Сипаттама
Саудалық атауы
Фурасол
Халықаралық патенттелмеген атауы
Жоқ
Дәрілік түрі, дозалануы
Жергілікті және сыртқа қолдануға арналған ерітінді дайындауға арналған ұнтақ, 100 мг
Фармакотерапиялық тобы
Дерматология. Антисептиктер және дезинфекциялайтын заттар. Нитрофуран туындылары.
АТХ коды: D08AF
Қолданылуы
- ауыз қуысы мен тамақтың қабынуы
- инфекция жұқтырған жаралар
- күйіктер
- іріңді қабынулар
Қолдануды бастағанға дейін қажетті мәліметтер тізбесі
Қолдануға болмайтын жағдайлар
- калий фуразидиніне немесе нитрофуран қатарындағы препараттарға жоғары сезімталдық
- аллергиялық дерматит
- жүктілік және лактация кезеңі
- 4 жасқа дейінгі балалар
Басқа дәрілік препараттармен өзара әрекеттесуі
Антибиотиктердің әсерін күшейтеді. Емдеу кезінде теріде аллергиялық реакциялардың даму ықтималдығы алкоголь ішімдіктерін қолданған жағдайда артады.
Арнайы ескертулер
Жекелеген жағдайларда аллергиялық реакциялар дамуы мүмкін. Мұндай жағдайда препаратты қолдануды тоқтату және дәрігерге жүгіну керек.
Ерітіндіні тікелей қолданар алдында дайындайды.
Дайындалған ерітіндіні сақтауға болмайды.
Педиатрияда қолдану
4 жастан кіші балаларға ауыз қуысы мен тамақты шаю үшін қолдануға болмайды, өйткені бала ауыз қуысы мен тамағын әлі де өзі шая алмайды.
Жүктілік немесе лактация кезінде
Қолдануға болмайды. Жүктілік және бала емізу кезінде дәрілік затты қолдану туралы жақсы бақыланатын клиникалық зерттеулер туралы деректер жоқ.
Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Препарат көлік құралын немесе ықтималдығы зор механизмдерді басқару қабілетіне әсер етпейді.
Қолдану жөніндегі нұсқаулар
Дозалау режимі
Ауыз қуысы мен тамақтың қабынуы
Пакеттің ішіндегісін стақандағы (200 мл) ыстық қайнаған суда ерітеді. Жылы ерітінді күніне 2-3 рет ауыз қуысы мен тамақты шаю үшін пайдаланады.
Инфекция жұқтырған жаралар, күйіктер, іріңді қабынулар
Пакеттің ішіндегісін стақандағы (200 мл) ыстық қайнаған суда немесе дистилденген суда ерітеді. Жылы ерітіндіні күніне 1-2 рет инфекция жұқтырған жараларды, күйіктерді, іріңді қабынуды өңдеу үшін пайдаланады.
Енгізу әдісі мен жолы
Ерітіндіні тікелей қолданар алдында дайындайды. Дайындалған ерітіндіні сақтауға болмайды!
Артық дозаланған жағдайда қабылдануы тиіс шаралар
Артық дозалануы анықталған жоқ.
ДП стандартты қолданған кезде байқалатын жағымсыз реакциялардың сипаттамасы және осы жағдайда қабылдауға тиісті шаралар
Фурасол басқа дәрілік заттар сияқты, жағымсыз әсерлер туындауы мүмкін. Фурасол ерітіндісі жекелеген жағдайларда аллергиялық реакцияларға әкелуі мүмкін. Мұндай жағдайларда препаратты қолдануды дереу тоқтатып, антигистаминді препараттарды, кальций хлоридін және Б тобындағы дәрумендерді қолдануды бастау керек.
Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет
Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК
http://www.ndda.kz
Қосымша мәліметтер
Дәрілік препараттың құрамы
Бір пакетте
белсенді зат-100,0 мг калий фуразидині
(87,4 мг фуразидинге баламалы),
қосымша зат: 900,0 мг натрий хлориді
Сыртқы түрінің, иісінің, дәмінің сипаттамасы
Қызғылт сары-қоңыр түсті ірі ұнтақ.
Шығарылу түрі және қаптамасы
1 г ұнтақты ламинаттан жасалған пакеттерге салады.
Ламинаттан жасалған 5 немесе 15 пакеттен медициналық қолдану жөніндегі қазақ және орыс тіліндегі нұсқаулығымен бірге картон қорапшаға салынады.
Сақтау мерзімі
5 жыл.
Жарамдылық мерзімі өткеннен кейін қолдануға болмайды.
Сақтау шарттары
Жарық пен ылғалдан қорғалған жерде, 25°С-ден аспайтын температурада сақтау керек.
Балалардың қолы жетпейтін жерде сақтау керек!
Дәріханалардан босатылу шарттары
Рецепт арқылы
Өндіруші туралы мәліметтер
«Олайнфарм» АҚ
Рупница к. 5, Олайне, LV-2114, Латвия
Тел.: +371 67013705, факс: +371 67013777
E-mail: olainfarm@olainfarm.com
Тіркеу куәлігінің ұстаушысы
«Олайнфарм» АҚ
Рупница к. 5, Олайне, LV-2114, Латвия
Тел.: +371 67013705, факс: +371 67013777
E-mail: olainfarm@olainfarm.com
Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)
«Олайнфарм» АҚ өкілдігі
050009 ж. Алматы, Абай даңғылы 151/115, 807 кеңсе
Телефон / факс +7 727 333 46 52
E-mail olainfarm.instr@mail.ru
