Сипаттама
Дәрілік затты медициналық қолдану жөніндегі нұсқаулық
ПАПАВЕРИН
Саудалық атауы
Папаверин
Халықаралық патенттелмеген атауы
Жоқ
Дәрілік түрі
0,04 г таблеткалар
Құрамы
Бір таблетканың құамында:
белсенді зат: папаверин гидрохлориді 0,040 г,
қосымша заттар: картоп крахмалы, сахароза, стеарин қышқылы.
Сипаттамасы
Ақ түсті, жалпақ цилиндр тәрізді сызығы және ойығы бар таблеткалар.
Фармакотерапиялық тобы
АІЖ функциональді бұзылуларын емдеуге арналған препараттар. Папаверин және оның туындылары.
АТХ коды А03АD01
Фармакологиялық қасиеттері
Фармакокинетикасы
Ішке қабылдағаннан кейін папаверин асқазан-ішек жолдарында жылдам сіңеді. Папавериннің биожетімділігі 29-57 % құрайды. Папаверинніңтерапиялық тиімді концентрациясы қан плазмасында 0,2-2,0 мкг/мл құрайды.
Қан плазмасы ақуыздарымен байланысы 90% құрайды.
Тіндерге жақсы тарайды, гистогематиялық бөгеттер арқылы өтеді.
Папаверин бауырда биотрансформацияға ұшырайды.
Папавериннің жартылай шығу (T1/2) кезеңі 0,5-2,0 сағ. құрайды. Фенольді метаболиттер несеппен, глюкурон қышқылымен конъюгирленген түрінде, папавериннің аздаған мөлшері (0,5% азырақ) өзгермеген түрде шығарылады.
Фармакодинамикасы
Папаверин – спазмолитикалық заттар, гипотензиялық әсер етеді. ФДЭ тежейді, цАМФ жасушасында жинақталуды туындатады және құрамында Ca2+ болуын төмендетеді, тонусты төмендетеді және тамырлардыжәнеішкі органдардың (АІЖ, тыныс алу және несепжыныс жүйелерін) тегіс бұлшықеттерін босаңсытады. Үлкен дозаларда жүрек бұлшық еттерінің қозғыштығын төмендетеді және жүрекішілік өткізгіштігін бәсеңдетеді. ОЖЖ-не әсері әлсіз білінген (үлкен дозаларда тыныштандыратын әсер береді).
Қолданылуы
- шеткергі артерияның және ми тамырларының түйілуі (кешенді терапия құрамында)
- ішкі органдардың тегіс мускулатураларының орташа айқын түйілулері (несеп жолдарының түйілуі, бүйрек шаншуы, холецистит, спастикалық колит, пилороспазм)
Қолдану тәсілі және дозалары
Ішке аш қарынға қабылдайды.
Ересектерге 0,04-0,06 г (1-1½ таблетка) тәулігіне 3- 4 рет.
Ең жоғарғы бір реттік доза - 0,2 г (5 таблетка), ең жоғарғы тәуліктік доза - 0,6 г (15 таблетка).
Емдеу курсы жеке, 8-14 күннен көп емес.
Жағымсыз әсерлері
- аллергиялық реакциялар, тері бөртпесі, тері қышымасы(эритема, есекжем)
- жүрек айнуы, іш қату немесе диарея, құсу, іштегі жайсыздық, анорексия
- ұйқышылдық
- шамадан тыс тершеңдік
- бауыр трансаминаз деңгейініңжоғарылауы, эозинофилия
- гипотензия, атриовентрикулярлы бөгет, қарыншалық экстрасистолия
- ыстық кернеу, бет гиперемиясы
- бас айналуы, бас ауыруы, әлсіздік, тахикардия
- миокард жиырылуының төмендеуі
- құрғақ жөтел
- атаксия
Қолдануға болмайтын жағдайлар
- папаверинге және препараттың басқа да компоненттеріне жоғары сезімталдықта
- тынысалудың бәсеңдеуі немесе коматоздық жағдай
- артериялық гипотензия
- атриовентрикулярлы бөгет
- глаукома
- бауыр және бүйрек жеткіліксіздігі
- бүйрек үсті безі қызметінің жеткіліксіздігі
- ми-бас сүйек жарақаты
- қуық асты безінің гиперплазиясы
- жүктілік және лактация кезеңі
- 18 жасқа дейінгі балалар жасы
- 60 жастан асқан жастағыларға (гипертермия қаупі)
Дәрілермен өзара әрекеттесуі
Папаверин леводопаның паркинсонға қарсы әсерін және метилдопаның гипотензивті әсерін төмендетеді.
Барбитураттармен біріктіргенде папавериннің спазмолитикалық әсері күшейеді.
Спазмолитиктермен, тыныштандыратын дәрілермен, диуретиктермен, салуретиктермен (гидрохлортиазидпен, ацетазоламидпен, фуросемидпен, спиронолактонмен және б.), үш циклді антидепрессанттармен, прокаинамидпен, резерпинмен, хинидин фентоламинмен, новокаинамидпен, клонидинмен бір мезгілде қолданғанда папавериннің гипотензивті әсері күшеюі мүмкін.
Жүрек гликозидтерімен (дигоксин, строфантин) бір мезгілде қолданған кезде жүрек гликозидтерінің белсенділігін төмендету есебінен олардың әсерін бәсеңдетеді.
Тегіс мускулатураларға антихолинэстеразалық (галантамин, прозерин, физиостигмин және б.) препараттардың әсеріне ие.
Папаверин мен нитрофурантоинді біріктіріп қолданған кезде гепатиттің дамуы мүмкін.
Адсорбенттер, сүт, антацидті дәрілер (кальций карбонаты, алюминий гидроксиді, магний гидроксиді, немесе алюминий фосфаты), тұтқыр және бүркеуіш дәрілер асқазан-ішек жолдарында препараттың сіңуін азайтады. Оларды қолдану және папаверинді қолдану арасындағы арақашықтық 2 сағаттан кем болмауы тиіс.
β-адренбөгегіштердің гипотензивті әсеріне әсер етпейді,бірақ жанама β-адренбөгегіштермен тамырлардың шеткергі қарсыластығы жоғарылағанын ескертеді.
Айрықша нұсқаулар
Папаверинді қолданған кезде құрамында алкоголь бар сусындарды, сондай-ақ құрамында этил спирті бар дәрілік заттарды тұтынудан бас тарту керек.
Егде жастағы пациенттерге препаратты тағайындар алдында жүрек өткізгіштігінің бұзылуын болдырмас үшінЭКГ жүргізу керек.
Шылым шегетіндерде папавериннің фармакологиялық әсері азаяды.
Жүктілікте және лактация кезеңінде препаратты қолдану ұсынылмайды.
Мынадай жағдайларда сақтықпен қолданады:
- ішек перистальтикасының төмендеуінде
- бронхтардың ауыруында
- асқазаннан қан кету
- гипотиреозда
- құрысу синдромында немесе сыртартқысында қояншық ұстамаларында
- бронхтық тарылу синдромында.
Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Препараттың жағымсыз әсерін ескере отырып, автокөлікті немесе өзге де механизмдерді басқару кезінде сақ болу қажет.
Артық дозалануы
Симптомдары: көрудің бұзылуы (диплопия), әлсіздік, ұйқышылдық, гипотензия, жүрек айнуы, құсу, орталық жүйке жүйесінің әлсіреуі, бас айналу және синустық тахикардия.
Емдеу: арнайы уқайтарғысы жоқ. Көмек шараларына препаратты тоқтату, асқазандысүтпен және белсенділендірілген көмірмен шаю мен туындаған бұзылуларды жою және артериялық қысымдыжоғарылатуғабағытталған симптоматикалық ем жүргізу кіреді. Пациенттер дәрігерге қаралуы тиіс.
Шығарылу түрі және қаптамасы
Поливинилхлоридті үлбірден және баспалы лакталған алюминий фольгадан жасалған пішінді ұяшықты қаптамада 10 таблеткадан.
Қағаз негізінде қаптамалық біріктірілген материалдан жасалған пішінді ұяшықты емесқаптамада 10 таблеткадан.
800 пішінді ұяшықты немесе 700 пішінді ұяшықты емес қаптамаларды тең мөлшерде медицинада қолданылуы жөніндегі мемлекеттік және орыс тілдеріндегі нұсқаулықпен бірге топтық қаптамаға салады.
Сақтау шарттары
Құрғақ, жарықтан қорғалған жерде, 250С-ден аспайтын температурада сақтау керек.
Балалардың қолы жетпейтін жерде сақтау керек!
Сақтау мерзімі
5 жыл
Жарамдылық мерзімі өткеннен кейін қолдануға болмайды.
Дәріханалардан босатылу шарттары
Рецептісіз
Өндіруші
«Ирбит химия-фармацевтикалық зауыты» ААҚ
623856, Ресей, Свердлов обл., Ирбит қ., Карл Маркс к-сі, 124-а
Тіркеу куәлігінің иесі
«Ирбит химия-фармацевтикалық зауыты» ААҚ, Ресей
Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтынұйымның атауы, мекенжайы және байланыс деректері (телефон, факс, электрондық пошта):
Өтегенов Б.А. ЖК
050022, Қазақстан, Алматы қ., Мәуленов к-сі, 123 «а», 7 пәтер
Тел/факс 8(7172) 43-95-34
Электрондық поштасы b.utegenova_ip@mail.ru
Қазақстан Республикасы аумағында дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электрондық пошта):
Өтегенов Б.А. ЖК
050022, Қазақстан, Алматы қ., Мәуленов к-сі, 123 «а», 7 пәтер
Тел/факс 8(7172) 43-95-34
Электрондық поштасы b.utegenova_ip@mail.ru
