Тиамина хлорид 5% 1 мл № 10 амп

Сипаттама

Дәрілік препаратты медициналық

қолдану жөніндегі нұсқаулық (Қосымша парақ)

Саудалық атауы

Тиамин хлориді - Дарница (В₁ Витамині - Дарница)

Халықаралық патенттелмеген атауы

Тиамин

Дәрілік түрі, дозировкасы

Инъекцияға арналған ерітінді 5 %, 1 мл

Фармакотерапиялық тобы

Ас қорыту жолы және зат алмасу. Дәрумендер. В₁ дәрумені, В₆ және В₁₂дәрумендерімен қарапайым біріктірілімдері.В₁ дәрумендері. Тиамин.

АТХ коды А11DA01

Қолданылуы

- B₁ гиповитаминозы мен авитаминозында

- күйіктерді, ұзаққа созылған қызбаны емдегенде кешенді ем құрамында

- невриттер мен полиневриттерде, радикулиттерде, невралгияларда, шеткері салдануларда, энцефалопатияда, неврастенияда

- асқазан мен 12 елі ішектің ойық жаралы ауруында, ішек атониясында, бауырдың созылмалы зақымдануларында

- миокард дистрофиясында, эндартериитте

- шығу тегі нейрогенді дерматоздарда, пиодермияда, экземада, псориазда

Қолдануды бастағанға дейінгі қажетті мәліметтер тізбесі

Қолдануға болмайтын жағдайлар

- препарат компоненттеріне жоғары сезімталдық

- аллергиялық аурулар

- идиосинкразия

- әйелдердегі климакс алдындағы және климактериялық кезең

- 8 жасқа дейінгі балалар.

Қолдану кезінде қажетті сақтық шаралары

Тиамин хлориді бір шприцте араластырмаған жөн:

- бензилпенициллинмен немесе стрептомицинмен, себебі бұлантибиотиктерді ыдыратады;

- никотин қышқылымен немесе құрамында сульфит бар ерітінділермен,өйткені бұл тиаминнің бұзылуына әкеледі;

- карбонаттармен, цитраттармен, барбитураттармен, Cu²⁺ , йодидтермен,

темір-аммоний цитратымен, танин қышқылымен, өйткені тиамин сілтілік және бейтарап ерітінділерде тұрақсыз.

Басқа дәрілік препараттармен өзара әрекеттесуі

Препаратты басқа дәрілік заттармен біріктіре қолданған кезде болуы мүмкін: деполяризациялаушы миорелаксанттармен (суксаметоний хлориді)холин туындыларымен – олардың емдік әсерін әлсіретеді;

тиосемикарбазонмен, 5-фторурацилмен – тиамин белсенділігін тежейді;

кофеинмен, құрамында күкірт пен эстрогендер бар препараттармен –организмнің тиаминді қажет етуін арттырады;

құрысуға қарсы препараттармен (фенобарбитал, фенитоин, карбамазепин), дигоксинмен, индометацинмен, антацидті препараттармен – тиамин тапшылығы дамиды;

цианокобаламинмен, пиридоксинмен – тиаминнің фосфорланған биологиялық белсенді түрге айналуын қиындатады және оныңаллергиялық әсерін күшейтеді. Тиаминді пиридоксинмен (В₆ дәруменімен) немесе цианокобаламинмен (В₁₂ дәруменімен) бір мезгілде парентеральді енгізу ұсынылмайды;

этанолмен – тиаминнің сіңу жылдамдығын баяулатады.

адреномиметиктермен, симпатомиметиктермен – олардың емдік әсерін әлсіретеді.

Құрамында антиоксидант немесе консервант ретінде натрий гидросульфиті бар ерітінділермен бір мезгілде вена ішіне енгізгенде тиамин тұрақсыз болады.

Карбонаттармен, цитраттармен, барбитураттармен, Cu²⁺, йодидтармен,темір-аммоний цитратымен, танин қышқылымен тағайындау ұсынылмайды, өйткені тиамин сілтілік және бейтарап ерітінділерде тұрақсыз.

Арнайы ескертулер

Тиамин хлориді ерітіндісін парентеральді қолданар алдында міндетті түрдепрепаратқа жекелей сезімталдылыққа тері сынамасын жүргізу керек. Аллергиялық ауыр реакциялар туындауы мүмкін болғандықтан, инъекция жасалғаннан кейін30 минут бойы бақылау қажет.

Анафилаксиялық реакциялар үлкен дозаларды вена ішілік енгізген кезде жиі өршиді.

Тиамин инъекциясын пиридоксин инъекциясынан кейін 12 сағаттан асырып барып жасаған дұрыс.

Бұлшықет ішіне енгізген кезде препаратты бұлшықетке тереңдете, ал вена ішіне – баяу енгізген дұрыс.

Бұлшықетішілік және теріастылық инъекциялар ерітіндінің рН төмен болғандықтан ауыртатын болып келеді.

В₁ дәруменінің тәуліктік қажеттілігі: ересек ерекектер үшін – 1,2-2,1 мг, егде жастағы адамдарға – 1,2-1,4 мг, әйелдерге – 1,1-1,5 мг, қосымшажүкті әйелдерге 0,4 мг және 0,6 мг – әйелдерге емшек емізіп жүрген кезеңде, балаларға, жасына байланысты – 0,3-0,5 мг.

Препаратты теңдестірілген диета орынын алмастырушы ретінде емес, тек диетаменемдеу кешенінде ғана қолдануға болады.

Препараттың инъекциялық түрін ішекте қорытылуы бұзылған немесе асқазанрезекциясы бар науқастарды емдегенде, тиаминді таблетка түрінде қабылдау мүмкін болмаған кезде (жүрек айну, құсу, операцияға дейінгі және кейінгі кезең), сондай-ақ аурудың ауыр түрлері немесе емдік әсеріне барынша жылдамырақ қол жеткізу үшін емді бастаған кезде қолдану қажет

Парентеральді енгізуді ең аз дозалардан бастау ұсынылады (ересектерге 0,5 мл асырмай), тек жақсы көтере алғанда ғана жоғарылау дозалар енгізеді.

Жүйке жүйесінің жоғары қозғыштығы кезінде, он екі елі ішектің ойық жара ауруының гиперацидті түрлерінде сақтықпен тағайындау керек.

Вернике энцефалопатиясы кезінде глюкозаны енгізер алдында тиамин қабылдаған жөн.

Егер В₁ дәруменіне аллергия анықталса, онда пациентке күріш, қарамық, ет, нан (ірі тартылған ұннан пісірілген сұрыптары) жеуінтоқтатады.

Маскүнемдікке шалдыққандарда препараттың жағымсыз әсерлерінің белгілері күшеюі мүмкін.

Тиамин деполяризациялаушы миорелаксанттардың, адренолитикалық және симпатомиметикалық дәрілердің әсерін әлсіретуі мүмкін.

Препарат (жоғары дозаларда қабылдаған кезде) спектрофотометриялық тәсілмен қан сарысуындағы теофиллинді, Эрлих реагентінің көмегімен уробилиногенді анықтау барысында нәтижелерді бұрмалауы мүмкін.

Педиатрияда қолдану

Балаларға әдетте тиамин хлоридінің 2,5 % ерітіндісін қолданады. 8 жастан асқан балаларға 5 % ерітіндіні енгізуге болады.

Жүктілік және лактация кезінде

Препараттың жүктілік немесе емшек емізу кезеңінде көрсетілімдер бойынша ұсынылатын дозаларда қолданылуы мүмкін.

Дәрілік препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Емделу кезеңінде жүйке жүйесі тарапынан жағымсыз әсерлерінің даму мүмкіндігіне байланысты көлік құралдарын басқару немесе күрделі механизмдермен жұмыс істегенде сақ болған жөн.

Қолдану бойынша ұсынымдар

Дозалау режимі

Ересектерге

Препаратты бұлшықет ішіне 25-50 мг дозада(0,5-1 мл) тәулігіне 1 рет, күнделікті тағайындайды. Енгізуді – 25 мг асырмай (0,5 мл 5 % ерітінді) аз дозадан бастайды, тек жақсы көтерімділік жағдайында ғана жоғары доза – 50 мг (1 мл 5 % ерітінді) енгізеді.

Вернике-Корсаков энцефалопатиясы: препаратты клиникалық жақсаруға дейін тәулігіне 2 рет 50-100 мг (1-2 мл 5 % ерітінді) дозада тағайындайды. В₁ дәруменін енгізуге аллергиялық реакцияның даму ықтималдығын ескеру керек.

8 жастан асқан балаларға.

Препаратты тәулігіне1 рет 12,5 мг дозада (0,25 мл 5 % ерітінді) күнделікті тағайындайды.

Енгізу әдісі және жолы

Препаратты бұлшықет ішіне (бұлшықетке тереңдете) тағайындайды.

Емдеу ұзақтығы

Емдеу курсы – 10-30 инъекция.

Артық дозалану жағдайында қабылдануы қажет шаралар

Симптомдары: препараттың жағымсыз әсерлері симптомдарының күшеюі мүмкін. Гиперкоагуляция, пуриндік алмасудың бұзылуы жоққа шығарылмайды.

Емі: препаратты тоқтату, симптоматикалық ем.

Дәрілік препараттың бір немесе бірнеше дозасын өткізіп алу кездегі қажетті шаралар

Дәрілік зат емдеу мекемесі жағдайында қолдануға арналған. Өткізіп алған дәрілік заттың орнын толтыру үшін қосарлы дозаны қабылдамаңыз. Препаратты қолдану бойынша сұрақтар болған жағдайда емдеуші дәрігерге жүгініңіз.

Тоқтату симптомдары қауіпінің болуын көрсету

Аталған дәрілік затқа қатысты емес.

Дәрілік препаратты қолдану тәсілін түсіндіру үшін медициналық қызметкерден консультация алу бойынша ұсынымдар

Әрқашан препаратты қосымша параққа немесе емдеуші дәрігердің ұсынымдарына сәйкес қабылдаңыз.

ДП стандартты қолданғанда пайда болатын жағымсыз реакциялардың сипаттамасы және бұл жағдайда қабылдауға тиісті шаралар (қажет болған жағдайда)

Барлық дәрілік препараттар тәрізді препарат жағымсыз реакцияларды тудыруы мүмкін, бірақ олар барлығында пайда болмайды.

- тахикардия, жүрек қағуын сезіну

- коллапс

- бас ауыру, бас айналу, мазасыздық, парастезиялар

- көру жүйкесінің зақымдануы

- тыныс алу қиындауы, ентігу

- жұтудың қиындауы, жүрек айнуы, ішек геморрагиялары

- гиперемия, қышыну

- дерматит, бөртпе, есекжемді қоса аса жоғары сезімталдық реакциялары Квинке ісінуі, құрысулары бар бронх демікпесінің ұстамалары, анафилаксиялық шок

- бауыр ферменттері белсенділігінің бұзылуы

- жалпы бұзылулар: қатты терлеу, қалтырау, тремор, жалпы әлсіздік, ісінулер, қызба

- инъекция орнындағы реакциялар: бөртулер, қышыну

- басқалар: синаптоплегия құбылыстары – тиаминнің әр түрлі медиаторлармен кешендер түзу қабілеті артериялық қысымның төмендеуімен, жүрек аритмияларының пайда болуымен, қаңқа (соның ішінде, тыныс алу) бұлшық еттері жиырылуының бұзылуымен, орталық жүйке жүйесінің бәсеңдеуімен қатар жүруі мүмкін; тиамин хлориді стафилококктың антибиотиктерге төзімділігінің қалыптасуына ықпал етеді.

Күтілетін дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әрекеттер) бойынша ақпараттық дерекқорға тікелей жүгіну

Керек

«Утегенова Ж.Ж.» ЖК

050043, Алматы қ., Науаи к-сі 68, 49 пәтер

телефон: (+ 727) 2424328

е-mail: vigilance@darnitsa.kiev.ua

Қосымша мәліметтер

Дәрілік препараттың құрамы

Бір мл ерітіндінің құрамында

белсенді зат - 50 мг тиамин гидрохлориді

қосымша заттар: унитиол, инъекцияға арналған су

Сыртқы түрінің, иісінің, дәмінің сипаттамасы

Өзіне тән әлсіз иісі бар түссіз мөлдір немесе аздап сарғыштау сұйықтық

Шығарылу түрі мен қаптамасы

1 мл препараттан шыны ампулаларда.

Ампулаға өздігінен жапсырылатын жабыны бар қағаздан жасалған заттаңба жапсырылады.

5 ампуладанампулаларды ашуға арналған пышақпен бірге пішінді ұяшықты қаптамаға (кассетаға) салады.

Түрлі-түсті сындыру сақинасы немесе түрлі-түсті сындыру нүктесі бар ампулаларды қаптағанда ампулаларды ашуға арналған пышақтар салынбайды.

Екі пішінді ұяшықты қаптамадан медициналық қолдану жөніндегі қазақ және орыс тілдеріндегі нұсқаулықпен бірге қорапшаға салады.

Сақтау мерзімі

3 жыл

Жарамдылық мерзімі өткеннен кейін қолдануға болмайды!

Сақтау шарттары

Түпнұсқалық қаптамада, 25°С-ден аспайтын температурада сақтау керек. Мұздатып қатыруға болмайды.

Балалардың қолы жетпейтін жерде сақтау керек!

Дәріханалардан босатылу шарттары

Рецепт арқылы

Өндіруші

«Фармацевтикалық фирма «Дарница»» ЖАҚ

Украина, 02093, Киев қ., Борисполь к-сі, 13

Телефон, факс: (+38044)5666878

Эл.пошта: info@darnitsa.ua

Тіркеу куәлігінің ұстаушысы

«Фармацевтикалық фирма «Дарница»» ЖАҚ

Украина, 02093, Киев қ., Борисполь к-сі, 13

Телефон, факс: (+38044)5666878

Эл.пошта: info@darnitsa.ua

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын ұйымның атауы, мекенжайы және байланыс деректері (телефон, факс, электронды пошта):

«Утегенова Ж.Ж.» ЖК

050043, Алматы қ., Науаи к-сі 68, 49 пәтер

телефон: (+ 727) 2424328

е-mail: vigilance@darnitsa.kiev.ua

Дәріханалар