Макси 50 мг, №30, табл.
Рецепт бойынша
Тауарлардың көрінісі фотосуретте көрсетілгеннен өзгеше болуы мүмкін

Макси 50 мг, №30, табл.

Қолжетімділігі
Тауар қолда жоқ
Үлгі
8901387045351
Өндіруші
Плетхико
  • Сипаттама

Сипаттама

Дәрілік затты медициналық қолдану

жөніндегі нұсқаулық (Қосымша парақ)

Саудалық атауы

Макситм-50

Халықаралық патенттелмеген атауы

Диклофенак

Дәрілік түрі, дозалануы

Ішекте еритін қабықпен қапталған таблеткалар, 50 мг

Фармакотерапиялық тобы

Сүйек-бұлшықет жүйесі. Қабынуға қарсы және ревматизмге қарсы препараттар. Қабынуға қарсы және ревматизмге қарсы стероидты емес препараттар. Сірке қышқылының туындылары және тектес қосылыстар. Диклофенак.

АТX коды М01АВ05

Қолданылуы

Ересектер және егде жастағы тұлғалар:

Әртүрлі дәрежедегі ауыру және қабынумен бірге жүретін аурулардың

кең диапазоны, оның ішінде:

- ревматоидты артрит, остеоартрит, шорбуынданған спондилоартрит,

жедел подаграда

- периартрит, тендинит, тендосиновиит, бурсит сияқты жедел қаңқа-

бұлшықет бұзылыстарында

- жарақат (сынуды қоса), белдің ауыруы, созылулар, деформация, шығып кетулер, ортопедиялық, стоматологиялық және басқа кіші операцияларнәтижесінде туындайтын ауырсыну жай-күйлерінде

Қолдануды бастағанға дейін қажетті мәліметтер тізбесі

Қолдануға болмайтын жағдайлар

- диклофенакқа және қосымша заттардың кез келгеніне жоғары сезімталдық

- асқазанның және он екі елі ішектің ойық жара ауруы, қан кетулер немесе тесілулер

- анамнезінде алдыңғы ҚҚСП еміне байланысты асқазан-ішек қан кетулері немесе тесілулер болуы

- жүктіліктің соңғы триместрі

- бауыр жеткіліксіздігі

- бүйрек жеткіліксіздігі

- ауыр жүрек жеткіліксіздігі, жүректің ишемиялық ауруы, геморрагиялық

диатез, церебро-васкулярлық аурулар (қан кетуге күдіктенуді қоса)

- демікпе, есекжем, жедел ринитпен немесе басқа аллергиялықсимптомдармен білінуі мүмкін қабынуға қарсы стероидты емес препараттар(ҚҚСП), мысалы ацетилсалицил қышқылы, ибупрофен сияқты басқа дапрепараттарға аллергиялық реакция

- 18 жасқа дейінгі балалар мен жасөспірімдер

Қолдану кезінде қажетті сақтық шаралары

Асқазан-ішек жолы тарапынан жағымсыз әсерлері даму қаупі артуын төмендету үшін ең төмен мүмкіндігінше қысқа курспен, ең төмен тиімді дозаны қолдану қажет.

Макситм-50 препаратын, қандай да бір синергиялық пайдасының болмауына және қосымша жағымсыз әсерлерінің даму мүмкіндігіне орай, циклооксигеназа-2 селективті тежегіштерін қоса, жүйелі ҚҚСП-мен қолданудан аулақ болу керек.

Препаратты егде жастағы тұлғаларға тағайындау кезінде сақ болу керек. Денсаулығы әлсіз егде жастағы адамдарға немесе дене салмағының көрсеткіші төмен пациенттерге ең төмен тиімді дозаларын қолдану ұсынылады.

Өте сирек жағдайларда, диклофенактың алдын ала экспозициясынсыз, басқа ҚҚСП жағдайындағы сияқты, анафилаксиялық/анафилактоидты реакцияларды қоса, аллергиялық реакциялар туындауы мүмкін.

Диклофенак, басқа да ҚҚСП сияқты, өзінің фармакодинамикалық қасиеттеріне орай, инфекциялық аурулар көріністері мен симптомдарын бүркемелеуі мүмкін.

Ас қорыту жүйесіне әсері. Басқа ҚҚСП қолдану кезіндегідей, Макси™-50 препаратын анамнезінде ас қорыту жүйесі (АҚЖ) тарапынан бұзылуларды айғақтайтын симптомдары, асқазан немесе ішек ойық жарасы, қан кетуі немесе тесілуі бар пациенттерге міндетті түрде медициналық қадағалау және ерекше сақтану керек. Анамнезінде ойық жарасы, әсіресе, қан кету немесе тесілу түріндегі асқынулары бар науқастарда немесе егде жастағы адамдарда препарат дозасын арттырумен асқазан-ішек жолында қан кетудің туындау қаупі жоғарылайды.

Анамнезінде ойық жарасы, әсіресе, қан кету немесе тесілу түріндегі асқынулары бар пациенттерде және егде жастағы адамдарда АҚЖ уытты әсер ету қаупін азайту үшін төмен тиімді дозалармен емдеуді бастайды және олар сақталады.

Осындай пациенттер, сондай-ақ АҚЖ жағымсыз әсер ету қаупін арттыруы болжанатын дәрілік заттарды қатарлас қолдануды қажет ететін науқастар үшін қорғағыш дәрілер (мысалы, протон сорғысы тежегіштері немесе мизопростол) қолданумен біріктірілген ем қолдану мәселесін қарастыру керек.

Анамнезінде асқазан-ішек жолдарының аурулары бар, әсіресе, егде жастағы пациенттер кез келген әдеттен тыс абдоминальді симптомдар (әсіресе, АҚЖ қан кету) туралы хабарлауы тиіс. Алдын ала сақтандырулар жүйелі кортикостероидтар, антикоагулянттар, тромбозға қарсы дәрілер немесе серотонинді кері қармаудың селективті тежегіштері сияқты ойық жараның немесе қан кетудің даму қаупін арттыруы мүмкін дәрілік заттарды қатарлас алатын науқастар үшін керек.

Макси™-50 анамнезінде Крон ауруы немесе спецификалық емес ойық жаралы колиттер сияқты ішектің қабыну аурулары бар науқастарға сақтықпен тағайындалып, өршу ықтималдығына байланысты мұқият медициналық бақылау қою қажет.

Бауырға әсері. Диклофенак бауыр функциясы бұзылған пациенттерге тағайындалған жағдайда, олардың ауруының өршуі мүмкін екендіктен, мұқият медициналық бақылау қажет.

Басқа ҚҚСП қолдану кезіндегідей, бір және одан көп бауыр энзимдерінің деңгейі жоғарылауы мүмкін. Макси™-50 препаратымен ұзақ уақыт емделу кезінде бауыр функциясын жүйелі бақылау тағайындалады. Егер бауыр функциясының бұзылуы сақталса, сондай-ақ егер бауыр ауруының үдеу симптомдары немесе басқа көріністер (мысалы, эозинофилия, бөртпе) пайда болса, Макси™-50 препаратын қолдануды тоқтату керек. Гепатит ағымы продромальді симптомдарсыз өтуі мүмкін.

Макси™-50 порфириясы бар пациенттерде қолданылған жағдайда, ұстамаға түрткі болу ықтималдығына орай, сақтану қажет.

Бүйрекке әсері. ҚҚСП емі кезінде сұйықтық кідірісі және ісінулер хабарланғандықтан, анамнезінде жүрек немесе бүйрек функциясының бұзылуы, артериялық гипертензиясы бар науқастарға, егде жастағы науқастарға, диуретиктермен немесе бүйрек функциясына елеулі әсер ететін препараттармен қатарлас ем алатын пациенттерге және кез келген себеппен, мысалы, күрделі хирургиялық араласуға дейін немесе одан кейін жасушадан тыс сұйықтық көлемі едәуір азайған пациенттерге ерекше көңіл бөлу керек. Ондай жағдайларда, алдын ала сақтану шарасы ретінде, бүйрек функциясына мониторинг жасау ұсынылады. ҚҚСП емін тоқтату, әдетте, емдеудің алдында болған жай-күйге оралуға алып келеді.

Тері реакциялары. Диклофенакты қоса, ҚҚСП қолданумен байланысты, эксфолиативті дерматит, Стивенс-Джонсон синдромы және уытты эпидермалық некролиз сияқты ауыр тері реакциялары туралы өте сирек хабарланды. Бұл реакциялардың ең жоғары қаупі – емнің басында, ал осы реакциялардың дамуы емдеудің алғашқы айында болатын жағдайлардың көпшілігінде білінеді. Тері бөртпесінің, шырышты қабықтың зақымдану ошақтарының алғашқы көріністерінде немесе аса жоғары сезімталдықтың кез келген басқа көріністерінде Макси™-50 тоқтатылу керек.

Жүйелі қызыл жегі (ЖҚЖ) және дәнекер тін аурулары. Жүйелі қызыл жегісі және дәнекер тін аурулары бар пациенттерде асептикалық менингиттің жоғары даму қаупі бар.

Жүрек-қантамырлық және цереброваскулярлы әсерлері. Жүрек-қантамыр асқынуларын дамытатын жоғары қауіп факторы (мысалы, гипертония, гиперлипидемия, қант диабеті, шылым шегу) бар пациенттерге диклофенак мұқият тексеруден кейін ғана тағайындалу керек. Мұндай тұлғаларға ең төмен тиімді тәуліктік дозатағайындалуы тиіс. Симптомдарды және емге реакцияны жеңілдету үшін пациенттің қажеттілігі мезгіл-мезгіл қайта бағалану керек.

Диклофенакты қоса, ҚҚСП емімен байланысты сұйықтық кідірісі мен ісінулер тіркелгендіктен, гипертониясы және/немесе орташаға дейінгі жеңіл іркілісті жүрек жеткіліксіздігі бар пациенттерге тиісті мониторинг және кеңес өткізу қажет.

Диклофенакты қоса, әсіресе, жоғары дозалардағы және ұзаққа созылатын кезең ішіндегі ҚҚСП емі күрделі кардиоваскулярлық жағдайлары (миокард инфарктісі мен инсультті қоса) қаупінің артуымен байланысты болуы мүмкін. ҚҚСП қабылдайтын пациенттерде, әсіресе, жүрек-қантамырлық қауіп факторлары бар пациенттерде жағымсыз кардиоваскулярлық асқынулардың ықтималды қаупін жоққа тән азайту үшін ең аз рұқсат етілетін емдеу ұзақтығында ең төмен тиімді дозаны қолдану керек.

Бақыланбайтын артериялық гипертензиясы, іркілісті жүрек жеткіліксіздігі, анықталған ишемиялық жүрек ауруы, шеткері тамырлар аурулары және/немесе цереброваскулярлы аурулары бар пациенттерде диклофенакты мұқият қарап тексеруден кейін ғана қолдану керек.

Гематологиялық көрсеткіштерге әсері. Препаратты ұзақ уақыт қолданғанда, басқа ҚҚСП сияқты, қан талдауына мониторинг ұсынылады. Басқа ҚҚСП сияқты, диклофенак тромбоциттер агрегациясын уақытша тежеуі мүмкін. Гемостаз бұзылулары бар науқастарды мұқият қадағалау керек.

Анамнездегі демікпе. Бронх демікпесімен, маусымдық аллергиялық ринитпен, мұрын шырышты қабығының ісінуімен (мұрын полиптері), өкпенің созылмалы обструкциялық ауруларымен немесе тыныс алу жолдарының созылмалы инфекцияларымен (әсіресе, аллергиялық симптомдармен байланысты) науқастарда демікпе өршуіне, Квинке ісінуіне немесе есекжемге ұқсас жиірек ҚҚСП-ға реакциялар басқалардағыдан жиірек туындайды. Осындай науқастарға арнайы қауіпсіздік шаралары (шұғыл көмек көрсетуге дайындық) ұсынылады. Бұл басқа заттарға аллергиясы, мысалы, тері реакциялары, қышынуы немесе есекжемі бар науқастарға да қатысты.

Асқазан-ішек анастомозының қауқарсыздығы

Асқазан-ішек жолы

Диклофенакты қоса, ҚҚСД қолдану, диклофенак асқазан-ішекке жасалған операциядан кейін қолданылғанда, асқазан-ішек анастомозы қауқарсыздығының даму қаупінің жоғарылауымен байланыстырылуы мүмкін, соған байланысты, мұқият медициналық қадағалау жәнеоперациядан кейінгі кезеңде қырағылық таныту ұсынылады.

Аса жоғары сезімталдық реакциялары Коунис синдромының дамуына, миокард инфарктісіне әкелуі мүмкін ауыр аллергиялық реакцияға әкелуі мүмкін.

Мұндай реакциялардың симптомдары диклофенакқа аллергиялық реакцияға байланысты туындайтын кеудедегі ауырсынуды қамтуы мүмкін.

Басқа дәрілік препараттармен өзара әрекеттесуі

Төменде берілген өзара әрекеттесулер диклофенакты инъекцияға арналған ерітінді түрінде, таблеткалар түрінде және/немесе диклофенактың басқа да дәрілік түрлерін қолдану кезінде байқалған.

Литий: диклофенакпен бір мезгілде қолданылса, қан плазмасында литий концентрациясын арттыруы мүмкін. Қан сарысуындағы литий деңгейіне мониторинг өткізу ұсынылады.

Дигоксин: диклофенак қан плазмасында дигоксин концентрациясын арттыруы мүмкін. Қан сарысуындағы дигоксин деңгейіне мониторинг өткізу ұсынылады.

Диуретиктер және гипертензияға қарсы дәрілер: диклофенакты, басқа да ҚҚСП сияқты, диуретиктермен және гипотензиялық дәрілермен (мысалы, бета-блокаторлармен, ангиотензин өзгертуші фермент (АӨФ) тежегіштерімен) қатарлас қолдану тамыр кеңейтетін простагландиндер синтезін тежеу жолымен олардың гипертензияға қарсы әсерінің төмендеуіне әкелуі мүмкін.

Осылайша, осыған ұқсас біріктірілімді абайлап тағайындау керек, әсіресе, егде жастағы пациенттер артериялық қысым бақылауы мұқият қадағалауда болуы тиіс. Пациенттер жеткілікті гидратация алуы тиіс, сондай-ақ, әсіресе, нефроуыттылық қаупінің артуына орай диуретиктер мен АӨФ тежегіштеріне қатысты қатарлас ем басталған соң және одан кейін бүйрек функциясына мониторинг өткізу ұсынылады.

Гиперкалиемияны туғызатын препараттар: калий жинақтаушы диуретиктермен, циклоспоринмен, такролимуспен немесе триметоприммен қатарлас емделу қан сарысуында калий деңгейін жоғарылатуы мүмкін, сондықтан мониторинг өткізу керек.

Антикоагулянттар және антитромбоцитарлық агенттер: бір мезгілде қолдану қан кетудің даму қаупін арттыруы мүмкін екендіктен, сақ болу керек. Бір мезгілде диклофенак пен антикоагулянт алатын пациенттерде қан кету қаупінің жоғарылауы жөнінде жекелеген деректер бар. Сондықтан, осындай пациенттерге мұқият мониторинг талап етіледі. Басқа да қабынуға қарсы стероидты емес дәрілер сияқты, диклофенак жоғары дозада тромбоциттер агрегациясын тежеуі мүмкін.

Басқа да ҚҚСП, циклооксигеназа-2 тежегіштерін, селективті тежегіштер мен кортикостероидтарды қоса: диклофенакты басқа жүйелі ҚҚСП немесе кортикостероидтармен бірге қолдану асқазан-ішектен қан кету немесе ойық жара қаупін арттыруы мүмкін. Екі немесе одан көп ҚҚСП пайдаланбаңыз.

Серотонинді кері қармайтын селективті тежегіштер (СКҚСТ): бір мезгілде СКҚСТ қолдану асқазан-ішектен қан кету қаупін арттыруы мүмкін.

Диабетке қарсы препараттар: диклофенак пен диабетке қарсы препараттарды бір мезгілде қолданғанда соңғыларының тиімділігі өзгермейді. Алайда, Макситм-50 препаратын қолдану кезінде қантты төмендететін препараттардың дозасын өзгерту қажеттілігін талап ететін гипогликемияның да, гипергликемияның да дамуы туралы жеке есептер белгілі. Сол себепті қатарлас ем кезінде алдын ала сақтану шарасы ретінде қандағы глюкоза деңгейіне мониторинг ұсынылады.

Метотрексат: метотрексат қабылдаудан кемінде 24 сағат бұрын немесе одан кейін ҚҚСП тағайындалғанда сақ болу керек. Өйткені ондай жағдайларда қанда метотрексат концентрациясы жоғарылап, оның уытты әсері күшеюі мүмкін.

Циклоспорин және такролимус: диклофенак, басқада ҚҚСП сияқты, бүйрек простагландиндеріне ықпал ету нәтижесінде циклоспорин нефроуыттылығын арттыруы мүмкін. Дәл осы қауіп такролимуспен емделу кезінде туындайды. Осыған орай,диклофенак циклоспорин және/немесе такролимус алмайтын пациенттердегіден аз дозаларда енгізілу керек.

Бактерияға қарсы дәрілер – хинолон туындылары: ҚҚСП және хинолон туындыларын бір мезгілде алған науқастарда құрысулардың дамуы жөнінде жекелеген хабарламалар бар.

Фенитоин: фенитоин диклофенакпен қатар пайдаланылғанда фенитоин концентрациясы мен уыттылығының күтілетін артуына байланысты, қан плазмасында фенитоин концентрациясының мониторингі ұсынылады.

Колестипол және холестирамин: Бұл препараттар диклофенак сіңуінің кідіруін немесе төмендеуін туындатуы мүмкін. Сондықтан диклофенакты колестипол/холестирамин енгізуден, кем дегенде, 1 сағат бұрын немесе одан кейін 4-6 сағат өткенде қолдану ұсынылады.

Жүрек гликозидтері: ҚҚСП және жүрек гликозидтерін бір мезгілде қолдану науқастарда жүрек жеткіліксіздігінің күшеюіне, ШСЖ төмендеуіне және қан плазмасында гликозидтер деңгейлерінің жоғарылауына әкелуі мүмкін.

Мифепристон: ҚҚСП мифепристон әсерін төмендетуі мүмкін екендіктен, мифепристон енгізуден кейін 8-12 күн ішінде ҚҚСП пайдалануға болмайды.

CYP2C9 қуатты тежегіштері: диклофенакты CYP2C9 қуатты тежегіштерімен (мысалы, вориконазол) бірге тағайындағанда сақтық шарасын қадағалауға кеңес беріледі, өйткені олар диклофенак метаболизмі тежелуі есебінен оның қан плазмасында жоғары концентрациясының едәуір ұлғаюына алып келуі мүмкін.

Арнайы ескертулер

Педиатрияда қолдану

Препаратты балалар мен 18 жасқа дейінгі жасөспірімдерге қолдануға болмайды.

Жүктілік немесе лактация кезінде

Жүкті әйелдерде диклофенакты қолдану туралы деректер шектеулі. Алайда простагландин синтезінің тежелуі жүктілікке және/немесе эмбрионның дамуына теріс әсер етуі мүмкін. Зерттеу деректері жүктіліктің ерте кезеңінде простагландин-синтетаза тежегішін қолданғаннан кейін бала көтермеу, жүрек дамуындағы кемістіктер және гастрошизис қаупінің жоғарылағанын растайды. Дозаның және ем ұзақтығының ұлғаюымен қауіп артады деп болжанады. Сондықтан диклофенакты, егер тек оны қолданудың пайдасы шарана үшін қаупінен асып түсетін болмаса, жүктіліктің алғашқы екі триместрі бойына тағайындамаған дұрыс. Басқа ҚҚСП үшін жағдайлардағы сияқты, жатырдың туу қызметінің әлсіздігі, шаранадағы бүйрек жеткіліксіздігі, кейіннен олигогидрамниозбен және/немесеартериялық қан ағымының мерзімінен бұрын жабылып қалуымен дамуы қаупінің салдарынан,препаратты жүктіліктің үшінші триместрі бойына қолдануға болмайды.

Басқа ҚҚСП сияқты, диклофенак аздаған мөлшердерде емшек сүтіне бөлініп шығады. Сол себепті, балада жағымсыз реакциялардың алдын алу үшін, бала емізу кезінде диклофенакты қолданбаған дұрыс.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Препараттың жағымсыз әсерлерін (бас айналу, бас ауыру) ескеріп, көлікті немесе басқа да аса қауіпті механизмдерді басқару кезінде сақтық шарасын қадағалау керек.

Қолдану жөніндегі нұсқаулар

Дозалау режимі

Макситм-50 препаратын ішке, шайнамай, судың жеткілікті мөлшерімен, тамақтанар алдында немесе басында қабылдайды. Асқазан сезімталдығы жоғары болса, Макситм-50 препаратын тамақтанудың соңында немесе ішіп болған соң қабылдайды. Жедел ауыруларда тамаққа дейін қабылдау ұсынылады, өйткені Макситм-50 препаратын тамақтанғаннан кейін қабылдау әсер етуші затының қанға түсуін қиындатады.

Емдеу дозалары мен ұзақтығын емдеуші дәрігер ауру ағымының ерекшеліктері мен жағдайдың ауырлығына байланысты анықтайды. Ревматизм ауруларында препаратпен емдеу ұзаққа созылуы мүмкін.

Ересектер үшін ұсынылатын дозасы 2-3 бөліп қабылданатын тәулігіне 75-

150 мг шегінде ауытқып тұрады. Макситм-50 препаратының ұсынылатын ең жоғары тәуліктік дозасы 150 мг құрайды.

Енгізу жолы және тәсілі

Пероральді.

Артық дозалану жағдайында қабылдануы қажет шаралар

Симптомдары: Өзіне тән клиникалық көріністері жоқ. Артық дозалануы бас ауыруы, жүрек айнуы, құсу, эпигастральді аумақ ауырулары, асқазан-ішектен қан кету, диарея, бас айналуы, бағдардан жаңылу, қозу, кома, ұйқышылдық, құлақтағы шуыл, естен тану немесе құрысулар сияқты симптомдарды туындатуы мүмкін. Елеулі улану жағдайында жедел бүйрек жеткіліксіздігі және бауыр зақымдануы болуы мүмкін.

Емі: Спецификалық антидоты жоқ. Артық дозалануы жағдайында құстыру, асқазанды шаюжәне белсендірілген көмір тағайындау керек.

Симптоматикалық дәрі-дәрмектік ем.

Ауыр жағдайларда - гемодиализ немесе гемоперфузия.

Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша нұсқаулар

Дәрілік препаратты қабылдаудан бұрын дәрігерге немесе фармацевтке қаралыңыз.

ДП стандартты қолдану кезінде көрініс табатын жағымсыз реакциялардың сипаттамасы және осы жағдайда қабылдануы керек шаралар

Жиі

- бас ауыру, бас айналу

- вертиго

- жүрек айну, құсу, диарея, диспепсия, іштің ауыруы, метеоризм, анорексия

- трансаминаза деңгейінің жоғарылауы

- бөртпе

- инъекция орнындағы реакция, инъекция орнының ауыруы, инъекция салған жердің қатаюы

Сирек

- аса жоғары сезімталдық, анафилаксиялық шок және анафилактоидты реакциялар (гипотензия мен шокты қоса)

- ұйқышылдық, қажу

- демікпе (диспноэны қоса)

- гастрит, асқазан-ішектен қан кету, гематемезис, геморрагиялық диарея, мелена, қан кетумен немесе онсыз асқазан-ішек ойық жаралары немесе тесілуі (кейде өліммен аяқталатын, әсіресе, егде жастағы адамдарда)

- гепатит, сарғаю, бауыр тарапынан бұзылыстар

- есекжем

- инъекция орнындағы ісінулер, абсцесс, инъекция салған жердегінекроз

Өте сирек

- тромбоцитопения, лейкопения, анемия (соның ішінде гемолиздік және апластикалық анемия), агранулоцитоз

- ангионевроздық ісіну (беттің ісінуін қоса)

- бағдардан жаңылу, депрессия, ұйқысыздық, түнгі қорқыныштар, ашушаңдық, психикалық бұзылыстар

- парестезия, есте сақтаудың бұзылуы, құрысулар, үрейлену, тремор, асептикалық менингит, дәм сезудің нашарлауы, ми қан айналымының бұзылуы

- көру қабілетінің бұзылуы, көрудің бұлыңғырлануы, диплопия

- құлақтың шуылдауы, естудің бұзылуы

- жүрек қағу, кеуденің ауыруы, жүрек жеткіліксіздігі, миокард инфарктісі

- гипертония, гипотония, васкулит

- пневмония

- колит (соның ішінде геморрагиялық колит және ойық жаралы колиттің немесе Крон ауруының өршуі), іш қатулар, стоматит (соның ішінде ойық жаралы стоматит), глоссит, өңеш бұзылысы, диафрагма-ішектікстриктуралар, панкреатит

- шұғыл дамитын гепатит, бауыр некрозы, бауыр жеткіліксіздігі

- буллёзді бөртулер, экзема, эритема, мультиформалы эритема, Стивенс-Джонсон синдромы, уытты эпидермалық некролиз (Лайелл синдромы),эксфолиативті дерматит, шаштың түсуі, фотосезімталдық реакциялары, пурпура, аллергиялық пурпура, қышыну

- жедел бүйрек жеткіліксіздігі, гематурия, протеинурия, нефроздық синдром, интерстициальді нефрит, бүйректің папиллярлы некрозы

- импотенция

Белгісіз

- конфузиялар

- сананың шатасуы, елестеулер, сезімталдықтың бұзылуы, жалпы дімкәстану

- көру жүйкесінің невриті

- ишемиялық колит

- Коунис синдромы

Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз

Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

Бір таблетканың құрамында

белсенді зат - 50 мг натрий диклофенагы;

қосымша заттар: жүгері крахмалы, микрокристалды целлюлоза, натрий крахмалы глюколаты, тазартылған тальк, кремнийдің коллоидты қостотығы, магний стеараты;

қабығының құрамы: қабығын ылғалдағыш (IC-MS-2321), жабын TN-II (IEN-II-109)**, 2-пропанол, метиленхлорид.

**- қабықтың құрамы: диэтилфталат, 2-пропанол, ацетон.

Сыртқы түрінің, иісінің, дәмінің сипаттамасы

Екі беті дөңес, дөңгелек, ақ немесе ақ дерлік ішекте еритін қабықпен қапталған таблеткалар.

Шығарылу түрі және қаптамасы

10 таблеткадан ПВХ үлбір мен алюминий фольгадан жасалған пішінді ұяшықты қаптамаға қаптайды. 3 пішінді ұяшықты қаптамадан медициналық қолдану жөніндегі мемлекеттік және орыс тіліндегі нұсқаулықпен бірге картон қорапшаға салынған.

Сақтау мерзімі

5 жыл

Жарамдылық мерзімі өткеннен кейін қолдануға болмайды.

Сақтау шарттары

Құрғақ, жарықтан қорғалған жерде, 25ºС-ден аспайтын температурада сақтау керек.

Балалардың қолы жетпейтін жерде сақтау керек!

Дәріханалардан босатылу шарттары

Рецепт арқылы

Өндіруші туралы мәлімет

Плетхико Фармасьютикалз Лтд

A.Б. Роуд, Манглия-453 771, Индор (М.П.), Үндістан

тел. 91731289761819,91731289757919

электронды пошта: info@plethico.com

Тіркеу куәлігінің ұстаушысы

Plethico Laboratories Pvt. Ltd.

38, Industrial Estate, Pologround, Indore – 452 015, (M.P.), Үндістан

тел. 0731-2422881-84

электронды пошта: info@plethicolabs.com

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«Метабол Қазақстан» ЖШС, Қарағанды қ., Ермеков к-сі 110/2

тел.+7(212) 43-38-11, факс +7(212) 43-38-15

электронды пошта: metabolcompany@mail.ru