Нимотоп 30 мг, №30, табл.

Сипаттама

Дәрілік затты медициналық қолдану

жөніндегі нұсқаулық

Нимотоп^®

Саудалық атауы

Нимотоп^®

Халықаралық патенттелмеген атауы

Нимодипин

Дәрілік түріҮлбірлі қабықпен қапталған 30 мг таблеткалар

Құрамы

Бір таблетканың құрамында

белсенді зат - 30 мг нимодипин,

қосымша заттар: ядросы - жүгері крахмалы, микрокристалды целлюлоза, повидон, кросповидон, магний стеараты,

қабық құрамында: гипромеллоза 15 сР, темірдің сары тотығы (Е172), титанның қостотығы (Е171), макрогол 4000 (полиэтиленгликоль)

Сипаттамасы

Дөңгелек, екі жағы дөңес, сары түсті үлбірлі қабықпен қапталған, бір жақ бетінде нақышталған «SK» жазуы және басқа жақ бетінде фирмалық байер кресті бар таблеткалар.

Фармакотерапиялық тобы

Жүрек-қантамыр жүйесі ауруларын емдеуге арналған препараттар. "Баяу" кальций өзекшелерінің блокаторлары. "Баяу" кальций өзекшелерінің селективті блокаторлары. Дигидропиридин туындылары. Нимодипин

АТХ коды С08СA06

Фармакологиялық қаиеттері

Фармакокинетикасы

Сіңірілуі

Ішке қабылдаудан кейін белсенді зат нимодипин іс жүзінде толығымен сіңіріледі. Таблетканы қабылдағаннан кейін 10-15 мин соң өзгермеген белсенді зат және «алғашқы өту» метаболизмінің өнімдері қан плазмасында анықталады. Ересек адамдарда қайталап пероральді қолданудан кейін (тәулігіне 3 рет 30 мг) қан плазмасындағы ең жоғарғы концентрациясы (С_макс) 7.3-43.2 нг/мл құрайды және 0.6-1.6 сағ (t_макс) соң жетеді. Жас пациенттерде бір реттік 30 мг немесе 60 мг дозаны енгізгеннен кейін қан плазмасындағы орташа ең жоғарғы концентрациялар тиісінше 16±8 нг/мл және 31±12 нг/мл құрады. Қан плазмасындағы ең жоғарғы концентрацияның және «концентрация-уақыт» (AUC) қисық астындағы ауданның ұлғаюы ең жоғарғы зерттелген 90 мг дозаға дейін дозаға тәуелді сипатқа ие.

Плазма ақуыздарымен байланысуы және таралуы

Нимодипин 97-99%-ға қан плазмасының ақуыздарымен байланысады. Нимодипин in vivo зерттеулерде плацентарлық бөгет арқылы өтеді. Деректердің жоқтығына қарамастан адамдарда да препараттың плацентарлық бөгет арқылы өтетінін болжауға болады. in vivo зерттеулерде сүтте нимодипиннің және/немесе оның метаболиттерінің плазмаға қарағанда жоғарырақ концентрациялары анықталды. Әйелдердің емшек сүтінде нимодипин қан плазмасындағы концентрациямен салыстырмалы концентрацияда анықталды. Нимодипин қан плазмасындағы концентрациядан шамамен 0,5% құрайтын концентрацияларда жұлын-ми сұйықтығында анықталуы мүмкін, бұл тұтастай алғанда қан плазмасындағы еркін заттың концентрациясына баламалы.

НимодипинР450 3А4 цитохромы жүйесінің ферменттерінің қатысуымен метаболизм жолымен, негізінен, дигидропиридиндік сақинаның дегидрогенизациясы және эфирдің тотығу арқылы ыдырауы жолымен шығарылады. Эфирдің тотығу арқылы ыдырауы, 2- және 6- метильді топтардың гидроксилденуі және глюкуронизациясы - конъюгация реакциясы ретінде метаболизмнің қосымша маңызды сатылары болып табылады. Қан плазмасында анықталатын үш негізгі метаболитте қалдық емдік белсенділігі елеусіз немесе жоқ.

Бауыр ферменттеріне индукциялаушы немесе тежеуші ықпалының болуы туралы белгісіз. Адамдарда метаболиттер шамамен 50% жылдамдықпен бүйрек арқылы және шамамен 30% жылдамдықпен өт арқылы шығарылады. Шығу кинетикасы дозаға тәуелді. Нимодипиннің жартылай шығарылу кезеңі 1,1-1,7 сағат шегінде болып табылады. 5-10 сағатқа тең терминальді жартылай шығарылу кезеңі дозалау аралығына ықпал ету тұрғысынан елеулі емес.

Вена ішіне инфузиядан кейін плазмадағы нимодипин концентрациясының орташа прогрессиясы бір сағат ішінде 0,015 мг/кг (n=24, егде жастағы адамдар).

Биожетімділігі

Бүйрек арқылы «алғашқы өту» (85-95%) кезіндегі метаболизмнің жоғарғы жылдамдығына байланысты нимодипиннің абсолюттік биожетімділігі 5-15% құрайды.

Фармакодинамикасы

Нимодипин 1,4-дигидропиридиндік топтың кальций өзекшелерінің антагонисі болып табылады. Жоғарғы липофильділігіне байланысты белсенді зат гематоэнцефалдық бөгет арқылы жақсы өтеді. Клиникаға дейінгі зерттеулер барысында нимодипин, L-типті кальций өзекшелеріне жоғарғы аффинді және селективті бола отырып, осылайша, кальцийдің жасушаларға жарғақша арқылы түсуін бөгейтіні анықталған. Кальций иондарының жүйке жасушаларына көп түсуімен байланысты патологиялық жағдайларда, мысалы, ми ишемиясы кезінде, нимодипин олардың тұрақтылығын және қызмет етуін жақсартады деп болжанады. Нимодипин қолданғанда субарахноидальді қан құйылуы бар пациенттерде ишемиялық неврологиялық бұзылыстар және өлім едәуір төмендейді.

Қолданылуы

- аневризма үзілуі салдарынан субарахноидальді қан құйылу аясында ми қантамырларының спазмы туындатқан ишемиялық неврологиялық бұзылыстарды емдеу және профилактикасы кезінде (Нимотоп^® инфузиялық ерітіндісімен алдыңғы вена ішіне емнен кейін қолданылады)

Қолдану тәсілі және дозалары

Нимотоп^® таблеткаларын тәулігіне 6 рет 2 таблеткадан (6 х 60 мг нимодипин) пероральді қабылдау ұзақтығы 5-14 күн инфузиялық емдеу курсы аяқталғаннан кейін ұсынылады.

Жағымсыз әсерлері бар пациенттерде препарат дозасы төмендетілуі мүмкін немесе ем тоқтатылуы мүмкін. Р450 3А4 цитохромы жүйесін тежейтін немесе индукциялайтын препараттармен бірге қолдану кезінде дозаны түзету керек болуы мүмкін.

Бауыр жеткіліксіздігі бар пациенттер

Ауыр бауыр жеткіліксіздігі, атап айтқанда бауыр циррозы бар пациенттерде нимодипиннің биожетімділігі «алғашқы өту» әсерінің төмендеуі және метаболизмдік клиренстің төмендеуі есебінен ұлғаюы мүмкін. Әсерлер, сондай-ақ, гипотензия сияқты жағымсыз әсерлер науқастардың аталған санатында айқынырақ болуы мүмкін.

Мұндай жағдайларда дозаны төмендету немесе қажет болса, емді тоқтату мәселесін қарастыру керек.

Балалар мен жасөспірімдер

Нимотопты^® балалар мен 18 жасқа дейінгі жасөспірімдерде қолданудың қауіпсіздігі мен тиімділігі анықталмаған.

Қолдану ұзақтығы

Инфузиялық ем курсы аяқталған соң, келесі 7 күн бойы 4 сағат аралықпен тәулігіне 60 мг х 6 рет дозада Нимотоп^® таблеткаларын пероральді қабылдау ұсынылады.

Таблеткаларды ас қабылдауға қарамастан жеткілікті мөлшердегі сұйықтықпен (дұрысы 1 стақан сумен) іше отырып тұтастай жұту керек. Қабылдау арасындағы аралықтар кемінде 4 сағатты құрауы тиіс. Грейпфрут шырынын қабылдаудан аулақ болу керек.

Жағымсыз әсерлері

Әрі қарай клиниклық зерттеулерде байқалатын жағымсыз әсерлер ұсынылған (плацебо-бақыланатын зерттеулер: нимодипин n=703, плацебо n=692; бақыланбайтын зерттеулер: нимодипин n=24964; күні 31.08.2005), CIOMS III жиілігі санаттары бойынша бөлінген. Әрбір жиілік тобы шеңберінде жағымсыз әсерлер күрделілігінің төмендеу тәртібімен бөлінген.

Жиі емес (> 1/1000 және <1/100)

- тромбоцитопения

- аллергиялық реакциялар, бөртпе

- бас ауыруы

- тахикардия

- артериялық гипотензия, вазодилатация

- жүрек айнуы

Сирек (> 1/10000 және <1/1000)

- брадикардия

- ішек бітелісі

- бауыр ферменттері деңгейінің транзиторлық жоғарылауы

- инъекция және инфузия орнындағы реакциялар, инфузия орнындағы тромбофлебит

Қолдануға болмайтын жағдайлар

- нимодипинге немесе препараттың қосымша компоненттеріне аса жоғары сезімталдық

- рифампицинмен бірге қолдану, өйткені Нимотоптың^® тиімділігі едәуір төмендеуі мүмкін

- 18 жасқа дейінгі балалар (тиімділігі мен қауіпсіздігі анықталмаған)

- эпилепсияға қарсы препараттармен (фенобарбитал, фенитоин, карбамазепин) бірге қолдану, өйткені Нимотоптың^® тиімділігі едәуір төмендеуі мүмкін.

Дәрілермен өзара әрекеттесуі

Флуоксетин

Нимодипин мен флуоксетин антидепрессантын бірге қолдану қан плазмасындағы нимодипин концентрациясының 50% жоғарылауымен қатар жүреді, бұл ретте флуоксетин концентрациясы едәуір төмендейді, ал оның белсенді метаболиті норфлуоксетиннің концентрациясы өзгермейді.

Нортриптилин

Нимодипин мен нортриптилинді бір уақытта қолдану қан плазмасындағы нортриптилин концентрациясының өзгеруінсіз тепе-тең жағдайда нимодипин экспозициясының аздап төмендеуіне әкеледі.

Нимодипин ішектің және бауырдың шырышында орналасатын Р450 3А4 цитохромы жүйесінің қатысуымен метаболизденеді. Осы ферменттік жүйені тежейтін немесе индукциялайтын дәрілік препараттар нимодипиннің бастапқы пассажына немесе клиренсіне ықпал етуі мүмкін.

Нимодипинді келесі дәрілік препараттармен бірге тағайындау кезінде өзара әрекеттесу дәрежесін және ұзақтығын ескеру керек:

Рифампицин

Кальцийдің басқа антагонистерін қолдану тәжірибесіне сүйене отырып, рифампицин ферменттердің белсенділігін индукциялау арқылы нимодипиннің метаболизмдік ыдырауын жылдамдатады және іс жүзінде, оларды бірге қолданғанда нимодипиннің тиімділігін едәуір төмендетеді деп күтіледі. Сондықтан Нимотоп^® пен рифампицинді бірге қолдану қарсы көрсетілген.

Фенобарбитал, фенитоин немесе карбамазепин сияқты Р450 3А4 цитохромы жүйесі ферменттерінің белсенділігін индукциялайтын эпилепсияға қарсы дәрілік препараттар

Фенобарбитал, фенитоин немесе карбамазепин сияқты эпилепсияға қарсы препараттарды алдыңғы ұзақ қолдану ішке қабылдағанда нимодипиннің биожетімділігін едәуір төмендетеді. Демек, нимодипинмен және осы құрысуға қарсы препараттармен пероральді емді бір уақытта жүргізу қарсы көтсетілген.

Нимодипин мен Р450 3А4 цитохромы жүйесінің келесі тежегіштерін бір уақытта қолданғанда артериялық қысымды бақылау және қажет болса Нимотоп^® дозасын түзету керек:

Макролидтік антибиотиктер (мысалы, эритромицин)

Нимотоп^® пен макролидтік антибиотиктер арасындағы әрекеттесулерді зерделеу бойынша зерттеулер жүргізілмеді. Кейбір макролидтік антибиотиктер Р450 3А4 цитохромының жүйесін тежеуге қабілетті. Қазіргі уақытта дәрілік әрекеттесулердің ықтималдығын жоққа шығаруға болмайды. Демек, макролидтік антибиотиктерді Нимотоппен^® бір уақытта пайдаланбаған жөн.

Азитромицин құрылымы бойынша макролидтік антибиотиктерге жатса да СYP 3A4 ферментін тежемейді.

АИТВ протеазасының тежегіштері (мысалы, ритонавир)

Нимотоп^® пен АИТВ протеазасы тежегіштерінің ықтимал әрекеттесулерін анықтау мақсатында зерттеулер жүргізілмеді. Аталған кластағы препараттар Р450 3А4 цитохромы жүйесін тежеу қабілетіне ие деп хабарланады. Демек, оларды Нимотоппен^® бір уақытта қолданғанда қан плазмасындағы нимодипин концентрациясының айқын және клиникалық тұрғыдан елеулі жоғарылау мүмкіндігі жоққа шығарылмайды.

Азол типті зеңге қарсы препараттар (мысалы, кетоконазол)

Нимодипин мен кетоконазолдың ықтимал өзара әрекеттесулерін анықтау мақсатында зерттеулер жүргізілмеді. Азол типті зеңге қарсы препараттар Р450 3А4 цитохромы жүйесін тежейтіні белгілі. Дигидпропиридин типті кальцийдің басқа антагонистеріне қатысты түрлі әрекеттесулер туралы хабарланды. Демек, оларды ішуге арналған Нимотоппен^® бірге қолдану кезінде бауырдағы бастапқы метаболизмнің төмендеуі салдарынан нимодипиннің қан плазмасындағы жүйелі биожетімділігінің едәуір жоғарылау мүмкіндігі жоққа шығарылмайды.

Нефазодон

Нимодипин мен нефазодон арасындағы ықтимал дәрілік әрекеттесуді бағалау мақсатында зерттеулер жүргізілмеді, дегенмен, антидепрессант Р450 3А4 цитохромы жүйесін тиімді тежейтіні белгілі. Демек, нефазодонмен бірге қолданғанда нимодипиннің плазмадағы концентрациясының жоғарылау мүмкіндігін жоққа шығаруға болмайды.

Хинупристин / дальфопристин

Нифедипиннің кальций антагонистін қолдану тәжірибесіне сүйене отырып, хинупристинмен/дальфопристинмен бірге тағайындау қан плазмасындағы нимодипин концентрациясының жоғарылауына әкелуі мүмкін.

Циметидин

Циметидин Н2-антагонистімен бір уақытта қолдану қан плазмасындағы нимодипин концентрациясының жоғарылауына әкелуі мүмкін.

Вальпрой қышқылы

Құрысуға қарсы препарат вальпрой қышқылымен бірге қолдану қан плазмасындағы нимодипин концентрациясының жоғарылауына әкелуі мүмкін.

Басқа дәрлік әрекеттесулер

Гипертензияға қарсы препараттар

Артериялық қысымды төмендететін келесі препараттармен біріктірілімде Нимотоп^® гипотензиялық әсерді күшейтуі мүмкін:

•диуретиктер

•бета-адреноблокаторлар

•ангиотензин-өзгертуші ферменттің тежегіштері

•ангиотензин 1 рецепторларының блокаторлары

•кальцийдің басқа антагонистері

•альфа-адреноблокаторлар

•фосфодиэстераза 5 тежегіштері

•альфа-метилдопа

Алайда егер аталған препараттардың біреуімен біріктіріп тағайындау қажет болса онда пациенттің күйін мұқият бақылау керек.

Зидовудин

Нимодипин мен зидовудинді клиникаға дейінгі зерттеулерде бір уақытта вена ішіне сорғалатып енгізу зидовудиннің плазмалық деңгейлерінің (концентрация-уақыт қисық астындағы аудан) едәуір ұлғаюына және оның көлемінің және клиренсінің едәуір төмендеуіне әкеледі.

Потенциалды нефроуытты препараттармен (мысалы, аминогликозидтер, цефалоспориндер, фуросемид), сондай-ақ бүйрек функциясы бұзылған пациенттерде бір уақытта емдеу бүйрек функциясын нашарлатуы мүмкін. Мұндай жағдайларда бүйрек функциясын мұқият бақылау ұсынылған. Бүйрек функциясы нашарласа емнің тоқтатылуын қарастыру керек.

Грейпфрут шырыны

Р450 3А4 цитохромы жүйесін грейпфрут шырыны тежейді. Дигидпропиридин типті кальций антагонисін бір уақытта енгізгенде және грейпфрут шырынын қабылдағанда алғашқы өту метаболизмінің төмендеуі немесе баяу шығарылуы салдарынан нимодипиннің плазмадағы концентрациялары жоғарылайды, ал әсер ету ұзақтығы созылады. Нәтижесінде гипертензияға қарсы әсер күшеюі мүмкін. Мұндай әсер грейпфрут шырынын соңғы қабылдаудан кейін кемінде 4 күн бойы жалғасуы мүмкін. Сондықтан нимодипинмен емделу аясында грейпфрут жеу немесе грейпфрут шырынын тұтынудан аулақ болыңыз.

Айрықша нұсқаулар

Нимотоппен^® емделу кезінде бассүйекішілік қысымның жоғарылауы байқалмайтынына қарамастан мұндай жағдайларда, сондай-ақ ми тініндегі су мөлшері жоғарылаған (жайылған ми ісінуі кезінде) жағдайларда мұқият мониторинг жүргізу ұсынылады.

Нимотоп^® артериялық гипотензиясы (систолалық қысымы 100 мм.с.б. төмен) бар пациенттерде сақтықпен тағайындалады.

Тұрақсыз стенокардиясы бар пациенттерде немесе бастан өткізген жедел миокард инфарктісінен кейінгі алғашқы 4 апта ішінде пайдасына қатысты (мысалы, ми тамырлары перфузиясының жақсаруы) потенциалды қауіпті (коронарлық артерия перфузиясының төмендеуі және миокард ишемиясы сияқты) ескеру қажет.

Нимодипин Р450 3А4 цитохромы жүйесінің қатысуымен метаболизденетіндіктен осы ферменттік жүйені тежейтін немесе индукциялайтын дәрілік препараттар нимодипиннің бастапқы пассажына немесе шығарылуына ықпал етуі мүмкін.

Нимодипиннің қан плазмасындағы концентрациясының жоғарылауына ықпал ететін Р450 3А4 цитохромы жүйесі ферменттерінің белсенділігін тежейтін дәрлік препараттарға, мысалы, мыналар жатады:

- макролидтік антибиотиктер (мысалы, эритромицин)

- АИТВ протеазасының тежегіштері (мысалы, ритонавир)

- азолдық зеңге қарсы дәрілер (мысалы, кетоконазол)

- антидепрессанттар нефазодон мен флуоксетин

- хинупристин/дальфопристин

- циметидин

- вальпрой қышқылы

Аталған препараттармен бірге тағайындағанда артериялық қысымды бақылау керек және қажет болса Нимотоп^® дозасын төмендету керек.

Жүктілік және лактация кезеңі

Әйелдерде жүктілік кезеңінде тиісті және бақыланатын зерттеулер жүргізілмеді. Жүктілік кезеңінде препаратты қолданар алдында клиникалық көріністің ауырлығына байланысты препарат қабылдаудан болатын пайда мен потенциалды қауіпті салыстыру керек.

Нимодипин және оның метаболиттері ана плазмасының концентрацияларына ұқсас концентрацияларда емшек сүтіне өтеді. Сондықтан әйелге емделу уақытында емшек емізуді тоқтату керек.

Фертильділігі

Экстракорпоральді ұрықтандырудың жекелеген жағдайларында кальций антагонистерін қабылдау сперма сапасын төмендете алатын сперматозоидтар басының қайтымды биохимиялық өзгерістерінің дамуымен байланысты. Аталған бақылау қысқа мерзімді емдеу курсы үшін қандай дәрежеде маңызды екені белгісіз.

Педиатрияда қолдану

Нимотоптың^® балалар мен 18 жастан кіші жасөспірімдердегі қауіпсіздігі мен тиімділігі дәлелденбеген. Балалар мен жасөспірімдерде қолдану тәжірибесінің жеткіліксіздігіне байланысты нимодипин пациенттердің аталған жас мөлшерін емдеуге арналмаған.

Дәрілік заттың көлік құралын немесе қауіптілігі зор механизмдерді басқару қабілетіне ықпал ету ерекшеліктері

Препарат ықтимал бас айналуына байланысты автокөлік құралдарын немесе қауіпті деп саналатын механизмдерді басқару қабілетіне ықпал етеді. Автокөлік жүргізу немесе механизмдермен жұмыс істеу уақытында реакция баяулауы мүмкін.

Артық дозалануы

Симптомдары: жедел артық дозалану нәтижесінде артериялық қысымның едәуір төмендеуі, тахикардия немесе брадикардия, сондай-ақ асқазан-ішектен қан кету, оның ішінде жүрек айнуы күтіледі.

Емі: Нимотопты^® қолдануды дереу тоқтату керек, шұғыл шаралар симптомдармен анықталады. Алғашқы көмек ретінде асқазанды шаю және белсендірілген көмір қабылдау керек. Артериялық қысымның едәуір төмендеуінде вена ішіне допамин немесе норадреналин енгізу керек. Спецификалық антидоттың жоқтығына байланысты келесі емді басым симптомдарға қатысты жүргізу керек.

Шығарылу түрі және қаптамасы

10 таблеткадан алюминий фольгаданжәне ПП немесе ПВХ/ПВДХ үлбірден жасалған пішінді ұяшықты қаптамада.

3 немесе 10 пішінді ұяшықты қаптама медициналық қолдану жөніндегі мемлекеттік және орыс тілдеріндегінұсқаулықпен бірге картон қорапшаға салынған.

Сақтау шарттары

30°С-ден аспайтын температурада, құрғақ, жарықтан қорғалған жерде сақтау керек.

Балалардың қолы жетпейтін жерде сақтау керек!

Сақтау мерзімі

5 жыл.

Жарамдылықмерзімі өткеннен кейінқолдануға болмайды.

Дәріханалардан босатылу шарттары

Рецепт арқылы

Өндіруші

Байер АГ, Леверкузен, Германия

Тіркеу куәлігінің иесі

Байер АГ, Леверкузен, Германия

Қазақстан Республикасы аумағында тұтынушылардан өнім сапасы жөнінде шағымдарды қабылдайтын ұйымның мекенжайы

«Байер КАЗ» ЖШС

Тимирязев к-сі, 42, 15 павильон, 301 кеңсе

050057 Алматы, Қазақстан Республикасы,

тел. +7 727 258 80 40, факс: +7 727 258 80 39

e-mail: kz.claims@bayer.com

Қазақстан Республикасы аумағында дәрілік заттың тіркеуден кейінгі қауіпсіздігін қадағалауға жауапты ұйымның мекенжайы

«Байер КАЗ» ЖШС

Тимирязев к-сі, 42, 15 павильон, 301 кеңсе

050057 Алматы, Қазақстан Республикасы,

тел: +7 701 715 78 46 (тәулік бойы)

тел:+7 727 258 80 40, ішкі тел. 106(жұмыс уақытында)

факс: +7 727 2588 039

e-mail: pv.centralasia@bayer.com