Тауарлардың көрінісі фотосуретте көрсетілгеннен өзгеше болуы мүмкін

Метрогил дента 20 г гель стоматологический

Қолжетімділігі
Тауар қолда жоқ
Үлгі
8901086131065
Елі
Индия
Өндіруші
Юник
  • Сипаттама

Сипаттама

Дәрілік затты медициналық қолдану

жөніндегі нұсқаулық

МЕТРОГИЛ ДЕНТА®

Саудалық атауы

Метрогил Дента®

Халықаралық патенттелмеген атауы

Жоқ

Дәрілік түрі

Стоматологиялық гель

Құрамы

1 г гельдің құрамында

белсенді заттар:

метронидазол бензоаты ……………………………… 16 мг

(метронидазолға баламалы ………………………….. 10 мг)

хлоргексидин глюконаты 20 % ерітінді түрінде …. 2,50 мг

(хлоргексидин глюконатына баламалы ..................... 0,5 мг)

қосымша заттар: пропиленгликоль, карбомер 980, динатрий эдетаты, сахарин, левоментол, натрий гидроксиді, тазартылған су

Сипаттамасы

Ақ түсті немесе ақ дерлік түсті бозаңданатын жұмсақ гель

Фармакотерапиялық тобы

Ас қорыту жолы және зат алмасу. Стоматологиялық препараттар. Стоматологиялық препараттар. Ауыз қуысы ауруларын жергілікті емдеуге арналған микробқа қарсы препараттар және антисептиктер. Басқалар.

АТХ коды A01AB11

Фармакологиялық қасиеттері

Фармакокинетикасы

СтоматологиялықМетрогил Дента®гелінің әсері оның компоненттерінің жиынтықты әсері болып табылады, сондықтан оған фармакокинетикалық зерттеулер жүргізу мүмкін емес. Жергілікті қолданған кезде Метрогил Дента® гелі іс жүзінде сіңбейді.

Фармакодинамикасы

Стоматологиялық Метрогил Дента® гелінің тиімділігі оның құрамында бактерияларға қарсы екі компоненттің болуымен жүзеге асады.

Метронидазолдың пародонт ауруларын тудыратын мына анаэробты бактерияларға қарсы бактерияға қарсы әсері бар:Porphyromonas gingivalis, Prevotella intermedia, Fusobacterium fusiformis, Wolinella recta, Eikenella corrodens, Borrelia vincenti, Bacteroides melaninogenicus, Selenomonas spp.

Хлоргексидин грамтеріс және грамоң микроорганизмдердің вегетативті түрлеріне, сондай-ақ ашытқыларға, дерматофиттерге және липофильді вирустарға қатысты бактерицидтік әсері бар кең ауқымды антисептик.

Қолданылуы

  • жедел және созылмалы гингивитте
  • жедел ойық жаралы-некроздық Венсан гингивитінде
  • жедел және созылмалы пародонтитте
  • жасөспірім пародонтитінде
  • гингивитпен асқынған пародонтозда
  • афтозды стоматитте
  • хейлитте
  • протез киген жағдайда ауыз қуысының шырышты қабығының қабынуында
  • постэкстракциялық альвеолитте (тісті жұлғаннан кейін ойығы қабынғанда)
  • периодонтитте (біріктірілген ем құрамында)

Қолдану тәсілі және дозалары

Жергілікті, тек стоматологиялық қолдануға арналған.

Қызыл иек қабынғанда (гингивитте): Метрогил Дента® қызылиек аймағына күніне 2 рет жағылады, гельді шайып тастауға болмайды. Гельді жаққаннан кейін 30 минут бойы тамақ және сусын ішуден бас тартқан жөн. Емделу курсының ұзақтығы орта есеппен 7-10 күнді құрайды.

Пародонтитте: тіс қақтарын алып тастағаннан кейін пародонтальді қалталарды Метрогил Дента® гелімен өңдейді және қызылиек аймағына гельді аппликациялайды. Экспозиция уақыты – 30 минут. Емшара саны аурудың ауырлығына байланысты. Әрі қарай гельді науқастың өзі аппликациялайды: Метрогил Дента® қызылиек аймағына күніне 2 рет 7-10 күн бойы жағылады.

Афтозды стоматитте: Метрогил Дента® ауыз қуысының шырышты қабығының зақымданған аймағына күніне 2 рет 7-10 күн бойы жағылады.

Созылмалы гингивиттің және пародонтиттің асқынуының профилактикасы үшін: стоматологиялық Метрогил Дента® гелін қызылиек аймағына күніне 2 рет 7-10 күн бойы жағады. Профилактикалық емдеу курсы жылына 2-3 рет жүргізіледі.

Постэкстракциялық альвеолиттің профилактикасы үшін: тісті жұлғаннан кейін ойығын Метрогил Дента® гелімен өңдейді, содан кейін гель амбулаторлық түрде күніне 2-3 рет 7-10 күн бойы қолданылады.

Жағымсыз әсерлері

Метрогил Дента® гелін жергілікті қолданған кезде жүйелік жағымсыз құбылыстардың даму қаупі төмен.

Кейде:

бас ауыруы

- аллергиялықреакциялар (тері бөртпесі, қышыну, есекжем), анафилаксиялық реакциялар, оның ішінде, анафилаксиялық шок).

Қолдануға болмайтын жағдайлар

- метронидазолдың, хлоргексидиннің, сондай-ақ нитроимидазол туындыларының жеке жақпаушылығы ;

- препарат құрамына кіретін кез келген компонеттердің жақпаушылығы;

- қан жүйесінің аурулары, оның ішінде анамнезде;

- шеткері және орталық жүйке жүйесінің аурулары;

- 18 жасқа дейінгі балаларға;

- жүктіліктің бірінші триместрі.

Дәрілермен өзара әрекеттесуі

Ұсынылатын дозаларда жергілікті қолданған кезде Метрогил Дента® гелінің басқа дәрілік заттармен жүйелік өзара әрекеттесуі білінген жоқ.

Айрықша нұсқаулар

Метрогил Дента® гелін қолдану тістерді гигиеналық тазалауды алмастыра алмайды, сондықтан препаратпен емделу курсы кезінде тістерді тазалау жалғастырылуы тиіс.

Препаратты балалардың қолы жетпейтін жерде сақтау керек. Бала препаратты кездейсоқ немесе әдейі жұтып қойған кезде дереу медициналық көмекке жүгіну керек.

Гельдің көп мөлшерін кездейсоқ немесе әдейі жұтып қою негізіненметронидазолға (хлоргексидин іс жүзінде асқазан-ішек жолынан сіңбейді) негізделген жағымсыз әсерлері күшеюінің себебі болуы мүмкін. Байқалуы мүмкін: жүрек айну, құсу, бас айналу, анағұрлым ауыр жағдайларда – парестезия және құрысулар. Емдеу: асқазанды шаю, қажет болғанда симптоматикалық ем.

Жүктілік және лактация

Жүктіліктің екінші және үшінші триместрінде препаратты пайда/қауіп арақатынасын ескере отырып, тек дәрігердің тағайындауы бойынша ғана қолданады. Лактация кезеңінде емшек емізуді тоқтату жөніндегі мәселені шешкен жөн.

Дәрілік препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Әсер етпейді.

Артық дозалануы

Анықталған жоқ

Шығарылу түрі және қаптамасы

20 г препараттан алюминий фольгамен және ламинацияланған полиэтиленмен жабылған және бұралатын полиэтилен қақпақтармен немесе жарғақшаны тесуге арналған кертігі бар бұралатын полиэтилен қақпақтармен тығындалған ламинацияланған пластик сықпаларда.

1 пластик сықпадан медициналық қолдану жөніндегі мемлекеттік және орыс тілінде жазылған нұсқаулықпен бірге картон қорапшаға салынған.

Сақтау шарттары

25 °С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецептісіз

Өндіруші/қаптаушы

«Юник Фармасьютикал Лабораториз» («Дж.Б. Кемикалс энд Фармасьютикалс Лтд.» фирмасының бөлімшесі)

Нилам Сентер, «Б» қапталы, 4 қабат, Хинд Сайкл Роуд, Ворли, Мумбай -400 030, Үндістан

Тіркеу куәлігінің ұстаушысы

«Джонсон & Джонсон» ЖШҚ, Ресей

121614, Ресей, Мәскеу қ., Крылатскаяк-сі, 17, 2 корпус

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері:

Қазақстан Республикасындағы «Джонсон & Джонсон» ЖШҚ филиалы

050040, Қазақстан Республикасы, Алматы қ., Тимирязев к-сі, 42, 23-А павильонытел./факс: +7 (727) 356-88-11; +7 (727) 356-88-19

электрондық пошта: safetyru@its.jnj.com