Сипаттама
Дәрілік затты медициналық қолдану
жөніндегі нұсқаулық
ОЦИЛЛОКОКЦИНУМ®
Саудалық атауы
Оциллококцинум®
Халықаралық патенттелмеген атауы
Жоқ
Дәрілік түрі
Түйіршіктер, 1.0 г
Құрамы
1 г түйіршіктер құрамында
белсенді зат - 0.01 мл аnas barbariae hepatis et cordis extractum 200 К,
қосымша заттар: сахароза, лактоза
Сипаттамасы
Cуда оңай еритін, ақ немесе ақ дерлік түсті түйіршіктер.
Фармакотерапиялық тобы
Басқа да препараттар. Басқа емдік препараттар, барлығы. Басқа дәрілік препараттар.
АТХ коды V03AX
Фармакологиялық қасиеттері
Фармакокинетикасы
Гомеопатиялық дәрілік заттар үшін қолданылмайды.
Фармакодинамикасы
Оциллококцинум® гомеопатиялық дәрі болып табылады, оның фармакологиялық қасиеттеріне оның компоненттерінің әсері түрткі болады. Тамақтың ауыруы, қырылдау, жұтқыншақтың жыбырлауы, мұрынмен тыныс алудың қиындауы, ринорея, көзден жас парлау, құрғақ немесе ылғалды жөтел, құлақтың тұнуы, жалпы уыттану және әлсіздік, миалгия, бас ауыруы, қалтырау, дене температурасының жоғарылауы сияқты тұмау және суық тию ауруларының симптомдарын кешенді емдеуде организмнің спецификалық емес реактивтілігін арттырады. Гомеопатиялық емдеу әдісі ауруды ұғыну және дәрілік субстанцияларды қолдану тұрғысынан дәстүрлі медицинадан айтарлықтай ерекшеленеді. Гомеопатиялық дәрілік заттар организмнің өзіндік қорғаныш күшін көтермелейді, сонысымен өздігінен емделуге қабілеттілігін белсендіреді. Организмнің гомеопатиялық дәрілік затқа жауабы әр адамда әртүрлі. Осы себептерге байланысты дозоспецификалық әсерлерін, сондай-ақ фармакокинетикалық мәліметтерді анықтау мүмкін емес.
Қолданылуы
Тұмау тәрізді аурулар мен ЖРВЖ тән симптомдарды кешенді емдеуде.
Қолдану тәсілі және дозалары
Ішке қабылдауға арналған.
Препаратты ас қабылдаудан 15 минут бұрын немесе одан кейін бір сағат өткен соң қабылдау керек.
Түбек ішіндегісін тілдің астына салып, толық ерігенше ұстау керек.
Балалар үшін: 6 жастан кіші, аспирация қаупіне байланысты түбек ішіндегісін аздаған мөлшерлі суда ерітіп, қасықпен немесе емізікшесі бар бөтелкенің көмегімен беру қажет.
Тұмау тәрізді симптомдардың бастапқы сатысы: 1-3 күн бойына күніне 3 рет 1 дозадан қабылдау керек.
Егер 5 күннен кейін жақсару басталмаса немесе нашарлау басталса, онда дәрігерге қаралған жөн.
Жағымсыз әсерлері
Қазіргі таңда препараттың жағымсыз әсерлері жөнінде ақпараттар жоқ.Жағымсыз әсерлер пайда болған жағдайда дәрігерге қаралған жөн. Аллергиялық реакциялары болуы мүмкін.
Күдікті жағымсыз реакциялар туралы есептілік
Дәрілік зат тіркелгеннен кейінгі күдікті жағымсыз реакциялар туралы есептілікті жүргізудің маңызы зор және дәрілік заттың пайда/қауіп арақатынасына мониторингті жалғастыруға мүмкіндік береді. Денсаулық сақтау қызметкерлері мен тұтынушылардан кез келген күдікті жағымсыз реакциялар туралы ұлттық есептілік жүйесі арқылы хабарлау сұралады.
Қолдануға болмайтын жағдайлар
- препараттың қандай да бір компонентіне аса жоғары сезімталдық
- осы препараттың құрамында сахароза бар, оны фруктоза жақпаушылығы, глюкоза-галактоза мальабсорбциясы немесе сахараза-изомальтаза жеткіліксіздігі бар пациенттерге пайдалану ұсынылмайды;
- осы препараттың құрамында лактоза бар, галактоза жақпаушылығы, Lapp-лактаза ферменті тапшылығы немесе глюкоза-галактоза мальабсорбциясы (тұқым қуалайтын жақпаушылық) бар пациенттерге пайдалану ұсынылмайды.
Дәрілермен өзара әрекеттесуі
Гомеопатиялық препараттарды қабылдау басқа дәрілік заттармен емдеуді жоққа шығармайды.
Егер сіз басқа дәрілік заттарды қазір қабылдап жүрсеңіз немесе қабылдағаныңызға көп уақыт өтпесе, мұны дәрігерге мәлімдеңіз, өйткені дәрілік заттар бір-бірінің әсерлерін өзгертіп жіберуі мүмкін.
Айрықша нұсқаулар
Препарат, егер емдеу аурудың алғашқы симптомдарынан бастап жүргізілсе, тезірек және тиімдірек әсер етеді.
Оциллококцинумнің® құрамында сахароза және лактоза бар. Қант жақпайтын пациенттер абайлап қабылдауы керек.
Жүктілік және лактация кезеңі
Жүктілік немесе емшек емізу кезінде гомеопатиялық дәрілік зат Оциллококцинум® қолданар алдында дәрігерден кеңес алу қажет.
Препараттың көлік құралын және қауіптілігі зор механизмдерді басқару қабілетіне әсер ету ерекшеліктері
Әсер етпейді.
Артық дозалануы
Артық дозалану жағдайлары қазіргі кезге дейін тіркелмеген.
Шығарылу түрі және қаптамасы
1 г препараттан полиэтилен қақпағы бар полипропилен түбекте. 3 түбектен пішінді ұяшықты қаптамада. 2 немесе 10 пішінді ұяшықты қаптамадан медициналық қолдану жөніндегі қазақ және орыс тіліндегі нұсқаулықпен бірге картон қорапшаға салынады.
Сақтау шарттары
25 °С-ден аспайтын тепературада сақтау керек.
Балалардың қолы жетпейтін жерде сақтау керек!
Сақтау мерзімі
5 жыл
Жарамдылық мерзімі өткеннен кейін қолдануға болмайды.
Дәріханалардан босатылу шарттары
Рецептісіз
Өндіруші
Буарон, 2 Уэст Лионнэ даңғылы 69510 МЕССИМИ, Франция
Қаптаушы
Буарон, 2 Уэст Лионнэ даңғылы 69510 МЕССИМИ, Франция
Тіркеу куәлігінің ұстаушысы
Буарон, 2 Уэст Лионнэ даңғылы 69510 МЕССИМИ, Франция
Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта).
«ВИВА ФАРМ» ЖШС, Қазақстан, 050030, Алматы, Дегдар к-сі, 33, тел: +7 727 383 74 63, факс: +7 727 383 74 56, E-mail: pv@vivapharm.kz
