Сипаттама
Дәрілік затты медициналық қолдану
жөніндегі нұсқаулық
Тиамин
Саудалық атауы
Тиамин
Халықаралық патенттелмеген атауы
Тиамин
Дәрілік түрі
Бұлшықет ішіне енгізуге арналған ерітінді 50 мг/мл, 1 мл
Құрамы
1 мл препараттың құрамында
белсенді зат – тиамин гидрохлориді – 50.0 мг
қосымша заттар: димеркаптопропансульфонат натрий моногидраты (унитиол), иньекцияға арналған су.
Сипаттамасы.
Мөлдір түссіз немесе сәл боялған өзіне тән әлсіз иісі бар сұйықтық.
Фармакотерапиялық тобы
Дәрумендер. В1 дәрумені. Тиамин.
АТХ коды A11DA01
Фармакологиялық қасиеттері
Фармакокинетикасы
Қандағы концентрациясы салыстырмалы түрде төмен, бұл арада плазмада көбіне бос тиамин айналыста болады, эритроциттерде және лейкоциттерде – оның фосфорлық эфирлері айналыста болады. Фосфорлану бауырда жүреді. Коферменттік белсенділігі бар тиаминдифосфат белсендірек фосфорлық эфир болып табылады. Негізінен бауырда, жүректе, мида, бүйректе, көкбауырдажинақталады. Жалпы мөлшерінің 1/2 көлденең-жолақты бұлшықетте және миокардта болады және 40% жуығы- ішкі ағзаларда. Ішек және бүйрек арқылы шығарылады.
Фармакодинамикасы.
B1 дәрумені организмде белсенді тиамин пирофосфатына айналады жәнепирожүзімді және альфа-кетоглутарлы қышқылдыңтотығу декарбоксилденуіне қатысатын кофермент ретіндепируватдекарбоксилазды, альфа-кетоглутаратдекарбоксилазды кешен құрамына енеді; транскетолаза - пентозофосфатты шунт ферменті. Тиамин пирофосфат (кокарбоксилаза), көмірсу, ақуыз және липидтер алмасуына қатысатын бірқатар ферменттерді белсенділендіреді. Синапстарда жүйке қозуының берілу үдерісіне қатысады. Әлсіз ганглиобөгегіш және курареге ұқсас қасиеттері бар. Синапстарда жүйке қозуының берілу үдерістерінде аса маңызды. Жасуша жарғақшаларын асқын тотығу өнімдерінің уытты әсерінен қорғайды.
Қолданылуы
B1 гиповитаминозы және авитаминозы, оның ішінде зондпен тамақтанатын, гемодиализдегі, мальабсорбция синдромымен пациенттерде.
Қолдану тәсілі және дозалары
Тиамин ерітіндісін бұлшықет ішіне енгізеді (бұлшықетке терең).
Препаратты енгізуді төмен дозалардан бастау ұсынылады (0,5 мл 5% ерітіндіден артық емес) және тек жағымдылығы жақсы болғанда ғана жоғарырақ дозаға көшеді.
Ересектерге күн сайын, ішке қабылдауға өте отырып, тиамин хлоридін 25-50 мг-ден (0,5 мл немесе 1 мл 5% ерітінді) күніне 1 рет тағайындайды.
Емдеу курсы - 10-30 инъекция.
Жағымсыз әсерлері
Иммун жүйесі тарапынан: аллергиялық реакциялар болуы мүмкін (Квинке ісінуі, тері қышынуы, есекжем, ангионевроздық ісіну, анафилаксиялық шок)
Тері және тері асты шелі тарапынан: тер бөлінудің күшеюі
Жүрек-ұантамыр жүйесі тарапынан:тахикардия
Енгізген орындағы реакциялар: енгізген орынның ауыруы (еріндінің рН төмендегіне байланысты).
Қолдануға болмайтын жағдайлар:
- тиаминге немесе препараттың басқа компоненттеріне өте жоғары сезімталдық.
Дәрілермен өзара әрекеттесуі
Тиамин және пиридоксинді (В6 дәрумені) немесе цианокобаламинді (В12 дәрумені) бір уақытта парентеральді енгізу ұсынылмайды. Цианокобаламин тиаминнің аллергиялық әсерін күшейтеді. Пиридоксин тиаминнің биологиялық белсенді түрге айналуын қиындатады. Бір шприцте тиамин және бензилпенициллин немесе стрептомицинді (антибиотиктердің бұзылуы), тиамин және никотин қышқылын (тиаминнің бұзылуы) араластыруға болмайды.
Тиамин суксаметоний, фентоламин, пропранолол тұздарының, симпатолитиктердің (резерпин), ұйықтататын дәрілердің (ұйықтататын және гипотензиялық әсері азаяды) фармакологиялық белсенділігін азайтады.
Тиамин ерітіндісін құрамында сульфиттер бар ерітінділермен араластыруға болмайды, өйткені ол олардың ішінде толық ыдырайды.
Тиамин сілтілі және бейтарап ерітінділерде тұрақсыз; карбонаттармен, цитраттармен, барбитураттармен, мыс препараттарымен тағайындау ұсынылмайды. Допаминмен, митоксантронмен, пиридоксальфосфатпен фармацевтикалық түрде үйлесімсіз.
Айрықша нұсқаулар
Қан сарысуындағы теофиллинді спектрофотометриялық әдіспен, уробилиногенді Эрлих реагенті көмегімен анықтауда нәтижесі бұрмалануы мүмкін (тиаминнің жоғары дозаларын енгізгенде). Көбіне анафилаксиялық реакциялар вена ішіне үлкен дозаларды енгізуден кейін дамиды.Парентеральді енгізу тек ішке қабылдау мүмкін болмаған жағдайда ғана (жүрек айнуы, құсу, мальабсорбция синдромы, операция алдында және/немесеоперациядан кейінгі жай-күй) ұсынылады.
Вернике энцефалопатиясы кезінде декстроза енгізу алдында тиамин гидрохлориді қолданылуы тиіс.
Сақтықпен
Вернике энцефалопатиясында декстроза тағайындау тиамин қабылдау алдында жүруі тиіс.
Педиатрияда қолданылуы.
Балаларға 5% ерітіндіні қолдануға болмайды, өйткені бұл санаттағы пациенттерге төмен дозалары пайдаланылады (тиамин гидрохлориді 0,0125 г-ден, яғни 0,5 мл 2,5% ерітінді).
Жүктілікте және емшекпен емізу кезеңінде қолдану
Тиамин жүктілікте және емшекпен емізу кезеңінде көрсетілімдер бойынша қолданылуы мүмкін.
Дәрілік препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Препараттың жоғары зейінділікті және психомоторлы реакциялардың шапшаңдығын талап ететін автомобиль және басқа қызмет түрлерін басқару қабілетіне жағымсыз әсері туралы хабарланбаған.
Артық дозалануы
Артық дозалану симптомдары анықталмаған.
Шығарылу түрі және қаптамасы
1 мл бейтарап шыны ампулада.
10 ампуладан картон қорапта. Әрбір қорапқа медициналық қолдану жөніндегі мемлекеттік және орыс тіліндегі нұсқаулықты, ампула ашуға арналған пышақ немесе ампулалық скарификатор салынады.
Сындыру сақинасы немесе сындыру нүктесі бар ампулаларды қаптағанда ампула ашуға арналған пышақ немесе ампула скарификаторы салынбайды.
Сақтау шарттары
Жарықтан қорғалған жерде, 150С-ден 250С-гедейінгі температурада сақтау керек.
Балалардың қолы жетпейтін жерде сақтау керек!
Сақтау мерзімі
3 жыл
Жарамдылық мерзімі өткеннен кейін қолдануға болмайды.
Дәріханалардан босатылу шарттары
Рецепт арқылы
Өндіруші
«Новосибхимфарм» ААҚ
630028, Ресей, Новосібір қ., Декабристер к-сі, 275
тел. (383) 363-32-44,
факс (383) 363-32-55.
Тіркеу куәлігінің ұстаушысы
«Новосибхимфарм» ААҚ
630028, Ресей, Новосібір қ., Декабристер к-сі, 275
тел. (383) 363-32-44,
факс (383) 363-32-55.
Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері
«Валента Азия» ЖШС, Қазақстан Республикасы, 050009, Алматы қ., Абай даңғ., Радостовец к-сі, 151/115, «Алатау» бизнес орталығы №1102 кеңсе
Тел./факс 8 (727) 334-15-51, Е-mail: asia@valentapharm.com
