Фурамаг 0,05 мг №30 капс.

Сипаттама

Дәрілік затты медициналық қолдану

жөніндегі нұсқаулық

Фурамаг^®

Саудалық атауы

Фурамаг^®

Халықаралық патенттелмеген атауы

Жоқ

Дәрілік түрі

Капсулалар 50 мг

Құрамы

Бір капсуланың құрамында

белсенді зат - 43,70 мг фуразидин (50 мг калий фуразидиніне сәйкес)

қосымша заттар: негізгі магний карбонаты, калий карбонаты, тальк.

капсуланың құрамы: титанның қостотығы (Е 171), хинолинді сары (Е 104) және желатин.

Сипаттамасы

Құрамында қызыл сары-қоңырдан қызыл-қоңырға дейінгі түсті ірі ұнтақ бар қатты желатинді капсулалар № 3 (сары/сары). Ақ, сары, қызыл-сары және қызыл сары-қоңыр бөлшектер болуына жол беріледі.

Фармакотерапиялық тобы

Жүйелік қолдануға арналған инфекцияға қарсы препараттар. Жүйелік қолдануға арналған бактерияға қарсы препараттар. Бактерияға қарсы басқа препараттар. Нитрофуран туындылары. Фуразидин.

АТХ коды J01XЕ03

Фармакологиялық қасиеттері

Фармакокинетикасы

Фурамаг 1:1 арақатынасындағы калий фуразидині және негізгі магний карбонатының қоспасы болып табылады. Калий фуразидинінің фармакокинетикалық қасиеттері қарапайым фуразидин қасиеттерінен ерекше болып келеді. Ішке қабылдағанда фуразидин калийдің дәл сол дозалардағы биожетімділігі фуразидинге қарағанда шамамен 3 есе жоғары, және тиісінше, бактериостатикалық әсері елеулі жоғарылайды.

Сіңірілуі – жіңішке ішекте баяу диффузия жолымен жүреді. Нитрофурандардың жіңішке ішектің дистальді сегментінен сіңуі проксимальді және медиальді сегменттен сіңуін арттырады, тиісінше 2 және 4 есе (урогенитальді инфекцияларды және асқазан-ішек жолдары ауруларын, оның ішінде созылмалы энтериттерді бір мезгілде емдеуде ескеру керек).

Тамақ ішу дәрілік заттардың сіңуіне ықпал етеді.

Фурамагты 50 мг дозада бір рет қабылдаудан кейін қан плазмасындағы ең жоғары концентрациясына 3 сағаттан кейін жетеді және 6-8 сағат сақталады; калий фуразидині несепте 2-4 сағаттан кейін анықталады. Дәрілік заттың лимфадағы құрамының жоғары болуы клиникалық тұрғыдан маңызды (инфекцияның лимфалық жолмен таралуын тежейді). Өттегі және несептегі белсенді заттың концентрациясы бірнеше есе жоғары, ал ликворда – сарысуға қарағанда бірнеше есе төмен.

Бүйрек арқылы бөліну шумақтық сүзілу және өзекшелік сөлініс жолымен (85 %) жүреді, ішінара өзекшелерде кері реабсорбцияға ұшырайды. Калий фуразидинінің несептегі төмен концентрациясында сүзілу және секреция үдерісі басым болады, жоғары концентрациясында секреция азаяды және реабсорбция ұлғаяды.

Басқа нитрофурандардан ерекшелігі, Фурамагты қабылдағаннан кейін несептің рН өзгермейді.

Қышқыл реакциясы бар несепте (рН ≤ 5,5) нитрофурандардың белсенділігі артады және уыттылық даму қаупі жоғарылайды.

Сілтілі несепте калий фуразидинінің шығарылуы күшейеді және дәрілік заттардың әсері азаяды.

Елеусіз биотрансформацияланады (10% аз), бүйректің бөліп шығаруфункциясының төмендеуінде метаболизм қарқындылығы өседі. Күндізгі доза организмнен 24 сағат ішінде шығарылады.

Фармакодинамикасы

Фурамаг, әсер ету ауқымы кең нитрофурандар тобына жататын микробқа қарсы дәрі. Фурамагқа резистенттілігі баяу дамиды және жоғары дәрежеге жетпейді.

Фурамаг грамоң, сондай-ақ грамтеріс микробтарға, Staphylococcus spp. патогендік штаммдарға және антибиотиктерге резистентті басқа да микроорганизмдерге қатысты белсенді.

Стафилококктарға қатысты (Staphylococcus aureus, S. saprophyticus, S. еpidermidis), Escherichia coli, Aerobacter aerogenes, Proteus mirabilis, Proteus morganii, Streptococcus agalactiae, Enterococcus spp.– Enterococcus faecalis, Enterococcus faecium және Corynebacterium, кейбір грамтеріс бактериялар (Citrobacter amalonaticus, C. diversus, C. freundii, Klebsiella oxytoca, K. ozaenae, Enterobacter, Neisseria, Salmonella, Shigella).

Pseudomonas aeruginosa тұрақты, Proteus spp., Serratia spp штаммдарының көбі тұрақты.

Фуразидин микроорганизмдердің ферментативтік жүйесін бәсеңдетеді және микроорганизмдер жасушаларында басқа биохимиялық үдерістерді басады, соның нәтижесінде олардың қабығының немесе цитоплазмалық жарғақшаның бұзылуы жүреді.

Нитрофурандар әсері нәтижесінде микроорганизмдер токсинді азырақ бөледі, осыған байланысты пациенттің жалпы жағдайы микрофлораның өсуі айқын бәсеңдетілуіне дейін де жақсаруы мүмкін.

Қолданылуы

Фуразидин калийге сезімтал микроорганизмдерден туындаған инфекцияларда: несеп шығару жолдарының инфекцияларында (жедел цистит, уретрит, пиелонефрит), простатитте, тері және жұмсақ тіндердің инфекцияларында, ауыр инфекция жұқтырған күюлерде, гинекологиялық инфекцияларда.

Несеп шығару жолдары инфекцияларының профилактикасы үшін урологиялық операцияларда, цистоскопияда, катетеризацияда және т.б.

Қолдану тәсілі және дозалары

50-100 мг (1-2 капсула) күніне 3 рет қабылдау керек.

Емдеу курсы 7-10 күнді құрайды. Қажет болғанда 10-15 күндік үзілістен соң курсты қайталайды.

Инфекциялар профилактикасы үшін

50 мг күніне бір рет қабылдау керек.

Өткізіп алған дозаның орнын толтыру үшін ешқашан қосарлы доза қабылдамаңыз.

Пациенттердің ерекше топтары

Бауыр функциясы бұзылған пациенттерге дәрілік затты сақтықпен қолдану керек, емдеу кезінде бауыр функциясының көрсеткіштерін бақылау қажет.

Бүйрек функциясы бұзылған пациенттерге дәрілік затты сақтықпен қолдану керек, емдеу кезінде бауыр функциясының көрсеткіштерін бақылау қажет.

Дәрілік затты егде жастағы пациенттерге сақтықпен қолдану керек.

Қолдану тәсілі

Дәрілік затты тамақтан кейін ішеді. Капсуланы, көп мөлшердегі сұйықтықпен іше отырып, бүтіндей жұтады.

Жағымсыз әсерлері

Фурамаг, басқа да дәрілік заттар сияқты, барлық пациенттерде біліне бермейтін жағымсыз әсерлер туындатуы мүмкін.

Қолайсыз жағымсыз реакциялардың даму жиілігіне қарай жіктелуі: өте жиі (≥ 1/10); жиі (≥ 1/100 - < 1/10 дейін); жиі емес (≥ 1/1000 - < 1/100 дейін); сирек (≥ 1/10 000 - < 1/1000 дейін); өте сирек (< 1/10 000); біліну айқындығы белгісіз (қолжетімді деректер бойынша анықтау мүмкін емес)*.

Жиі

- бас ауыруы

Жиі емес

- бас айналуы, ұйқышылдық

• жүрек айнуы, метеоризм

Сирек

- шеткері нейропатия

- көрудің бұзылуы

- құсу, тәбеттің болмауы, диарея, диспепсия, іш қатуы, іш ауыруы

- папулезді бөртпелер, қышыну

Өте сирек

- қан түзілуі бұзылуы (апластикалық анемия, агранулоцитоз, тромбоцитопения)

- панкреатит.

- өкпенің жоғары сезімталдығының жедел және созылмалы реакциялары. Өкпедегі жедел реакция қарқынды дамиды. Өкпедегі жедел реакция қатты ентігу, қызба, кеуденің ауыруы, жөтел (қақырықпен немесе қақырықсыз), эозинофилиямен сипатталады. Өкпедегі жедел реакциямен бір мезгілде тері бөртпесі, қышыну, есекжем, ангионевроздық ісіну және миалгия туралы хабарланған. Өкпедегі жедел реакция негізіне жоғары сезімталдық реакциясы жатады, ол бірнеше сағат, сиректеу – минут ішінде дамуы мүмкін. Өкпедегі жедел реакция әдетте дәрілік затты қабылдауды тоқтатқаннан кейін қайтады.

Созылмалы өкпе реакциялары нитрофуранмен емдеу тоқтатылған соң ұзақ уақыт бойы туындауы мүмкін және біртіндеп күшейетін ентігумен, жиі тыныс алумен,қызбамен, эозинофилиямен, үдемелі жөтелмен, интерстициальді пневмониямен және/немесе өкпе фиброзымен сипатталады.

- ангиоэдема, есекжем, эксфолиативті дерматит, полиморфты эритема, қайтымды алопеция

- артралгия (буындардағы ауыру)

- жеңіл бассүйекішілік гипертензия

- холестаздық сарғаю, гепатит

- әлсіздік, температура жоғарылауы

Фурамаг несепті күңгірт-сары немесе қоңыр түске бояйды.

Асқазан-ішек жолдары тарапынан жағымсыз әсерлер жиілігі препаратты тамақпен бірге қабылдағанда азаяды.

Жағымсыз әсерлерді болдырмау немесе айқындығын азайту үшін көп мөлшердегі сұйықтық пайдалану, В тобының дәрумендерін және антигистаминдік дәрілерді қабылдау ұсынылады. Айқын білінген жағымсыз әсерлерде дозаны төмендету немесе дәрілік заттарды қабылдауды тоқтату керек.

Егер Сізде қосымша бетте көрсетілмеген қандай да бір жағымсыз әсерлер білінсе немесе аталған жағымсыз әсерлердің қандай да бір түрі ерекше қатты білінсе дәрігерге қаралуды өтінеміз.

Қолдануға болмайтын жағдайлар

• әсер етуші заттарына, нитрофуран тобының басқа қосылыстарына немесе дәрілік заттың қосымшаларына жоғары сезімталдық
• ауыр бүйрек жеткіліксіздігі
• полинейропатия (диабеттікті қоса)
• порфирия (тұқым қуалайтын қандағы пигменттік алмасудың бұзылуы)
• жүктілік және бала емізу
• 18 жасқа дейінгі балалар мен жасөспірімдер

Дәрілермен өзара әрекеттесуі

Емдеуші дәрігерге барлығы туралы, оның ішінде өзіңіз қабылдайтын рецептісіз босатылатын дәрілік заттар туралы да міндетті түрде хабар беріңіз.

Қан түзілуі үдерісін бәсеңдету мүмкіндігінен ристомицинмен, левомицетинмен, сульфаниламидтермен бір уақытта қолдануға болмайды.

Пенициллинмен және цефалоспоринмен бір уақытта қолданғанда бактерияға қарсы әсері елеулі артады. Тетрациклинмен, эритромицинмен немесе олеандомицинмен жақсы біріктіріледі.

Несепті сілтілендіретін дәрілер нитрофурандардың белсенділігін әлсіретеді.

Несепті қышқылдандыратын дәрілер (қышқылдар, оның ішінде аскорбин қышқылы, сондай-ақ кальций хлориді), дәрілік заттың белсенділігін күшейтеді, бірақ уытты құбылыстар даму қаупін арттырады.

In vitro нитрофурандар хинолондар (налидиксин қышқылы, норфлоксацин, оксолин қышқылы) антагонистері болып табылады. Алайда мұндай өзара әрекеттесудің in vivo клиникалық мәнділігі зерттелмеген, сондықтан хинолондармен бір мезгілде қолданбаған дұрыс.

Фурамагты және урикозуриялайтын дәрілік заттарды (пробенецид, сульфинпиразон) бір мезгілде қолдану фуразидин калийдің несеппен шығарылуын төмендетеді және, тиісінше, уыттылығын ұлғайтуы мүмкін.

Қолайсыз жағымсыз әсерлер (жүрек қағуы күшеюі, жүректің ауыруы, бас ауыруы, жүрек айнуы, құсу, құрысулар, артериялық қысым төмендеуі, ысу мен қорқыныш сезімі) күшеюі мүмкіндігінен емдеу уақытында алкогольдік сусындар пайдалануға болмайды.

Айрықша нұсқаулар

Гемолиз даму қаупі болғандықтан глюкоза-6-фосфатдегидрогеназа тапшылығы бар пациенттерге абайлаған жөн.

Бүйрек, бауыр және жүйке жүйесі қызметі бұзылуы бар пациенттерге сақтықпен қабылдау керек. Фурамагты бүйрек паренхимасы инфекцияларында қабылдау ұсынылмайды.

Анемиясы, В тобы дәрумендері мен фолий қышқылының тапшылығы, өкпе ауруы бар пациенттерге және дәрілік заттарға белгілі жоғары сезімталдығы бар пациенттерге сақ болу керек.

Полинейропатия даму қаупіне байланысты қант диабеті бар пациенттерге сақтықпен тағайындау керек. Нейропатияның алғашқы симптомдарында дәрілік заттарды қабылдауды тоқтату керек. Сондай-ақ Фурамагты ұзақ уақыт қолдану да шеткері нейропатияны (ауыру, тиісті жүйке аумағында сезімталдық бұзылуы) туындатуы мүмкін.

Фурамагты анамнездегі жоғары сезімталдық жағдайында сақтықпен қолдану керек.

Ұзақ уақыт қолданғанда бауыр және бүйрек функциясы көрсеткіштерін, сондай-ақ өкпенің функциясын, әсіресе 65 жастан асқан пациенттерде (өкпе фиброзы қаупі), бақылау керек.

Фурамагтың профилактикаға арналған дозаларын ұзақ уақыт қолданғанда бактерияларға клиникалық елеулі резистенттілік дамымайды. Жалған жарғақшалы колит жағдайлары туралы хабарламалар нитрофуран туындыларын қоса, бактерияға қарсы дәрілердің барлығында дерлік болса да, Фурамагпен емдеу кезінде жалған жарғақшалы колиттің даму жағдайлары туралы деректер жоқ. Бактерияға қарсы дәрілерді қолдану уақытында тік ішектің табиғи микрофлорасын бәсеңдетуден туындаған диареясы бар пациенттерде бұл жағымсыз әсерлер болуы ықтималдығын назарда ұстау керек. Антибиотиктерден айырмашылығы, Фурамаг іс жүзінде ішек микрофлорасын өзгертпейді. Жалған жарғақшалы колиттің жеңіл түрінде бактерияға қарсы дәрілерді қабылдауды тоқтату жеткілікті.

Фурамаг қабылдайтын пациенттерде несептегі глюкозаны мысты қалпына келтіру әдісімен анықтағанда жалған-оң нәтиже беруі мүмкін. Егер несептегі глюкозаны анықтау үшін ферментативті әдістер пайдаланылса, Фурамаг талдама нәтижесіне әсер етпейді.

Дәрілік препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Дәрілік зат көлік құралдарын басқару жәнемеханизмдермен жұмыс істеу қабілетіне әсер етпейді. Бірақ емдеу уақытында бас айналуы, ұйқышылдық немесе орталық жүйке жүйесі тарапынан басқа да жағымсыз әсерлер туындайтын пациенттерге автокөлік немесе басқа да механизмдерді басқаруда сақтық жасау керек.

Артық дозалануы

Артық дозалану жағдайлары туралы деректер болған жоқ. Әдетте уыттылық құбылыстары бүйрек функциясы бұзылуы бар пациенттерде болуы мүмкін. Бұл жағдайларда байқалатын симптомдар: нейроуытты реакциялар, оның ішінде атаксия, тремор.

Емі. Артық дозаланған жағдайда мол мөлшерде сұйықтық пайдалану керек. Жедел симптомдарды басу үшін антигистаминдік дәрілер қолдану керек. В тобының дәрумендерін (тиамин бромиді) қолдану ұсынылады.

Шығарылу түрі және қаптамасы

10 капсуладан поливинилхлоридті үлбірден және лакталған алюминий фольгадан жасалған пішінді ұяшықты қаптамада;

3 пішінді ұяшықты қаптамадан медициналық қолдану жөніндегі мемлекеттік және орыс тіліндегі нұсқаулықпен бірге картон қорапшаға салынған.

Сақтау шарттары

Құрғақ, жарықтан қорғалған жерде, 25⁰С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Жарамдылық мерзімі өткеннен кейін қолдануға болмайды.

Босатылу шарттары

Рецепт арқылы

Өндіруші

“Олайнфарм”АҚ.

Мекенжайы: Рупницу к-сі 5, Олайне, LV-2114, Латвия.

Тіркеу куәлігінің иесі

«Олайнфарм» АҚ, Латвия

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері

050009 Алматы қ., Абай даңғылы 151/115, 807 кеңсе,

телефон /факс 007 727 333 46 52, E-mail:olainfarm.instr@mail.ru