Сипаттама
Дәрілік заттың медицинада
қолданылуы жөніндегі
нұсқаулық
Псориатен
Саудалық атауы
Псориатен
Халықаралық патенттелмеген атауы
Жоқ
Дәрілік түрі
50 г жақпамай.
Құрамы
1 г жақпамайдың құрамында
белсенді зат – 100 мг Mahonia aquifolium,
қосымша заттар: цетостеарилді эмульгацияланатын спирт (А типі), сұйық парафин, ақ жұмсақ парафин, октилдодеканол, тазартылған су, бензил спирті.
Сипаттамасы
Жеңіл спирт иісі бар, аздаған сары немесе қоңыр реңді гомогенді жақпамай.
Фармакотерапиялық тобы
Псориазды емдеуге арналған препараттар.
Псориазды емдеу үшін жергілікті қолдануға арналған басқа да препараттар.
АТХ коды D05AX
Фармакологиялық қасиеттері
Гомеопатиялық препарат организмнің өз қорғаныш механизмдерін стимуляциялайды, осының нәтижесі ретінде, оның өздігінен жазылу қабілетін белсенді етеді. Организмнің гомеопатиялық препараттарға реакциясы әр адамда қатаң түрде жекелей болып табылады. Осыған байланысты дозаға тәуелді болатын фармакологиялық әсерді, фармакодинамикалық және фармакокинетиалық сипаттамаларды анықтау мүмкін емес.
Гомеопатияның негізгі ережесіне сай, гомеопатиялық препараттармен емдеу және оны тағайындау, емделушідегі ауру көрінісіне сәйкес, қатаң түрде жекелей жүзеге асырылады.Алайда көп жылдық тәжірибе белгілі бір ауруларда көптеген жағдайларда кейбір дәрілік заттардың тиімді болып шығатынын көрсетті.
Псориатеннің құрамында еменжапырақты махоний қабығы мен бұтақтарының ұштарынан алынған табиғи әсер ететін заттар бар.Сәндік өсімдік ретінде - бұтасы, махония солтүстік Еуропада кеңінен таралған. Еменжапырақты махония Барбарис тұқымдасына жатады және гомеопатияда, атап айтқанда құрғақ немесе қабыршақты теміреткі сияқты тері ауруларын емдеу үшін пайдаланылады.
Жақпамайдың әсері терінің түлеп қабыршақтануының және терінің қабыршақтанып қатпарлануының азаюы арқылы білінеді.
Қолданылуы
- ауырлығы жеңіл және орташа дәрежелі псориазда
- теріні құрғататын және түлететін басқа да тері ауруларында.
Қолдану тәсілі және дозалары
Ересектерге және балаларға: Псориатенді терінің зақымданған жеріне күніне 3 рет жаққан жөн. Жақпамайды жұқа етіп жағып, теріні абайлап сипалаған жөн. Жақпамайды көзге, шырышты қабықтарға, сондай-ақ терең, ашық жараларға тигізіп алмаған жөн. Жақпамайды жаққаннан кейін қолды мұқият жуу керек.
Егер препаратты қолдану уақытын өткізіп алса, өткізіп алған дозаның орнын толтыру үшін екі еселенген доза пайдалануға болмайды.
Егер Псориатен препаратыменемдеуді бастағаннан кейін 4 апта ішінде оң динамика байқалмаса, емдеуші дәрігерге қаралған жөн, ол альтернативті дәріні таңдап көреді.
Препаратты дәрігердің кеңесінсіз ұзақ уақыт қолдануға болмайды.
Жағымсыз әсерлері
Өте сирек
- препараттың жақпаушылығынан болған жергілікті тері реакциялары, жанаспалы дерматит пайда болуы мүмкін.
Қолдануға болмайтын жағдайлар
-Mahonia aquifoliumнемесе препарат компоненттеріне (цетостеарил және бензил спиртіне) жоғары сезімталдық реакциясы
-1 жасқа дейінгі балалар
Сақтықпен: терінің айқын қабыну реакцияларында, шығу тегі белгісіз бөртпелерде
Дәрілермен өзара әрекеттесуі
Басқа дәрілік препараттармен өзара әрекеттесу жағдайлары байқалған жоқ. Осы дәрілік препаратты қолдану басқа да дәрілік препараттарды қолданудың мүмкін екендігін жоққа шығармайды.
Препаратты қолданар алдында дәрігерден кеңес алу керек.
Препараттың әсер ету тиімділігі салауатты емес өмір салты факторларының және кофе, темекі, спирт ішімдіктері, кермек дәмді заттар сияқты қоздырғыш заттарды қабылдау әсерінен төмендеуі мүмкін.
Айрықша нұсқаулар
Цетостеарилді спиртке жоғары сезімталдық реакцияларының болғаны жөнінде мәлімдемелер де бар, ол жергілікті тері реакцияларын (жанаспалы дерматитті) тудыруы мүмкін. Мұндай жағдайларда Псориатен препаратын әрі қарай қолдануды тоқтатқан жөн,емделушіге тиісті ем тағайындалады.
Келесі жағдайларда дәрігерден кеңес алған жөн:
- терінің айқын қабыну реакцияларында,
- жағдай нашарлағанда немесе жақсару пайда болмаса,
- қосымша шағымдар пайда болған жағдайда,
- егер Сізде дәрілік препаратты қолданғаннан кейін жоғары сезімталдық реакциялары (аллергиялық реакция) пайда болса.
Гомеопатиялық дәрілік заттарды қабылдаған кезде аурудың бұрыннан бар симптомдарының өтпелі күшеюі мүмкін (бастапқы нашарлау), мұндай жағдайда Псориатенді қабылдауды тоқтатқан және дәрігерден кеңес алған жөн.
Жүктілік және лактация
Псориатен препаратын жүктілік және лактация кезеңінде дәрігерден кеңес алғаннан кейін және олардың қаупі-пайдасы арақатынасына оң баға берілгеннен кейін ғана қолданған жөн.
Дәрілік заттың көлікті немесе қауіпті механизмдерді басқару қабілетіне ықпал ету ерекшеліктері
Псориатен препараты автокөлікті басқару және қауіпті механизмдермен жұмыс жасау қабілетіне ықпалын тигізбейді.
Артық дозалануы
Артық дозалануы жөнінде мәлімдемелер түскен жоқ.
Шығарылу түрі және қаптамасы
50 г препарат алюминий сықпаларға салынған.
Бір сықпа медицинада қолданылуы жөнінде мемлекеттік және орыс тілдеріндегі нұсқаулықпен бірге картон қорапқа салынған.
Сақтау шарттары
25 ºC-ден аспайтын температурада сақтау керек.
Балалардың қолы жетпейтін жерде сақтау керек!
Сақтау мерзімі
5 жыл
Жарамдылық мерзімі өткеннен кейін қолдануға болмайды.
Дәріханадан босатылу шарттары
Рецептісіз
Өндірушіжәне тіркеу куәлігінің иесі
Дойче Хомеопати – Унион ДХУ – Арцнаймиттель ГмбХжәне Ко. КГ
Оттоштрассе 24, 76227 Карлсруэ,Германия
Эсклюзивті өкілі
Альпен Фарма АГ
Берн, Швейцария
Қаптаушы ұйым
Др. Вильмар Швабе ГмбХ& Ко, КГ, Германия
Тұтынушылардан өнім (тауар) сапасы жөнінде шағымдарды Қазақстан Республикасы аумағында қабылдайтын ұйымның мекенжайы
«Альпен Фарма» ЖШС
Алматы қ-сы, Жетісу-2 ы/а, 80 үй, 54 пәт.
Тел./факс+ 7 727 2265306
E-mail: info. kazakhstan@alpenpharma.com
