Біздің компаниямыз жайлы жалпы ақпарат.
Дәрілік препаратты медициналық қолдану жөніндегі нұсқаулық
Саудалық атауы
СИМЕКАР® 40
Халықаралық патенттелмеген атауы
Симвастатин
Дәрілік түрі, дозалануы
Үлбірлі қабықпен қапталған таблеткалар, 40 мг
Фармакотерапиялық тобы
Жүрек-қантамыр жүйесі. Липид-модификациялайтынпрепараттар.
Липид-модификациялайтынпрепараттар, қарапайымдар. HMG-CoА-редуктаза тежегіштері. Симвастатин.
АТХ коды С10АА01
Қолданылуы
Гиперхолестеринемия
- диетаға реакция және емдеудің басқа фармакологиялық емес тәсілдері (мысалы, дене жаттығулары, салмақты азайту) жеткіліксіз болғанда диетаға қосымша ретінде бастапқы гиперхолестеринемияны немесе аралас дислипидемияны емдеуде.
- диетаға және липидтер деңгейін төмендететін емдеудің басқа тәсілдеріне (мысалы: ТТЛП аферезі) қосымша ретінде, немесе егер ондай ем жарамсызболғанда гомозиготалы отбасылық гиперхолестеринемияны (HoFH) емдеуде.
Жүрек-қантамыр профилактикасы
- манифестік атеросклероздық жүрек-қантамыр ауруы немесе холестерин деңгейі қалыпты немесе жоғары қант диабеті бар пациенттерде жүрек-қантамырдан болатын болатын өлімді және ауруға шалдығуды азайту үшін басқа қауіп факторларын түзетуге және басқа қауіп факторларын түзетуге және басқа кардиопротекторлық емге толықтыру ретінде
Дәрілік препаратты қолданудың басталуына дейінгі қажетті мәліметтер тізбесі
Қолдануға болмайтын жағдайлар
- гемфиброзилді, циклоспоринді немесе даназолды бір мезгілде қолдану
- симвастатинді тәулігіне 40 мг-ден асатын дозаларда ломитапидпен бір мезгілде қолдану
- балалар мен 18 жасқа дейінгі жасөспірімдер
Қолдану кезіндегі қажетті сақтандыру шаралары
Миопатия/рабдомиолиз
Симвастатин ГМГ-КоA-редуктазаның басқа да тежегіштері сияқты, кейде симптомдары бұлшықеттердің ауыруы мен әлсіреуі, сондай-ақ креатинкиназа белсенділігінің жоғарылауы (қалыптың жоғарғы шегімен салыстырғанда 10 есе көп) болатын миопатияны туындатады. Миопатия кейдемиоглобинурия себеп болатын немесе онсыз бүйректің жедел жеткіліксіздігі бар рабдомиолиз түрінде болады. Өліммен аяқталған өте сирек жағдайлар болған. Қан плазмасындағы ГМГ-КоA-редуктаза тежегіштерінің жоғары белсенділігі миопатияның даму қаупін арттырады.
ГМГ-КоA-редуктазаның басқа тежегіштері жағдайындағы сияқты миопатияның және (немесе) рабдомиолиздің даму қаупі доза шамасына байланысты.
ТТЛП холестерині деңгейін төмендету тиімділігі ұқсас статиндерге негізделген басқа емдеу тәсілдерімен салыстырғанда 80 мг дозадағы симвастатинмен емделген пациенттерде миопатияның даму қаупі жоғары. Сондықтан 80 мг дозадағы симвастатиндігиперхолестеринемияның ауыр түріне шалдыққан және аз дозалар тағайындалғанда холестеринді қажетті төмендетуге жете алмаған жүрек-қантамыр жүйесі тарапынан асқынулардың пайда болу қаупі жоғары пациенттерде, сондай-ақ егер күтілетін пайдасы әлеуетті қаупінен басым болса ғана қолдану керек. Симвастатинді 80 мг дозада қабылдайтын, симвастатинмен дәрілік өзара әрекеттесуге түсетін препаратты тағайындау қажет болатын пациенттерде симвастатинді аз дозада қолдану немесе қолайсыз дәрілік өзара әрекеттесулердің даму қаупі аз статиндерге негізделген баламалы ем тағайындау керек.
Тасымалдаушы ақуыздар белсенділігінің бәсеңдеуі
Бауырда тасымалдаушы ақуыздар(OATP) белсенділігінің бәсеңдеуі симвастатиннің жүйелі экспозициясының ұлғаюын туындатып, миопатия мен рабдомиолиздің даму қаупін арттыруы мүмкін. Осы ақуыздар белсенділігінің бәсеңдеуі өзара әрекеттесуге түсетін препараттардың (мысалы: циклоспорин) тежеу әсерінің нәтижесінде болуы немесе SLCO1B1 c.521T>C генотипін тасымалдаушы пациенттерде көрініс беруі мүмкін.
OATP1B1 белсенділігі аз ақуызын кодтайтын SLCO1B1 (c.521T>C) гені аллель тасымалдаушылары болып табылатын пациенттерде симвастатиннің жүйелі экспозициясының ұлғаюы және миопатияның жоғары даму қаупі білінеді. Симвастатиннің жоғары дозасын (80 мг) қолданумен байланысты миопатияның жалпы туындау қаупі 1% жуық құрайды, генетикалық тестілер орындалуынсыз анықталған. Егер мүмкін болса, СС генотипінің тасымалдаушыларында симвастатиннің 80 мг дозасын қолданар алдында пайда/қауіп арақатынасын бағалау элементі ретінде С аллельдің бар-жоғына зерттеу жүргізу қарастырылып, жоғары дозаларды қолданбау керек. Сонымен қатар, генотип зерттеуінде бұл геннің болмауы миопатияның туындау мүмкіндігін жоққа шығармайды.
Креатинкиназа (КK) белсенділігін анықтау
Қарқынды дене жүктемесінен кейін немесе КК белсенділігінің жоғарылауына ықпал ететін басқа факторлар болғанда креатинкиназаны анықтауға болмайды, өйткені бұл алынған нәтижелердің түсіндірілуін қиындатады. КК белсенділігінің елеулі жоғарылауында (қалыптың жоғарғы шегімен салыстырғанда 5 еседен астам) алынған нәтижелерді растау мақсатында 5-7 күн өткен соң КК белсенділігін қайта анықтау қажет.
Емдеуді бастар алдында
Симвастатинмен емделе бастаған, сондай-ақ симвастатин дозасы арттырылатын пациенттердің бәрін миопатияның басталуы мүмкін екенінен хабардар етіп, анықталмаған бұлшықет ауырулары, жоғары тактильді сезімталдық немесе әлсіздік білінген жағдайда дәрігерге шұғыл қаралуға кеңес беру керек.
Рабдомиолиздің дамуына бейімдеуші факторлар болатын пациенттерде сақ болу қажет. Бастапқы референтті мәндерді анықтау мақсатында емдеуді бастар алдында келесі жағдайларда КК белсенділігін анықтау керек:
Бұл жағдайларда емдеуден күтілетін пайда мен онымен байланысты қауіп арақатынасын салыстыру қажет. Пациенттің жағдайына клиникалық мониторинг өткізу көрсетілген. Егер бұрын пациентте статиндердің немесе фибраттардың бұлшықеттерге уытты әсер етуі білінсе, емдеуді өте абайлап бастау керек. Егер бастапқы КК белсенділігі едәуір жоғары (қалыптың жоғарғы шегінен 5 еседен астам) болса, емдеуді бастауға болмайды.
Емделу кезінде
Егер емделу кезінде статиндер қабылдайтын пациентте миалгия, бұлшықеттердің ауырсынуы немесе құрысуы пайда болса, КК белсенділігін анықтау қажет. Егер пациентте анықталған КК белсенділігі қарқынды дене жүктемесі болмағанда едәуір жоғары болса (қалыптың жоғары шегінен бес еседен аса көп), симвастатин қабылдауды тоқтату керек. Егер бұлшықеттер тарапынан симптомдар күшейсе және күнделікті жайсыздануды туғызса, тіпті егер КК белсенділігі қалыптың жоғарғы шегінен бес есе аспаса да, емдеуді тоқтатуды ойластыру қажет. Қандай да бір басқа себепке қатысты миопатия күдік тудырса, дәрілік препаратты тоқтату керек.
Егер бұлшықет жүйесі тарапынан болатын симптомдар басылса, ал КК көрсеткіші қалып шегіне оралса, пациенттің денсаулық жағдайын мұқият бақылау шартымен әрі қарай ең аз тиімді дозада статин қабылдауды қарастыру керек.
Тәулігіне 80 мг дозада симвастатинмен емделген пациенттер жағдайында миопатияның көрініс беру жиілігі жоғары болды. Миопатияның субклиникалық жағдайларын анықтауға арналған зерттеу сапасы үшін КК белсенділігін мезгіл-мезгіл зерттеу ұсынылады. Алайда оның миопатия дамуын болдырмауға мүмкіндік беретініне сенімділік жоқ.
Жоспарлы күрделі операцияға дейін немесе емдік әлде хирургиялық емдеу қажет болған жағдайда бірнеше күн бұрын симвастатинмен емделуді тоқтату керек.
Дәрілік заттың өзара әрекеттесуінен туындаған миопатияның қаупін төмендету шаралары
Симвастатинді CYP3A4 қуатты тежегіштерімен (итраконазол, кетоконазол, позаконазол, вориконазол, АИТВ-протеаза тежегіштері (мысалы, нелфинавир), боцепревир, телапревир, эритромицин, кларитромицин, телитромицин және нефазодон, құрамында кобицистат бар препараттар), сондай-ақ гемфиброзил, циклоспорин және даназолды бір мезгілде қолданғанда миопатия мен рабдомиолиз қаупіедәуір артады. Осы дәрілік препараттарды қолдануға болмайды.
Амиодаронмен, амлодипинмен, верапамилмен немесе дилтиаземмен бір мезгілде симвастатиннің белгілі бір дозаларымен емделу кезінде миопатия мен рабдомиолиздің даму қаупі артады. Фузид қышқылы мен статиндерді бір мезгілде қолдану кезінде, рабдомиолизді қоса, миопатияның басталу қаупі артады. Тұқым қуалайтын гомозиготалы гиперхолестеринемиямен науқастарда қауіп симвастатинді ломитапидпен бір мезгілде қолданғанда артады.
Симвастатинді CYP3A4 тежегіштерімен: итраконазол, кетоконазол, позаконазол, вориконазол, АИТВ-протеаза тежегіштерімен (мысалы, нелфинавир), боцепревир, телапревир, эритромицин, кларитромицин, телитромицин және нефазодонмен және құрамында кобицистат бар препараттармен бір мезгілде қолдануға болмайды. Егер CYP3A4 қуатты тежегіштерін (AUC мәнін шамамен 5 есе және одан жоғарыға арттыратын препараттар) бір мезгілде қолдану қажет болса, симвастатин қолдануды тоқтату (және статиндер тобынан басқа препарат туралы шешім қабылдау) керек. Бұдан бөлек, басқа CYP3A4 тежегіштерін: флуконазол, циклоспорин, верапамил, дилтиаземді симвастатинмен бір мезгілде қолданғанда сақ болу қажет. Грейпфрут шырыны мен симвастатинді бір мезгілде қабылдаудан аулақ болу керек.
Симвастатинді гемфибразилмен қолдануға болмайды. Басқа да фибраттарды (фенофибратты қоспағанда) қабылдайтын пациенттерде миопатия мен рабдомиолиздің жоғары даму қаупін ескеріп, симвастатин дозасын тәулігіне 10 мг-ден көп арттыруға болмайды. Фенофибратты симвастатинмен бір мезгілде қолданғанда сақ болу керек, өйткені монотерапия кезінде осы препараттардың әрқайсысы миопатияға әкелуі мүмкін.
Фузид қышқылы
Симвастатинді фузид қышқылының жүйелі дәрілік түрлерімен бір мезгілде, сондай-ақ фузид қышқылымен емдеу тоқтатылғаннан кейін 7 күн ішінде тағайындауға болмайды. Осындай біріктіріліммен емделген пациенттер арасында рабдомиолиз (өлімге ұшыратуын қоса) жағдайлары жөнінде хабарламалар бар. Фузид қышқылын жүйелі қолдану қажет болатын пациенттерде статиндермен емдеуді фузид қышқылымен емделген уақытта тоқтату керек. Пациентті бұлшықеттің әлсіреу, бұлшықеттердің ауыру немесе ауырсыну симптомдары білінген жағдайда дереу дәрігерге қаралу керегінен хабардар ету керек. Статиндермен емдеуді фузид қышқылының соңғы дозасын қабылдаудан кейін жеті күн өткен соң жаңғыртуға болады. Фузид қышқылының ұзаққа созылатын жүйелі емі, мысалы, ауыр инфекцияларды емдеуге қажет болатын айрықша жағдайларда симвастатин мен фузид қышқылын бір мезгілде қолдануды тек қана әркімде жекеше мұқият дәрігерлік бақылаумен қарастыруға болады.
Тәулігіне 20 мг-ден асатын дозаларда симвастатинді амиодарон, амлодипин, верапамил немесе дилтиаземмен бір мезгілде қолданудан аулақ болу керек.
Симвастатинмен бір мезгілде CYP3A4 орташа тежейтін басқа дәрілік препараттарды, әсіресе, симвастатиннің жоғары дозаларын қабылдайтын пациенттерде миопатияның туындау қаупі жоғары болуы мүмкін. Симвастатинді CYP3A4 орташа тежегіштерімен (AUC мәнінің шамамен 2 еседен 5 есеге дейін артуына әкелетін зат) бір мезгілде қолданғанда дозаны түзету қажет болуы мүмкін. Егер CYP3A4 тежегіштерін орташа тежейтін әсері бар белгілі бір заттар, мысалы, дилитиазем қолданылса, симвастатинді 20 мг-ден аспайтын дозада енгізу ұсынылады.
Симвастатин сүт безі обырына резистентті ақуыз тасымалдауышының субстраты болып табылады (BCRP-breast cancer resistance protein). BCRP тежегіштері болып табылатын (мысалы, элбасвир және гразопревир) өнімдерді қатар енгізу плазмадағы симвастатин концентрациясының ұлғаюына және миопатияның жоғары қаупіне әкелуі мүмкін; сондықтан симвастатин дозасын реттеуді ұйғарылған дозаға байланысты қарау керек. Элбасвир мен гразопревирді симвастатинмен бірге енгізу зерттелмеген; алайда симвастатиннің дозасы құрамында элбасвир немесе гразопревир бар өнімдер болатын қосымша дәрі-дәрмек алатын пациенттерде күніне 20 мг-ден аспауға тиіс.
Сондай-ақ CYP3A4 рецепторларына орташа әсері бар препараттармен емдеу курсын алатын пациенттерде осы қауіптің артуы салдарынан симвастатиннің дозасы түзетілуге тиіс.
ГМГ-КоА редуктаза тежегіштерін және монотерапияда қолданылғанда миопатияны туғызуы мүмкін ниацинді (никотин қышқылы) липидтер деңгейлеріне ықпал ететін дозаларда (≥1 г/тәулік) бір мезгілде қолданумен байланысты миопатия/рабдомиолиздің сирек жағдайлары хабарланды.
Симвастатинмен және ниацинмен липидтер деңгейін модификациялайтын дозаларда (≥1 г/тәулік) немесе құрамында ниацин бар басқа препараттармен біріктірілген емді қарастыратын дәрігерлер ықтимал пайдасы мен қатер арақатынасын тиянақты бағалауы, сондай-ақ бұлшықеттердің ауыруы, ауырсынуы немесе әлсіреуі сияқты белгілердің немесе симптомдардың білінуіне қатысты, әсіресе, емдеудің алғашқы айларында және екі препараттың да дозаларын арттыру кезінде пациентті мұқият қадағалауға тиіс.
Клиникалық нәтижелерді бағалауға қатысты жалғастырылатын клиникалық сынақтардан алынған деректердің уақытша талдауында емдеу қауіпсіздігін қадағалау мәселесі жөніндегі тәуелсіз комиссия симвастатинді 40 мг дозадажәне никотин қышқылының ларопипрантпен 2000 мг/40 мг дозадағы біріктірілген емін қабылдайтын қытай текті пациенттерде миопатияның көрініс беру жиілігінің, жорамалдануымен салыстырғанда, жоғары екенін атап өтті. Сондықтан қытай тектес тұлғаларда симвастатинді ниацинмен (никотин қышқылы) немесе липид модификациялаушы дозалардағы (≥1 г/тәулік) құрамында ниацин бар препараттармен қолданғанда ерекше сақ болу керек. Статиндермен емделу кезінде миопатияның даму қаупі дозаға тәуелді болғандықтан, қытай тектес тұлғаларда 80 мг дозадағы симвастатинді ниацинмен (никотин қышқылы) немесе липид модификациялаушы дозалардағы (≥1 г/тәулік) құрамында ниацин бар препараттармен бір мезгілде қолдану ұсынылмайды. Симвастатинді ниацинмен (никотин қышқылы) немесе липид модификациялаушы дозалардағы (≥1 г/тәулік) құрамында ниацин бар препараттармен бір мезгілде қабылдайтын азиялық тектес басқа тұлғаларда миопатияның даму қаупінің қаншалықты жоғары екені белгісіз.
Аципимокс
Аципимокс ниацинмен құрылымдық жағынан байланысты. Аципимокс зерттелмесе де, бұлшықеттермен байланысты уытты әсерлердің қаупі ниацинге ұқсас болуы мүмкін.
Даптомицин
ГМГ-КоА-редуктазаның тежегіштерін (мысалы, симвастатин) және даптомицинді бір мезгілде қолданғанда миопатияның және/немесе рабдомиолиздің дамуы туралы хабарламалар алынды. ГМГ-КоА-редуктаза тежегіштерін даптомицинмен бір мезгілде тағайындаған кезде сақ болу керек, өйткені осы агенттердің кез келгені жеке қолдану кезінде миопатия және/немесе рабдомиолиз тудыруы мүмкін. Мұндай емнен күтілетін пайда ықтимал қауіптен басым түсетін жағдайларды қоспағанда, даптомицинді қабылдайтын пациенттерде СИМЕКАР®40 уақытша тоқтату мәселесін қарастыру керек. ГМГ-КoA редуктаза тежегіштерімен (мысалы, симвастатинмен) әлеуетті өзара әрекеттесу туралы қосымша ақпарат алу үшін және мониторингпен байланысты қосымша нұсқаулар алу үшін даптомицинді қолдану жөніндегі ақпаратқа жүгініңіз.
Бауыр функциясына ықпалы
Клиникалық зерттеулер кезінде симвастатин алатын бірнеше ересек пациентте қан сарысуында трансаминазалар белсенділігінің (қалыптың жоғарғы шегімен салыстырғанда 3 еседен көп асып кететін) тұрақты жоғарылауы білінген. Осы пациенттер симвастатин қабылдауды тоқтатқан немесе аяқтаған соң трансаминазалар белсенділігі, әдетте, емдеуге дейінгі бастапқы көрсеткіштеріне біртіндеп оралған.
АЛТ энзимінің шығу тегі бұлшықеттік болуы мүмкін екенін есте сақтау керек, сондықтан КК-мен бір мезгілде АЛТ белсенділігінің жоғарылауы миопатияны нұсқауы мүмкін.
Клиникалық зерттеулерде симвастатин алатын ересек пациенттердің бірнешеуінде сарысудағы трансаминазалардың тұрақты жоғарылауы (қалыптың жоғарғы шегімен салыстырғанда 3 еседен көп асатын) болды. Симвастатин қабылдау тоқтатылған кезде, әдетте, трансаминаза деңгейлері бастапқы деңгейге дейін баяу төмендеді.
Постмаркетингтік зерттеулерде статиндер, соның ішінде симвастатин қабылдайтын пациенттерде өлімге ұшырататын және ұшыратпайтын бауыр жеткіліксіздігінің даму жағдайлары сирек хабарланды. Егер симвастатинмен емделу кезінде клиникалық симптомдарымен және (немесе) гипербилирубинемиямен немесе сарғаюмен бауырдың күрделі зақымдануы болса, емдеуді дереу тоқтату керек. Егер бауыр жеткіліксіздігінің басқа себептері анықталмаса, СИМЕКАР® 40 препаратымен емдеуді жаңғырту ұсынылмайды.
Шамадан тыс алкоголь тұтынатын тұлғаларда қолданғанда сақтық таныту керек.
Қан сарысуында липидтер деңгейлерін төмендететін басқа белсенді заттар жағдайындағы сияқты, симвастатин алатын пациенттердің сарысуында трансаминазалар белсенділігінің орташа (қалыптың жоғарғы шегіннен үш еседен аз) жоғарылауы білінді. Бұл өзгерістер симвастатинмен емдеу басталған соң тез арада білінді, көбінесе транзиторлы сипатта болды, ешқандай басқа симптомдармен қатар жүрмеді және емдеуді тоқтатуды талап етпеді.
Қант диабеті
Кейбір деректер статиндер тобындағы барлық препараттардың қандағы глюкоза концентрациясын арттыратынын айғақтайды және қант диабетінің даму қаупі жоғары кейбір пациенттерде эндокринолог-дәрігердің қадағалауын талап ететін қарқынды гипергликемияны туындатуы мүмкін. Алайда, алынатын пайда аталған қауіптен тамыр ауруларын дамытатын қауіп дәрежесінің азаюы түрінде басым болады, соның өзінде статиндермен емдеуді тоқтатуға болмайды. Қауіп тобындағы пациенттерде (ашқарындағы глюкоза деңгейі 5,6-6,9 ммоль/л құрайды, дене салмағы индексі >30 кг/м2, триглицеридтердің жоғары деңгейі, артериялық гипертензия) жергілікті талаптарға сәйкес клиникалық және биохимиялық бақылау жүргізген жөн.
Интерстициальді өкпе ауруы
Симвастатинді қоса, кейбір статиндермен, әсіресе ұзақ емдеген кезде интерстициальді өкпе ауруы жағдайлары туралы хабарланған. Ескертуші белгілері ентігуді, өнімсіз жөтелді және жалпы денсаулық жағдайының нашарлауын (шаршау, салмақ жоғалту және қызба) қамтуы мүмкін. Егер пациентте интерстициальді өкпе ауруы дамығанына күдік туса, статиндермен емді тоқтату керек.
Балалар популяциясы
Отбасылық гетерозиготалы гиперхолестеринемиясы бар 10-17 жас аралығындағы пациенттерде симвастатин қолдану қауіпсіздігі мен тиімділігі бақыланған клиникалық зерттеуде бағаланды. Симвастатинмен емделген пациенттердегі жағымсыз реакциялар бейіні плацебо тағайындалған пациенттердегі бейініне ұқсас болды.
Осы жас тобында 40 мг-ден жоғары дозалары зерттелмеген. <18 жастағы пациенттерде 48 аптадан көп уақыт емделудің қауіпсіздігі мен тиімділігі зерттелмеген және препараттың дене, ақыл-ой және жыныс дамуына әсерінің кейіннен білінетін зардаптары белгісіз.
Cимвастатинді қолдану 10 жасқа толмаған пациенттерде, сондай-ақ жыныстық жетілуге жетпеген пациенттерде және алғашқы етеккір келуіне дейінгі қыз балаларда зерттелмеген.
Қосымша заттар
Бұл өнімнің құрамында лактоза бар. Сирек тұқым қуалайтын галактоза жақпаушылығы, Lapp (ЛАПП)-лактаза тапшылығы немесе глюкоза-галактоза мальабсорбциясы бар пациенттер бұл дәріні қабылдамауға тиіс.
СИМЕКАР®40 құрамында бояғыштар: кармуазин (Е122), “күн батар түстес” сары FCF (Е110), жылтыр көк (Е133)/индигокармин (Е132) бар, оларды балаларға арналған дәрілік препараттарда қолдануға тыйым салынған. Препаратты балаларға қолдануға тыйым салынған.
Басқа дәрілік препараттармен өзара әрекеттесуі
Дәрілік өзара әрекеттесуіне зерттеулер тек ересек пациенттердің қатысуымен жүргізілген.
Фармакодинамикалық өзара әрекеттесулері
Монотерапияда қолданылатын липидтер концентрациясын төмендететін дәрілік препараттармен өзара әрекеттесуі миопатияны тудыруы мүмкін.
Рабдомиолизді қоса, миопатияның даму қаупі фибраттарды бір мезгілде қолданғанда артады. Бұдан бөлек, гемфиброзилмен фармакокинетикалық өзара әрекеттесуі плазмадағы симвастатин концентрациясының ұлғаюына алып келеді. Симвастатинді фенофибратпен бір мезгілде енгізудің миопатияның даму қаупін, бөлек алынған әр белсенді заттың жиынтық қаупіне қарағанда, көп дәрежеде арттыру дәлелі жоқ. Фармакотерапияның қауіпсіздік мониторингінің тиісті деректері және басқа фибраттар үшін фармакокинетикалық деректер жоқ. Симвастатинді ниацинмен липид модификациялаушы дозаларда (тәулігіне ≥1 г) бір мезгілде қолданғанда миопатия/рабдомиолиз дамыған сирек жағдайлар болды.
Фармакокинетикалық өзара әрекеттесулері
Төмендегі кестеде өзара әрекеттесуге түсетін белсенді заттарды тағайындауға қатысты нұсқаулар берілген.
| Миопатияның / рабдомиолиздің жоғары қаупімен байланысты дәрілік өзара әрекеттесулер | |
| Өзара әрекеттесетін агенттер | Тағайындау жөніндегі нұсқаулар |
| CYP3A4 күшті тежегіштері, мыс., Итраконазол Кетоконазол Позаконазол Вориконазол Эритромицин Кларитромицин Телитромицин АИТВ протеаза тежегіштері (мыс., нелфинавир) Боцепревир Телапревир Нефазодон Кобицистат Циклоспорин Даназол Гемфиброзил | Симвастатин қолдануға болмайды |
| Басқа фибраттар (фенофибраттан басқа) | Симвастатин күніне 10 мг-ден артық емес. |
| Фузид қышқылы | Симвастатинмен қабылдау ұсынылмайды |
| Ниацин (никотин қышқылы) (күніне ≥ 1 г) | Азиялық ұлт өкілдеріне симвастатинмен қабылдау ұсынылмайды |
| Амиодарон Амлодипин Верапамил Дилтиазем Эльбасвир Гразопревир | Симвастатин күніне 20 мг-ден артық емес |
| Ломитапид | Тұқым қуалайтын гомозиготалы гиперхолестеринемиясы бар пациенттер үшін күніне 40 мг симвастатиннан асырмау керек. |
| Даптомицин | Егер бір мезгілде қабылдаудың пайдасы қаупінен басым түспесе, даптомицин қабылдайтын пациенттерде симвастатинді уақытша тоқтату мүмкіндігін қарастыру керек |
| Грейпфрут шырыны | Симвастатин қабылдаған кезде грейпфрут шырынын тұтынудан аулақ болу керек |
Басқа дәрілік препараттардың симвастатинге әсері.
CYP3A4 тежегіштеріне қатысты өзара әрекеттесулер.
Симвастатин P450 3A4 цитохромының субстратына жатады. Симвастатинмен емделу кезінде P450 3A4 цитохромының тежегіштерімен: итраконазолмен, кетоконазолмен, позаконазолмен, вориконазолмен, эритромицинмен, кларитромицинмен, телитромицинмен, АИТВ-протеаза тежегіштерімен, нефазодонмен, боцепревирмен, телапревирмен, құрамында кобицистат бар препараттармен, гемфиброзил, циклоспорин, даназол,флуконазол, верапамил, дилтиаземмен біріктіруге болмайды, өйткені миопатия/рабдомиолиздің пайда болу қаупін арттырады. Егер бұл препараттарды қолдану қажет болса, емдеу курсы кезеңінде симвастатин қолдануды тоқтату керек.
Циклоспорин.
Симвастатинмен қолдануға болмайды. Циклоспорин ГМГ-КоА редуктазаның AUC жоғарылатады. Миопатияның қаупі артады.
Даназол.
Қолдануға болмайды. Миопатия/рабдомиолиздің қаупі артады.
Гемфиброзил.
Симвастатиннің AUC жоғарылатады. Бірге қолдануға болмайды.
Фузид қышқылы.
Миопатия қаупін арттырады. Ұсынылмайды.
Амиодарон.
Миопатия/рабдомиолиздің даму қаупі артады.
Кальций өзекшесінің блокаторлары. Верапамил және Дилтиазем. Миопатия/рабдомиолиздің даму қаупі артады.
Амлодипин.
Симвастатин қышқылының экспозициясы ұлғаяды. Миопатияның пайда болу қаупі жоғарыламайды.
Ломитапид.
Тұқым қуалайтын гомозиготалы гиперхолестеринемиясы бар пациенттерде симвастатин күніне 40 мг-ден аспауы керек.
Никотин қышқылы.
Симвастатин мен никотин қышқылын қолданғанда миопатия/рабдомиолиз қаупі жоғарылайды. Никотин қышқылы мен симвастатинді қолданғанда симвастатин мен қан плазмасындағы симвастатин қышқылының AUC жоғарылауы байқалады. Азиялықұлт өкілдерінде СИМЕКАР® 40 және никотин қышқылын қолданғанда,миопатияның туындау жиілігі жалпы популяциядағысына қарағанда жоғарырақ.
Грейпфрут шырынының құрамында CYP3A4 тежейтін компоненттер бар. Емдеу кезінде грейпфрут шырынын пайдаланбау қажет.
Колхицин.
Бүйрек функциясының бұзылулары барпациенттерде колхицин мен симвастатинді қолданғанда миопатия/рабдомиолиз қаупі байқалады.
Рифампицин.
Рифампицинді қолданғанда симвастатиннің әсері тиімсіз болуы мүмкін, өйткені рифампицин CYP3A4 индукторы болып табылады.
Басқа препараттардың фармакокинетикасына симвастатиннің әсері.
СИМЕКАР®40 препараты P450 3A4 цитохромына тежегіштік әсер бермейді, P450 3A4 цитохромы арқылы метаболизденетін препараттардың қан плазмасындағы концентрациясына әсер етпейді.
Пероральді антикоагулянттар
Екі клиникалық зерттеуде, біреуі дені сау еріктілерде, ал екіншісі гиперхолестеринемиясы бар пациенттерде, симвастатин күніне 20-40 мг дозада кумариндік антикоагулянттардың әсерін аздап күшейтті: Халықаралық қалыптастырылған қатынас (ХҚҚ) ретінде ұсынылған протромбиндік уақытеріктілердегі және пациенттердегі зерттеулерде сәйкесінше 1.7 бастапқы мәнімен салыстырғанда 1.8 дейін және 2.6-дан 3.4 дейін ұлғайды. ХҚҚ жоғарылауының өте сирек жағдайлары туралы хабарланды. Кумариндік антикоагулянттарды қабылдайтын пациенттерде протромбиндік уақыттың елеулі өзгерістерінің жоқ екеніне кепілдік алу үшін протромбиндік уақытты симвастатин қабылдауға дейін және бастапқы ем кезінде барынша жиі анықтау керек. Тұрақты протромбиндік уақыт тіркелгеннен кейін протромбиндік уақытты кумариндік антикоагулянттарды қабылдайтын пациенттерге әдетте ұсынылатын аралықтармен қадағалауға болады. Егер симвастатиннің дозасы өзгертілген немесе тоқтатылған болса, сол процедураны қайталау керек. Симвастатинмен емнің антикоагулянттарды қабылдамайтын пациенттерде қан кетумен немесе протромбиндік уақыт өзгерістерімен байланысы болған жоқ.
