Сипаттама
Дәрілік затты медициналық қолдану
жөніндегі нұсқаулық
Веносмил
Саудалықатауы
Веносмил
Халықаралық патенттелмеген атауы
Жоқ
Дәрілік түрі
Капсулалар 200 мг
Құрамы
Бір капсуланың құрамында
белсенді зат - гидросмин 200.0,
қосымша зат: магний стеараты.
желатинді №1 капсуланың құрамы: хинолинді сары бояғыш E104, эритрозин E127, титанның қостотығы E171, желатин.
Сипаттамасы
Корпусы мен қақпақшасы қызыл-сары түсті, қатты желатинді капсулалар№ 1. Капсулалардың ішіндегісі сары түсті ұнтақ.
Фармакотерапиялық тобы
Жүрек-қантамыр жүйесі. Вазопротекторлар.
Капиллярларды тұрақтандыратын дәрілер. Биофлавоноидтар. Гидросмин.
АТХ коды С05СА05
Фармакологиялық қасиеттері
Фармакокинетикасы
Гидросминді дені сау еріктілерге бір рет пероральді қолданғаннан кейін, препараттың плазмадағы концентрацияларының қисығы уақытпен салыстырғанда бифазалық сипатқа ие екені байқалған. Бастапқы шыңы қолданғаннан кейін 15 минуттан соң байқалады және содан кейін баяу төмендей бастайды. Қолданғаннан кейін төрт сағаттан соң деңгейлерінің жаңадан артқаны, тұрақтануы қолданғаннан кейінгі 5 және 8 сағат аралығында байқалады. Содан кейін плазмадағы деңгейлері төмендеген және қолданғаннан кейін 24 сағат өткен соң мүлдем анықталмаған.
Гидросмин өте жылдам шығарылады, дозасының 90%-ы 48 сағат ішінде шығады. Негізгі шығарылу жолы нәжіспен (қолданылған дозасының 80%-ға жуығы осы жолмен шығарылады), несеппен шығарылуының үлесіне тек 16-18% келеді.
Фармакодинамикасы
Веносмилдің әсер етуші заты - гидросмин, өзінің химиялық құрылымының арқасында флавонидтар тобына жатады. Бұл 5 және 3’-моно-О-(β-гидроксиэтил)-диосминнен және 5,3’-ди-О-( β-гидроксиэтил)-диосминнен тұратын стандартты қоспа.
Гидросминнің әсер ету механизмі толығымен зерттелмеген, бірақ оны катехоломиндердің деградациясын тежеумен байланыстыруға болады. Әсіресе катехол-О-метилтрансферазаны тежеу арқылы. Әсер ету механизмінің анық еместігіне қарамастан, гидросминнің төрт негізгі фармакологиялық әсерін бөліп қарауға болады:
а) өткізгіштікке әсері (гистамин, брадикинин және т.б. сияқты түрлі заттардан туындаған капиллярлардың өткізгіштігін азайтады) және капиллярлардың үзілгіштігі (дұрыс тамақтанбаудан туындаған капиллярлардың үзілгіштігін азайтады),
б) эритроциттердің гемореологиялық қасиеттерін жақсартады (эритроциттердің деформациялану қабілетін арттыра отырып және қан тұтқырлығын азайта отырып),
в) веномоторлық тонусқа әсері (вена қабырғасы тегіс бұлшықеттерінің біртіндеп және тұрақты жиырылуы),
г) лимфалық айналымды жақсарту үшін қолайлы жағдайлар туғызады. Гидросмин лимфа жолдарының дилатациясын және лимфалық өткізу жылдамдығының артуын тудырады, осылайша лимфа ағынын жақсартады.
Веносмил шеткері веналық жеткіліксіздіктің (ауыру, ауырлық сезімі, ісіну және т.б.) клиникалық симптомдарын жақсартады, бұның плацебо әсерінен айтарлықтай айырмашылығы бар. Бұл препараттың әсер етуші заты аяқ қантамырларының варикоздық дилатациясынан туындаған веналық стаз салдарларына айтарлықтай әсер ететініне күмән жоқ.
Қолданылуы
- аяқтың созылмалы веналық жеткіліксіздігімен байланысты симптомдарын жеңілдетуде (ісінуі және ауыруы, аяқтағы ауырлық сезімі)
- өршу сатысындағы геморройды симптоматикалық емдеуде.
Қолдану тәсілі және дозалары
Препаратты ас ішу кезінде, сумен ішіп қабылдайды.
Ересектерге (200 мг) күніне үш рет (әр 8 сағат сайын) 1 капсуладан. Емдеу курсының ұзақтығы - 3 ай.
Геморрой өршігенде қабылдауды күніне үш рет (әр 8 сағат сайын) 2 капсуладан (400 мг) тағайындайды. Емдеу курсының ұзақтығы - 3-4 апта.
Жақсару емдеудің екінші, үшінші аптасында байқалуы мүмкін.
Ауру симптомдары көріністерінің қайталануы аурудың ауырлығына байланысты. Препаратты 1-2 жыл бойы емдеуде 1-2 ай үзілістермен ұзақ уақыт бойы қолдануды созылмалы веналық жеткіліксіздігі бар немесе посттромбоздық синдромы бар емделушілерге әр 3 ай сайын ұсынуға болады.
Жағымсыз әсерлері
Жиі
- асқазанның ауыруы, жүрек айнуы
- сызаттар, қышыну, бөртпе
- әлсіздік, бас ауыруы
Қолдануға болмайтын жағдайлар
- препарат компоненттеріне жоғары сезімталдық
- қалқанша без аурулары
- 18 жасқа дейінгі балалар мен жасөспірімдерге
Дәрілермен өзара әрекеттесуі
Белгісіз
Айрықша нұсқаулар
Жүктілік және лактация кезеңі.
Препаратты жүктілік кезінде, егер анасы үшін күтілетін пайдасы ұрық үшін мүмкін болатын қауіптен асып түсетін жағдайда ғана қолдануға болады. Препараттың емшек сүтіне өтетіні туралы мәліметтер жоқ, сондықтан оны бала емізу кезінде қолдану ұсынылмайды.
Дәрілік заттың көлік құралдарынжәне қауіптілігі зор механизмдерді басқару қабілетіне әсер ету ерекшеліктері
Әсер етпейді
Артық дозалануы
Веносмилдің жақсы көтерімділігінің арқасында тәжірибе жүзінде уыттану мүмкіндігі тіпті, кездейсоқ артық дозаланған жағдайларда да іс жүзінде жоққа шығарылған.
Шығарылу түрі және қаптамасы
10 капсуладан алюминийлі-алюминий фольгадан жасалған пішінді ұяшықты қаптамаға салады.
6 пішінді қаптамаданмедициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салынады.
Сақтау шарттары
300С-ден аспайтын температурада сақтау керек.
Балалардың қолы жетпейтін жерде сақтау керек!
Сақтау мерзімі
5 жыл
Жарамдылық мерзімі өткеннен кейін қолдануға болмайды.
Дәріханалардан босатылу шарттары
Рецепт арқылы
Өндіруші
ФАЭС ФАРМА, С.А.
Мекенжайы: Максимо Агирре к-сі, 14
48940 Лейоа (Испания)
Тіркеу куәлігінің ұстаушысы:
ФАЭС ФАРМА, С.А.
Қазақстан Республикасы аумағында тұтынушылардан дәрілік заттың сапасына қатысты шағымдарды қабылдайтын ұйымның атауы, мекенжайы және байланыс деректері (телефон, факс, электронды пошта):
«Вива Трейд» ЖШС, Қазақстан Республикасы, Алматы, Әл-Фараби, 19, «Нұрлы Тау» БО , 1Б блок, 202 кеңсе, тел/факс: 8(727)311 05-91,
e-mail: sales@v-trade.kz
Дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта):
«Вива Трейд» ЖШС, Қазақстан Республикасы, Алматы, Әл-Фараби, 19, «Нұрлы Тау» БО , 1Б блок, 202 кеңсе, тел/факс: 8(727)311 05-91,
e-mail: sales@v-trade.kz
