Тауарлардың көрінісі фотосуретте көрсетілгеннен өзгеше болуы мүмкін

Назол Кидс 10 мл спрей назальный

Қолжетімділігі
Тауар қолда жоқ
Үлгі
4250369505715
Елі
США
Өндіруші
Сагмел, Инк.
  • Сипаттама

Сипаттама

Дәрілік затты медициналық қолдану

жөніндегі нұсқаулық

Назол® Кидс

Саудалықатауы

Назол® Кидс

Халықаралық патенттелмеген атауы

Фенилэфрин

Дәрілік түрі

Мұрынға арналған спрей

Құрамы

1 мл ерітіндінің құрамында

белсенді зат - 2.5 мг фенилэфрин гидрохлориді;

қосымша заттар: бензалконий хлориді, цинеол (эвкалиптол), глицерол, макрогол 1500, динатрий гидрофосфатының дигидраты, калий дигидрофосфаты, динатрий эдетатының дигидраты, тазартылған су.

Сипаттамасы

Эвкалиптің шамалы иісі бар түссізден ашық сары түске дейінгі мөлдір ерітінді.

Фармакотерапиялық тобы

Жергілікті қолдануға арналған антиконгестанттар мен мұрынға арналған басқа препараттар. Симпатомиметиктер. Фенилэфрин

АТХ коды R01AA04

Фармакологиялық қасиеттері

Фенилэфрин гидрохлориді мұрын шырышты қабығында a-рецепторлардың стимуляциялануының арқасында тамыртарылтатын әсері бар, a1-адренергиялық рецепторлардың өзіндік агонисті болып табылады.

Фенилэфрин гидрохлориді шырышты қабықтардың ісінуі мен тіндердің гиперемиясын төмендетеді, мұрын қуысындағы ісіну мен іркілу құбылыстарын жұмсартады, сондай-ақ мұрын тыныс жолдарының өткізгіштігін жақсартады.Жергілікті қолданғанда фенилэфриннің жүйелі сіңірілуі төмен.

Эвкалиптол шырышты қабықтардың рецепторларына стимулияциялайтын әсер береді; жергілікті қабынуға қарсы және антисептикалық белсенділікке ие, мұрын жолдарының шырышты қабығын шамадан тыс құрғап кетуден қорғайды.

Глицерин мұрын қуысының тітіркенген шырышты қабығына жұмсартушы және ылғалдандырушы әсерін тигізеді.

Препарат әсері 3-5 минуттан соң басталып, 6 сағатқа жуық созылады.

Қолданылуы

Мұрын арқылы тыныс алуды жеңілдету және жергілікті антисептикалық әсерді қамтамасыз ету үшін:

  • суық тию ауруларында, тұмауда
  • пішен қызбасында немесе жедел ринитпен немесе синуситпен қатар жүретін жоғарғы тыныс жолдарының басқа аллергиялық ауруларында
  • жедел ортаңғы отитте (мұрын-жұтқыншақ шырышының ісінуін азайтуға арналған қосымша дәрі ретінде)

Қолдану тәсілі мен дозалары

Әр мұрын жолына кезекпен бүркіңіз, бүрку кезінде басыңызды аса кейін шалқайтпаңыз.

4-тен 6 жасқа дейінгі балаларға: әр мұрын жолына 1-2 бүркуден күніне 3 рет;

6-дан 12 жасқа дейінгі балаларға: әр мұрын жолына 2-3 бүркуден күніне 3 рет.

Құтыны тік қалыпта қысқан кезде одан ерітінді спрей түрінде бөлінеді. Пайдаланғаннан кейін құтыдағы қондырманы сүртіңіз.

Ұсынылған дозалау режимінен арттырмау керек.

Емдеу курсы - 3 күннен асырмау керек.

Жағымсыз әсерлері

Жергілікті қолданған кезде фенилэфрин жақсы көтерімді және жағымсыз әсері, егер пайда болса, ол жедел емес және қысқа мерзімді сипатта болып келеді.

Болуы мүмкін:

- шымдылдатып ашыту, түшкіру, мұрынның шаншуы

- аллергиялық реакциялар (қышыну немесе есекжем, қолдың, беттің немесе тамақтың ісінуі,кеуденің қысылуы, тыныс алудың қиындауы)

- бас ауыруы, бас айналуы, мазасыздық

- ырғақтың бұзылуы, артериялық гипертензия

Қолдануға болмайтын жағдайлар

Мынадай пациенттерге препаратты қолдануға болмайды:

- препарат ингредиенттеріне жекелей жоғары сезімталдықта

- артериялық гипертензияның ауыр түрінде

- жедел жүрек-қан тамыр ауруларында

- тахиаритмияда

- ауыр тиреотоксикоз кезінде

- қант диабеті кезінде

- транссфеноидальді гипофизэктомиядан кейін

- тері немесе мұрын алды шырышты қабығы қабынған және қыртыс (құрғақ ринит) түзілген жағдайда;

- МАО тежегіштерін алып жүрген пациенттер немесе 2 апта бұрын алған пациенттер

- 4 жасқа дейінгі балалар

Дәрілермен өзара әрекеттесуі

Құрамында тамыр тарылтатын дәрілер немесе гипертензияға қарсы дәрілер бар басқа препараттармен қолдануға болмайды.

Моноаминоксидаза (МАО) тежегіштерімен бір мезгілде қолданғанда немесе емдеуді тоқтатқаннан кейін 14 күн ішінде немесе фенилэфрин артериялық қысымның жоғарылауына әкелуі мүмкін. Фенилэфринді линезолидпен бір мезгілде қолдануға болмайды.

Айрықша нұсқаулар

Препаратты 4 жасқа дейінгі балаларға қолдануға болмайды.

Жүрек-қантамыр аурулары, артериялық гипертензиясы, гипертиреозы, жабық бұрышты глаукомасы, қант диабеті бар пациенттерге құрамында мұрынға арналған спрейі бар фенилэфринді абайлап қолдану керек. Бұл пациенттерге қолданардың алдында дәрігерден кеңес алу керек.

Препаратты ересектердің қадағалауымен қолдану керек. Егер 12 жасқа дейінгі балаларда ашушаңдық, бас айналуы немесе ұйқысыздық пайда болса қолдануды тоқтатып, дәрігерге көріну керек.

Емдеу ұзақтығы 3 күннен аспайды, егер симптомдар сақталса, дәрігерге қаралу керек.

Инфекцияны жұқтырмау үшін құтыны жекелей қолдану ұсынылады.

Жүктілік және лактация

Препарат балаларға арналған. Жүктілік және емшек емізу кезеңінде қолдану жөніндегі деректер жоқ.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Әсер етпейді.

Артық дозалануы

Мұрынға жергілікті пайдалану кезіндегі артық дозалану кейде тамыр соғуының жиілеуі (тахикардия) және артериялық қысымның көтерілуі, қозу сияқты жүйелі әсерлерге алып келеді. Артық дозаланған жағдайда медициналық жәрдемге хабарласу қажет.

Емі: симптоматикалық.

Шығарылу түрі мен қаптамасы

Полипропилен бүркемелегіш дозаторымен қамтылған және полиэтилен қақпағы бар тығыздығы жоғары полиэтиленнен жасалған құтыда 10 мл-ден.

1 құтыдан медициналық қолдану жөніндегі мемлекеттік және орыс тілдеріндегі нұсқаулықпен бірге картон корапшаға салынады.

Сақтау шарттары

30°С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

2 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецептісіз

Өндіруші/қаптаушы

Иституто Де Анжели С.р.л.,

50066Реггелло (Флоренция), Лок. Прулли 103/c, Италия.

Тіркеу куәлігі ұстаушысының атауы және елі

Байер Консьюмер Кэр АГ, Швейцария

Қазақстан Республикасы аумағында тұтынушылардан дәрілік зат сапасына қатысты шағымдарды (ұсынымдарды) қабылдайтын ұйымның атауы, мекенжайы және байланыс деректері

«Байер КАЗ» ЖШС

Тимирязев к-сі 42, 15 павильон, 301 кеңсе

050057 Алматы, Қазақстан Республикасы,

тел. +7 727 258 80 40, факс: +7 727 258 80 39

e-mail: kz.claims@bayer.com

Қазақстан Республикасы аумағында дәрілік заттың қауіпсіздігін тіркеуден кейін қадағалауға жауапты ұйымның атауы, мекенжайы және байланыс деректері

«Байер КАЗ» ЖШС

Тимирязев к-сі 42, 15 павильон, 301 кеңсе

050057 Алматы, Қазақстан Республикасы,

тел: +7 701 715 78 46 (тәуік бойына)

тел:+7 727 258 80 40, ішкі 106(жұмыс уақытында)

факс: +7 727 2588 039

e-mail: pv.centralasia@bayer.com

Егер сіз жағымсыз жағдай туралы немесе препараттың сапасы туралы хабарлағыңыз келсе, денсаулық сақтау саласындағы маманына (мысалы, дәрігер немесе фармацевт) немесе бақылаушы органдарына жүгініңіз. Сонымен қатар, өтініштерді pv.centralasia@bayer.com мекен-жайына жіберуге болады немесе +7 701 715 78 46 телефонына хабарласуға болады.