Сипаттама
Дәрілік затты медициналық қолдану жөніндегі нұсқаулық
ТАБИҒИ КӨЗ ЖАСЫ II
Саудалық атауы
Табиғи көз жасы II
Халықаралық патенттелмеген атауы
Жоқ
Дәрілік түрі
Көзге тамызатын дәрі, 15 мл
Құрамы
1 мл препараттың құрамында
белсенді заттар: 1,0 мг декстран 70, 3,0 мг гидроксипропилметилцеллюлоза;
қосымша заттар: поликватерниум-1, динатрий тетраборат декагидраты, натрий хлориді, калий хлориді,хлорсутек қышқылы және/немесе натрий гидроксиді (рН түзету үшін), тазартылған су.
Сипаттамасы
Мөлдір, түссіз немесе аздап бозаңданатын ерітінді.
Фармакотерапиялық тобы
Сезім мүшелері. Офтальмологиялық препараттар. Басқа офтальмологиялық препараттар. Жасанды көз жасы және басқа да индифферентті препараттар.
АТХ коды S01ХА20
Фармакологиялық қасиеттері
Фармакокинетикасы
Поликватерниум-1 және гидроксипропилметилцеллюлоза сіңуіне байланысты деректер өте шектеулі.
Гидроксипропилметилцеллюлозаның молекулалық салмағы ауыр болғандықтан (86 000 Дальтон) оның сіңуі өте қиын. Гидроксипропилметилцеллюлоза метаболизм тұрғысынан инертті материал болып табылады.
Поликватерниум-1 дегеніміз молекулалық салмағы жоғары(4 600 – 11 000 Дальтон) тығыздығы жоғары полимерлі материал және соның салдарынан сіңірілмейді.
Фармакодинамикасы
Табиғи көз жасы II препаратының құрамында декстран 70 және суда еритін полимерлі жүйе гидроксипропилметилцелюллозасы бар, олар көз жасы компоненттерімен араласа отырып, мөлдір қабықтың ылғалдануын қамтамасыз етеді. Бұрыннан бар ажырау компоненттерімен синергия нәтижесінде, препарат сіңірілу арқылы сақталатын мөлдір қабық беткейінің қабатын қамтамасыз етеді.
Табиғи көз жасы II препараты физиологиялық араласу жолымен жас үлбірі тұрақтылығын арттырады, ол мөлдір қабықтың табиғи сулануынқамтамасыз етеді. Табиғи көз жасы II препараты жоғары тұтқырлыққа ие болмаған жағдайда да, ол мөлдір қабықтың көз жасы үлбірін көзде ұзақ уақыт ұстап тұрады.
Қолданылуы
- құрғақ көз синдромы
- көз жас безі секрециясының тапшылығы
- көз жас үлбірінің тұрақсыздығы
Қолдану тәсілі және дозалары
Қажетіне қарай әрбір көзге 1 немесе 2 тамшыдан тамызу керек.
Жергілікті қолданылатын басқа офтальмологиялық препараттарды біріктіріп қолданған кезде, препараттарды қолдануда 5 минуттан кем болмайтын аралықты сақтау керек.
Құты ішіндегісін ластап алмау үшін, көзге немесе кез келген басқа да беттерге пипетканың ұшын тигізбеу керек.
Жағымсыз әсерлері
Жергілікті
Жиі:
- көрудің бұлыңғырлануы
- көздегі жайсыздық
- астенопия
- көзде бөгде денені сезіну
- көздің қышынуы
- көз гиперемиясы
Жиі емес
Келесі жағымсыз әсерлердің пайда болу жиілігі деректердің жеткіліксіз болуына байланысты анықтау мүмкін емес:
Жергілікті: қабақ эритемасы, көздің ісінуі, көздің ауыруы, көздегі бөліністер, қабақ шеттері бойынша қабыршақтардың түзілуі, жас бөлінуінің артуы.
Жүйелі: аса жоғары сезімталдық, бас айналуы
Қолдануға болмайтын жағдайлар
- препараттың қандай да бір компонентіне жоғары сезімталдық
Дәрілермен өзара әрекеттесуі
Табиғи көз жасы II препаратының басқа дәрілік заттармен өзара әрекеттесуіне арнайы бағалау жүргізілмеген. Препараттың құрамын назарға ала отырып, дәрілік өзара әрекеттесуінің пайда болу ықтималдығы аз.
Жергілікті офтальмологиялық препараттың бірнешеуін қолданғанда, препараттардың қолданылу аралығы 5 минуттан кем болмауы тиіс.
Айрықша нұсқаулар
Офтальмологияда жергілікті қолдануға арналған. Препарат қандай болсын инъекция арқылы организмге енгізуге немесе ауыз арқылы ішке қабылдауға келмейді. Егер препаратты пайдалану кезінде бас ауыруы, көздің ауыруы, көрудің бұзылуы, көздің тітіркенуі, тұрақты қызару немесе, сондай-ақ олардың пайда болуы 3 күннен астам аталған жағдайлар ушығуы пайда болса, препаратты пайдалануды дереу тоқтатып, дәрігерге қаралу керек.
Препаратты балаларға және жасөспірімдерге, сондай-ақ бүйрек және бауыр жеткіліксіздігі бар пациенттергепайдаланғанда дозаны түзету қажет етілмейді.
Жүктілік және лактация кезеңі
Декстран 70 және гипромеллоза препараттарының компоненттері көз беткейін қорғайтын қасиетке ықпал етеді және фармакологиялық белсенділігі жоқ. Бұл компоненттер жүйелі қан ағымына іс жүзінде өтпейді. Табиғи көз жасы II көзге тамызатын дәрі препараты егер шарана/емшектегі бала үшін емдеу тиімділігі потенциальді қауіптен жоғары болған жағдайда жүктілік/лактация кезеңінде қолданылуы мүмкін.
Дәрілік заттың көлік құралдарын немесе қауіптілігі зор механизмдерді басқару қабілетіне әсер ету ерекшеліктері
Басқа да көзге тамызатын дәрілер сияқты, тамызғаннан кейін көрудің уақытша бұлыңғырлануы немесе басқа да көзбен қарап шолу бұзылуларыболуы мүмкін, ол автомобиль немесе басқа да қауіптілігі зор механизмдерді басқару қабілетіне жағымсыз әсер етуі мүмкін. Мұндай жағдайда көздің көруі қайта қалыпқа келгенге дейін біраз уақыт күте тұру керек.
Артық дозалануы
Артық дозалану туралы хабарлар айқындалмаған.
Жергілікті қолданған кезде артық дозалану ықтималдығы аз.
Шығарылу түрі және қаптамасы
15 мл препараттан тамшылатқышпен және алғашқы ашылуы бақыланатын, ақ түсті бұралатын қақпақпен жабылған, тығыздығы төмен полиэтиленнен жасалған «Дроп-тейнер» жүйесі құтысына құйылады.
1 құтыдан медициналық қолдану жөніндегі мемлекеттік және орыс тіліндегі нұсқаулықпен бірге картон қорапшаға салынады.
Сақтау шарттары
30 °С-ден аспайтын температурада сақтау керек.
Балалардың қолы жетпейтін жерде сақтау керек!
Сақтау мерзімі
2 жыл
Құтыны ашқаннан кейінгі қолданылу кезеңі – 4 апта.
Жарамдылық мерзімі өткеннен кейін қолдануға болмайды.
Дәріханалардан босатылу шарттары
Рецептісіз
Өндіруші ұйымның атауы және мекенжайы
с.а. Алкон-Куврер н.в.
B-2870 Puurs, Бельгия
Тіркеу куәлігі ұстаушысының атауы және мекенжайы
Alcon Pharmaceuticals Ltd., Фрибур, Швейцария
Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электрондық пошта)
ҚР-дағы «Alcon Pharmaceuticals Ltd» өкілдігі
050000 Алматы қ., Құрманғазы к-сі, 95
тел.: (727) 258-24-47
факс: (727) 244-26-51
e-mail: drugsafety.cis@novartis.com
