Коделак Бронхо №10, табл.
Тауарлардың көрінісі фотосуретте көрсетілгеннен өзгеше болуы мүмкін

Коделак Бронхо №10, табл.

Қолжетімділігі
Тауар қолда жоқ
Үлгі
4601669005533
Елі
Россия
Өндіруші
Фармстандарт-Лексредства
  • Сипаттама

Сипаттама

Дәрілік затты медициналық қолдану

жөніндегі нұсқаулық

КОДЕЛАК® БРОНХО

Саудалық атауы

КОДЕЛАК® БРОНХО

Халықаралық патенттелмеген атауы

Жоқ

Дәрілік түрі

Таблеткалар

Құрамы

Бір таблетканың құрамында

белсенді заттар - амброксол гидрохлориді, амброксолға баламалы

20.0 мг,

- глицирризин қышқылы тринатрий тұзы (натрий глицирризинаты), 30.0 мг,

- тентекмия құрғақ экстрактісі, 10.0 мг,

- натрий гидрокарбонаты, 200.0 мг,

қосымша заттар - картоп крахмалы, микрокристалды целлюлоза, повидон (поливинилпирролидон, повидон К25), тальк, стеарин қышқылы, натрий карбоксиметилкрахмалы (натрий крахмалы гликоляты).

Сипаттамасы

Дөңгелек пішінді, жалпақ беткейлі, ойығы мен сызығы бар, ашықтау және күңгірттеу теңбілдерімен ашық кремді түстен сарғыш реңді кремді түске дейінгі таблеткалар.

Фармакотерапиялық тобы

Респираторлық жүйе. Жөтел және суық тию аурулары кезінде қолданылатын препараттар. Экспекторанттар, жөтелді бәсеңдететін біріктірілімдерін қоспағанда. Қақырық түсіретін препараттар. Қақырық түсіретін препараттар біріктірілімі.

ATХ кoды R05CA10

Фармакологиялық қасиеттері

Фармакокинетикасы

Амброксол.

Сіңірілуі. Амброксолға асқазан-ішек жолынан тез және толық сіңірілу тән. Биожетімділігі 70-80 % құрайды. Ішке қабылдағаннан кейін қан плазмасындағы концентрация ең жоғарғы мәніне 1-3 сағаттан кейін жетеді. Плазма ақуыздарымен байланысуы 80-90 % құрайды.

Таралуы. Ішке қабылдау кезінде амброксолдың қаннан тінге ауысуы тез жүреді. Препараттың белсенді компонентінің ең жоғары концентрациясы өкпеде байқалады. Гематоэнцефалдық бөгет, плацентарлық бөгет арқылы өтеді, емшек сүтімен бөлінеді.

Метаболизм. Ішке қабылданған дозаның шамамен 30 %-ы бауыр арқылы «бірінші өту» әсеріне ұшырайды. Адамның бауыр микросомаларындағы зерттеулер CYP3A4 изоферменті амброксол метаболизміне жауапты басым изофермент екенін көрсетті.Амброксолдың қалған бөлігі белсенді емес метаболиттерге дейін бауырда метаболизденеді

Шығарылуы. Амброксолдың (Т ½) жартылай шығарылу кезеңі шамамен 10 сағатты құрайды. Бүйрекпен: 90% метаболиттер түрінде, 10% өзгермеген күйде шығарылады.

Айрықша топтардағы пациенттердің фармакокинетикасы. Амброксолдың фармакокинетикасына жасы мен жынысының клиникалық мәнді әсері анықталмаған, сондықтан осы белгілер бойынша дозаны түзету үшін негіз жоқ.

Ауыр бауыр жеткіліксіздігі бар пациенттерде амброксол клиренсі 20-40% төмендейді.

Ауыр бүйрек жеткіліксіздігі кезінде Т ½ амброксол метаболиттері артады.

Глицирризин қышқылы тринатрий тұзы (натрий глицирризинаты).

Ішу арқылы қабылдаудан кейін, ішекте қалыпты микрофлораның бактериялары өндіретін β‑глюкуронидаза ферментінің әсерінен глицирризин қышқылынан белсенді метаболит – β‑глициррет қышқылы түзіледі, ол жүйелі қан ағымына сіңеді. Қандағы β‑глициррет қышқылы альбуминмен байланысады және толығымен бауырға тасымалданады. β‑глициррет қышқылының бөлінуі негізінен өтпен, қалдық мөлшерде несеппен жүреді.

Тентекмия құрғақ экстрактісі.

Экстракт компоненттері асқазан-ішек жолында жақсы сіңеді. Ең жоғары әсер етуі ішке қабылдағаннан кейін 30-60 минуттан соң басталады да,2-6 сағатқа созылады. Бүйрек, тыныс алу жолдарының шырышты қабықтары мен бронх бездерімен организмнен шығарылады.

Натрий гидрокарбонаты.

Асқазан-ішек жолында жақсы сіңеді. Ең жоғары әсер етуі ішке қабылдағаннан кейін 30-60 минуттан соң басталады да,2-6 сағатқа созылады. Бүйрек, тыныс алу жолдарының шырышты қабықтары мен бронх бездерімен организмнен шығарылады.

Фармакодинамикасы

Жөтелді емдеуге арналған біріктірілген препарат, муколитикалық және қақырық түсіретін әсер береді, сондай-ақ қабынуға қарсы белсенділікке ие. Коделак® Бронхоның әсері оның компоненттерінің фармакологиялық қасиеттеріне негізделген:

Амброксолдың секретомоторлы, секретолитикалық және қақырықтүсіретін әсерлері бар, қақырықтың сероздық және шырышты компоненттерінің бұзылуын қалпына келтіреді, альвеолаларда сурфактант секрециясын арттырады.Қақырықтың тұтқырлығын азайтады және оның бөлініп шығуына мүмкіндік береді.

Орташа алғанда, ішу арқылы қабылдау кезінде амброксолдың әсері 30 минуттан соң басталады, әсер ету ұзақтығы – қабылданған дозаға байланысты 6-12 сағат болады.

Глициррат (глицирризин қышқылы және оның тұздары) қабынуға қарсы және вирусқа қарсы әсерлері бар. Антиоксиданттық және жарғақша тұрақтандырғыш белсенділігінің арқасында цитопротекторлы әсер береді.Эндогендік глюкокортикостероидтардың әсерін күшейтіп, қабынуға және аллергияға қарсы әсер етеді. Қабынуға қарсы айқын белсенділігімен тыныс алу жолдарында қабыну үдерісінің азаюына әсер етеді.

Тентекмия экстрактісі асқазанның шырышты қабығы рецепторларынорташа тітіркендіре отырып, қақырық шығаруға әсер етеді,бронх бездерініңсөлінісінрефлекторлы түрде жоғарылатады.

Натрий гидрокарбонаты бронх шырышы ортасының көрсеткішін (рН) сілтілік жаққа қарай жылжытады, қақырықтың тұтқырлығын төмендетеді, жыпылықтағыш эпителий мен бронхиолалардың моторлық функциясын көтермелейді.

Қолданылуы

Қақырық шығуының қиындауымен тыныс алу жолдарының ауруларында:

- жедел және созылмалы бронхит

- пневмония

- өкпенің созылмалы обструкциялық ауруы (ӨСОА)

- бронхоэктаз ауруы

Қолдану тәсілі және дозалары

Ішке қабылдауға, тамақтану кезінде.

Ересектерге және 12 жастан асқан балаларға 1 таблеткадан тәулігіне 3 рет. Дәрігердің тағайындауынсыз 4-5 күннен артық қолдануға болмайды.

Жағымсыз әсерлері

- аллергиялық реакциялар, бронх түйілуі, анафилаксиялық реакциялар, терінің күрделі жағымсыз реакциялары, оның ішіндемультиформалы эритема, Стивенс-Джонсон синдромы, уытты эпидермалық некролиз және жедел жайылған экзантематозды пустулезді некролиз

Сирек:

- әлсіздік

- бас ауыру

- диарея

- ауыз ішінің және тыныс алу жолдарының құрғауы

- экзантемалар

- ринорея

- іш қату

- дизурия

Ұзақ уақыт жоғары дозаларда қабылдағанда:

- гастралгия

- жүрек айнуы және құсу

Қолдануға болмайтын жағдайлар

- препарат компоненттеріне жоғары сезімталдық

- жүктілік және лактация кезеңі

- 12 жасқа дейінгі балаларға

Сақтықпен:

(препарат пациенттердің бұл тобында дәрігердің кеңесінен кейін қабылдануы мүмкін):

- бауыр және/немесе бүйрек жеткіліксіздігі

- асқазан және 12 елі ішектің ойық жара ауруы

- бронх демікпесі

Дәрілермен өзара әрекеттесуі

Жөтелге қарсы дәрілік заттармен бірге қолдану жөтелдің азаюы аясында қақырықтың шығуын қиындатады.

Препарат бронх сөліне антибиотиктердің енуін ұлғайтады.

Айрықша нұсқаулар

Жөтелге қарсы дәрілермен біріктіруге болмайды.

Тері бөртпесі туындаған жағдайда препарат қолдануды тоқтатып, дәрігерге қаралу керек.

Жүктілік және лактация кезеңі

Препаратты жүктілік кезінде қолдануға болмайды. Амброксол плацентарлық бөгет арқылы өтеді. Эксперименттік зерттеулерде амброксолдың жүктілік ағымына, эмбрион және шарана дамуына, босануға, постнатальді дамуға жағымсыз әсері айқындалмаған. Препараттың басқа компоненттерінің жүктілік ағымы және шарана мен жаңа туған нәрестенің жай-күйіне әсері зерттелмеген.

Амброксол емшек сүтіне енуі мүмкін. Амброксолдың және басқапрепарат компоненттерінің жаңа туған нәрестенің жай-күйіне әсері зерттелмеген, препаратты лактация кезеңінде қолдануға болмайды.

Препараттың фертильділікке әсері туралы деректер жоқ.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Препараттың автомобиль басқару немесе механизмдермен жұмыс істеу қабілетіне теріс ықпал етуі туралы деректер жоқ.

Артық дозалануы

Симптомдары: жүрек айну, құсу, диарея, диспепсия.

Емі: симптоматикалық, асқазанды шаю препаратты қабылдағаннан кейінгі алғашқы 1-2 сағатта орынды болмақ.

Шығарылу түрі және қаптамасы

10 таблеткадан поливинилхлоридті үлбірден және баспалы лакталған алюминий фольгадан жасалған пішінді ұяшықты қаптамаға салынған.

1 пішінді ұяшықты қаптамамедициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынған.

Сақтау шарттары

25 °С-ден аспайтын температурада сақтау керек.

Балалардың қолы жетпейтін жерде сақтау керек.

Сақтау мерзімі

2 жыл.

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецептісіз.

Өндіруші

"Фармстандарт-Лексредства" ААҚ

305022, Ресей, Курск қ., 2-ші Агрегатная к-сі, 1а/18,

тел./факс: (4712) 34-03-13, www.pharmstd.ru

Тіркеу куәлігінің ұстаушысы

"Отисифарм" АҚ,

123112, Ресей, Мәскеу қ., Тестовская к-сі, 10 үй, 12 қабат, ІІ орынжай,29 бөлме

Тел.: +7 (800) 775-98-19

Факс: +7 (495) 221-18-02

E-mail: www.otcpharm.ru

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

"Қарағанды фармацевтикалық кешені" ЖШС,

100009, Қазақстан Республикасы, Қарағанды қ., Газалиев к-сі, 16 құрылым

Тел/факс: +7 (7212) 437002

Тел: + 7 (7212) 507322

E-mail: kphk@kphk.kz