Сипаттама
Дәрілік затты медициналық қолдану жөніндегі нұсқаулық
Сангисепт
Саудалық атауы
Сангисепт
Халықаралық патенттелмеген атауы
Жоқ
Дәрілік түрі
Таблеткалар
Құрамы
Бір таблетканың құрамында
белсенді заттар: прополис тұндырмасы - 60.0 мг,
аскорбин қышқылы - 5.0 мг,
қосымша заттар: лимон қышқылы, қант, кальций стеараты, жеміс-жидек эссенциясы.
Сипаттамасы
Беткейі тегіс, сызығы мен ойығы бар, ашық-сарыдан сары түске дейінгі таблеткалар. Таблетканың беткейінде теңбілдердің болуына жол беріледі.
Фармакотерапиялық тобы
Респираторлық жүйе. Тамақ ауруларын емдеуге арналған препараттар. Антисептиктер. Басқа да препараттар.
АТХ коды R02AA20.
Фармакологиялық қасиеттері
Фармакокинетикасы
Прополистің әсері оның компоненттерінің жиынтық әсері болып табылады, сондықтан кинетикалық зерттеулер жүргізу мүмкін емес.
Аскорбин қышқылын пероральді түрде қабылдағаннан кейін жақсы сіңеді. Шамамен 25 % плазма протеиндерімен байланысады, плазмада және жасушаларда жинақталады, ең жоғары концентрацияға без тіндерінде (көбіне бүйрекүсті қыртысын және гипофизге) жетеді. Бауырда метаболизденеді, оксалат түрінде және өзгермеген түрде несеппен шығарылады.
Фармакодинамикасы
Прополис - балауыздың, бальзамдық заттардың, прополис шайырларының, эфир майларының, балауыздың, иіткіш заттардың, құрамында биологиялық белсенділікке ие фенольді қосылыстардың күрделі кешені - фенолкарбон (кофе, п-кумар, ферул) қышқылдары бар тозаңдардың және флавоноидтардың табиғи қоспасы болып табылатын шығу тегі бал араcы тіршілігінің өнімі негізіндегі табиғи препарат.
Прополистің шайырлық және бальзамдық заттарының құрамында даршын спирті, даршын қышқылы, қаныққан - пальмитин, стеарин қышқылдары, қанықпағандардан - олеин, сондай-ақ басқа заттармен бірге прополистің микробтарға қарсы әсеріне ықпал ететін бензой қышқылы бар. Прополис құрамында ферменттер, А, B1, В2, Е, С, РР дәрумендері және микроэлементтер (алюминий, ванадий, темір, кальций, кремний, марганец, стронций) бар.
Прополис қабынуға қарсы, микробтарға қарсы (грамоң бактерияларға қатысты), қышынуға қарсы және ауыруды басатын қасиеттері бар (шырышты қабықтардың және терінің анальгезиясын туындатады, зақымданған тіндердің ауырғанын төмендетеді), грануляциялардың өсуіне ықпал етеді, регенерация үдерісін және жара беткейлерінің эпителизациясын жылдамдатады; метаболизмдік үдерісті көтермелейді. Прополистің фенольдік бірігулердің ықпал етуімен фагоцитоз күшейеді, әртүрлі микроорганизмдерге және олардың уыттылығына қарсы спецификалық антиденені өндіруі қарқынды болады. Табиғи антибиотик болғандықтан, прополис асқазан-ішек жолындағы жағымды микрофлораны бәсеңдетпейді, оны қолдану дисбактериозға жәнемикроорганизмдердің прополиске төзімді штаммдардың пайда болуына әкелмейді.
Аскорбин қышқылы организмде С дәрумені тапшылығының орнын толтырады, айқын антиоксидантты қасиеттерге ие, тотығу-тотықсыздану үдерісін реттейді, инфекцияға организмнің қарсы тұруын жоғарылатады.
Қолданылуы
Ауыз қуысы мен жұтқыншақтың қабыну ауруларын кешенді емдеудің құрамында:
- фарингит
- тонзиллит
- катаральді гингивит
- афтозды стоматит
- пародонтит
Қолдану тәсілі және дозалары
Таблетканы ауызда толық ерігенше ұстау керек. Ересектерге арналған ең жоғарғы бір реттік доза 4 таблетка, тәуліктік доза 12 таблетка. 6 жастан асқан балаларға ең жоғарғы бір реттік доза 2 таблетка, тәуліктік доза 6 таблетка. Емдеу курсы - қабыну белгілері қайтқанға дейін - 5-8 күн.
Жағымсыз әсерлері
Жағымсыз құбылыстардың жиілігін анықтау мынадай критерийлерге сәйкес жүргізіледі: өте жиі (≥ 1/10), жиі (≥ 1/100-ден < 1/10 дейін), жиі емес (≥ 1/1000-ден < 1/100 дейін), сирек (≥ 1/10000 < 1/1000 дейін), өте сирек (< 1/10000).
- аллергиялық реакциялар (қышыну, терінің қызаруы, бөртпе) болуы мүмкін
Өте сирек
- ауыздың құрғауы, асқазан аймағында жағымсыздықты сезіну, тәбеттің болмауы
- бас айналуы, ұйқышылдық, жүрек қағуы
Қолдануға болмайтын жағдайлар
- препарат компонентттеріне жоғары сезімталдық
- жекелей жақпаушылық (ара шаққанда, ара шаруашылығының басқа да өнімдеріне сезімталдық жоғары болғанда)
- бронх демікпесі
- экзема
- диатез
- 6 жасқа дейінгі балаларға
Дәрілермен өзара әрекеттесуі
Прополис пенициллин, стрептомицин, тетрациклин, неомицин, мономицин, полимиксин сияқты антибиотиктердің белсенділігін жоғарылатады.
Аскорбин қышқылының дәрілерімен өзара байланысуы оны ұзақ уақыт бойыкөп дозада қолданғанда жиі пайда болады.
Аскорбин қышқылы қандағы салицилаттардың (кристаллурия қаупін арттырады), этинилэстрадиолдың, бензилпенициллиннің және тетрациклиндердің концентрациясын жоғарылатады.
Эстрогендермен – қан сарысуындағы гормондардың деңгейін арттырады.
Құрамында эстроген бар оральді котрацептивтермен – контрацептивтердің әсері азаяды.
Кумарин туындыларының антикоагуляциялық әсерін азайтады.
Ішекте темір препараттарының сіңуін жақсартады.
Айрықша нұсқаулар
Аллергиялық реакциялар дамыған кезде емдеуді тоқтату керек.
Қант диабетіне шалдыққан науқастар немесе құрамында қанты төмен диетадағы науқастар әрбір таблеткада 582 мг қант бар екендігін ескерулері керек.
Жүктілік және лактация кезеңі
Дәрігердің келісімінен кейін қолданылуы мүмкін.
Препаратты көлік құралын немесе қауіптілігі зор механизмдерді басқару қабілетіне әсер ету ерекшеліктері
Әсер етпейді.
Артық дозалануы
Симптомдары: жағымсыз әсерлердің күшеюі, қанда лейкоциттер саны артуы мүмкін.
Емі - препаратты тоқтату керек.
Шығарылу түрі және қаптамасы
10 таблеткадан екі жағында да полимерлі жабыны бар қаптамалық қағаздан жасалған пішінді ұяшықсыз қаптамаға салынған. 250 пішінді қаптамадан медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапқа (топтық қаптамаға) салынады.
10 таблеткадан ПВХ үлбірмен жабылған алюминий фольгадан жасалған пішінді ұяшықсыз қаптамада. ПВХ үлбірмен жабылған алюминий фольгадан жасалған 200 пішінді ұяшықсыз қаптамадан медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапқа (топтық қаптамаға) салынады.
Сақтау шарттары
Құрғақ, жарықтан қорғалған жерде, 25 °С-ден аспайтын температурада сақтау керек.
Балалардың қолы жетпейтін жерде сақтау керек!
Сақтау мерзімі
2 жыл
Жарамдылық мерзімі өткеннен кейін қолдануға болмайды.
Дәріханалардан босатылу шарттары
Рецептісіз
Өндіруші
«Эйкос-Фарм» ЖШС, Қазақстан Республикасы, Алматы облысы, Қарасай ауданы, Елтай ауылдық округі, 71 разъезд станциясы, М. Кенжин көшесі, 4/1 телім
Тіркеу куәлігінің ұстаушысы
«Эйкос-Фарм» ЖШС, Қазақстан
Қазақстан Республикасы аумағында тұтынушылардан дәрілік заттың сапасына қатысты шағымдарды қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта):
«Эйкос-Фарм» ЖШС
Кеңсенің мекенжайы: Алматы қ., Нүсіпбеков к-сі, 32
тел: + 7 (727) 397 64 29,+ 7 (727) 329 66 07
факс: + 7 (727) 250 71 78,
e-mail: pharm@eikos.kz
