Кандид В 2%, 30 мл, гель
Тауарлардың көрінісі фотосуретте көрсетілгеннен өзгеше болуы мүмкін

Кандид В 2%, 30 мл, гель

Қолжетімділігі
Тауар қолда жоқ
Үлгі
8904091100613
Елі
Индия
Өндіруші
Гленмарк
  • Сипаттама

Сипаттама


Дәрілік затты медициналық қолдану

жөніндегі нұсқаулық

КАНДИДВ

Саудалық атауы

КандидВ

Халықаралық патенттелмеген атауы

Клотримазол

Дәрілік түрі

2% 30 гқынаптық гель

Құрамы

1 г гельдің құрамында

белсенді зат – 0,02 г клотримазол,

қосымша заттар: хлорокрезол, карбопол 940 (карбомер 940), цетил спирті, эмульгациялайтын цетомакроголь балауызы, пропиленгликоль, тазартылған глицерин, бензил спирті, натрий гидрохлориді, тазартылған су.

Сипаттамасы

Ақ түсті біртекті гель

Фармакотерапиялық тобы

Несеп-жыныс жүйесі және жыныс гормондары. Гинекологиялық инфекцияға қарсы препараттар және антисептиктер. Инфекцияға қарсы препараттар және антисептиктер, кортикостероидтармен біріктірілімдердіқоспағанда. Имидазол туындылары. Клотримазол.

AТХ кодыG01AF02

Фармакологиялық қасиеттері

Фармакокинетикасы

Қынап ішіне енгізгенде клотримазолдың сіңуі енгізілген дозаның шамамен 3 - 10%-ын құрайды. Қынап сөлінісіндегі жоғары концентрациялар және қандағы төмен концентрациялар 48 - 72 сағат бойы сақталады. Клотримазол бауырда белсенді емес метаболиттерге дейін тез метаболизденеді және несеппен бірге шығарылады. Жартылай шығарылу кезеңі 3,5 сағаттан 5 сағатқа дейінді құрайды.

Фармакодинамикасы

Клотримазол, имидазол туындысы, зеңдердің жасушалық жарғақшасының құрамына кіретін эргостерол синтезін баса отырып, зеңге қарсы әсерге ие болады, бұл жарғақшасының өткізгіштігін өзгертеді және әрі қарай жасушаның лизисін туындатады. Клотримазол 2,4 метилэнедигидроланостеролдың диметилстеролға, Д2 провитаминіне ферментативтік айналуын тежейді, бұл зеңнің цитоплазмалық жарғақшаларының негізгі бөгегіші болып табылады. Аз концентрацияларда фунгистатикалық, ал үлкен концентрацияларда сонымен бірге пролиферациялаушы жасушаларға ғана емес, фунгицидтік әсер де береді. Фунгицидтік концентрацияларда митохондриальді және пероксидазалы ферменттермен өзара әрекеттеседі, соның нәтижесінде сутегінің асқын тотығының концентрациясы уытты деңгейге дейін артады, бұл сондай-ақ зең жасушаларының бұзылуына мүмкіндік береді.

Дерматофиттерге, ашытқы тәрізді және зең саңырауқұлақтарына, сондай-ақ түрлі түсті теміреткі (Pityriasis versicolor) қоздырғышына және эритразма қоздырғышына да қатысты тиімді. Грамоң (стафилококктер, стрептококктер) және грамтеріс бактерияларға (Bacteroides, Gardnerella vaginalis) қатысты, сондай-ақ Trichomonas vaginalis-ге қатысты да микробтарға қарсы әсер береді.

Қолданылуы

- кандидозды вульвитте

- кандидозды вагинитті емдеуде қосымша ретінде

- қайта жұқтырудың алдын алу үшін жыныстық серіктестің жыныс мүшесіне жағуға

Қолдану тәсілі және дозалары

Жергілікті. Қынап ішіне ғана қолдануға арналған!

Ішінде (500 мг-ға жуық) гелі бар толық аппликаторды 6 күн бойы күн сайын ұйқыға жатар алдында, шалқадан жатып, аяқты сәл бүге отырып, қынапқа терең енгізген жөн.

Препарат былайша қолданылады:

1. Түбектің қалпақшасын алып, оның орнына аппликаторды орналастырады.

2. Түбекті түбінен ашық бөлігіне қарай қыса отырып, цилиндр гельге толғанша поршеньді итереді.

3. Аппликатор оңай толуы және ішіндегінің толық пайдаланылуы үшін түбекті әрдайым түбінен ашық бөлігіне қарай бағытта айналдырады.

4. Толған аппликаторды түбектен шығарып алып, түбекті қалпақшамен жабады.

5. Толған аппликатордың цилиндрінен ұстап, оны қынапқа қарай, мүмкіндігінше, тереңірек абайлап орналастырады. Аппликатордың іші толық босағанша поршеньді итеру керек. Поршеньді итеруді әрі қарай жалғастыра отырып, аппликаторды қынаптан суырып алады.

6. Әрбір пайдаланудан кейін аппликаторды, цилиндрден поршеньді абайлап қозғай отырып шығарып, бөлшектейді. Содан кейін цилиндр мен поршеньді сабынды жылы сумен жуып (су қатты ыстық болмауы тиіс), мұқият шаяды. Содан кейін поршеньді цилиндрге орналастырып, аппликаторды қайта жинаған жөн.

Жағымсыз әсерлері

- аллергиялық реакциялар (естен тану, гипотензия, ентігу, есекжем, қышыну)

- генитальді қышыну, бөртпе, ісіну, эритема, жайсыздық, күйдіру, тітіркену, жамбас маңының ауыруы, қынаптан қан кету

- іштің ауыруы

Қолдануға болмайтын жағдайлар

- клотримазолға немесе басқа да компоненттерге жоғары сезімталдық

- жүктіліктің алғашқы триместрі

- етеккір кезеңі

- 16 жасқа дейінгі балаларға

Дәрілермен өзара әрекеттесуі

Қынапішіне енгізгенде Кандид В гелі амфотерицин В-нің және басқа да полиенді антибиотиктердің белсенділігін төмендетеді. Нистатинмен бір мезгілде қолданғанда Кандид В гелінің белсенділігі төмендеуі мүмкін.

Қынаптық клотримазол мен пероральді такролимусты (FK-506; иммуносупрессант) бір мезгілде үйлестіру қандағы такролимус концентрациясы деңгейінің жоғарылауына әкеп соқтыруы мүмкін, және осындай әсерсирулимуспен бір мезгілдеқабылдау кезінде байқалады. Сондықтанпациенттерде такролимуспен немесе сиролимуспен артық дозалану симтпомдарының барын, қажет болса, плазмадағы тиісті концентрацияларды өлшеу жолыменмұқият бақылау қажет.

Кандид В гелі латексті контрацептивтерді зақымдауы мүмкін. Олай болса, мұндай контрацептивтердің тиімділігі төмендеуі мүмкін.Пациенттергебұл өнімді пайдаланғаннан кейінбес күннен кем емес уақыт бойы баламалы сақтық шараларын пайдалануды ұсыну қажет.

Айрықша нұсқаулар

Препарат құрамында цетил спирті бар, ол жанаспалы дерматитті қоса жергілікті тері тітіркенуін туындатуы мүмкін.

Тек сыртқа қолдануға ғана арналған. Көзге тигізіп алмау керек. Көзге тигізіп алғанда оны сумен мұқият шаю керек.Егер ұдайы қолданудан кейін жағдай нашарласа немесе жақсару байқалмаса, дәрігерге қаралу керек. Емдеуді етеккір оралымы кезінде жүргізбеген жөн, бірақ оның басталуы алдында аяқтаған жөн.Урогенитальді қайта жұқпаланулардың дамуына жол бермеу үшін жыныстық сыңарлас серігін де бір мезгілде емдеу қажет.

Жүктілік және лактация кезеңі

Препаратты жүктілік кезінде тағайындау мәселесі дәрігердің кеңесінен кейін жекелей шешілуі тиіс. Препаратты жүкті әйелге тағайындаған жағдайда, қынаптық Кандид В таблеткаларын енгізгеннен кейін аппликаторды пайдаланбауы керектігін оған ескерткен жөн. Кандид В препаратын жүктіліктің I триместрінде қолданғанда аса сақтық танытқан жөн.

Сыртқа қолданғанда Кандид В препаратының аз сіңуіне байланысты, емшек емізгенде қауіп жоқ.

Дәрілік заттың көлік құралдарын немесе қауіпті механизмдерді басқару қабілетіне ықпал ету ерекшеліктері

Белгісіз

Артық дозалануы

Симптомдары: артық дозалану ықтималдығы аз, бірақ артық дозаланған жағдайда жағымсыз әсерлері күшеюі мүмкін.

Емі: әрі қарай емдеуді тоқтату керек, зақымданған аймақты жақсылап шайып, кейін симптоматикалық ем жүргізіледі.

Шығарылу түрі және қаптамасы

Пластмасса қақпағы бар алюминий түбекке 30 г гельден салынған.

Түбек аппликаторымен және медицинада қолданылуы жөнінде мемлекеттік және орыс тілдеріндегі нұсқаулықпен бірге картон қорапшаға салынған.

Сақтау шарттары

Құрғақ, жарықтан қорғалған жерде,250С-ден аспайтын температурада сақтау керек.

Мұздатып қатыруға болмайды.

Балалардың қолы жетпейтін жерде сақтау керек.

Сақтау мерзімі

3 жыл

Жарамдылық мерзімі өткеннен кейін қолдануға болмайды!

Дәріханадан босатылу шарттары

Рецептісіз

Өндіруші/Қаптаушы

Гленмарк Фармасьютикалз Лтд,

ПЛОТ № Е 37,39, МИДС Ареа, Саптур, Насик – 422007, Махараштра,

Үндістан

Тіркеу куәлігінің иесі

Гленмарк Фармасьютикалз Лтд., Үндістан

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттардың тіркеуден кейінгі қауіпсіздігін қадағалауға жауапты ұйымның атауы,мекенжайы және байланыс деректері (телефон, факс, электронды пошта):

ҚР-дағы Гленмарк Фармасьютикалз Лтд өкілдігі, 050005, Алматы қ-сы,

Әл-Фараби даңғылы, 7,«Нұрлы Тау» бизнес орталығы, блок 4А, 12 кеңсе.

тел + 7(727) 311 04 41.