Мульти-табс Малыш (малина-клубника) № 30 табл жевательные

Сипаттама

Дәрілік затты медициналық қолдану

жөніндегі нұсқаулық

Мульти-табс^â Малыш

Саудалық атауы

Мульти-табс^â Малыш

Халықаралық патенттелмеген атауы

Жоқ

Дәрілік түрі

Таңқурай-құлпынай дәмді шайнайтын таблеткалар

Құрамы

Бір таблетканың құрамында

белсенді заттар:

Ретинолға шаққанда ретинол ацетаты (А дәрумені)400 мкг

Холекальциферол (D₃ дәрумені)10 мкг

d,l-α-токоферол ацетаты

d-α-токоферолға шаққанда (Е дәрумені)5 мг

Тиамин мононитраты (В₁ дәрумені) 0,7 мг

Рибофлавин (В₂ дәрумені) 0,8 мг

Пиридоксин гидрохлориді (В₆ дәрумені) 0.9 мг

Цианокобаламин (В₁₂ дәрумені) 1 мкг

Никотинамид9 мг

Пантотен қышқылы (кальций пантотенаты түрінде) 3 мг

Фолий қышқылы (фолий қышқылының гидраты түрінде)20 мкг

Аскорбин қышқылы (С дәрумені) 40 мг

Темір (темір карбонилі түрінде)10 мг

Мырыш (мырыш тотығы түрінде)5 мг

Мыс (мыс тотығы түрінде)1 мг

Марганец (марганец сульфаты моногидраты түрінде)1 мг

Хром (хром хлориді гексагидраты түрінде)20 мкг

Селен (натрий селенаты түрінде)25 мкг

Йод (калий йодиді түрінде)70 мкг

қосымша заттар: ксилитол түйіршіктері (ксилитол – 96,5%, полидекстроза – 3,5%), микрокристалды целлюлоза, стеарин қышқылы, кремнийдің қостотығы, силикатталған микрокристалды целлюлоза, гидроксипропилцеллюлоза, сусыз кальций дигидрофосфаты, таңқурай хош иістендіргіші, құлпынай хош иістендіргіші, аспартам, желатин, глицерин 85%, аскорбин қышқылы.

Сипаттамасы

Әртүрлі түсті теңбілі, ойығы бар, ақтан сұрғылт реңді ақшыл-сары түске дейінгі, дөңгелек жалпақ таблеткалар.

Фармакотерапиялық тобы

Ас қорыту жолы және зат алмасу. Дәрумендер. Басқа біріктірілімдердегі полидәрумендер.

АТХ коды А11АB

Фармакологиялық қасиеттері

Фармакокинетикасы

Мульти-табс^â Малыш препаратының әсері оның компоненттерінің біріккен әсері болып табылады, сондықтан клиникалық бақылау жүргізу мүмкін емес;компоненттердің барлығын бірге маркерлердіңнемесе био-зерттеулердің жәрдемімен бақылауға келмейді. Осы себепті препараттың метаболиттерін анықтау мүмкін емес.

Фармакодинамикасы

Мульти-табсâ Малыш – құрамында дәрумендер мен минералдар кешені бар біріктірілген препарат. Оның әсері препараттың құрамындағы дәрумендердің және минералдардың қасиеттері арқылы анықталады.

А дәрумені бала организмінің дұрыс өсуіне және дамуына мүмкіндік береді. Иммундық жүйенің қалыптасуында маңызды рөл атқарады, организмнің әртүрлі инфекцияларға қарсылығын арттырады. Көру қызметін қалыпқа келтіреді. Ағзаның антиоксидантты қорғанышының маңызды компоненті болып табылады. Тері мен шырышты қабықтың қалыпты жағдайын сақтайды.

D дәрумені өсіп келе жатқан организмде сүйектер мен тістердің қалыпты түрде жасалуы үшін қажет. Қан плазмасында органикалық емес фосфор мен кальцийдің деңгейлерін сақтайды және кальцийдің аш ішекке сіңуін арттырып,мешелдік пен остеомаляцияның пайда болуына жол бермейді.

С дәрумені коллаген деп аталатын ақуыздың түзілуінде маңызы зор, ол дәнекер тіндердің, сүйектердің, шеміршектердің, тістердің және терінің материалдарының едәуір бөлігін құрайды.

Иммундық жүйе және ақ қан жасушаларының атқаратын қызметіүшін маңызды мәнге ие, организмнің әртүрлі инфекцияларға қарсылығының артуына мүмкіндік береді. Асқазан-ішек жолынан органикалық емес темірдің сіңуіне ықпал етеді. Бұдан басқа, антиоксиданттық қасиеттері де бар.

Е дәрумені иммундық жүйенің жағдайын стимуляциялайды және жақсартады. Табиғи антиоксидант. Бұлшықет жүйесінің қалыпты қызметін қамтамасыз етіп, оның қызмет жағдайын, дене жүктемесіне төзімділігін жақсартады. Жүйке жүйесінің қалыпты қызмет атқаруына жағдай жасайды.

В₁ дәрумені кетоқышқылдың декарбоксилденуі үшін коэнзимнің құрамды бөлігі ретінде көмірсу алмасуының қажетті компоненті болып табылады; ақуыз, көмірсу және май алмасуларында маңызды рөл атқарады, синапстерде жүйке қозуын өткізуге қатысады.

В₂ дәрумені көмірсулардың, ақуыздардың және майлардың алмасуында, гемоглобиннің синтезінде үлкен маңызға ие. Жарақаттанғанда және кесіп алғанда тіндердің регенерациясына ықпал етеді,терінің және шырышты қабықтың қызметі мен қалыпты құрылымын сақтайды. Орталық пен шеткергі жүйке жүйесінің жағдайын реттейді, көруге оң ықпалын тигізеді.

В₆ дәрумені орталық және шеткергі жүйке жүйесінің қызметінің қалыпта болуы үшін аса маңызды. Нуклеин қышқылының синтезіне қатысады, фосфор-кальцийдің алмасуын реттейді, бауыр қызметін жақсартады, қанның түзілуіне қатысады.

В₁₂ дәрумені жүйке жүйесінің қалыпты қызмет етуі үшін қажет, зейінді жұмылдыруды және жадыны жақсартады. Қан түзілуге қатысады, ол жеткіліксіз болған жағдайда анемия пайда болады.

Никотинамид жоғарғы жүйке жүйесінің және ас қорыту ағзаларының қызметін реттейді, микроайналымды жақсартады. Жасушада тотығу-тотықсыздандыру үдерісіне қатысады, тіндік тыныс алу үдерісін тұрақтандырады. Май және көмірсу алмасуында, амин қышқылдарының метаболизмінде маңызды рөл атқарады.

Пантотен қышқылы тотығу және ацетилдену үдерістерін реттеуде үлкен рөл атқарады. Көмірсулар мен майлардың алмасуына, ацетилхолиннің және стероидты гормондардың синтезіне қатысады, жаралардың жазылуына ықпал етеді, антидененің синтезін стимуляциялайды. Антибиотиктермен емдеген кезде пайда болатын жағымсыз және уытты әсерлерді бәсеңдетеді.

Фолий қышқылы жасушалардың, соның ішінде қанның формалық элементтерінің қалыпты бөлінуіне, амин қышқылдарының (оның ішінде глициннің, метиониннің), нуклеин қышқылдарының, пиримидиндердің синтезіне қатысады, эритроциттерде гемоглобиннің түзілуінде зор маңызы бар.

Темір қан түзу үдерісіне қатысады, жасушалық жергілікті иммунитеттің қалыпты дұрыс жұмыс жасауына мүмкіндік береді.

Мырыш эритроциттердің және қанның басқа пішіндік элементтерінің түзілуі үшін қажет. Организмнің иммундық үдерістерін тұрақтандырады. Организмнің көптеген ферменттерінің құрамына кіреді. Мырыштың жеткіліксіздігі бойдың аз өсуімен, иммунтитеттің төмендеуімен, ауру деңгейінің жоғарылауымен астасады. Организмде синтезделмейді.

Мыс өмір үшін қажетті микроэлемент болып табылады, гемоглобиннің және эритроциттердің түзілуіне қатысады. Метаболизмдік үдерістерде үлкен рөл атқарады.

Марганец иммуноглобулиндер синтезін стимуляциялайды, сондай-ақ асқын тотық радикалдарының зиянды әсерлерінен организмді қорғауда маңызды рөл атқаратын супероксид-дисмутазаның компоненті болып табылады.

Хром инсулиннің синтезделу үдерісіне қатысады. Адам организмінде хром мөлшерінің төмендеуі қандағы қант мөлшерінің күрт өзгеруін тудыруыжәне диабеттің пайда болуына ықпал етуі мүмкін.

Селен, антиоксидант ретінде, организмді зақымдайтын бос радикалдардың түзілуіне жол бермейді. Организмде синтезделмейді.

Йод қалқанша без гормондарының құрамына енеді, оның негізін йод құрайды, өмірлік маңызды қызметті орындайды. Мидың, жүйке жүйесінің, организмнің өсуі мен дамуын реттейді. Организмде синтезделмейді.

Қолданылуы

1 жастан 4 жасқа дейінгі балаларда гиповитаминоздың және минералды заттаржеткіліксіздігінің профилактикасы үшін:

• қарқынды өсу кезеңінде дәрумендер мен минералдарға қажеттілік жоғары болғанда;
• ақыл-ой және дене жүктемесі жоғарылағанда;
• ауруды өткергеннен кейінгі қалпына келу кезеңінде;
• теңдестірілмеген немесе толыққанды емес тамақтануда.

Қолдану тәсілдері және дозасы

1 жастан 4 жасқа дейінгі балаларға күніне 1 таблеткадан. Тамақпен бір мезгілде немесе тамақтанып болысымен қабылдау керек. Қолданар алдында таблетканы ұсақтауға болады. Препаратты қабылдау курсы 1 ай. Препаратты қайта қабылдау дәрігердің тағайындауы бойынша.

Жағымсыз әсерлері

Болуы мүмкін

- асқазан-ішек жолы тарпынан бұзылыстар, оның ішінде асқазан-ішек жайсыздығы, диарея, жүрек айну, іштің қату;

- аллергиялық реакциялар: қышыну, уртикарлы бөртпе.

Қолдануға болмайтын жағдайлар

- препарат компоненттерінің жекелей жақпаушылығы;

- А немесе D гипервитаминозы;

- құрамында аспартамның болуына байланысты, препарат фенилкетонуриясы бар пациенттерге қолданылмауы тиіс;

- 1 жасқа дейінгі балалар.

Дәрілермен өзара әрекеттесуі

Мульти-табс^® Малыш препаратының құрамында темір бар, сондықтантетрациклиндер тобының антибиотиктерін және микробтарға қарсы дәрілерді – фторхинолон туындыларын бір мезгілде қолданғанда соңғыларының АІЖ-ден сіңуі баяулайды. С дәрумені сульфаниламидтер тобының микробтарға қарсы дәрілерінің фармакологиялық әсерін және жағымсыз әсерлерін күшейтеді. Құрамында алюминий, кальций, магний бар антацидтік препараттарды бір мезгілде қолданғанда Мульти-табс® Малыш препаратының құрамына кіретін темірдің сіңуі төмендейді.

Айрықша нұсқаулар

Мульти-табс^® Малышты қабылдау кезінде, олардың организмде жинақталып қалатындығын ескеріп, әсіресе майда еритін дәрумендердің (А, Д және Е) артық дозалануына жол бермеу үшін басқа полидәрумендік препараттарды қабылдамау керек. Күндізгі дозаны көрсетілген мөлшерден арттырмаған жөн.

Артық дозалануы

Ұсынылған дозаларды қолданған кезде артық дозалану симптомдары байқалған жоқ.

Артық дозлану белгілері АІЖ бұзылыстары (диарея) болып табылады. Артық дозалану жағдайында препарат қабылдауды тоқтатып, дәрігерге қаралу қажет. Емі симптоматикалық.

Шығарылу түрі және қаптамасы

Таңқурай-құлпынай дәмді шайнайтын таблеткалар.

10 таблеткадан алюминий (алюминий/алюминий) фольгадан жасалған пішінді ұяшықты қаптамада. 3 немесе 6 пішінді ұяшықты қаптама медициналық қолдану жөніндегі мемлекеттік және орыс тіліндегі нұсқаулықпен бірге картон қорапшаға салынған.

Сақтау шарттары

25^оС-ден аспайтын температурада cақтау керек.

Балалардың қолы жетпейтін жерде сақтау керек!

Cақтау мерзімі

2 жыл

Қаптамасында көрсетілген жарамдылық мерзімі өткеннен кейін пайдалануға болмайды.

Дәріханалардан босатылу шарттары

Рецептісіз

Өндіруші

«Пфайзер Консьюмер Мэнюфэкчуринг Италия С.Р.Л.», Виа Неттуненсе 90, 04011 Априлия (ЛТ), Италия.

Тіркеу куәлігінің иесі

«Пфайзер Инновации» ЖШҚ, Мәскеу, Пресненская жағалауы, 10 үй, Ресей.

Қазақстан Республикасы аумағында тұтынушылардан өнімсапасына қатысты шағымдарды қабылдайтын ұйымныңмекенжайы

Pfizer Export B.V. (Пфайзер Экспорт Би.Ви.) компаниясының Қазақстан Республикасындағы филиалы:

050000, Алматы қ., Медеу ауданы, Нұрсұлтан Назарбаев даңғылы, 100/4, тел. 8(727)250-42-94