Сипаттама
Дәрілік препаратты медициналық қолдану
жөніндегі нұсқаулық (қосымша парақ)
Саудалық атауы
Глюкоза
Халықаралық патенттелмеген атауы
Жоқ
Дәрілік түрі, дозасы
Инфузияға арналған ерітінді 5 % және 10 %
Фармакотерапиялық тобы
Қан және қан түзу ағзалары. Қан алмастырғыштар. Перфузиялық ерітінділер. Ирригациялық ерітінділер. Басқа да ирригациялық ерітінділер. Глюкоза.
АТХ коды В05СХ01
Қолданылуы
- көмірсу көзі
- сұйықтықты жоғалтқан жағдайлардағы регидратация
- парентералді енгізілетін дәрілік препараттарды сұйылту және еріту
- гипогликемия (10% концентрация үшін)
Қолдануды бастағанға дейін қажетті мәліметтер тізбесі
Қолдануға болмайтын жағдайлар
- препараттың белсенді және қосымша компоненттеріне аса жоғары сезімталдық
- декомпенсацияланған қант диабеті
- декомпенсацияланған қантсыз диабет (10% концентрация үшін)
- гиперосмолярлық кома
- гемодилюция және жасушадан тыс гипергидратация
- гиперволемия
- гипергликемия және гиперлактатемия
- ауыр бүйрек жеткіліксіздігі (олигуриямен немесе ануриямен)
- декомпенсацияланған жүрек жеткіліксіздігі
- сол жақ қарыншаның жедел жеткіліксіздігі
- жайылған ісінулер, өкпенің ісінуі, мидың ісінуі
- асцитпен бауыр циррозы
- гипонатриемия
- бассүйекішілік гипертензия
- глюкозаны көтере алмаушылықтың белгілі формалары (мысалы, метаболизмдік стресс, глюкоза-галактоза мальабсорбциясының синдромы)
- бас жарақатынан кейін алғашқы 24 сағат ішінде ерітіндіні енгізу
- гемолиз және тромбоз қаупіне байланысты гемотрансфузияға арналған инфузиялық жүйені пайдалану
- жүгеріні немесе жүгеріден жасалған өнімдерді белгілі көтере алмаушылығы бар пациенттер (жүгеріден декстрозаны алған кезде)
- глюкоза ерітіндісіне қосылатын кез келген препараттарға қарсы көрсетілім.
Қолдану кезінде қажетті сақтық шаралары
Басқа дәрілік препараттармен араластырған кезде олардың үйлесімділігін көзбен көріп бақылау керек.
Басқа дәрілік заттарды сұйылту немесе еріту үшін препаратты осы дәрілік препаратқа қолдану жөніндегі нұсқаулықта тиісті концентрацияны декстроза ерітіндісімен сұйылту туралы нұсқау бар болса ғана қолдану керек.
Үйлесімділігі туралы ақпарат болмаған жағдайда препаратты басқа дәрілік заттармен араластыруға болмайды.
Қандай да бір дәрілік затты қосар алдында препараттың рН диапазонында судағы тұрақтылығына және оның еритініне көз жеткізу керек.
Препаратқа үйлесімді дәрілік затты қосқаннан кейін алынған ерітіндіні дереу енгізу керек.
Үйлесімсіздігі белгілі дәрілік заттарды пайдалануға болмайды.
Декстроза ерітіндісін гемотрансфузияға арналған инфузиялық жүйе арқылы енгізген кезде гемолиз және тромбоз қаупі болуы мүмкін.
Басқа дәрілік препараттармен өзара әрекеттесуі
Глюкозаның 5% гликемиялық әсерлері ретінде, сондай-ақ оның су-электролиттік теңгерімге әсерін гликемиялық бейінге, су және/немесе электролиттік теңгерімге әсер ететін басқа заттармен ем алатын пациенттерде 5% глюкозаны пайдаланған кезде ескеру керек.
Катехоламиндерді және стероидтарды бірге қолдану декстрозаның (глюкозаның) сіңірілуін азайтады.
Вазопрессорлық әсердің күшеюіне әкелетін препараттар
Төменде аталған препараттар, бүйрек электролиттерінің сусыз экскрециясын төмендете отырып және вена ішілік сұйықтықтармен барабар теңдестірілген емдеуден кейін госпитальдық гипонатриемия қаупін арттыра отырып, вазопрессорлық әсерді күшейтеді.
- Хлорпропамид, клофибрат, карбамазепин, винкристин, серотонинді кері қармаудың селективті тежегіштері, 3,4-метилендиокси-N-метамфетамин, ифосфамид, антипсихотиктер, есірткі сияқты вазопрессинді босатуды ынталандыратын препараттар;
- Хлорпропамид, ҚҚСП, циклофосфамид сияқты вазопрессиннің әсерін күшейтетін препараттар;
- Вазопрессин аналогтары: десмопрессин, окситоцин, терлипрессин
- Гипонатриемия қаупін арттыратын басқа да дәрілік заттар, сондай-ақ жалпы диуретиктер мен окскарбазепин сияқты эпилепсияға қарсы дәрілер кіреді.
Өзара әрекеттесу зерттеулері жүргізілген жоқ.
Арнайы ескертулер
Глюкозаны вена ішіне құю әдетте изотониялық ерітінділер болып табылады. Алайда, организмде глюкоза бар сұйықтықтар глюкозаның жылдам метаболизмденуі салдарынан өте физиологиялық гипотоникалық болуы мүмкін.
Қанмен, консервацияланған ACD бірге қолдануға болмайды. Глюкозаның ауқымды көлемді инфузиялары электролиттерді көп жоғалтқан пациенттерде қауіпті болуы мүмкін.
Электролиттік теңгерімді бақылау керек! Осмолярлығын арттыру үшін 5% глюкоза ерітіндісін натрий хлоридінің 0,9% ерітіндісімен біріктіруге болады.
Гипергликемия
Глюкоза ерітінділерін жылдам енгізу елеулі гипергликемия және гиперосмолярлық синдромды тудыруы мүмкін.
Қандағы глюкоза деңгейін бақылап отыру керек. Гипергликемия болған жағдайда препаратты енгізу жылдамдығын түзету және/немесе қысқа әсерлі инсулин тағайындау керек (4-5 г глюкозаға инсулиннің 1 ӘБ есебінен тері астына инсулиннің 4-5 ӘБ).
Инсулин секрециясына әсері
Глюкозаны ұзақ вена ішіне енгізу және оған байланысты гипергликемия глюкозамен ынталандырылған инсулин секрециясының жылдамдығының төмендеуіне әкелуі мүмкін.
Балаларда қолдану
Жаңа туған нәрестелерде, әсіресе шала туған немесе дене салмағы төмен туған нәрестелерде гипо - немесе гипергликемияның даму қаупі жоғары, сондықтан глюкоза ерітінділерін вена ішіне енгізу кезінде алшақ жағымсыз салдарды болдырмау үшін қандағы глюкоза концентрациясын мұқият бақылау қажет. Жаңа туған нәрестелерде гипогликемия ұзақ тырысуға, комаға және мидың зақымдануына әкелуі мүмкін.
Гипергликемияны қарыншаішілік қан құйылуымен, кейінге қалдырылған бактериялық және зеңдік инфекциялық ауруларымен, шала туған нәрестелердің ретинопатиясымен, некротикалық энтероколитпен, бронх-өкпе дисплазиясымен, ұзақ емдеуге жатқызумен және өлім-жітіммен байланыстырады.
Балалар (жаңа туған нәрестелер мен үлкен жастағы балаларды қоса алғанда) гипоосмотикалық гипонатриемияның, сондай-ақ гипонатриемиялық энцефалопатия дамуының жоғары қаупіне ұшырайды. Сондықтан балаларда плазмалық электролит концентрациясы мұқият бақылануы тиіс.
Аса жоғары сезімталдық реакциялары
Егер препаратта жүгеріден алынған декстроза бар болса, препаратты жүгеріні көтере алмайтындығы белгілі пациенттерге қолдануға болмайды, өйткені жоғары сезімталдық реакциясының пайда болуы мүмкін: анафилактикалық реакциялар, қалтырау, қызба.
Электролит теңгерімінің бұзылуы
Электролитті теңгерім бұзылуының жоғары қаупін ескеру қажет: гипонатриемия, гипокалиемия, гипофосфатемия, гипомагниемия, олар тек электролиттер жоқ сұйықтықты енгізу ғана емес, глюкозаны енгізу нәтижесі болып табылады.
Гипонатриемия
Жедел гипонатриемия жедел гипонатриемиялық энцефалопатияға (мидың ісінуі) әкелуі мүмкін, оған бас ауруы, жүрек айнуы, құрысулар, летаргия және құсу тән. Менингит, бассүйек ішілік қан кетуі, мидың зақымдануы, әсіресе ауыр, қайтымсыз және өмірге қауіпті мидың зақымдану қаупі бар.
Су-электролитті теңгерімнің бұзылу қаупі жоғары пациенттерге ерекше сақтық тануды ұсынады.
Регидратациялық ем жүргізу кезінде глюкоза ерітіндісін электролиттер ерітінділерімен біріктіріп қолдану ұсынылады.
Қан айналымының бұзылуы
Қан айналымы бұзылғанда және созылмалы жүрек жеткіліксіздігінде сақтықпен қолдану керек. Глюкоза ерітінділерін қолдану гипергликемияға әкелуі мүмкін. Сондықтан оларды жедел ишемиялық инсульттен кейін енгізуге болмайды, өйткені гипергликемия мидың ишемиялық зақымдануының күшеюімен ұштасады және сауығуға кедергі жасайды.
Қайта қоректендіру синдромы
Глюкоза ерітінділерінің қайталанған инфузиялары өте арыған пациенттерге калий, фосфор және магний жасушаішілік ығысуымен сипатталатын, пациенттерде анаболиялық жағдайы дамитын қайталап қоректендіру синдромына әкелуі мүмкін. Тиамин тапшылығы және сұйықтықтың тежелуі де дамуы мүмкін. Мұқият мониторинг және қоректік заттарды тұтынудың баяу артуы, шамадан тыс қоректендіруден аулақ бола отырып, бұл асқынулардың алдын алуы мүмкін.
Бүйрек жеткіліксіздігі
Жеңіл және орташа бүйрек жеткіліксіздігі кезінде препаратты сақтықпен қолданады. Ауыр бүйрек жеткіліксіздігі кезінде препаратты қолдануға болмайды.
Қант диабеті
Қант диабеті бар пациенттерде препаратты сақтықпен қолданады: енгізу жылдамдығын түзету және/немесе қысқа әсерлі инсулин тағайындау керек (4-5 г глюкозаға инсулиннің 1 ӘБ есебінен тері астына инсулиннің 4-5 ӘБ).
Жүктілік немесе лактация кезінде
5% және 10% глюкоза ерітіндісін жүктілік кезінде электролитті теңгерім мен сұйықтық теңгерімі бақыланатын және физиологиялық қалып шегінде болатын жағдайда қолдануға болады. Егер босанатын әйелге глюкозаны вена ішіне енгізсе, онда оның қанындағы глюкоза концентрациясы 11 ммоль/л аспауы тиіс.
Глюкоза ерітіндісін жүкті әйелдерге босану кезінде, әсіресе егер ол гипонатриемияның даму қаупіне байланысты окситоцинмен біріктіріп енгізілсе, аса сақтықпен енгізген жөн.
Лактация кезеңінде глюкоза ерітіндісін пайдалану туралы баламалы деректер жоқ. Алайда лактацияға ешқандай әсер етпейді. Глюкоза ерітіндісін лактация кезеңінде пайдалануға болады.
Егер глюкоза ерітіндісі (декстрозалар) дәрілік препаратқа қосылса, дәрілік препараттың қасиеттері және оның жүктілік кезінде және емшек емізу кезеңінде қолданылуы жеке қаралады.
Препараттың көлік құралдарын және қауіптілігі зор механизмдерді басқару қабілетіне әсер ету ерекшеліктері
Әсер етпейді
Қолдану жөніндегі нұсқаулар
Дозалау режимі
Глюкозаның 5% изотониялық ерітіндісін минутына 7 мл-ге дейін ең жоғары жылдамдықпен вена ішіне тамшылатып енгізеді (1 минутта 150 тамшы немесе сағатына 400 мл).
Ересектерге арналған ең жоғары тәуліктік доза - 3 л.
Глюкозаның 10% гипертониялық ерітіндісін бір енгізуге 20-40-50 мл тек қана вена ішіне енгізеді. Қажет болған жағдайда тамшылатып 1 минутта 60 тамшыға дейін (3 мл/мин) енгізеді. Ересектерге арналған ең жоғары тәуліктік доза - 1 л.
Енгізілетін ерітіндінің концентрациясы мен дозасы пациенттің жасына, дене салмағына және клиникалық жағдайына байланысты болады.
Препаратты тұрақты медициналық бақылаумен қолдану керек. Клиникалық және биологиялық параметрлерді, атап айтқанда қандағы глюкоза концентрациясын, сондай-ақ сулы-электролитті теңгерімін мұқият бақылау керек.
Глюкозаның толық және жылдам сіңірілуі үшін кейде бір мезгілде инсулинді енгізеді (тері астына 4-5 ӘБ).
Ересектер мен егде жастағы адамдар
1 кестедегі ұсынылатын дозалар дене салмағы 70 кг жуық ересектерде қолдануға арналған бағдар ретінде қызмет етеді.
Гемодилюциядан аулақ болу үшін ұсынылатын дозалар шегіндегі ең жоғары көлемдерді 24 сағат ішінде енгізген жөн. Инфузияның ең жоғары жылдамдығы пациент организміндегі глюкозаны жою шегінен аспауы тиіс, себебі бұл гипергликемияға әкелуі мүмкін.
Пациенттің клиникалық жағдайына байланысты енгізу жылдамдығы осмостық диурездің пайда болу қаупін азайту үшін төмендеуі мүмкін.
Инфузиялық енгізуге арналған дәрілік препараттарды сұйылту және еріту үшін препаратты қолданған кезде қажетті көлем қосылатын дәрілік препараттарды қолдану жөніндегі нұсқаулықтың негізінде анықталады.
1 кесте
Ересектердегі 5% және 10% глюкоза ерітінділерін дозалау бойынша ұсынымдар (70кг)(*)
Қолданылуы Бастапқы тәуліктік доза Енгізу жылдамдығы Қолданудың ұсынылатын ұзақтығы
Көмірсулар көзі ретінде (жеке немесе қажет болған жағдайда парентеральді қоректендірудің бір бөлігі ретінде)
5% глюкоза үшін тәулігіне 500 мл-ден
3000 мл дейін
(тәулігіне 7-ден 40 мл/кг дейін)
10% глюкоза үшін
тәулігіне 20-50 мл-ден
1000 мл дейін 5 мг/кг/мин
(3 мл/кг/сағ.)
ұсынылатын ең жоғары енгізу жылдамдығы пациентте глюкозаның тотығу деңгейінен аспауы тиіс, себебі бұл гипергликемияға әкелуі мүмкін
Емдеу ұзақтығы пациенттің клиникалық
жағдайына байланысты болады
Гипогликемияны емдеу және профилактикалау
Көмірсуларға қажеттілігі жоғары пациенттерде сұйықтықты жоғалтқан жағдайдағы және дегидратация кезіндегі регидратация
Парентеральді енгізілетін дәрілік препараттарды сұйылту және еріту үшін Енгізілетін дәрілік препараттың дозасына 50-250 мл
Сұйылтылатын дәрілік препаратқа байланысты Сұйылтылатын дәрілік препаратқа байланысты
* Ұсынылған дозаның ең үлкен көлемін гемодилюцияны болдырмас үшін 24 сағат ішінде енгізу керек.
Балалар және жасөспірімдер
Инфузия жылдамдығы, көлемі және ерітінділерді енгізу ұзақтығы пациенттің жасына, дене салмағына, клиникалық жағдайына және метаболизміне, сондай-ақ балаларда вена ішілік препараттарды қолдану тәжірибесі бар дәрігер анықтайтын ілеспе емге байланысты.
2 кестедегі ұсынылатын дозалар балалар мен жасөспірімдерде қолдануға арналған бағдар ретінде қызмет етеді және дене салмағы мен жасына байланысты болады.
2 кесте
Балалар мен жасөспірімдерде 5% глюкоза ерітіндісін дозалау бойынша ұсынымдар
Қолданылуы Бастапқы тәуліктік доза
Бастапқы енгізу жылдамдығы *
Жаңа туған және шала туған балалар Сәбилер және ерте жастағы балалар (1-23 ай) Балалар
(2-11 жас) Жасөспірімдер (12-ден 16-18 жасқа дейін)
Көмірсулар көзі ретінде (жеке немесе қажет болған жағдайда парентеральді қоректендірудің бір бөлігі ретінде)
дене салмағы 10 кг дейін - 100 мл/кг/тәулік;
дене салмағы 10-нан 20 кг дейін - 1000 мл + қосымша 50 мл дене салмағының әр кг-не >10 кг /тәулік
дене салмағы > 20 кг -1500 мл + қосымша 20 мл дене салмағының әр кг-не >20 кг/тәулік 6-11 мл/кг/сағ.
(10-18 мг/кг/мин)
қатысты емес
қатысты емес
5-11 мл/кг/сағ.
(9-18 мг/кг/мин)
5-11 мл/кг/сағ.
(9-18 мг/кг/мин)
қатысты емес
қатысты емес
4-8 мл/кг/сағ. (7-14 мг/кг/мин)
4-8 мл/кг/сағ.
(7-14 мг/кг/мин) қатысты емес
қатысты емес
4 мл/кг/сағ. (7-8.5 мг/кг/мин)
Гипогликемияны емдеу және профилактикалау
Көмірсуларға қажеттілігі жоғары пациенттерде сұйықтықты жоғалтқан жағдайдағы және дегидратация кезіндегі регидратация
Үйлесімді дәрілік заттарды сұйылту Бастапқы доза: енгізілетін дәрілік препараттың бір дозасына 50-ден 100 мл дейін. Жасына байланысты емес.
Енгізу жылдамдығы: сұйылтатын дәрілік препаратқа байланысты. Жасына байланысты емес.
Ұсынылған дозаның ең үлкен көлемін гемодилюцияны болдырмау үшін 24 сағат ішінде енгізу керек.
Егде жастағы пациенттер
Инфузиялық ерітіндінің көлемі мен жылдамдығын анықтау кезінде егде жастағы адамдардың жиі жүрек, бүйрек, бауыр аурулары және ілеспе емі бар екенін ескеру қажет.
Бүйрек жеткіліксіздігі бар пациенттер
Жеңіл және орташа бүйрек жеткіліксіздігі кезінде пациенттің клиникалық-биологиялық параметрлерін, атап айтқанда, қан плазмасындағы электролиттердің, оның ішінде магний мен фосфордың концентрациясын, қандағы глюкоза концентрациясын мұқият бақылау қажет. Ауыр бүйрек жеткіліксіздігі кезінде препаратты қолдануға болмайды.
Енгізу әдісі және жолы
Вена ішіне (тамшылатып). Препаратты әдетте шеткері немесе ортаңғы венаға енгізеді.
Қабылдау уақыты көрсетілген қолдану жиілігі
Қатысты емес
Емдеу ұзақтығы
Препаратты ұзақ уақыт енгізуді қан сарысуындағы глюкоза концентрациясын бақылаумен іске асыру керек.
Артық дозаланған жағдайда қолданылуы қажет шаралар
Симптомдары
Препаратты ұзақ уақыт бойы инфузиялық енгізу гипергликемияға, глюкозурияға, гиперосмолярлыққа, осмостық диурезге және сусыздануға әкелуі мүмкін. Жылдам инфузия гемодилюциямен және гиперволемиямен организмдегі сұйықтықтың жиналуына әкелуі мүмкін, ал организмнің глюкозаны тотықтандыру қасиеті артқан жағдайда жылдам енгізу гипергликемияны туындатуы мүмкін. Ауыр гипергликемия және гипонатриемия ауыр салдарға әкелуі мүмкін.
Сондай-ақ қан плазмасында калий және органикалық емес фосфаттың мөлшерінің төмендеуі орын алуы мүмкін.
Вена ішіне енгізу үшін басқа дәрілік препараттарды сұйылту және еріту үшін инфузияға арналған глюкоза ерітіндісін қолданғанда, артық дозаланудың клиникалық белгілері және симптомдары қолданылатын дәрілік препараттардың қасиеттерімен байланысты болуы мүмкін.
Емі: Артық дозалау симптомдары пайда болған кезде препаратты енгізуді тоқтатып, пациенттің жағдайын бағалап, қысқа мерзімге әсер ететін инсулинді енгізу керек, қажет болған жағдайда демеуші симптоматикалық ем жүргізу керек, қажет болған жағдайда диуретиктерді тағайындайды.
Дәрілік препараттың бір немесе бірнеше дозасын өткізіп алған кездегі қажетті шаралар
Қатысты емес
Тоқтату симптомдары қаупінің барын көрсету
Қатысты емес
Дәрілік препаратты қолдану тәсілін түсіндіру үшін медициналық қызметкерге кеңес алу үшін жүгіну бойынша ұсынымдар
Препаратты енгізуді медицина қызметкері стационар жағдайында жүзеге асырады.
ДП стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар
Жағымсыз құбылыстардың жиілігін анықтау келесі критерийлерге сәйкес жүргізіледі: өте жиі (≥ 1/10); жиі (≥ 1/100ден < 1/10 дейін); жиі емес (≥ 1/1000-нан < 1/100 дейін); сирек (≥ 1/10000-нан < 1/1000 дейін); өте сирек (< 1/10000); жиілігі белгісіз (қолда бар деректер негізінде бағалау мүмкін емес).
Жиілігі белгісіз:
- анафилаксиялық реакциялар, жоғары сезімталдық;
- сулы-электролитті теңгерімнің бұзылуы (гипокалиемия,
гипомагниемия және гипофосфатемия), гипергликемия, гемодилюция,
дегидратация, гиперволемия, ауруханаішілік гипонатриемия;
- гипонатриемиялық энцефалопатия;
- веноздық тромбоз, флебит;
- тері бөртпесі;
- полиурия;
- қалтырау, қызба, енгізу орнында инфекция, инъекция орнындағы тітіркену, экстравазация, инъекция орнының ауыруы;
- глюкозурия.
Жағымсыз құбылыстар ерітіндіге қосылған препаратпен де байланысты болуы мүмкін. Басқа жағымсыз реакциялардың ықтималдығы қосылатын дәрілік препараттың белгілі бір қасиетіне тәуелді болады.
Жағымсыз реакциялар пайда болған жағдайда ерітіндіні енгізуді тоқтату керек.
Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз:
Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитеті «Дәрілік заттарды және медициналық бұйымдарды сараптау ұлттық орталығы» РМК ШЖҚ
Қосымша мәліметтер
Дәрілік препараттың құрамы
1 л ерітіндінің құрамында
белсенді зат: декстроза моногидраты
(сусыз затқа шаққанда) 50.00 г немесе 100.00 г
қосымша заттар: натрий хлориді
0,1 М хлорсутек қышқылы ерітіндісі
pH 3.0-4.1 дейін,
инъекцияға арналған су
Сыртқы түрінің, иісінің, дәмінің сипаттамасы
Мөлдір түссіз сұйықтық
Шығарылу түрі және қаптамасы
Тығынмен тығындалған және алюминий қақпақшамен қаусырылған сыйымдылығы тиісінше 250 және 450 мл шыны бөтелкелерде 5% ерітінді 200 және 400 мл-ден және 10% ерітінді 200 мл-ден құйылған.
200 мл-ден 5 % және 10 % ерітіндінің 28 бөтелкесі немесе 400 мл-ден 5 % ерітіндінің 15 бөтелкесі медициналық қолдану жөніндегі қазақ және орыс тіліндегі 5-6 нұсқаулықпен бірге гофрланған картоннан жасалған жәшіктерге салынған (стационарлар үшін) немесе 200 мл-ден 5 % және 10 % ерітіндінің 24 бөтелкесі немесе 400 мл-ден 5 % ерітіндінің 12 бөтелкесі медициналық қолдану жөніндегі қазақ және орыс тіліндегі 5-6 нұсқаулықпен бірге, гофрланған картоннан жасалған жәшіктерге салынған (стационарлар үшін).
Сақтау мерзімі
Сақтау мерзімі 3 жыл
Жарамдылық мерзімі өткеннен кейін қолдануға болмайды!
Сақтау шарттары
30 °С-ден аспайтын температурада сақтау керек.
Балалардың қолы жетпейтін жерде сақтау керек!
Дәріханалардан босатылу шарттары
Рецепт арқылы
Өндіруші туралы мәліметтер
«Биохимик» АҚ
Ресей, 430030, Саранск қ., Васенко к-сі, 15 А
Телефон 8(8342) 38-03-68
Тіркеу куәлігінің ұстаушысы
«ПРОМОМЕД РУС» ЖШҚ
Ресей, 105005, Мәскеу қ., Почтовая М. к-сі, 2/2 үй, 1 құрылым, Ι үй-жай, 2 бөлме.
Тел: 8-800-77-86-04 (тегін); 8-495-640-25-28
Электронды пошты: reception@promo-med.ru
Қазақстан Республикасы аумағында тұтынушылардан дәрілік зат жөніндегі шағымдарды (ұсыныстарды) қабылдайтын және дәрілік заттардың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)
050050, Қазақстан Республикасы, Алматы қ., Глазунов к-сі, 41А- 4
тел. 2944221, тел. 8 7017315218
E-mail: deсalog@nur.kz
