоза, кальций карбонаты, кальций стеараты, тальк, коллоидты кремнийдің қостотығы (аэросил),

капсула қабығының құрамы: қатты желатинді №0 капсулалар [корпусы: күн батар түстес сары бояғыш (Е 110), титанның қостотығы (Е 171), желатин; қақпақшасы: титанның қостотығы (Е 171), темірдің қара тотығы бояғышы (Е 172), желатин].

Сипаттамасы

Қатты желатин капсулалар №0; капсуланың корпусы – қызғылт-сары түсті, қақпағы – қара түсті. Капсуланың ішінде – өзіне тән иісі бар сәл сарғыш реңді ақтан ашық-сары түске дейінгі түйіршіктелген ұнтақ.

Фармакотерапиялық тобы

Бауыр ауруларын емдеуге арналған препараттар.

АТХ коды А05ВА

Фармакологиялық қасиеттері

Фармакокинетикасы

Фосфатидилхолин

Ішке қабылданған фосфолипидтердің 90 % астамы жіңішке ішекте сіңеді. Олардың көп бөлігі А фосфолипазамен 1-ацетил-лизофосфатидилхолинге дейін ыдырайды, 50%-ы ішек шырышты қабығына сіңу үдерісінде полиқанықпаған фосфатидилхолинге кері ацетилденуге ұшырайды. Полиқанықпаған фосфатидилхолин лимфа ағысымен қанға түседі, одан ең бастысы, тығыздығы жоғары липопротеиндермен байланысқан түрде бауырға түседі. Фармакокинетикасы адамдарда радиобелсенді таңбасы – 3Н (холин бөлігі) және 14С (линол қышқылының қалдығы) бар диленолеилфосфатидил-холиннің көмегімен зерттелді. 3Н ең жоғары концентрациясынатағайындалған дозадан 19,9 % құрай отырып, 6-24 сағаттан кейін; – 14С 27,9 % құрай отырып, 4-12 сағаттан кейін жетеді. Холин компонентінің жартылай шығарылу кезеңі 66 сағатқа, линол қышқылының қалдығы – 32 сағатқа тең. Нәжісте 2 % 3Н және 4,5 % - 14С; несепте – 6 % 3Н және ең аз мөлшерде 14С анықталады. Екі изотоп та ішекте 90 % аса сіңеді.

Глицирризин қышқылы

Пероральді қабылдаудан кейін ішекте қалыпты микрофлора бактериялары өндіретін β-глюкуронидаза ферментінің әсерімен глицирризин қышқылынан белсенді метаболит – β-глициррет қышқылы түзіледі, ол жүйелік қан ағымына сіңеді. Қанда β-глициррет қышқылы альбуминмен байланысады және іс жүзінде толығымен бауырға тасымалданады. β-глициррет қышқылы көбіне өтпен, қалған мөлшері – несеппен бөлінеді.

Іс-тәжірибелік деректерге жүгінсек, фосфолипидтер глицирризин қышқылының липофилдік қасиеттерін оның сіңу тиімділігі мен жылдамдығын 2 еседен астам ұлғайта отырып, жақсартады.

Фармакодинамикасы

Біріктірілген дәрі. Жарғақша тұрақтандыратын, гепатопротекторлы және вирусқа қарсы әсер көрсетеді.

Фосфатидилхолин (фосфолипидтердің әсер етуші заты) жасушалық және жасушаішілік жарғақшалардың негізгі құрылымдық элементі болып табылады, зақымданған кезде цитопротекторлы әсер ете отырып, олардың құрылымы мен функциясын қалпына келтіруге қабілетті. Ақуыздық және липидтік алмасуларды қалыптандырады, ферменттердің және басқа да белсенді заттардың гепатоциттер арқылы жойылуына жол бермейді, бауырдың уытсыздандыру функциясын қалпына келтіреді, бауыр фиброзы мен циррозының пайда болу қаупін төмендетумен дәнекер тіннің түзілуін тежейді.

Глицират (глицирризин қышқылы және тұздар) қабынуға қарсы әсер иеленген, бауырда және басқа да ағзаларда интерферондардың өндірілуін көтермелеумен, фагоцитоздың жоғарылауын, табиғи киллер-жасушалар белсенділігінің артуы есебінен вирустар репродукциясын бәсеңдетеді. Антиоксиданттық және жарғақша тұрақтандыру белсенділігінің арқасында гепатопротекторлы әсер көрсетеді. Эндогендік глюкокортикостероидтардың әсерін үдетіп, бауырдың инфекциялық емес зақымдануларында қабынуға қарсы және аллергияға қарсы әсер етеді.

Тері зақымдары кезінде құрамдас бөліктердің жарғақша тұрақтандыратын және қабынуға қарсы әсер етуінің есебінен ауру үдерісінің таралуын шектейді және оның кері дамуына ықпал етеді.

Қолданылуы

- бауырдың майлы дегенерациясында (гепатоз),бауырдың алкогольдік,уытты, оның ішінде дәрілік зақымдануында

- вирустық гепатиттер, бауыр циррозы мен псориазды кешенді ем құрамында

Қолдану тәсілі және дозалары

Тамақтану кезінде шайнамай, аздаған сұйықтық мөлшерімен ішке қабылдайды.

Ересектерге ұсынылатын дозалау режимі – 2 капсуладан күніне 3 рет. Орташа алғанда препаратты қолдану ұзақтығы 3 айды құрайды, емдеуді жалғастыру қажеттілігі мен ұзақтығын дәрігер анықтайды. Қолдану ұзақтығы 6 айға дейін созылуы мүмкін.

Жағымсыз әсерлері

Жағымсыз әсерлерінің дамуы өте сирек, тіркеуден кейінгі бақылау деректері бойынша – жиілігі <1/10 000.

Аллергиялық реакциялар: тері бөртпесі, мұрынмен тыныс алудың қиындауы, конъюнктивит, жөтел.

Жүрек-қантамыр жүйесі тарапынан: артериялық қысымның транзиторлық (өтпелі) жоғарылауы, шеткері ісінулер.

Ас қорыту жүйесі тарапынан: диспепсия (кекіру, жүрек айну, іштің кебуі), іштегі жайсыздық.

Аталған симптомдар пайда болған кезде препарат қабылдауды тоқтатып, дәрігермен кеңесу керек.

Қолдануға болмайтын жағдайлар

- глицирризин қышқылына, фосфатидилхолинге немесе препараттың басқа да компоненттеріне жоғары сезімталдық

- антифосфолипидтік синдром

- жүктілік (тиімділігі мен қауіпсіздігі жөніндегі деректер жеткіліксіз)

- бала емізу кезеңі (тиімділігі мен қауіпсіздігі жөніндегі деректер жеткіліксіз)

- 18 жасқа дейінгі балаларға (бояғыштың болуына байланысты)

Сақтықпен

- портальді гипертензиясымен науқастарда және артериялық гипертониямен науқастарда, осы аурулар бар болғанда препаратты қабылдар алдында дәрігермен кеңесу қажет.

Дәрілермен өзара әрекеттесуі

Сипатталмаған.

Айрықша нұсқаулар

Артериялық қысым жоғарылаған жағдайда препарат қабылдауды тоқтатып, дәрігерге қаралу керек. 12 жастан кіші балаларда қолданудың тиімділігі мен қауіпсіздігі жөніндегі деректер жеткіліксіз.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері.

Препарат көлік құралдарын басқару және жоғары зейін қою мен психомоторлық реакциялар жылдамдығын қажет ететін басқа жұмысты орындау қабілетіне қолайсыз әсер етпейді.

Артық дозалануы

Артық дозалану жағдайлары тіркелмеген.

Шығарылу түрі және қаптамасы

10 капсуладан поливинилхлоридті үлбірден және баспалы лакталған алюминий фольгадан жасалған пішінді ұяшықты қаптамада.

5 пішінді ұяшықты қаптамадан медициналық қолдану жөніндегі мемлекеттік және орыс тіліндегі нұсқаулықпен бірге картон қорапшаға салынған.

Сақтау шарттары

25 ºС-ден аспайтын температурада сақтау керек.

Балалардың қолы жетпейтін жерде сақтау керек!

Препаратты түпнұсқалық қаптамасында сақтау керек.

Сақтау мерзімі

3 жыл

Қаптамасында көрсетілген жарамдылық мерзімі өткеннен кейін пайдалануға болмайды!

Дәріханалардан босатылу шарттары

Рецептісіз

Өндіруші

"Фармстандарт-Лексредства" ААҚ,

305022, Ресей, Курск қ., 2-ші Агрегатная к-сі, 1а/18

Тел./факс: (4712) 34-03-13,

www.pharmstd.ru

Тіркеу куәлігінің ұстаушысы

"Фармстандарт-Лексредства" ААҚ, Ресей

Қазақстан Республикасы аумағында тұтынушылардан өнім сапасына қатысты шағымдарды қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электрондық пошта)

"Қарағанды фармацевтикалық кешені" ЖШС,

100009, Қазақстан Республикасы, Қарағанды қ., Ботаническая к-сі, 12 үй

Тел./факс: +7 (7212) 437002

Тел: + 7 (7212) 507322

E-mail: kphk@kphk.kz