Рецепт бойынша
Тауарлардың көрінісі фотосуретте көрсетілгеннен өзгеше болуы мүмкін

Омез Инста 5,9 г, №5, порошок для пригот. сусп.

Қолжетімділігі
Тауар қолда жоқ
Үлгі
8901148237674
Елі
Индия
Өндіруші
Dr.Reddy`s Laboratories L
  • Сипаттама

Сипаттама

Дәрілік затты медициналық қолдану

жөніндегі нұсқаулық

ОМЕЗ® ИНСТА

Саудалық атауы

Омез® Инста

Халықаралық патенттелмеген атауы

Омепразол

Дәрілік түрі

Ішке қабылдау үшін суспензия дайындауға арналған ұнтақ

Құрамы

Бір саше-пакеттің ішінде:

белсенді зат -20 мг омепразол (микрондалған),

қосымша заттар: натрий гидрокарбонаты, ксилитол, сахароза, сукралоза, ксантанды гумми, бұрыш жалбызы хош иістендіргіші

Сипаттамасы

Өзіне тән жалбыз иісі бар, ақтан ақ дерлік түске дейінгі ұнтақ.

Фармакотерапиялық тобы

Ас қорыту жолы және зат алмасу. Қышқылдығы бұзылуымен байланысты ауруларды емдеуге арналған препараттар. Ойық жараға қарсыпрепараттар және гастроэзофагеальді рефлюксті емдеуге арналған препараттар. Протонды сорғы тежегіштері. Омепразол

ATХ коды А02ВС01

Фармакологиялық қасиетері

Фармакокинетикасы

Омепразол ұнтағы ішке қабылдағанда асқазан-ішек жолынан жылдам сіңіріледі. 20-40 мг омепразолды қабылдаған кезде биожетімділігі40% жуықты құрайды. Тамақтану препараттың биожетімділігіне әсер етпейді. Омепразол қан плазмасындағы концентрация шыңына 0,5 – 3,5 сағат ішінде жетеді. Плазма ақуыздарымен байланысуы - 95% жуық. Омепразол бауырда метаболизденеді. МетаболизміР450 цитохром жүйесі (CYР2С19 - S-мефенитоин гидроксилазаның изотүрі) арқылы жүзеге асырылады. Препараттың көп бөлігі метаболиттер түрінде бүйрек арқылы шығарылады.

Жартылай шығарылу кезеңі 0,5-1 сағатты құрайды. Омепразолдың плазмадағы концентрациясының хлорсутек қышқылы секрециясын бәсеңдету дәрежесі және ұзақтығыменбайланысы жоқ (t½ - 0,5-1 сағат, ал секрецияға қарсы әсері 2-3 тәулікке дейін жалғасады).

Фармакодинамикасы

Протонды сорғының спецификалық тежегіші: асқазанның париетальді жасушаларында H+-K+-АТФазаның белсенділігін тежейді, тұз қышқылы секрециясың соңғы сатысын бөгей отырып, сонысымен қышқылдық өнімдерді төмендетеді.

Омепразол ізашар дәрі болып табылады және асқазан париетальді жасушаларының секрециялық өзекшелерінің қышқылды ортасында белсенділенеді.

Әсер етуі дозаға тәуелді болып табылады және көтермелеуші фактордың табиғатына қарамастан қышқылдың базальді әрі стимуляцияланған секрециясын тиімді тежеуді қамтамасыз етеді.

Қыжылды жою препаратты қабылдағаннан кейінгі 30 мин. ішінде жүреді. Тұз қышқылының 50% ең жоғары секрециясын тежеу 24 сағ. созылады.

Тәулігіне бір рет қабылдау өзінің ең жоғары деңгейіне емдеудің 4 күніжететін және қабылдауды аяқтағаннан кейінгі 3-4 күннің соңына қарай жойылатын күндізгі және түнгі асқазан секрециясының жылдам және тиімді бәсеңдеуін қамтамасыз етеді. Он екі елі ішектің ойық жарасы бар науқастарда 20 мг омепразолды қабылдау 3-тен жоғары асқазан ішілік pH-ты 17 сағ. бойы демейді.

Қолданылуы

- асқазан сөлі қышқылдығының жоғарылығы туындатқан қыжылды емдеу(гиперацидтік).

Қолдану тәсілі және дозалары

Ересектер және 18 жастан үлкен балаларға.

Ішке, тамақтанудан 30 мин. бұрын. Пакеттің ішіндегісін ыдысқа салып, 1-2 ас қасық су құю керек (басқа сұйықтықтарды немесе тағам өнімдерін пайдаланбаңыз!), біртекті суспензия алғанға дейін мұқият араластырып, бірден ішу керек. Қажет болғанда судың аздаған мөлшерімен ішуге болады.

Қыжыл симптомдарын жылдам басу үшін 20 мг препаратты бір рет қабылдау жеткілікті.

Егде пациенттерде және бүйрек жеткіліксіздігі кезінде дозаны түзету қажет емес. Бауыр жеткіліксіздігі кезінде 20 мг тәуліктік доза жеткілікті болады.

Жағымсыз әсерлері

- кеуде тұсының ауыруы, тахикардия немесе брадикардия, жүректің қағуы, гипертензия, шеткері ісіну

- тәбеттің болмауы, дәм сезінудің бұзылуы, тіл шырыш қабатының атрофиясы, тілдің құрғауы, өңеш кандидозы, метеоризм, ішектің тітіркенуі

- трансаминазалар белсенділігінің орташа транзиторлы жоғарылауы, панкреатит

- гипонатриемия, гипогликемия, дене салмағының артуы

- құрысулар, бұлшықет әлсіздігі, буындардың ауыруы, аяқтың ауыруы

- депрессия, озбырлық, елестеулер, ұйқышылдық немесе ұйқысыздық, сананың шатасуы, күйгелектік, тремор, апатия, үрейлену сезімі, бас айналу, парестезиялар

- көрудің бұзылуы, құлақтың шуылдауы, мұрыннан қан кету, тамақтың ауыруы

- геморрагиялық бөртпе және/немесе петехиялар, тері жабындарының қабынуы, қышынуы, құрғақтығы, гипергидроз, алопеция

- есекжем, қышыну, ангионевроздық ісіну

- интерстициальді нефрит, несеп шығару жолдарының инфекциялары, протеинурия, гематурия, глюкозурия

- аталық бездің ауыруы, гинекомастия

Сирек

- нейтропения, лейкопения, агранулоцитоз, лейкоцитоз, тромбоцитопения, анемия, соның ішінде гемолитикалық анемия, панцитопения

- гепатоцеллюлярлы, холестаздық немесе аралас гепатит

Өте сирек

- Лайелл синдромы, Стивенс-Джонсон синдромы,мультиформалы эритема

- омыртқа бағанының, ортан жілік мойыны, білезік сынықтарының даму қаупі

Қолдануға болмайтын жағдайлар

- препарат компоненттерінің кез келгеніне аса жоғары сезімталдық

- асқазан-ішек жолының қауіпті жаңа түзілімдері

- жүктілік және лактация кезеңі

- балалар және 18 жасқа дейінгі жасөспірімдер

Дәрілермен өзара әрекеттесуі

ОмезИнстаның басқа да дәрілік препараттармен өзара әрекеттесу мүмкіндігі шектеулі. ОмезИнста P450 цитохром жүйесі арқылы бауырда метаболизденеді, сондықтан осы жүйенің қатысуымен бауырда метаболизденетін препараттармен бір мезгілде қолданған кезде де ОмезИнста олардың шығарылуын төмендетуі мүмкін. ОмезИнста диазепам, фенитоин және варфарин сияқты антикоагулянттардың шығарылуын баяулатады. Антикоагулянттармен біріктіріп қолданған кезде қанның талдауын, протромбиндік уақытты бақылау, ОмезИнстаның дозасын түзету қажет.

OмезИнста асқазан сөлінің қышқылдығын төмендете отырып, итраконазолдың, кетоконазолдың сіңірілуін төмендетуі мүмкін.

Айрықша нұсқаулар

Емдеуді бастаудың алдында және аяқтағаннан кейін қатерлі жаңа түзілімді жоққа шығару үшін эндоскопиялық бақылаудан өту міндетті, өйткені ОмезИнста суспензиясымен емдеу ауру белгілерін бүркемелеуі және дұрыс диагностика жасаудың уақытын кешеуілдетуі мүмкін. Омез® Инста суспензиясымен ұзақ емдегенде атрофиялық гастрит пайда болуы мүмкін.

Тамақпен бір мезгілде қабылдау оның тиімділігіне әсер етпейді. Педиатрияда қолданылуы

ОмезИнста суспензиясын 18 жасқа дейінгі балаларда қолданудың тиімділігі мен қауіпсіздігі зерттелмеген.

Бауыр функциясы бұзылған науқастарғақолданылуы

Омез бауырда метаболизденеді және бауырының функциясы бұзылған пациенттерде препараттың жартылай шығарылу кезеңі ұзарады, сондықтан мұндай пациенттерде препараттың дозасы төмендетілуге тиіс.

Көлік құралын немесе қауіптілігі зор механизмдерді басқару қабілетіне әсер ету ерекшеліктері

Препараттың жағымсыз әсерлерін ескере отырып көлік құралдарын басқарғанда немесе психомоторлық реакция жылдамдығы мен жоғары зейінділікті талап ететін басқа қызмет түрлерімен айналысқанда сақ болу керек.

Артық дозалануы

Симптомдары: сананың шатасуы, ұйқышылдық, бас ауыру, көрудің бұзылуы, тахикардия, ауыздың құрғауы, жүрек айну, қатты терлеу.

Емі: асқазанды шаю, белсенділендірілген көмір қабылдау, симптоматикалық ем.

Шығарылу түрі және қаптамасы

Қаптама. 5.9 г препараттан ламинацияланған алюминий фольгадан жасалған саше-пакеттерге салынған.

5 (10, 20 немесе 30) саше-пакеттен медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салынған.

Сақтау шарттары

Құрғақ, жарықтан қорғалған жерде, 25°С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

2 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецептісіз

Өндіруші

Д-р Редди’с Лабораторис Лимитед, Үндістан

Тіркеу куәлігінің иесі

Д-р Редди´с Лабораторис Лимитед, Үндістан

Қазақстан Республикасы аумағында тұтынушылардан өнім сапасына қатысты шағымдарды қабылдайтын ұйымныңмекенжайы:

«Д-р Редди´с Лабораторис Лимитед» компаниясының Қазақстан Республикасындағы өкілдігі:

050057 Алматы қ., 22 линия к-сі, 45

тел: 8(727)3941688

факс: 8(727)3941294