Біздің компаниямыз жайлы жалпы ақпарат.
Дәрілік препаратты медициналық қолдану
жөніндегі нұсқаулық (Қосымша парақ)
Саудалық атауы
МУПОБЕЛ®, 2% сыртқа қолдануға арналған крем, 15 г және 30 г
Халықаралық патенттелмеген атауы
Мупироцин
Фармакотерапиялық тобы
Дерматология. Дерматологияда қолдануға арналған антибиотиктер және химиотерапиялықпрепараттар. Жергілікті қолдануға арналған антибиотиктер. Жергілікті қолдануға арналған басқа антибиотиктер. Мупироцин.
АТХ коды D06AX09
Қолданылуы
МУПОБЕЛ® кремі Staphylococcus aureus салдарлы инфекциясы және Streptococcus pyogenes сезімтал шағын лазерлік зақымданулар сияқты жарақаттық зақымдануларда, тігілген жаралар мен сызаттарды емдеуге арналған (ұзындығы 10 см-ге дейін немесе ені 100 см2-ге дейін).
Қолдануды бастағанға дейін қажетті мәліметтер тізбесі
Қолдануға болмайтын жағдайлар
- мупироцинге немесе препараттың басқа компоненттеріне белгілі аса жоғары сезімталдық
- интраназальді және интраокулярлық пайдалану
Қолдану кезіндегі қажетті сақтық шаралары
Сирек жағдайларда аса жоғары сезімталдық реакциялары дамыған немесе ауыр жергілікті тітіркену бар болса, жүргізіліп жатқан емді дереу тоқтатып және кремді жуып-шаю керек, әрі қарай инфекцияны емдеу үшін басқа препаратпен емдеуге ауысады.
Басқа да антибиотиктер сияқты, препаратты ұзақ қолдану сезімтал емес флораның өсуіне әкелуі мүмкін.
Бактерияға қарсы препаратты пайдаланған кезде ауырлық деңгейі әр түрлі (жеңілден өмірге қауіп төндіретін) жалған жарғақшалы колиттің даму жағдайлары анықталған. Осылайша, антибиотиктерді қолдану кезінде немесе одан кейін пациентте диарея дамыған жағдайда осы диагноздың ықтималдығын қарастыру қажет. Мупироцинді сыртқа пайдаланған кезде колиттің пайда болу ықтималдығы тіптен мардымсыз болса да, ұзақ немесе ұзаққа созылған диарея және іштің аумағында түйілу пайда болған жағдайда МУПОБЕЛ® препаратымен емдеу дереу тоқтатылуы және пациент әрі қарай тексерілуге жіберілуі тиіс.
Көзге түсуіне жол бермеген жөн. Крем көзге түскен жағдайда, оны крем толығымен кеткенге дейін сумен жуып тастау керек.
Басқа дәрілік препараттармен өзара әрекеттесуі
Ешқандай дәрілік өзара әрекеттесулер байқалмайды. Жергілікті қолданылатын басқа препараттармен бір мезгілде жағылмайды.
Арнайы ескертулер
Қосымша заттар туралы ақпарат
Қосымша заттар ретінде крем құрамында жергілікті тері реакцияларын тудыруы мүмкін цетил және стеарил спирті бар (мысалы, жанаспалы дерматит).
Педиатрияда қолдану
1 жасқа дейінгі балалар
МУПОБЕЛ® кремі 1 жасқа дейінгі балаларда зерттелмеген және қосымша ақпарат қолжетімді болғанға дейін пациенттердің осы тобында пайдаланылмауы тиіс.
Жүктілік немесе лактация кезеңі
Жүктілік
МУПОБЕЛ® препаратын жүкті әйелдерде қолдану бойынша деректер жоқ, сондықтан препараттың зор пайдасы мүмкін болатын қауіптен жоғары болғанда ғана қолданады.
Лактация
Препараттың емшек сүтіне енуі бойынша деректер жоқ. Егер МУПОБЕЛ® препаратын емшек ұшының жарылуын емдеу үшін қолданса, бала емізер алдында емшекті кремнің қалдығын қалдырмау үшін жуу керек.
Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Көлік құралдарын және қауіптілігі зор механизмдерді басқару қабілетіне қолайсыз әсері анықталған жоқ.
Қолдану жөніндегі нұсқаулар
Ересектер және 1 жастан асқан балалар
Препаратты зақымданған теріге күніне 3 рет жағады.
Егде жастағы пациенттер
Дозаны түзету қажет емес.
Бүйрек функциясы бұзылған пациенттер
Дозаны түзету қажет емес.
Бауыр функциясы бұзылған пациенттер
Дозаны түзету қажет емес.
МУПОБЕЛ® басқа препараттармен бірге мупироциннің еру мүмкіндігіне және оның тұрақтылығының төмендеуіне байланысты қолдануға болмайды, бұл бактерияға қарсы әсердің жеткіліксіздігіне әкелуі мүмкін.
Енгізу жолы және тәсілі
Сыртқа жергілікті қолдану үшін.
Кремнің аздаған мөлшерін терінің зақымданған аумағына жұқа қабаттап таза мақта немесе дәкенің көмегімен жағады. Өңделген аумаққа таңғышты қоюға болады.
Теріні өңдегеннен кейін кремнің қалдығы қалмау үшін қолды жуу керек.
Емдеу аяқталғаннан кейін препараттың кез-келген пайдаланылмаған қалдығы жойылуы тиіс.
Емдеу ұзақтығы
Жүргізіліп жатқан емнің клиникалық жауабына байланысты емдеу ұзақтығы – 10 күнге дейін. Егер клиникалық жауапқа 3-5 күн ішінде қол жетпесе, емді қайта қарау керек. Емнің ең ұзақ мерзімі 10 күн.
Артық дозалану жағдайында қабылдануы қажетті шаралар
Мупироцинмен дозаланудың шектеулі тәжірибесі бар. Мупироцинмен артық дозалануды арнайы емдеу жоқ. Препаратты ішке әдейі қабылдаған жағдайда симптоматикалық ем және пациенттің жағдайына тиісті бақылау жүргізу қолданылады.
Одан әрі емдеу пациенттің клиникалық жағдайына сәйкес жүзеге асырылуы тиіс.
Дәрілік препаратты қолдану тәсілін түсіндіру үшін медицина қызметкерінен кеңес алу бойынша ұсынымдар
Дәрілік препаратты қабылдамас бұрын, дәрігердің немесе фармацевттің кеңесіне жүгініңіз.
ДП стандартты қолдану кезінде көрініс табатын жағымсыз реакциялардың сипаттамасы және осы жағдайда қабылдануы керек шаралар (қажет болса)
Кездесу жиілігі былай анықталады: өте жиі (≥1/10), жиі (≥1/100 және <1/10), жиі емес (≥1/1 000 және <1/100), сирек (≥1/10 000 және <1/1 000), өте сирек (<1/10 000) немесе белгісіз (жиілігі қолда бар деректер бойынша бағалануы мүмкін емес).
Жиі
- терінің аса жоғары сезімталдық реакциялары:есекжем, қышыну, эритема, кремді жаққан жерде күйдіру сезімі, жанаспалы дерматит, бөртпе
Өте сирек
- жүйелік аллергиялық реакциялар, анафилаксияны, жайылған бөртпені, есекжемді, ангионевроздық ісінуіді қоса
Күтілген дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігін және осындай хабарламаны нұсқайтын алуан түрлі жолдарын қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз
Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитетінің «Дәрілік заттарды және медициналық бұйымдарды сараптау ұлттық орталығы» ШЖҚ РМК
Қосымша мәліметтер
1 г кремнің құрамында
белсенді зат – 23.43 мг мупироцин кальций дигидраты
(20.00 мг мупироцинге баламалы);
қосымша заттар: сұйық парафин, полоксиэтиленгликоль 1000 моноцетил эфирі, стеарил спирті, цетил спирті, феноксиэтанол, бензил спирті, ксантан шайыры, тазартылған су.
Сыртқы түрінің, иісінің, дәмінің сипаттамасы
Жұмсақ консистенциялы ақ немесе ақшыл түсті бөтен қоспалардан бос біртекті крем.
15 г немесе 30 г препаратты пластик қақпақпен тығындалған алюминий сықпаларға салады.
1 сықпадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынады
Сақтау мерзімі
2 жыл
Жарамдылық мерзімі өткеннен кейін қолдануға болмайды!
Сақтау шарттары
Құрғақ, жарықтан қорғалған жерде 25 °С-ден аспайтын температурада сақтау керек.
Балалардың қолы жетпейтін жерде сақтау керек!
Дәріханалардан босатылу шарттары
Рецептісіз
Өндіруші туралы мәлімет
«Нобел Алматы Фармацевтикалық Фабрикасы» АҚ
Қазақстан Республикасы, Алматы қ., Шевченко к-сі, 162 Е.
Телефон нөмірі: (+7 727) 399-50-50
Факс нөмірі: (+7 727) 399-60-60
Электронды пошта nobel@nobel.kz
Тіркеу куәлігінің ұстаушысы
«Нобел Алматы Фармацевтикалық Фабрикасы» АҚ
Қазақстан Республикасы, Алматы қ., Шевченко к-сі, 162 Е.
Телефон нөмірі: (+7 727) 399-50-50
Факс нөмірі: (+7 727) 399-60-60
Электронды пошта nobel@nobel.kz
Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)
«Нобел Алматы Фармацевтикалық Фабрикасы» АҚ
Қазақстан Республикасы, Алматы қ., Шевченко к-сі, 162 Е.
Телефон нөмірі: (+7 727) 399-50-50
Факс нөмірі: (+7 727) 399-60-60
Электронды пошта nobel@nobel.kz
