Трависил апельсин № 16 леденцы
Тауарлардың көрінісі фотосуретте көрсетілгеннен өзгеше болуы мүмкін

Трависил апельсин № 16 леденцы

Қолжетімділігі
Тауар қолда жоқ
Үлгі
8901387040813
Өндіруші
Плетхико
  • Сипаттама

Сипаттама

Дәрілік препаратты медициналық қолдану

жөніндегі нұсқаулық (Қосымша парақ)

Саудалық атауы

Трависилтм

Халықаралық патенттелмеген атауы

Жоқ

Дәрілік түрі, дозалануы

Соруға арналған таблеткалар (апельсин дәмімен, жалбыз дәмімен, лимон дәмімен)

Фармакотерапиялық тобы

Респираторлық жүйе. Жөтел және суық тию аурулары кезінде қолданылатын препараттар. Қақырық түсіретін препараттармен біріктірілген жөтелге қарсы препараттар.

АТХ коды R05FB02

Қолданылуы

  • жөтелмен және тамақтың ауыруымен қатар жүретін жоғарғы тыныс алу жолдарының инфекциялық-қабыну ауруларында

Қолдануды бастағанға дейін қажетті мәліметтер тізбесі

Қолдануға болмайтын жағдайлар

  • әсер етуші затқа немесе қосымша заттардың кез келгеніне аса жоғары сезімталдық
  • қант диабеті

- тұқым қуалайтын фруктозаны көтере алмаушылық, глюкоза-галактоза мальабсорбциясы

- 6 жасқа дейінгі балалар

Қолдану кезіндегі қажетті сақтық шаралары

Асқынуларды болдырмау үшін дәрігердің тағайындауы бойынша ғана қолдану керек.

Басқа дәрілік препараттармен өзара әрекеттесуі

Анықталмаған.

Арнайы ескертулер

Жүктілік немесе лактация кезінде

Жүктілік ағымына және лактация кезеңінде препараттың әсер етуі туралы деректер жоқ.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Әсер етпейді.

Қолдану жөніндегі нұсқаулар

Дозалау режимі

Ересектерге:2-3 таблеткадан тәулігіне 3 рет.

6 жастан асқан балаларға: 1-2таблеткадан тәулігіне 3 рет.

Емдеу курсы дәрігердің тағайындауы бойынша.

Енгізу жолы және тәсілі

Пероральді. Ауыз қуысында баяу сору керек.

Артық дозалану жағдайында қабылдануы қажеті шаралар

Симптомдары: жағымсыз әсерлерінің күшеюі.

Емі:симптоматикалық.

Дәрілік препаратты қолдану тәсілін түсіндіру үшін медициналық қызметкерден кеңес алу үшін жүгіну бойынша бойынша ұсынымдар

Сұрақ туындаған жағдайда дәрілік препаратты қабылдамас бұрын дәрігерге немесе фармацевтке кеңес алу үшін жүгініңіз.

ДП стандартты қолдану кезінде көрініс табатын жағымсыз реакциялардың сипаттамасы және осы жағдайда қабылдануы керек шаралар

- аллергиялық реакция (терідегі бөртпе, терінің қышынуы)

Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз

Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Құрамы

Бір таблетканың құрамында

белсенді затта(5% сығындылар түрінде):

Адатода васика жапырақтары5.0 мг

Ұзын бұрыш жемістері25.0 мг

Қара бұрыш жемістері20.0 мг

Дәрілік зингибер тамырсабағы12.0 мг

Жалаң мия тамырлары10.0 мг

Дәрілік эмблика жемістері16.0 мг

Ұзын куркум тамырсабағы15.0 мг

Акация катеху қабығы17.0 мг

Қарапайым аскөк тұқымы18.0 мг

Базилик шөбі5.0 мг

Терминалия хебула жемістері5.0 мг

Терминалия белерика жемістері5.0 мг

Үлкен калган тамырсабағы20.0 мг

Абрус тілек жапырақтары20.0 мг

Ментол2.0 мг

қосымша заттар: сахароза, сұйық глюкоза, апельсин майы немесе лимон майы немесе жалбыз майы, тазартылған су.

Сыртқы түрінің, иісінің, дәмінің сипаттамасы

Екі жағында да «Т» әрпі өрнектелген, ашық-қызыл сарыдан күңгірт-қызыл сары-қоңыр түске дейінгі, біртекті реңді емес, салқындататын әсері бар және өзіне тән апельсин дәмі бар дөңгелектенген таблеткалар. Азғантай мөлшердегі ауа көпіршіктерінің болуына және таблетка жиектерінің тегіс болмауына, сондай-ақ, таблеткаларда түйіршік түрінде өнім бөлшектерінің жабысуына жол беріледі (апельсин дәмімен).

Екі жағында да «Т» әрпі өрнектелген, ашық-жасылдан күңгірт-жасыл түске дейінгі, біртекті реңді емес, салқындататын әсері бар және өзіне тән жалбыз дәмі бар дөңгелектенген таблеткалар Азғантай мөлшердегі ауа көпіршіктерінің болуына және таблетка жиектерінің тегіс болмауына, сондай-ақ, таблеткаларда түйіршік түрінде өнім бөлшектерінің жабысуына жол беріледі (жалбыз дәмімен).

Екі жағында да «Т» әрпі өрнектелген, ашық-сарыдан күңгірт- сары-қоңыр түске дейінгі, біртекті реңді емес, салқындататын әсері бар және өзіне тән лимон дәмі бар дөңгелектенген таблеткалар. Азғантай мөлшердегі ауа көпіршіктерінің болуына және таблетка жиектерінің тегіс болмауына, сондай-ақ, таблеткаларда түйіршік түрінде өнім бөлшектерінің жабысуына жол беріледі (лимон дәмімен).

Шығарылу түрі және қаптамасы

8 таблеткадан поливинилхлоридтен және алюминий фольгадан жасалған пішінді ұяшықты қаптамада.

2 пішінді қаптамадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынған.

Бір таблеткадан поливинилхлоридтен және алюминий фольгадан жасалған пакеттерде.

250 пакеттен медициналық қолдану жөніндегі қазақ және орыс тілдеріндегі нұсқаулықпен бірге пластик банкілерге салынған.

Сақтау мерзімі

5 жыл

Жарамдылық мерзімі өткеннен кейін қолдануға болмайды.

Сақтау шарттары

Құрғақ, жарықтан қорғалған жерде 25 0С-ден аспайтын температурада сақтау керек.

Балалардың қолы жетпейтін жерде сақтау керек!

Дәріханалардан босатылу шарттары

Рецептісіз

Өндіруші туралы мәлімет

Plethico Pharmaceuticals Ltd

Дхаравара, Калария – 453 001, Индор (М.П.), Үндістан.

тел./факс: 91731289761819

электронды пошта: info@plethico.com

Тіркеу куәлігінің ұстаушысы

Plethico Pharmaceuticals Ltd

Дхаравара, Калария – 453 001, Индор (М.П.), Үндістан.

тел./факс: 91731289761819

электронды пошта: info@plethico.com

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электрондық пошта)

«Резлов ЛТД» ЖШС, Қарағанды қ., Ермеков к-сі 110/2

тел.:+7(212) 43-38-11

факс.: +7(212) 43-38-15

электронды пошта: rezlovcompany@mail.ru