Силдена 100 мг, №1, табл покр плен оболочкой
Рецепт бойынша
Тауарлардың көрінісі фотосуретте көрсетілгеннен өзгеше болуы мүмкін

Силдена 100 мг, №1, табл покр плен оболочкой

Қолжетімділігі
Тауар қолда жоқ
Үлгі
5690528190090
Елі
Мальта
Өндіруші
Actavis
  • Сипаттама

Сипаттама

Дәрілік затты медициналық қолдану жөніндегі нұсқаулық

СИЛДЕНА

Саудалық атауы

Силдена

Халықаралық патенттелмеген атауы

Силденафил

Дәрілік түрі

Үлбірлі қабықпенқапталған таблеткалар, 50 мг, 100 мг

Құрамы

Бір таблетканыңқұрамында:

белсенді зат -70.24 мг140.48 мгсилденафил цитраты,

50 мг 100 мг силденафилге баламалы,

қосымша заттар: лактоза моногидраты, микрокристалды целлюлоза, повидон К29-К32, натрий кроскармеллозасы, магний стеараты,

қабықтың құрамы: Опадрай 03F20404 Көк (гипромеллоза 6сР, титанның қостотығы Е171, макрогол 6000, индигокармин алюминий лагы Е132).

Сипаттамасы

Екі беті дөңес, ұзындығы 13.0 мм және ені 6.5 мм, «SL50» жазуы өрнектелген, көгілдір түсті үлбірлі қабықпен қапталған, сопақша таблеткалар (50 мг доза үшін).

Екі беті дөңес, ұзындығы 17.0 мм және ені 8.5 мм, «SL100» жазуы өрнектелген, көгілдір түсті үлбірлі қабықпен қапталған, сопақша таблеткалар (100 мг доза үшін).

Фармакотерапиялық тобы

Урологиялық ауруларды емдеуге арналған препараттар. Урологиялық ауруларды емдеуге арналған басқа препараттар, спазмолитиктерді қоса. Эрекция бұзылуын емдеуге арналған препараттар. Силденафил.

АТХ коды G04BE03

Фармакологиялық қасиеттері

Фармакокинетикасы

Сіңуі

Силденафил ішке қабылдағанда жылдам сіңеді. Ең жоғары плазмалық концентрацияларына ішке ашқарынға қабылдағанда 30-120 минут ішінде жетеді (медиана60 минут). Нақтылы биожетімділігі, орташа, 41%-ге жуықты құрайды (25-63% мәнді диапазонмен). Ішке қабылдағаннан кейін силденафилдің «концентрация – уақыт» қисығы астындағы ауданы (AUC) мен ең жоғары концентрациясы (Cmax) ұсынылған дозалар кеңдігінде дозаға пропорционал ұлғаяды (25-100 мг).

Силденафил тамақпен қабылданған кезде оның сіңу жылдамдығы төмендейді, ең жоғары концентрациясына жету уақыты (Tmax), орташа, 60 минутқа ұзарады, ал Cmax, орташа, 29%-ғатөмендейді.

Таралуы

Силденафилдің (Vd) таралу көлемі тепе-тең жағдайда, орташа, 105 л құрайды. Ішке бір дүркін 100 мг қабылдағаннан кейін силденафилдің орташа ең жоғары жалпы концентрациясы шамамен 440 нг/мл (CV 40%) құрайды. Өйткені силденафил (және оның негізгі айналымдағы N­десметилдік метаболиті) плазма ақуыздарымен 96% байланысады, силденафилдің бос фракциясының орташа плазмалық концентрациялары 18 нг/мл(38 нM) құрайды. Ақуыздармен байланысуы препараттың жалпыконцентрациясына байланысты емес.

Метаболизм

Силденафил Р450 цитохромының микросомалық CYP3A4 (негізгі жол) және CYP2C9 (қосымша жол) изоферменттерінің әсер етуімен, негізінен, бауырда метаболизденеді. Негізгі айналымдағы белсенді метаболит силденафилдің N-деметилденуінің нәтижесінде түзіледі. Осы метаболит силденафил бейініне ұқсас фосфодиэстеразаларға іріктелу бейінін иеленеді, ал оның ФДЭ5-ке қатысты белсенділігі негізгі заттек белсенділігінің, шамамен, 50%-ын құрайды. Қан плазмасындағы метаболит концентрациясы силденафил концентрациясының 40%-ға жуығын құрайды.

Силденафил 1A2, 2C9, 2C19, 2D6, 2E1 изоформаларының және 3A4 P450 цитохромның (IC50 > 150 мкМ) әлсіз тежегіштері болып табылады. Қан плазмасындағы силденафилдің ең жоғары концентрациясы препараттың ұсынылған дозасын қабылдағаннан кейін шамамен 1 мкМ құрағанда силденафилдің бұл изоферменттердің субстраттарының клиренсін өзгертуінің ықтималдығы аз.

Шығарылуы

N-деметилденген метаболит әріқарай метаболизмге ұшырайды; оның жартылай шығарылуының түпкілікті кезеңі 4 сағатқа жуық құрайды.

Организмдегі силденафилдің жалпы клиренсі 41 л/сағ., ал жартылай шығарылуының терминалдық кезеңі – 3-5 сағат құрайды. Ішке қабылдағаннан немесе вена ішіне енгізгеннен кейін силденафил метаболиттер түрінде, негізінен, нәжіспен (шамамен дозаның 80%-ы) және аз дәрежеде несеппен (шамамен дозаның 13%-ы) шығарылады.

Пациенттердің ерекше топтарындағы фармакокинетикасы

Егде жастағылар:

Егде жастағы пациенттерде (65 жас және одан үлкен) силденафил клиренсі төмен, ал плазмадағы силденафил мен оның белсенді N-десметил-метаболитінің концентрациясы шамамен 90% жоғары. Жас ерекшелігімен шартталған қан плазмасы ақуыздарымен байланысуындағы айырмашылыққа орай, силденафилдің плазмалық концентрацияларының тиісінше жоғарылауы 40% құрайды.

Бүйрек жеткіліксіздігі:

Бүйрек функциясының жеңіл немесе орташа дәрежедегі бұзылуы бар (креатинин клиренсі 30-80 мл/мин) пациенттерде ішу арқылы 50 мг дозасын бір рет қабылдаудан кейін силденафилдің фармакокинетикасы өзгермейді. N-деметилденген метаболиттің AUC және Cmax орташа көрсеткіштерінің жоғарылауы бүйрек функциясы бұзылмаған осындай жастағы адамдардағы осындай көрсеткіштермен салыстырғанда, сәйкесінше, 126%-ға және 73%-ға дейінді құрады. Алайда пациенттер арасында көрсеткіштің жоғары құбылмалылығына байланысты бұл айырмашылықтың статистикалық мәні болмады. Бүйрек функциясының ауыр бұзылулары бар пациенттерде (креатинин клиренсі <30 мл/мин) силденафил клиренсі төмендейді, ал орташа AUC пен Cmax, тиісінше, 100% және 88% жоғарылайды. Бұдан басқа, N­десметил метаболитінің AUC және Cmax мәндері де, тиісінше, 79% және 200% артады.

Бауыр функциясы бұзылуы бар пациенттер

Ауырлығы жеңіл және орташа дәрежедегі бауыр циррозы (Чайлд-Пью жіктеуі бойынша А және В сатысы) бар пациенттерде силденафилдің клиренсі төмендейді, ол бауыр функциясының бұзылуы жоқ осыған ұқсас жастағы еріктілермен салыстырғанда AUC (84%-ға) және Cmax көрсеткішінің (47%-ға) жоғарылауына әкеледі.

Бауыр функциясының ауыр дәрежедегі бұзылуы бар пациенттердегі силденафилдің фармакокинетикасы зерттелген жоқ.

Фармакодинамикасы

Силденафил-ратиофарм эректильдік функциясының бұзылуын ішу арқылы емдеуге арналған. Табиғи жағдайларда, яғни сексуалдық стимуляциялану болғанда, ол жыныс мүшесіне қанның ағып келуінің күшеюі есебінен бұзылған эректильді функциясын қалпына келтіреді.

Жыныс мүшесі эрекциясының негізінде жатқан физиологиялық үдерісте сексуалдық стимуляциялау әсерімен каверноздық денедегі азот тотығының босап шығуы қамтылады. Азот тотығы гуанилат-циклаза ферментін белсенділендіреді және каверноздық дененің тегіс бұлшықет жасушаларын босаңсытып, оның қанмен толуына ықпал ететін циклдық гуанозин монофосфатының (цГМФ) мөлшерін арттырады.

Силдена – ФДЭ5 цГМФ-ның ыдырауына жауап беретін каверноздық денедегі 5 типті циклогуанозинмонофосфат (цГМФ) - спецификалық фосфодиэстеразаның (ФДЭ5) қуатты және іріктелген тежегіші. Силдена эрекцияға шеткері ықпалын тигізеді.

Силденаның адамның оқшауланған каверноздық денесін тікелей босаңсытатын әсері жоқ, бірақ осы тіндегі NO релаксациялаушы әсерін күшейтеді. Сексуалдық стимуляциялану әсерінен болатын NO/цГМФ байланысының белсенділенуінде силденафилдің ФДЭ5-ті бәсеңдетуі каверноздық денедегі цГМФ жоғарылауына әкеледі. Осылайша, силденафилдің қалаулы фармакологиялық әсерінің дамуы үшін сексуалдық стимуляциялау қажет.

Силденафил эрекцияның даму үдерісіне қатысатын ФДЭ5-ке қатысты селективті. Оның ФДЭ5-ке қатысты белсенділігі басқа белгілі фосфодиэстеразаларға қатысты белсенділігінен асып түседі. Оның торқабықтағы суретті беріліске қатысатын ФДЭ6-ға қатысты тиімділігі 10 есе аз. Ең жоғары ұсынылатын дозаларда ол ФДЭ1-ге қатысты 80 есе,ФДЭ 2, 3, 4, 7, 8, 9, 10 және 11-ге қатысты 700 есе аз іріктелген. Силденафилдің ФДЭ5-ке қатысты белсенділігі оның ФДЭЗ, цАМФ – жүрек жиырылуына қатысатын спецификалық фосфодиэстеразаға қатысты белсенділігінен 4 000 есе асып түседі.

Қолданылуы

- жыныстық қатынасты қанағаттандыру үшін жыныс мүшесін эрекцияға жеткізуге немесе оны сақтауға қабілетсіз болуымен сипатталатын эректильді дисфункцияда.

Силденатек сексуалдық стимуляцияда ғана тиімді.

Қолдану тәсілі және дозалары

Ішу арқылы қолдануға арналған.

Силденаны тамақпен немесе онсыз қабылдауға болады. Дегенмен, тамақпен қабылдаған жағдайда Силдена әсері басталуы үшін көбірек уақыт қажет болуы мүмкін.

Дозалау режимі

Ересектерде қолданылуы

Силденаның ұсынылатын дозасы ішке шамамен жыныстық қатынас алдында 1 сағат бұрын 50 мг құрайды. Дозаны тиімділігі мен жағымдылығын ескере отырып, 100 мг дейін ұлғайтуға немесе 25 мг дейін азайтуға болады. Ұсынылатын ең жоғары доза 100 мг құрайды.

Таблетканы стақан сумен іше отырып, тұтастай жұту керек.

Қабылдаудың ең жоғары ұсынылатын жиілігі – тәулігіне 1 рет

Пациенттердің ерекше тобы

Егде жастағы пациенттер

Егде жастағы пациенттерде (≥ 65 жас) доза түзету талап етілмейді.

Бүйрек функциясы бұзылуы бар пациенттер

Жеңіл және орташа дәрежедегі бүйрек функциясы бұзылуында (креатинин клиренсі 30-80 мл/мин) доза түзету талап етілмейді. Бүйрек функциясының ауыр бұзылуы бар (креатинин клиренсі < 30 мл/мин) пациенттерде силденафилдің клиренсі төмендеуіне байланыстыСилденаны стартты 25 мг дозада қолдану мүмкіндігін қарастыру керек. Препараттың тиімділігі мен жағымдылығына қарай, қажет болғанда оның дозасын сатылап 50 мг-ден 100 мг дейін ұлғайтуға болады.

Бауыр функциясы бұзылуы бар пациенттер

Бауыр функциясы бұзылуы бар (мысалы, цирроз сияқты) пациенттерде силденафил клиренсі төмен болуына байланысты препараттың стартты 25 мг дозадағы мүмкіндігін қарастыру керек. Препараттың тиімділігі мен жағымдылығына қарай, қажет болғанда оның дозасын сатылап 50 мг-ден 100 мг дейін ұлғайтуға болады.

Бала жастағы және жасөспірімдік жастағы пациенттер

Силденафил балаларда қолдану үшін көрсетілмеген (< 18 жас).

Басқа дәрілік заттарды қабылдайтын пациенттерде қолданылуы

Силденафилмен бір мезгілде қолдану ұсынылмайтын ритонавирді қоспағанда, CYP3A4 тежегіштерімен қатарлас ем алатын пациенттерде препаратты 25 мг бастапқы дозада қолдану мүмкіндігін қарастыру керек.

Альфа-адреноблокаторлармен ем алып жүрген пациенттерде постуральді артериялық гипотензия даму қаупін төмендету мақсатында силденафилмен ем бастамас бұрын альфа-адреноблокаторлар алып жүрген пациенттердің жай-күйін тұрақтандыру керек. Бұдан басқа, 25 мг дозадан бастап, силденафил қолдану мүмкіндігін қарастыру керек.

Жағымсыз әсерлері

Силденаны қолданғанда тіркелген жағымсыз әсерлері олардың біліну жиілігі бойынша келесі түрде жіктелген: өте жиі (≥ 1/10), жиі (≥ 1/100- < 1/10 дейін), жиі емес ( ≥ 1/1000 -< 1/100 дейін) және сирек (≥ 1/10 000 және < 1/1000).

Өте жиі

- бас ауыру

Жиі

- бас айналу

- түсті ажыратып көрудің бұрмалануы (хлоропсия, хроматопсия, цианопсия,эритропсия, ксантопсия), көрудің бұзылыстары, анық көрмеу

- гиперемия, қан кернеулері

- мұрын бітелуі

- диспепсия, жүрек айнуы

Жиі емес

- ринит

- аса жоғары сезімталдық

- ұйқышылдық, гипестезия

- көздің жасы ағуына байланысты бұзылулар (көз құрғақтығы, көз жасы безінің функциясы бұзылуы, көз жасы ағуының артуы), көз ауыруы, фотофобия, фотопсия, көз тамырларының гиперемиясы, көрудің айқын болуы, конъюнктивит, көздің артқы камерасындағы қан кетулер

- кеңістіктегі бағдардан жаңылу (вертиго), құлақтағы шуыл/шыңылдау

- тахикардия, жүрек қағуын сезіну

- артериялық гипертензия, артериялық гипотензия

- мұрыннан қан кету, мұрынның қосалқы қойнауларының бітелуі

- іштің жоғарғы бөлігінің ауыруы, гастроэзофагеальді рефлюксті ауру, құсу, ауыз құрғауы

- бөртпе

- миалгия, аяқ-қол ауыруы

- гематурия

- кеуденің ауыруы, қатты қажу, ысыну сезімі

- тахикардия (жүрек жиырылуының жоғары жиілігі)

Сирек

- ми қан айналымының жедел бұзылуы, транзиторлы ишемиялық шабуыл, құрысу ұстамасы*, құрысу ұстамасының қайталануы *, естен тану

- көру жүйкесінің артериялық емес алдыңғы ишемиялық нейропатиясы*, торқабық тамырларының окклюзиясы*, торқабыққа қан құйылуы, артериосклероздық ретинопатия, торқабық аурулары, глаукома, көру аумағының ақауы, диплопия, көру өткірлігінің төмендеуі, миопия, астенопия, шыны тәрізді дененің беткейлік бұлыңғырлануы, нұрлы қабықтың аурулары, мидриаз, көру аумағында нұрлы дөңгелектер болуы, көз ісінуі, көздің домбығуы, көру бұзылыстары, конъюнктивалық гиперемия, көз тітіркенуі, көздегі ерекше сезінулер, қабақ ісінуі, ақ қабық түсінің өзгеруі

- кереңдік

- жүректен кенеттен болатын өлім*, миокард инфарктісі, қарыншалық аритмия*, жүрекше фибрилляциясы, тұрақсыз стенокардия

- тамақтағы қысылу сезімі, мұрын ісінуі, мұрын шырышының құрғауы

- оральді гипестезия

- Стивенс - Джонсон синдромы *, уытты эпидермальді некролиз*

- жыныс мүшесінен қан кету, приапизм*, гематоспермия, эрекция күшеюі
- ашушаңдық

*тіркеуден кейінгі бақылау кезеңінде тіркелген жағымсыз әсерлері.

Болжамды жағымсыз реакциялар туралы мәліметтерді хабарлау

Дәрілік препаратты тіркегеннен кейін анықталған болжамды жағымсыз реакциялар туралы мәліметтерді хабарлаудың үлкен мәні бар. Бұл дәрілік препараттың пайдасы мен қаупінің арақатынасының мониторингін жалғастыруға мүмкіндік береді.

Медициналық қызметкерлер және пациенттер медициналық қолдану бойынша берілген нұсқаулықтың аяғында көрсетілгенмекен-жай бойынша кез келген жағымсыз реакциялар туралы хабарлауын сұрайды.

Қолдануға болмайтын жағдайлар

- белсенді затқа немесе қосымша заттардыңкез келген келгеніне жоғары сезімталдық

- азот тотығының (амилнитрит) немесе нитраттардың кез келген түрінің донаторлары болып табылатын препараттарды бір мезгілде қабылдау

- гуанилатциклаза стимуляторларымен (риоцигуат) бір мезгілде қабылдау

- бауырдың ауыр жеткіліксіздігі

- көздің торқабығының тұқым қуалаған дегенеративті аурулары (мысалы, тұқым қуалаған пигментті ретинит (бұл пациенттердің біршамасында тұқым қуалаған торқабығының фосфодиэстеразасы бұзылуы бар)

- бұл эпизод бұрын ФДЭ-5 тежегішін қолданумен байланысты болуынан немесе байланысты болмауынан тыс, көру жүйкесінің алдыңғы артериялық емес ишемиялық нейропатиясы салдарынан бір көздің көрмей қалуы

- артериялық гипотензия (АҚ < 90/50 мм сын. бағ.)

- ауыр жүрек-қан тамыр аурулары (мысалы, ауыр жүрек жеткіліксіздігі, тұрақсыз стенокардия)

- соңғы 6 айда бастан өткерген миокард инфарктісі

- соңғы 6 айда бастан өткерген инсульт

- CYP3A4 изоферменті тежегіштерімен бір мезгілде қабылдау (мысалы, кетоконазол, итраконазол, ритонавир, эритромицин, саквинавир, кларитромицин)

- өкпе артериялық гипертензиясын емдеуге арналған препараттарды (бозентан, илопрост) және құрамында силденафил бар препараттарды немесе riociguat сияқты кез келген ФДЭ-5 басқа тежегіштерін бір мезгілде қабылдау

- сирек тұқым қуалайтын галактоза жақпаушылығы, Лaпп-лактаза тапшылығы немесе глюкоза және галактоза мальабсорбциясы синдпромы бар еркектерге

- эректильді дисфункцияны емдеуге арналған басқа ішу арқылы қабылданатын немесе жергілікті қолданылатын дәрілермен бір мезгілде қабылдау.

Сақтықпен:

  • жыныс мүшесінің анатомиялық деформациясы (соның ішінде, ангуляция, кавернозды фиброз немесе Пейрони ауруы)
  • приапизмнің дамуына бейімдейтін аурулар (орақ – жасушалы анемия сияқты (қызыл қан денешіктерінің аномалиясы), көптеген миелома (сүйек кемігінің обыры) немесе лейкемия (қан жасушаларының обыры)
  • қан ұюының кінәраттары (гемофилия)
  • қан кетуімен байланысты аурулар
  • асқазан немесе он екі елі ішектің ойық жара ауруының өршуі
  • альфа-адреноблокаторлар тобының препараттарымен бір мезгілде қабылдау
  • артериялық гипертензия (артериялық қысым (АҚ) > 170/100 мм сын. бағ.)

Тіркелген көрсетілімі бойынша препарат 18 жасқа дейінгі балалар мен жасөспірімдерде және әйелдерде қолдануға арналмаған.

Дәрілермен өзара әрекеттесуі

Силденафилге басқа дәрілік заттардың әсері

Силденафил метаболизмі негізінен P450 (CYP) цитохромының 3A4 (негізгі жолы) және 2C9 (қосалқы жолы) изоформалары арқылы жүзеге асады. Осылайша бұл ферменттердің тежегіштері силденафил клиренсін азайтуы мүмкін және бұл изоферменттердің индукторлары силденафил клиренсін ұлғайтуы мүмкін.

Силденафилді CYP3A4 тежегіштерімен (кетоконазол, эритромицин және циметидин сияқты) бір мезгілде қабылдағанда силденафил клиренсі төмендегені бақыланды. Пациенттердің осы тобында жағымсыз әсерлерінің жоғары жиілігі бақыланбайды, дегенмен Силдена препаратымен емді бастапқы 25 мг дозада бастау керек. Тепе-теңдік жай-күйінде P450 цитохромының күшті тежегіші болып табылатын ритонавирдің АИТВ протеаза тежегішін (тәулігіне екі рет 500 мг) силденафилмен (бір реттік дозада 100 мг) бір мезгілде қабылдау силденафилдің ең жоғарыконцентрациясының (Cmax) 300 % (4 есе) ұлғаюына әкеледі, сондай-ақ қан плазмасындағы силденафилдің AUC 1000 % (11-есе) ұлғаюына әкеледі.

Қан плазмасындағы силденафилдің деңгейі 24 сағаттан кейін тек силденафил қабылдағаннан кейін шамамен 5 нг/мл салыстырғанда 200 нг/мл жуықты құрайды. Бұл деректер P450 цитохромы субстраттарының кең ауқымына ритонавирдің айқын әсерімен сәйкес келеді. Жоғарыда келтірілген деректерді негізге ала отырып, силденафилді ритонавирмен бір мезгілде қолдану ұсынылмайды.

Силдена ритонавир фармакокинетикасына әсер етпейді.

Силденафилдің ең жоғары дозасы ешқандай жағдайда 48 сағат ішінде 25 мг аспауы тиіс.

Тепе-теңдік жай-күйінде CYP3A4 тежегіші болып табылатын саквинавирдің АИТВ протеаза тежегішін (тәулігіне үш рет 1200 мг) силденафилмен (бір реттік дозада 100 мг) бір мезгілде қабылдау силденафил Cmax 140 %-ға ұлғаюына, сондай-ақ силденафилдің AUC 210 %-ға артуына әкеледі.

Силденафил саквинавир фармакокинетикасына әсер етпейді. Кетоконазол және итраконазол сияқты күштірек тежегіштердің әсері айқынырақ болады.

Тепе-теңдік жай-күйінде CYP3A4 орташа тежегішімен, эритромицинмен (5 күн бойына тәулігіне екі рет 500 мг) бірге силденафилді 100 мг дозада бір мезгілде қабылдағанда силденафилдің жүйелік әсерінің 182 %-ға ұлғайғаны (AUC мәні бойынша анықталады) бақыланады.

Азитромицин (3 күн бойына тәулігіне 500 мг дозада) AUC, Cmax, Tmax, элиминация жылдамдығы константасына немесе силденафилдің кейінгі жартылай шығарылу кезеңі немесе оның негізгі айналымдағы метаболитінің көрсеткіштеріне әсер етпейді.

P450 цитохромының тежегіші болып табылатын циметидинді (800 мг) және спецификалық емес CYP3A4 тежегішімен силденафилді (50 мг дозада) бір мезгілде қабылдау қан плазмасындағысилденафилдің концентрациясының 56 % ұлғаюын туындатады.

Грейпфрут шырыны ішек қабырғасындағы CYP3A4 арқылы болатын метаболизмнің әлсіз тежегіші болып табылады және қан плазмасындағы силденафил деңгейінің орташа жоғарылауын туындатуы мүмкін.

Антацидті дәрілерді (магний гидроксидін/алюминий гидроксидін) бір рет қабылдау силденафил биожетімділігіне әсер етпейді.

CYP2C9 тежегіштері (толбутамид, варфарин және фенитоин), CYP2D6 тежегіштері (серотонинді кері қармаудың селективті тежегіштері, трициклды антидепрессанттар), тиазидті және тиазидке ұқсас диуретиктер, ілмекті және калий жинақтаушы диуретиктер,ангиотензин-өзгертуші фермент тежегіштері (АӨФ), кальций өзекшелерінің бөгегіштері, бета-адренергиялық рецепторлары бөгегіштері және 450 метаболизмдік белсенділігінің индукторлары (рифампицин, барбитураттар) силденафил фармакокинетикасына әсер етпейді.

Тепе-теңдік жай-күйінде эндотелин бозентанының антагонисін (125 мг тәулігіне екі рет) (CYP3A4, CYP2C9 орташа индукторларын және CYP2C19 болуы ықтимал) силденафилмен тепе-теңдік жай-күйінде (80 мг тәулігіне үш рет) бір мезгілде қабылдау силденафил үшін AUC және Cmax мәндерінің тиісінше 62,6 % және 55,4 % төмендеуіне әкеледі.

Осылайша, рифампин сияқты CYP3A4 күшті индукторларыменбір мезгілде қолданғанда қан плазмасындағы силденафилдің концентрациясының айқынырақ төмендеуін шарттайды деп болжанады.

ФДЭ-5 басқа тежегіштерімен немесе эректильді дисфункцияны емдеудің басқа әдістерімен бір мезгілде қолдану

Силденафилді ФДЭ-5 басқа тежегіштерімен немесе эректильді дисфункцияны емдеуге арналған басқа препараттармен немесе өкпенің артериялық гипертензиясын емдеуге арналған (ӨАГ) немесе құрамында силденафил бар басқа дәрілік препараттармен біріктірілімде қолданудың қауіпсіздігі және тиімділігі зерттелмеген. Осыған байланысты препараттардың бұндай біріктірілімін пайдалану ұсынылмайды.

Никорандил калий өзекшелерінің және нитраттың өзекшелерінің белсендіргіш гибриді болып табылады.

Нитратты компонент есебінен ол силденафилмен күрделі өзара әрекеттесулерге түсу қабілетінің ықтималдығы бар.

Силденафилдің басқа дәрілік заттарға әсері

Силденафилдің теофиллин немесе дипиридамол сияқты фосфодиэстеразаның спецификалық емес тежегіштерімен өзара әрекеттесулері туралы деректер жоқ.

Силденафилдің NO/цГМФ дабыл жолына белгілі әсеріне сәйкес силденафил нитраттардың гипотензиялық әсерін күшейтуге ықпалды, атап айтқандаартериялық қысымды елеулі төмендетуге ықпалды. Сондықтан оны азот тотығының донаторларымен (амилнитрит) немесе кез келген түрдегі нитраттармен бір мезгілде қолдану қарсы көрсетілімде.

Риоцигуат

Риоцигуат ФДЭ-5 тежегіштерінің гипотензиялық әсерін күшейтеді. Зерттелген популяцияда бұндай біріктірілімді қолданғандағы жағымды клиникалық әсері туралы деректер болмады. Риоцигуатты ФДЭ-5 тежегіштерімен, оның ішіндесилденафилмен бір мезгілде қолдану қарсы көрсетілімде.

Альфа-адреноблокаторлармен бір мезгілде қолдану

Оларды бір мезгілде қолдану кейбір сезімтал пациенттерде симптоматикалық артериялық гипотензияға әкелуі мүмкіндігіне байланысты альфа-адреноблокаторлар тобының препараттарын қабылдайтын пациенттерде силденафилді сақтықпен қолдану ұсынылады. Бұның ең ықтимал бақылану мүмкіндігі силденафил дозасын қабылдағаннан кейін 4 сағат ішінде болуы мүмкін. Постуральді артериялық гипотензиясының даму қаупін төмендету үшін альфа-адреноблокаторлармен ем алатын пациенттерде силденафилмен емді бастамас бұрын гемодинамикалық тұрақтылық жай-күйіне қол жеткізу керек.

25 мг дозамен силденафил қолдануды бастау мүмкіндігін қарастыру керек.

Бұдан басқа, дәрігерлер постуральді гипотензия симптомдары туындау жағдайларындағы әсері туралы пациенттерге нұсқау беру керек.

Доксазозин емі көмегімен тұрақтандырылған пациенттерде силденафил және доксазозинді бір мезгілде қолданғанда симптоматикалық артериялық гипотензия, бас айналуы және естен тану алдындағы, бірақ естен танбайтын жай-күйдің сирек жағдайлары туындағаны туралы хабарланды. Силденафилді (50 мг дозада)екеуі де CYP2C9 метаболизденетін толбутамидпен (250 мг дозада) немесе варфаринмен (40 мг дозада) бір мезгілде қолданғанда елеулі өзара әрекеттесулері анықталмады.

Силденафил (50 мг дозада) ацетилсалицил қышқылын (150 мг дозада) қабылдаудан туындаған қан кету уақытының артуына ықпал етпейді.

Силденафил (50 мг дозада) еркектерде қандағы 80 мг/дл алкогольдің орташа ең жоғары деңгейінде алкогольдің гипотензиялық әсерінің күшеюіне ықпал етпейді.

Гипертензияға қарсы дәрілік препараттардың келесі: диуретиктер, бета-блокаторлар, АӨФ тежегіштері, ангиотензин II антагонистері, гипертензияға қарсы дәрілік заттар (тамыр кеңейтетін және орталықтық әсері), адренергиялық нейроблокаторлар, кальций өзекшелерінің блокаторларыжәне альфа-адренорецепторлар блокаторлары - кластарын біріктіру плацебо қабылдайтын пациенттермен салыстырғанда силденафил қабылдайтын пациенттердегі жағымсыз әсерлері бейінініңайырмашылығын анықтамады. Артериялық гипертензиясы бар пациенттердесилденафил (100 мг дозада) амлодипинмен бір мезгілде қолданылған дәрілік заттардың өзара әрекеттесулерінің арнайы зерттеулерінде шалқасынан жатқан күйдегі систолалық артериялық қысымның тиісінше қосымша төмендеуі 8 мм. сын. бағ. құрады.

Шалқасынан жатқан күйдегі диастолалық артериялық қысымның тиісінше қосымша төмендеуі 7 мм. сын. бағ. құрады. Артериялық қысымның бұл қосымша төмендеуі дені сау еріктілерде монотерапия ретіндесилденафил пайдаланғанда бақыланғандармен мөлшері бойынша ұқсас болды.

Силденафил (100 мг дозада) тепе-теңдік жай-күйіндегі АИТВ протеаза тежегіштерінің, CYP3A4 субстраттары болып табылатынсаквинавир және ритонавирдің фармакокинетикасына әсер етпейді.

Ер жынысты еркектерде тепе-теңдік жай-күйінде бозентанмен силденафилді (80 мг тәулігіне үш рет) бір мезгілде қолданғанда бозентанның (125 мг тәулігіне екі рет) AUC және Cmax тиісінше 49,8 % және 42 %-ға жоғарылауын туындатады.

Айрықша нұсқаулар

Эректильді дисфункцияны диагностикалау және оның болжамды бастапқы себептерін анықтау үшін ауру тарихын зерттеу керек және фармакологиялық емнің мүмкіндіктерін қарастырғанға дейін медициналық тексеру жүргізу керек.

Жүрек-қан тамыр ауруларының қауіп факторлары

Эректильді дисфункцияның емінбастар алдында емдеуші дәрігер өз пациенттерінің жүрек-тамырлық статусын бағалауы керек, өйткені сексуалдық белсенділікке байланысты жүрек асқынулары қаупінің белгілі бір дәрежесі бар.

Силденафил тамыр кеңейтетін қасиетке ие, артериялық қысымның жеңіл және өтпелі төмендеуге әкеледі.

Силденафилді тағайындар алдында дәрігер белгілі бір негізгі аурулары бар пациенттердің жай-күйіне, силденафилдің тамыр кеңейтетін әсерінің әсіресе оларды сексуалдық белсенділікпен үйлестіргендегі жағымсыз салдарының ықтималдығын мұқият тексеруі керек.

Тамыр кеңейтетін дәрілергесезімталдығы жоғары топқа сол жақ қарыншаның жоғарғы бөлігінің тарылуы бар пациенттер (мысалы, аорта стенозы, гипертрофиялық обструкциялық кардиомиопатиясы бар), сондай-ақ артериялық қысымды автономды ауыр дәрежедегі бұзылу түрінде білінетін көптеген жүйелік атрофияның сирек синдромы бар пациенттер жатады.

Силденафилнитраттардың гипотензиялық әсерін күшейтеді.

Тіркеуден кейінгі кезең барысында силденафилді қолдану кезінде миокард инфарктісін, тұрақсыз стенокардияны, жүректен кенет өлуді, қарыншалық аритмияны, цереброваскулярлық қан кетуді және транзиторлық ишемиялық шабуылды, артериялық гипертензияны және артериялық гипотензиянықоса, күрделі жүрек-қантамыр аурулары жағдайлары тіркелді. Осы пациенттердің көпшілігінде, бірақ бәрінде емес, бұрын жүрек-қантамыр ауруларының қауіпті факторлары болған.Осы құбылыстардың көбі жыныстық қатынас кезінде немесе жыныстық қатынасты аяқтағаннан кейін көп ұзамай тіркелген, сондай-ақбірнеше құбылыстар силденафилді сексуальді белсенділіксіз қабылдағаннан кейін көп ұзамай тіркелген.Осы құбылыстыңсилденафилді қабылдаумен, сексуальді белсенділікпен, бұрыннан бар жүрек-қантамыр ауруымен, осы факторлардың бірігуімен немесе басқа факторлармен тікелей байланысының бар-жоқтығын анықтау мүмкіндігі жоқ.

Приапизм

Эректильді дисфункцияны емдеуге арналған дәрілік препараттарды, оның ішінде силденафилді, жыныс мүшесінің анатомиялық деформациясы бар (ангуляция, кавернозды фиброз немесе Пейрони ауруы сияқты) пациенттерде, сондай-ақ приапизм дамуына бейімдейтін аурулары бар пациенттерде (орақ-жасушалы анемия, көптеген миелома немесе лейкемия сияқты)сақтықпен қолдану керек.

Силденафилді тіркеуден кейінгі қолдану кезеңінде ұзаққа созылған эрекция жағдайы жәнеприапизм хабарланды. 4 сағаттан астам созылған эрекция жағдайында пациентке медициналық шұғыл көмек алуы керек. Шұғыл емдемеген жағдайда приапизм жыныс мүшесінің тінінің зақымдануына және потенцияның қайтымсыз жойылуына әкелуі мүмкін.

Көруге әсері

Силденафилді және басқа да ФДЭ-5 тежегіштерін қабылдауға байланысты көрудің бұзылуы, атап айтқанда сирек кездесетін ауру - көру жүйкесінің артериялық емес алдыңғы ишемиялық нейропатиясы жағдайлары болды. Көру өткірлігінің кез келген ақауы туындаған жағдайда Силденаны қабылдауды тоқтату және дәрігерге қаралу керек.

Альфа-адреноблокаторлармен бір мезгілде қабылдау

Оларды бір мезгілде қолдану кейбір сезімтал адамдарда симптоматикалық гипотензияға әкелуі мүмкіндігіне байланысты альфа-блокаторлар қабылдайтын пациенттерде силденафилді сақтықпен тағайындау керек. Бұның ең ықтимал мүмкіндігі силденафил қабылдағаннан кейін 4 сағат ішінде болуы мүмкін. Постуральді гипотензиясының потенциалды даму қаупін ең аз ету үшін пациенттер силденафилмен емді бастағанға дейін альфа-блокаторлармен емге гемодинамикалық тұрақты болуы тиіс. Силденафилдің бастапқы ұсынылатын дозасы 25 мг құрайды. Бұдан басқа, дәрігерлер постуральді гипотензия симптомдары туындау жағдайларында не істеу керегі туралы пациенттерге кеңес беруі тиіс.

Қан ұюына әсері

Силденафил натрий нитропруссидінің антиагрегациялық әсерін күшейтеді.

Қан ұюының бұзылуы немесе белсенді пептидтік ойық жарасы бар пациенттерде силденафилді қолданудың қауіпсіздігі жөніндегі мәліметтер жоқ, сондықтан силденафилді пайда/қаупінің арақатынасын мұқият бағалаудан кейін ғана қолдану керек.

Силденаны препарат қабығында лактоза болуы салдарынан сирек тұқым қуалайтын галактоза жақпаушылығы, Лапп лактаза тапшылығы немесе глюкоза және галактоза мальабсорбциясы синдромы бар еркектерде қолдануға болмайды.

Жүктілік және лактация кезеңі

Силдена әйелдерге қолдану үшін көрсетілмеген.

Силдена препаратын тиісінше және қатаң бақыланатын зерттеулер жүкті әйелдерге және бала емізетін әйелдерге жүргізілген жоқ.

Ұрпақ өрбіту функциясы

Силденафилді 100 мг дозада бір рет ішу арқылы қабылдағаннан кейін препараттың сперматозоидтар қозғалғыштығына немесе олардың морфологиясына әсері анықталмады.

Автокөлік құралын немесе қауіптілігі зор механизмдерді басқару қабілетіне дәрілік заттың ықпал ету ерекшеліктері

Силденафил автокөлік құралдарын басқару немесе қауіптілігі зор механизмдермен жұмыс істеу қабілетіне әсері зерттелмеген.

Автокөлік құралдарын басқару немесе қауіптілігі зор механизмдермен жұмыс істеу алдында пациенттерге препараттың бас айналуы және көру арқылы қабылдаудың бұзылуы сияқты жағымсыз әсерлері болуына байланысты олардың организмдерінің Силдена қабылдауға қалай реакция беретіндігін түсіндіру керек.

Артық дозалануы

Симптомдары: жағымсыз әсерлердің күшеюі.

Емі: симптоматикалық. Диализ силденафил клиренсін жеделдетпейді, өйткені ол қан плазмасының ақуыздарымен белсенді байланысады және несеппен шығарылмайды.

Шығарылу түрі және қаптамасы

Үлбірлі қабықпен қапталған 50 мг және 100 мг таблеткалар.

1 немесе 4 таблеткадан поливинилхлоридті үлбірден және алюминий фольгадан жасалғанпішінді ұяшықты қаптамаға салады.

1 пішінді ұяшықты қаптамадан медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салады.

Сақтау шарттары

25 °С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецепт арқылы

Өндіруші

Actavis Ltd., Zejtun, Мальта

Б16, Булебел Индастриал Истейт, Зейтун ЗТН 08, Мальта

Тіркеу куәлігі ұстаушысының атауы мен елі

Actavis Group PTC ehf., Reykjavikurvegur, Исландия

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын жәнедәрілік заттың тіркеуден кейінгі қауіпсіздігін қадағалауға жауапты ұйымныңатауы, мекенжайы және байланыс деректері (телефон, факс, электронды пошта):

«ратиофарм Қазақстан» ЖШС, 050059 (А15Е2Р), Алматы қ., Әл-Фараби даңғылы 17/1, Нұрлы-Тау БО, 5Б, 6-қабат. Телефон: (727)3251615;

е-mail: safety.kazakhstan @tevapharm.com; веб сайт: www.teva.kz