Кандид №6, вагин. табл.
Тауарлардың көрінісі фотосуретте көрсетілгеннен өзгеше болуы мүмкін

Кандид №6, вагин. табл.

Қолжетімділігі
Тауар қолда жоқ
Үлгі
8904091105816
Елі
Индия
Өндіруші
Гленмарк
  • Сипаттама

Сипаттама


Дәрілік затты медициналық қолдану

жөніндегі нұсқаулық

Кандид – В6

Саудалық атауы

Кандид – В6

Халықаралық патенттелмеген атауы

Клотримазол

Дәрілік түрі

100 мг қынаптық таблеткалар

Құрамы

Бір таблетканың құрамында

белсенді зат – 100 мг клотримазол,

қосымша заттар: лактоза моногидраты, жүгері крахмалы, метилпарабен, пропилпарабен, повидон (Коллидон К-30), натрий крахмалы гликолаты, тальк, магний стеараты, коллоидты кремнийдің қостотығы, адипин қышқылы, натрий бикарбонаты

Сипаттамасы

Екі беті дөңес, бір жағында «G» және екінші жағында «V6» деген өрнегі бар ақ түсті таблеткалар.

Фармакотерапиялық тобы

Несеп-жыныс жүйесі ауруларын емдеуге арналған препараттар және жыныс гормондары. Антисептиктер және гинекологиялық ауруларды емдеуге арналған микробқа қарсы препараттар. Имидазол туындылары. Клотримазол

АТХ коды G01AF02

Фармакологиялық қасиеттері

Фармакокинетикасы

Шырышты қабықтардан және теріден нашар сіңеді.

Клотримазолды қынап ішіне қолданған кездегі резорбциясы енгізілген дозаның 3-10%-ын құрайды.

Фармакодинамикасы

Кандид В6 препаратының әсер етуші заты– имидазол туындысы клотримазол болып табылады. Кең ауқымды әсер ететін зеңге қарсы дәрі. Препараттың әсері зеңдік жасуша жарғақшаларының құрамына кіретін эргостерин биосинтезінің бұзылуына байланысты, бұл оның құрылымы мен қасиеттерін өзгертеді және жасушаның лизисіне әкеледі. Клотримазолға дерматофиттер, ашытқылық зеңдер (Candida тектес, Torulopsis glabrata, Rhodotorula тектес), өңездік зеңдер, сондай-ақ Pityriasisversicolor қоздырғышы (түрлі түсті теміреткі) және эритразма қоздырғышы сезімтал. Бұдан басқа,грамоң (стафилококктар және стрептококктар) және грамтеріс бактерияларға (acteroides,Gardnerella vaginalis), сондай-ақ Trichomonas vaginalis,Malassezia furfur,Corynobacterium minutissimum-геқатысты микробқа қарсы әсер етеді.

Қолданылуы

  • Candida және/немесе Trichomonas vaginalis тұқымдастығына жататын ашытқылық зеңдерден туындаған генитальді инфекцияларда (оның ішінде кандидозды вульвовагинитте, трихомониазда)
  • клотримазолға сезімтал бактериялардан туындаған генитальді асқын инфекцияларда (қынаптың аралас инфекцияларында, бактериялық вагинитте).
  • таблетканы енгізгеннен кейін аздаған шымылдату сезімі байқалады, ол емді жалғастыру кезінде қайтады.
  • аллергиялық реакциялар.

Қолдану тәсілі және дозалары

Қынаптық инфекцияларды емдеу үшін 1 таблеткадан (100 мг) тәулігіне 1 рет (кешке) қолданады. Қынаптық таблеткалар 6 күн бойы қынапқа мүмкіндігінше тереңдете енгізіледі. Қажет болғанда емдеу курсы қайталануы мүмкін.

Жағымсыз әсерлері

Кандид В6 препаратын қолдану іс жүзінде ешқандай жағымсыз әсерлер тудырмайды. Таблеткалардың жағымдылығы жақсы.

Сирек

Қолдануға болмайтын жағдайлар

- клотримазолға немесе препараттың басқа да компоненттеріне жоғары сезімталдық

- жүктілік және лактация кезеңі

Дәрілермен өзара әрекеттесуі

Қынаптық қолдану кезінде Кандид В6 препараты В амфотерицині және басқа полиенді антибиотиктердің белсенділігін төмендетеді. Нистатинмен бір мезгілде қолданғанда Кандид В6 препаратының белсенділігі төмендеуі мүмкін.

Айрықша нұсқаулар

Урогенитальді реинфекцияға жол бермеу үшін екі жыныстық жұптасты бір мезгілде емдеу керек. Трихомониазда сәтті емдеу үшін Кандид В6 бірге жүйелі әсері бар басқа да дәрілік заттарды,мысалы, метронидазолды тағайындау керек.

Қынаптық таблеткаларды етеккір кезінде пайдалану ұсынылмайды.

Педиатрияда қолдану

Бұл дәрілік түр балаларда қолданылмайды.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Әсер етпейді

Артық дозалануы

Препаратты жергілікті қолданғанда артық дозалану мүмкіндігі аз және өмірге қауіп төндірмейді.

Шығарылу түрі мен қаптамасы

6 таблеткадан алюминий фольгадан жасалған пішінді ұяшықсыз қаптамаға салынған.

1 пішінді қаптамадан аппликаторымен және медициналық қолдану жөніндегі мемлекеттік және орыс тіліндегі нұсқаулықпен бірге картон қорапшаға салынады.

Сақтау шарттары

Құрғақ, жарықтан қорғалған жерде, 25 ºС-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

4 жыл

Жарамдылық мерзімі өткеннен кейін пайдалануға болмайды

Дәріханалардан босатылу шарттары

Рецептісіз

Өндіруші/Қаптаушы

Гленмарк Фармасьютикалз Лтд,

1. ПЛОТ № Е 37,39, МИДС Ареа, Саптур, Насик – 422007, Махараштра, Үндістан.

Тіркеу куәлігінің иесі

Гленмарк Фармасьютикалз Лтд., Үндістан

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері:

Гленмарк Фармасьютикалз ЛТД ҚР өкілдігі, 050005, Алматы қ., Әл-Фараби даңғылы,7, «Нұрлы Тау» бизнес орталығы, 4 А блок, 12 кеңсе.

тел: + 7(727) 311 04 41.