Нимотоп 10 мг, 50 мл, №1, фл.
Рецепт бойынша
Тауарлардың көрінісі фотосуретте көрсетілгеннен өзгеше болуы мүмкін

Нимотоп 10 мг, 50 мл, №1, фл.

Қолжетімділігі
Тауар қолда жоқ
Үлгі
4870004520370
Елі
Германия
Өндіруші
Bayer AG
  • Сипаттама

Сипаттама

Дәрілік затты медициналық қолдану

жөніндегі нұсқаулық

Нимотоп®

Саудалық атауы

Нимотоп®

Халықаралық патенттелмеген атауы

Нимодипин

Лекарственная форма

Инфузияға арналған ерітінді, 10 мг/50 мл

Құрамы

50 мл ерітінді құрамында

белсенді зат - нимодипин 0,010 г,

қосымша заттар: этил спирті 96%, макрогол 400, натрий цитраты, лимон қышқылы, инъекцияға арналған су.

Сипаттамасы

Аздап сарғыш түсті мөлдір ерітінді

Фармакотерапиялық тобы

Жүрек-қантамыр жүйесі. Кальций өзекшелерінің блокаторлары. Басым көпшілік әсері қан-тамырына болатын кальций өзекшелерінің селективті блокаторлары. Дигидропиридин туындылары. Нимодипин

АТХ коды С08СA06

Фармакологиялық қаиеттері

Фармакокинетикасы

0.03 мг/кг/сағ үздіксіз вена ішіне енгізгенде қан плазмасындағы орташа тепе-тең концентрациялары 17,6-26,6 нг/мл жетеді. Вена ішіне сорғалатып енгізгеннен кейін қан плазмасындағы нимодипин концентрациясы 5-10 минут жартылай шығарылу кезеңдерімен және шамамен 60 минутпен екі фазалы төмендейді. Вена ішіне енгізгенде таралу көлемі (Vss, екі фазалы модель) дене салмағының 0,9-1,6 л/кг, жалпы (жүйелі) клиренс – 0,6-1,9 л/сағ./кг құрайды.

Плазма ақуыздарымен байланысуы және таралуы

Нимодипин 97-99%-ға қан плазмасының ақуыздарымен байланысады. Нимодипин in vivo зерттеулерде плацентарлық бөгет арқылы өтеді. Деректердің жоқтығына қарамастан адамдарда да препараттың плацентарлық бөгет арқылы өтетінін болжауға болады. in vivo зерттеулерде сүтте нимодипиннің және/немесе оның метаболиттерінің плазмаға қарағанда жоғарырақ концентрациялары анықталды. Әйелдердің емшек сүтінде нимодипин қан плазмасындағы концентрациямен салыстырмалы концентрацияда анықталды. Нимодипин қан плазмасындағы концентрациядан шамамен 0,5% құрайтын концентрацияларда жұлын-ми сұйықтығында анықталуы мүмкін, бұл тұтастай алғанда қан плазмасындағы еркін заттың концентрациясына баламалы.

Метаболизмі

НимодипинР450 3А4 цитохромы жүйесінің ферменттерінің қатысуымен метаболизм жолымен, негізінен, дигидропиридиндік сақинаның дегидрогенизациясы және эфирдің тотығу арқылы ыдырауы жолымен шығарылады. Эфирдің тотығу арқылы ыдырауы, 2- және 6- метильді топтардың гидроксилденуі және глюкуронизациясы - конъюгация реакциясы ретінде метаболизмнің қосымша маңызды сатылары болып табылады. Қан плазмасында анықталатын үш негізгі метаболитте қалдық емдік белсенділігі елеусіз немесе жоқ.

Бауыр ферменттеріне индукциялаушы немесе тежеуші ықпалының болуы туралы белгісіз. Адамдарда метаболиттер шамамен 50% жылдамдықпен бүйрек арқылы және шамамен 30% жылдамдықпен өт арқылы шығарылады. Шығу кинетикасы дозаға тәуелді. Нимодипиннің жартылай шығарылу кезеңі 1,1-1,7 сағат шегінде болып табылады. 5-10 сағатқа тең терминальді жартылай шығарылу кезеңі дозалау аралығына ықпал ету тұрғысынан елеулі емес.

Вена ішіне инфузиядан кейін плазмадағы нимодипин концентрациясының орташа прогрессиясы бір сағат ішінде 0,015 мг/кг (n=24, егде жастағы адамдар).

Биожетімділігі

Бүйрек арқылы «алғашқы өту» (85-95%) кезіндегі метаболизмнің жоғарғы жылдамдығына байланысты нимодипиннің абсолюттік биожетімділігі 5-15% құрайды.

Шығарылуы

Бауыр ферменттерінің индукциялаушы немесе тежеуші белсенділігі анықталмаған. Адамдағы метаболиттердің шығарылуының 50% бүйрек және 30 % өт шығару жолдары арқылы жүзеге асады.

Шығарылу кинетикасы дозаға тәуелді. Нимодипиннің жартылай шығарылу кезеңі 1,1 сағаттан 1,7 сағатқа дейінгі уақытты құрайды. Терминальді жартылай шығарылу кезеңі 5-10 сағат, дәрілік затты қабылдаулар арасындағы аралыққа ықпал ететіндей релевантты емес.

Фармакодинамикасы

Нимодипин 1,4-дигидропиридиндік топтың кальций өзекшелерінің антагонисі болып табылады. Жоғарғы липофильділігіне байланысты белсенді зат гематоэнцефалдық бөгет арқылы жақсы өтеді. Клиникаға дейінгі зерттеулер барысында нимодипин, L-типті кальций өзекшелеріне жоғарғы аффинді және селективті бола отырып, осылайша, кальцийдің жасушаларға жарғақша арқылы түсуін бөгейтіні анықталған. Кальций иондарының жүйке жасушаларына көп түсуімен байланысты патологиялық жағдайларда, мысалы, ми ишемиясы кезінде, нимодипин олардың тұрақтылығын және қызмет етуін жақсартады деп болжанады. Нимодипин қолданғанда субарахноидальді қан құйылуы бар пациенттерде ишемиялық неврологиялық бұзылыстар және өлім едәуір төмендейді.

Қолданылуы

- аневризма үзілуі салдарынан субарахноидальді қан құйылу аясында ми қантамырларының спазмы туындатқан ишемиялық неврологиялық бұзылыстарды емдеу және профилактикасы кезінде

Қолдану тәсілі және дозалары

Төмендегідей дозалау режимін сақтау ұсынылады:

Емнің басындағы 2 сағат ішінде сағатына препараттың 1 мг (5 мл ерітінді) енгізіледі, бұл шамамен 15 мкг/кг/сағ құрайды. Жағымдылығы жақсы болғанда (ең алдымен, артериялық қысымның айқын төмендеуі болмағанда), 2 сағаттан соң дозаны сағатына 2 мг нимодипинге (10 мл ерітінді) дейін ұлғайтады, бұл шамамен 30 мкг/кг/ сағ құрайды.

Салмағы 70 кг едәуір төмен немесе ауытқымалы артериялық қысымы бар науқастарға арналған бастапқы доза сағатына 0,5 мг нимодипин (2,5 мл ерітінді) құрауы тиіс.

Ми цистерналарына инстилляция

Хирургиялық араласым барысында дене температурасына дейін қыздырылған жаңа дайындалған Нимотоп® ерітіндісін (1 мл Нимотоп® инфузиялық ерітіндісі және 19 мл Рингер ерітіндісі) интрацистернальді енгізуге болады. Ерітіндіні дайындағаннан кейін бірден пайдалану қажет.

Ұзақтығы 5-14 күн болатын инфузиялық ем курсы аяқталғаннан кейін тәулігіне 6 рет 2 таблеткадан (6 х 60 мг нимодипин) дозада Нимотоп® таблеткаларын пероральді қабылдау ұсынылады.

Жағымсыз әсерлері бар пациенттерде препарат дозасы төмендетілуі мүмкін немесе ем тоқтатылуы мүмкін. Р450 3А4 цитохромы жүйесін тежейтін немесе индукциялайтын препараттармен бірге қолдану кезінде дозаны түзету керек болуы мүмкін.

Бауыр жеткіліксіздігі бар пациенттер

Ауыр бауыр жеткіліксіздігі, атап айтқанда бауыр циррозы бар пациенттерде нимодипиннің биожетімділігі «алғашқы өту» әсерінің төмендеуі және метаболизмдік клиренстің төмендеуі есебінен ұлғаюы мүмкін. Әсерлер, сондай-ақ, гипотензия сияқты жағымсыз әсерлер науқастардың аталған санатында айқынырақ болуы мүмкін.

Мұндай жағдайларда дозаны төмендету немесе қажет болса, емді тоқтату мәселесін қарастыру керек.

Балалар мен жасөспірімдер

Нимотопты® балалар мен 18 жасқа дейінгі жасөспірімдерде қолданудың қауіпсіздігі мен тиімділігі анықталмаған.

Көлемді жүктеме жақпайтын немесе қарсы көрсетілген пациенттерге Нимотоп® инфузиялық ерітіндісін инфузияға арналған қосымша ерітіндісіз катетер арқылы орталық венаға енгізуге болады. Нимотоптың® инфузиялық ерітіндісі инфузиялық сорғы пайдаланумен орталық катетер арқылы үздіксіз вена ішіне енгізу үшін қолданылады. Катетер түтіктері үш жүрісті кранның көмегімен өзара жалғанған. Нимотоп® ерітіндісін басқа дәрілік препараттармен араластыруға немесе инфузиялық түтікке немесе құтыға қосуға жол берілмейді.

Келесі ерітінділердің бірімен бір уақытта енгізуге болады: 5% глюкоза, 0,9% натрий хлориді, лактат бар Рингер, лактат және магний бар Рингер, декстран 40, гидроксиэтилденген (поли(О-2-гидроксиэтил)) крахмал 6%, адамның 5% альбумині немесе қан.

Клиникаға дейінгі зерттеулердің нәтижелеріне сәйкес маннитолды да 24 сағатқа дейінгі мерзімде бір уақытта енгізуге болады. Нимотоп® ерітіндісінің бір уақыттық инфузия үшін басқа ерітіндіге арақатынасы 1:4 құрайды.

Нимодипин енгізуді сондай-ақ анестезия, хирургиялық араласымдар және ангиография уақытында жалғастыру ұсынылады.

Профилактика мақсатында қолдану

Нимотоп® ерітіндісін вена ішіне енгізуді қан құйылудан кейін 4 күннен кешіктірмей бастау керек және вазоспазм дамуының ең жоғары қаупінің бүкіл кезеңінде, яғни субарахноидальді қан құйылудан кейін 10-14 күн бойы жалғастыру керек.

Егер Нимотоп® ерітіндісін профилактикалық қолдану барысында қан құйылудың себептеріне хирургиялық ем жүргізілсе препаратпен вена ішіне емдеуді операциялық араласудан кейін кемінде 5 күн бойы жалғастыру қажет.

Инфузиялық емдеу курсы аяқталған соң келесі 7 күн ішінде 4 сағат аралықпен тәулігіне 60 мг х 6 рет дозада Нимотоп® таблеткаларын пероральді қабылдау ұсынылады.

Емдік мақсатпен қолдану

Егер субарахноидальді қан құйылудан кейінгі вазоспазммен негізделген ишемиялық неврологиялық бұзылыстар орын алған болса инфузиялық емді барынша ерте тағайындау және кемінде 5 күн, бірақ 14 күннен асырмай жүргізу керек.

Инфузиялық емдеу курсы аяқталған соң келесі 7 күн ішінде тәулігіне 60 мг х 6 рет дозада Нимотоп® таблеткаларын пероральді қабылдау (әрбір 4 сағат сайын) ұсынылады.

Егер Нимотоп® ерітіндісімен емдеу аясында қан құйылудың себептеріне хирургиялық ем жүргізілсе препаратпен вена ішіне емдеуді операциялық араласудан кейін кемінде 5 күн бойы жалғастыру қажет.

Жағымсыз әсерлері

Төменде көрсетілген жағымсыз реакциялар кездесу жиілігі бойынша жиынтықталған. Жиілік санаты MedDRA (Реттеуші қызметтің медициналық терминдер сөздігі) белгілеріне сәйкес анықталған: өте жиі (≥ 1/10); жиі ( ≥1/100- 1/10 дейін); жиі емес ( ≥ 1/1000- < 1/100 дейін); сирек ( ≥ 1/10000- <1/1000 дейін); өте сирек ( <1/10000); жиілігі белгісіз (жиілігін қолда бар деректермен анықтау мүмкін емес).

Жиі емес (> 1/1000 және <1/100)

- тромбоцитопения

- аллергиялық реакциялар, бөртпе

- бас ауыруы

- тахикардия

- артериялық гипотензия, вазодилатация

- жүрек айнуы

Сирек (> 1/10000 және <1/1000)

- брадикардия

- ішек бітелісі

- бауыр ферменттері деңгейінің транзиторлық жоғарылауы

- инъекция және инфузия орнындағы реакциялар, инфузия орнындағы тромбофлебит

Қолдануға болмайтын жағдайлар

- нимодипинге немесе қосымша заттарына аса жоғары сезімталдық

- алкоголизмнен, эпилепсиядан зардап шегетін адамдар

- жүктілік және лактация кезеңі

- бауыр ауруы

- балалар мен 18 жасқа дейінгі жасөспірімдер

Дәрілермен өзара әрекеттесуі

Флуоксетин

Нимодипин мен флуоксетин антидепрессантын бірге қолдану қан плазмасындағы нимодипин концентрациясының 50% жоғарылауымен қатар жүреді, бұл ретте флуоксетин концентрациясы едәуір төмендейді, ал оның белсенді метаболиті норфлуоксетиннің концентрациясы өзгермейді.

Нортриптилин

Нимодипин мен нортриптилинді бір уақытта қолдану қан плазмасындағы нортриптилин концентрациясының өзгеруінсіз тепе-тең жағдайда нимодипин экспозициясының аздап төмендеуіне әкеледі.

Рифампицин

Кальцийдің басқа антагонистерін қолдану тәжірибесіне сүйене отырып, рифампицин ферменттердің белсенділігін индукциялау арқылы нимодипиннің метаболизмдік ыдырауын жылдамдатады және іс жүзінде, оларды бірге қолданғанда нимодипиннің тиімділігін едәуір төмендетеді деп күтіледі. Сондықтан Нимотоп® пен рифампицинді бірге қолдану қарсы көрсетілген.

Нимодипин мен Р450 3А4 цитохромы жүйесінің келесі тежегіштерін бір уақытта қолданғанда артериялық қысымды бақылау және қажет болса нимодипин дозасын түзету керек:

Макролидтік антибиотиктер (мысалы, эритромицин)

Нимотоп® пен макролидтік антибиотиктер арасындағы әрекеттесулерді зерделеу бойынша зерттеулер жүргізілмеді. Кейбір макролидтік антибиотиктер Р450 3А4 цитохромының жүйесін тежеуге қабілетті. Қазіргі уақытта дәрілік әрекеттесулердің ықтималдығын жоққа шығаруға болмайды. Демек, макролидтік антибиотиктерді Нимотоппен® бір уақытта пайдаланбаған жөн.

Азитромицин құрылымы бойынша макролидтік антибиотиктерге жатса да СYP 3A4 ферментін тежемейді.

АИТВ протеазасының тежегіштері (мысалы, ритонавир)

Нимотоп® пен АИТВ протеазасы тежегіштерінің ықтимал әрекеттесулерін анықтау мақсатында зерттеулер жүргізілмеді. Аталған кластағы препараттар Р450 3А4 цитохромы жүйесін тежеу қабілетіне ие деп хабарланады. Демек, оларды Нимотоппен® бір уақытта қолданғанда қан плазмасындағы нимодипин концентрациясының айқын және клиникалық тұрғыдан елеулі жоғарылау мүмкіндігі жоққа шығарылмайды.

Азол типті зеңге қарсы препараттар (мысалы, кетоконазол)

Нимодипин мен кетоконазолдың ықтимал өзара әрекеттесулерін анықтау мақсатында зерттеулер жүргізілмеді. Азол типті зеңге қарсы препараттар Р450 3А4 цитохромы жүйесін тежейтіні белгілі. Дигидпропиридин типті кальцийдің басқа антагонистеріне қатысты түрлі әрекеттесулер туралы хабарланды.

Нефазодон

Нимодипин мен нефазодон арасындағы ықтимал дәрілік әрекеттесуді бағалау мақсатында зерттеулер жүргізілмеді, дегенмен, антидепрессант Р450 3А4 цитохромы жүйесін тиімді тежейтіні белгілі. Демек, нефазодонмен бірге қолданғанда нимодипиннің плазмадағы концентрациясының жоғарылау мүмкіндігін жоққа шығаруға болмайды.

Квинупристин / дальфопристин

Нифедипиннің кальций антагонистін қолдану тәжірибесіне сүйене отырып, хинупристинмен/дальфопристинмен бірге тағайындау қан плазмасындағы нимодипин концентрациясының жоғарылауына әкелуі мүмкін.

Циметидин

Циметидин Н2-антагонистімен бір уақытта қолдану қан плазмасындағы нимодипин концентрациясының жоғарылауына әкелуі мүмкін.

Вальпрой қышқылы

Құрысуға қарсы препарат вальпрой қышқылымен бірге қолдану қан плазмасындағы нимодипин концентрациясының жоғарылауына әкелуі мүмкін.

Гипертензияға қарсы препараттар

Артериялық қысымды төмендететін келесі препараттармен біріктірілімде Нимотоп® гипотензиялық әсерді күшейтуі мүмкін:

•диуретиктер

•бета-адреноблокаторлар

•ангиотензин-өзгертуші ферменттің тежегіштері

•ангиотензин 1 рецепторларының блокаторлары

•кальцийдің басқа антагонистері

•альфа-адреноблокаторлар

•фосфодиэстераза 5 тежегіштері

•альфа-метилдопа

Алайда егер аталған препараттардың біреуімен біріктіріп тағайындау қажет болса онда пациенттің күйін мұқият бақылау керек. Бета-адреноблокаторларды бір уақытта вена ішіне енгізу теріс инотропты әсерді бірігіп күшейтуге және тіпті іркілісті жүрек жеткіліксіздігінің ауырлауына әкелуі мүмкін.

Потенциалды нефроуытты препараттармен (мысалы, аминогликозидтер, цефалоспориндер, фуросемид), сондай-ақ бүйрек функциясы бұзылған пациенттерде бір уақытта емдеу бүйрек функциясын нашарлатуы мүмкін. Мұндай жағдайларда бүйрек функциясын мұқият бақылау ұсынылған. Бүйрек функциясы нашарласа емнің тоқтатылуын қарастыру керек.

Зидовудин

Нимодипин мен зидовудинді клиникаға дейінгі зерттеулерде бір уақытта вена ішіне сорғалатып енгізу зидовудиннің плазмалық деңгейлерінің (концентрация-уақыт қисық астындағы аудан) едәуір ұлғаюына және оның таралу көлемінің және клиренсінің едәуір төмендеуіне әкеледі.

Әрекеттесудің басқа түрлері

Нимотоп® инфузиялық ерітіндісінің құрамында 23,7 көлемдік пайыз спирт болғандықтан алкогольмен үйлеспейтін препараттармен әрекеттесуін ескеру керек.

Р450 3А4 цитохромы жүйесін грейпфрут шырыны тежейді. Дигидпропиридин типті кальций антагонисін бір уақытта енгізгенде және грейпфрут шырынын қабылдағанда алғашқы өту метаболизмінің төмендеуі немесе баяу шығарылуы салдарынан нимодипиннің плазмадағы концентрациялары жоғарылайды, ал әсер ету ұзақтығы созылады. Нәтижесінде гипертензияға қарсы әсер күшеюі мүмкін. Мұндай әсер грейпфрут шырынын соңғы қабылдаудан кейін кемінде 4 күн бойы жалғасуы мүмкін. Сондықтан нимодипинмен емделу аясында грейпфрут жеу немесе грейпфрут шырынын тұтынудан аулақ болыңыз.

Айрықша нұсқаулар

Нимотоппен® емделу кезінде бассүйекішілік қысымның жоғарылауы байқалмайтынына қарамастан мұндай жағдайларда, сондай-ақ ми тініндегі су мөлшері жоғарылаған (жайылған ми ісінуі кезінде) жағдайларда мұқият мониторинг жүргізу ұсынылады.

Нимотоп® артериялық гипотензиясы (систолалық қысымы 100 мм.с.б. төмен) бар пациенттерде сақтықпен тағайындалады.

Тұрақсыз стенокардиясы бар пациенттерде немесе бастан өткізген жедел миокард инфарктісінен кейінгі алғашқы 4 апта ішінде пайдасына қатысты (мысалы, ми тамырлары перфузиясының жақсаруы) потенциалды қауіпті (коронарлық артерия перфузиясының төмендеуі және миокард ишемиясы сияқты) ескеру қажет.

Гипертензияға қарсы препараттармен біріктіру қажет болғанда Нимотоп® инфузияға арналған ерітіндісін аса мұқият мониторинг аясында ғана қолдану керек.

Потенциалды нефроуытты препараттармен (мысалы, аминогликозидтер, цефалоспориндер, фуросемид), сондай-ақ бүйрек функциясы бұзылған пациенттерде бір уақытта емдеу бүйрек функциясын нашарлатуы мүмкін. Мұндай жағдайларда бүйрек функциясын мұқият бақылау ұсынылған. Бүйрек функциясы нашарласа емнің тоқтатылуын қарастыру керек.

Нимодипин аздаған мөлшерде жарыққа сезімтал, сондықтан оған күн сәулесі тікелей түскен жағдайларда инфузиялаудан аулақ болған жөн. Алайда күн сәулесі шашырап түскенде немесе жасанды сәулелендіру кезінде Нимотопты® арнайы қорғаныс шараларын жүргізбестен 10 сағатқа дейін пайдалануға болады.

Егер инфузия барысында жарық әсерінен құтылу мүмкін болмаса, инфузиялық сорғыны және түтіктерді жарық өткізбейтін қағазбен қорғау, арнайы боялған түтіктерді пайдалану сияқты тиісті сақтық шараларын қабылдау керек.

Нимотоп® ерітіндісінің құрамында 23,7 көлемдік пайыз спирт бар; препараттың тәуліктік дозасының нұсқауын сақтаған жағдайда 50 г дейін алкоголь (250 мл инфузияға арналған ерітінді) енгізіледі. Алкоголизмнен зардап шегетін немесе этанол метаболизмі бұзылған пациенттерде, жүктілік және лактация кезінде, балаларда және қаупі жоғары, атап айтқанда бауыр ауруы немесе эпилепсиясы бар пациенттерде қолданғанда сақтық таныту керек.

Басқа препараттардың әсері төмендеуі немесе күшеюі мүмкін.

Аталған препараттың құрамында, 50 мл ерітіндіде 1 мМ (23 мг) натрий немесе 250 мл ерітіндіде 5.1 мМ (115 мг) натрий бар. Бұл деректерді аз натрийлі/аз тұзды диетадағы пациенттерде ескеру керек.

Жүктілік және лактация кезеңі

Әйелдерде жүктілік кезеңінде тиісті және бақыланатын зерттеулер жүргізілмеді. Жүктілік кезеңінде препаратты қолданар алдында клиникалық көріністің ауырлығына байланысты препарат қабылдаудан болатын пайда мен потенциалды қауіпті салыстыру керек.

Нимодипин және оның метаболиттері ана плазмасының концентрацияларына ұқсас концентрацияларда емшек сүтіне өтеді. Сондықтан әйелге емделу уақытында емшек емізуді тоқтату керек.

Фертильділігі

Экстракорпоральді ұрықтандырудың жекелеген жағдайларында кальций антагонистерін қабылдау сперма сапасын төмендете алатын сперматозоидтар басының қайтымды биохимиялық өзгерістерінің дамуымен байланысты. Аталған бақылау қысқа мерзімді емдеу курсы үшін қандай дәрежеде маңызды екені белгісіз.

Педиатрияда қолдану

Нимотоптың® балалар мен 18 жастан кіші жасөспірімдердегі қауіпсіздігі мен тиімділігі дәлелденбеген. Балалар мен жасөспірімдерде қолдану тәжірибесінің жеткіліксіздігіне байланысты нимодипин пациенттердің аталған жас мөлшерін емдеуге арналмаған.

Дәрілік заттың көлік құралын немесе қауіптілігі зор механизмдерді басқару қабілетіне ықпал ету ерекшеліктері

Препарат ықтимал бас айналуына байланысты автокөлік құралдарын немесе қауіпті деп саналатын механизмдерді басқару қабілетіне ықпал етеді. Бұл әсер әдетте нимодипинді инфузияға арналған ерітіндіде қолдану кезінде маңызды емес. Автокөлік жүргізу немесе механизмдермен жұмыс істеу уақытында реакция баяулауы мүмкін.

Артық дозалануы

Симптомдары: жедел артық дозалану нәтижесінде артериялық қысымның едәуір төмендеуі, тахикардия немесе брадикардия күтіледі.

Емі: Нимотоп® ерітіндісін енгізуді дереу тоқтату керек, шұғыл шаралар симптомдармен анықталады. Артериялық қысымның едәуір төмендеуінде вена ішіне допамин немесе норадреналин енгізу керек. Спецификалық антидоттың жоқтығына байланысты келесі емді басым симптомдарға қатысты жүргізу керек.

Шығарылу түрі және қаптамасы

50 мл препараттан инъекцияға арналған I типті фольгаланған силикондалған политетрафторэтиленмен немесе I типті бромбутилді сұр силикондалған тығындармен және түрлі-түсті қалпақшалармен жабылған хлорбутилді сұр тығындармен тығындалған инъекцияға арналған 2 типті қоңыр шыны құтыларға салынады.

1 құтыдан инфузоматқа арналған жалғағыш полиэтилен түтікпен және медициналық қолдану жөніндегі мемлекеттік және орыс тілдеріндегінұсқаулықпен бірге картон қорапшаға салынған.

Сақтау шарттары

30°С-ден аспайтын температурада, жарықтан қорғалған жерде сақтау керек.

Балалардың қолы жетпейтін жерде сақтау керек!

Сақтау мерзімі

4 жыл.

Жарамдылықмерзімі өткеннен кейінқолдануға болмайды.

Дәріханалардан босатылу шарттары

Рецепт арқылы

Өндіруші

Солюфарм Фармацойтише Эрцойгниссе ГмбХ, Мельзунген, Германия

Тіркеу куәлігінің ұстаушысы

Байер АГ, Леверкузен, Германия

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын ұйымның атауы, мекенжайы және байланыс деректері (телефон, факс, электронды пошта):

«Байер КАЗ» ЖШС

Тимирязев к-сі, 42, 15 павильон, 301 кеңсе

050057 Алматы, Қазақстан Республикасы,

тел. +7 727 258 80 40, факс: +7 727 258 80 39

e-mail: kz.claims@bayer.com

Қазақстан Республикасы аумағында дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта):

«Байер КАЗ» ЖШС

Тимирязев к-сі, 42, 15 павильон, 301 кеңсе

050057 Алматы, Қазақстан Республикасы,

тел: +7 701 715 78 46 (тәулік бойы)

тел:+7 727 258 80 40, ішкі тел. 106(жұмыс уақытында)

факс: +7 727 2588 039

e-mail: pv.centralasia@bayer.com