Сипаттама
Саудалық атауы
a-Токоферол ацетаты (Е витамині)
Халықаралық патенттелмеген атауы
Токоферол
Дәрілік түрі
Капсулалар 100 ХБ
Құрамы
Бір капсуланың құрамында
белсенді заттар - a- токоферилацетаты (Е витамині) 100 мг (100 ХБ)
қосымша зат:күнбағыс майы,
желатинді қабықтың құрамы: желатин, глицерин, тазартылған су, натрий бензоаты Е-211
Сипаттамасы
Пішіні шар тәрізді, ашық-сары түсті жұмсақ желатинді капсулалар.
Капсулалардың ішіндегісі - ашық-сары түсті майлы сұйықтық. Ашыған, қышқыл иістің болуына жол берілмейді
Фармакотерапиялық тобы
Ас қорыту жолы және зат алмасу. Дәрумендер. Басқа қарапайым дәрумендер. Е дәрумені.
АТХ КОДЫ А11НА03
Фармакологиялық қасиеттері
Фармакокинетикасы
Сіңуі
Енгізілгендозаныңшамамен 50%-ыасқазан-ішекжолынансіңеді, қандағыең жоғары деңгейі 4 сағаттан соң қалыптасады. Сіңірілуі үшін өт қышқылдары болуы қажет. Сіңу үдерісінде Е витаминінің жасушаішілік тасымалдаушысы болып табылатын липопротеидтермен кешен түзеді.
Негізіненлимфаға, соданкейін– жалпықанағысынакеліптүседі,онда негізінен альфа1 және бета-липопротеидтермен, ішінара сарысу альбуминдерімен байланысады. Ақуыздардың алмасуы бұзылған кезде тасымалдануықиындайды.
Таралуы
Бүйрек үсті безінде, гипофизде, ұрық бездерінде, май және бұлшықет тіндерінде, эритроциттерде, бауырда жинақталады.
Шығарылуы
Метаболизмге ұшырайды және организмнен (90%-дан астамы) өтпен және(6%-ға жуығы) несеппен өзгеріссіз күйде және метаболиттер түрінде бөлініпшығады.
Фармакодинамикасы
Е витамині антиоксидантты дәрі болып табылады, тіндік метаболизм үдерісіне қатысады, эритроциттердің гемолизіне, капиллярларөткізгіштігі мен сынғыштығының жоғарылауына, аталық без өзекшелері және аналық без, плацента функцияларының бұзылуына жол бермейді, ұрпақ өрбітуфункциясын қалыпқа келтіреді.
Препарат атеросклероздың, жүрек бұлшықетінде және қаңқа бұлшықетінде дегенеративті-дистрофиялық өзгерулердің дамуына кедергі жасайды, миокардтың нәрленуін және жиырылу қабілетін жақсартады, миокардтың оттегін тұтынуын төмендетеді. Бос радикалды реакцияларды тежейді, жасушалық және субжасушалық жарғақшаларды зақымдайтын пероксидтердің пайда болуына жол бермейді. Гем мен гемі бар ферменттердің – гемоглобиннің, миоглобиннің, цитохромдардың, каталазаның, пероксидазаның синтезін көтермелейді.
Тіндік тыныс алуды жақсартады, ақуыздардың (коллагеннің,қаңқа және тегіс бұлшықеттерінің, ферменттік, құрылымдық және қысқартатын ақуыздардың, миокардтың) синтезін жақсартады, А витаминін тотығудан қорғайды, холестерин синтезін тежейді.
Организмде Е витамині(Е авитаминозы) жоқ болған кезде жүректің қаңқа бұлшықеттерінде дегенеративті өзгерулер дамиды, капиллярлардың өткізгіштігі мен сынғыштығы жоғарылайды, аталық без өзекшелері, аналық без эпителийлері қайта түзіледі. Эмбрионда қан құйылу пайда болады, олардың жатыр ішінде өлуі басталады. Сондай-ақ жүйке жасушаларында дегенеративті өзгерулер және бауыр паренхимасының зақымдануы байқалды. Е витамині жеткіліксіз болған кезде қан сарысуында ақуыздар концентрациясы деңгейінің және бауыр мен ұрық бездерінде нуклеин қышқылы мөлшерінің төмендегені байқалады.
Адамда Е витаминінің жеткіліксіз болуы тамақтану ерекшеліктерімен байланысты (мысалы, аста өсімдік майының жоқ болуынан) немесе әртүрлі, мысалы, бауырдың, ұйқы безі және басқа аурулардың салдарынан жүзеге асуы мүмкін.
Қолданылуы
- ерлердегі сперматогенез бұзылуында
- жүктіліктің үзілу қаупінде, әйелдерде шарананың құрсақішілік даму жағдайы нашарлағанда
- бұлшықет дистрофиясында, амиотрофикалық бүйірлік склерозда
Қолдану тәсілі және дозалары
Сперматогенезбұзылуыкезіндеерлерге бір ай бойытәулігіне 100-300 мг-ден Е витаминін (гормональді еммен біріктіріп)тағайындайды; шарананыңжатырішілік даму жағдайы нашарлаған кезде - жүктіліктің алғашқы 2-3 айы бойы 100 мг-ден күн сайын немесе күнара.
Бұлшықет дистрофиясында, амиотрофикалық бүйірлік склерозда Е витаминін 1-2 ай бойы тәулігіне 100 мг-ден қолданады; қайталанатын курстарды 2-3 айдан соң тағайындайды; шеткері қантамырларының ауруларында – 20-40 күн бойы тәулігіне 100 мг-ден (А витаминімен үйлестіріп), 3-6айдан кейін емдеу курсын қайталауға болады.
Е гиповитаминозын емдеу ұзақтығы әркімде әрқалай және жағдайына байланысты.
Басқа поливитаминдік препараттармен бірге ұзақ уақыт бойы тағайындау ұсынылмайды, бұл жағдайда майда еритін Е витаминінің артық дозалануы туындауы мүмкін.
Жағымсыз әсерлері
- эпигастрий тұсының ауыруы, жүрек айнуы, диарея
- аллергиялық реакциялар
- бас ауыруы, қажығыштық, әлсіздік
- тромбофлебиттер, тромбоз, өкпе артериясының тромбозы
- креатинурия, креатинкиназа белсенділігінің жоғарылауы, холестерин деңгейінің жоғарылауы
Қолдануға болмайтын жағдайлар
- препаратқа жоғары сезімталдық
- кардиосклероз
- миокард инфарктісі
- 18 жасқа дейінгі балалар мен жасөспірімдерге
Дәрілермен өзара әрекеттесуі
Эпилепсиямен науқастарда, яғни қанында липидтердің асқын тотығу өнімдерінің мөлшері жоғарылағандарда құрысуға қарсы дәрілердіңтиімділігін арттырады.
Стероидты және ҚҚСД, жүрек гликозидтерінің әсерлерін күшейтеді, соңғысының, сондай-ақ А және D витаминдерінің уыттылығын азайтады. Е витаминін жоғары дозада тағайындау организмде А витаминінің тапшылығын туындатуы мүмкін.
Е витаминін тәулігіне 400 ХБ астам дозада антикоагулянттармен бір уақытта қолданғанда (кумарин жәнеиндандион туындылары) гипопротромбинемия және қан кету қатерін жоғарылатады.
Колестирамин, колестипол, минералды майлар Е витаминінің сіңуін төмендетеді.
Темірдің жоғары дозалары организмде тотығу үдерісін күшейтеді, бұл Е витаминіне деген қажеттілікті арттырады.
Е витаминін циклоспоринмен бір уақытта қолданғанда соңғысының сіңуі жоғарылайды.
Айрықша нұсқаулар
Тромбоэмболияның даму қаупі жоғарылаған кезде сақтықпен қолданған жөн.
Педиатрияда қолданылуы
Препаратты, бір капсуладағы токоферол ацетатының дозасы жоғары болуына байланысты, педиатрия тәжірибесінде қолданбайды.
Жүктілік
Е витаминін жүктілік кезінде көрсетілім бойынша қолданады. Е витамині плацента арқылы жеткіліксіз мөлшерлерде өтеді: ұрық қанына анасының қанындағы концентрациясының 20-30 %-ы өтеді.
Лактация кезеңі
Препаратты лактация кезеңінде тек дәрігердің бақылауымен және ұсынымымен қолданады.
Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Әсер етпейді.
Артық дозалануы
Симптомдары: ұзақ уақыт бойы тәулігіне 400-800 ХБ дозада қабылдаған кезде – көз көруінің бұлдырауы, бас айналу, бас ауыру, жүректің айнуы, диарея, гастралгия, астения;ұзақ уақыт бойы тәулігіне 800 ХБ астамын қабылдағанкезде – Кгиповитаминозынашалдыққан науқастарда қан кету қаупінің артуы, тиреоидты гормондар метаболизмінің бұзылуы, сексуалдық қызметтің бұзылуы, тромбофлебит, тромбоэмболия, некроздық колит, сепсис, гепатомегалия, гипербилирубинемия, бүйрек қызметінің жеткіліксіздігі, көздің торлы қабығына қан құйылу, геморрагиялық инсульт, асцит, гемолиз.
Емі: препаратты тоқтату; бауырда Е витаминінің метаболизмін жеделдететін глюкокортикоидтарды тағайындайды; геморрагия қаупін азайту үшін Викасол тағайындайды.
Шығарылу түрі және қаптамасы
10 капсуладан поливинилхлорид маркалы үлбірден және баспалы лакталған алюминий фольгадан жасалған пішінді ұяшықты қаптамаға салады.
2 пішінді ұяшықты қаптамадан медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салады.
100 пішінді ұяшықты қаптамадан (блистерден) медициналық қолдану жөніндегі мемлекеттік және орыс тілдеріндегі нұсқаулықтың тиісінше саныменбірге картоннан жасалған пеналға салынған.
Сақтау шарттары
Құрғақ, жарықтан қорғалған жерде, 250С-ден аспайтын температурада сақтау керек.
Балалардың қолы жетпейтін жерде сақтау керек!
Сақтау мерзімі
2 жыл
Жарамдылық мерзімі өткеннен кейін қолдануға болмайды.
Дәріханалардан босатылу шарттары
Рецептісіз
Өндіруші
«Минскинтеркапс» УК, Беларусь Республикасы,
220075, Минск қ., а/ж 112, Инженерная к-сі, 26 үй
Тел./факс (+37517) 267 01 59
Тіркеу куәлігінің ұстаушысы
«Минскинтеркапс» УК, Беларусь Республикасы
Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын ұйымның атауы, мекенжайы және байланыс деректері (телефон, факс, электрондық пошта)
«Private Clinic Farmaceuticals & Technologies» ЖШС
Қазақстан Республикасы, Алматы қ., Самал-2, 58А үй, 11 қабат
Тел. (+727)2668415
E-mail: info@privateCPT.kz
Қазақстан Республикасы аумағында дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электрондық пошта)
«Рахметова» ЖК,
Қазақстан Республикасы, Алматы қ., Байзақов к-сі, 116 үй, 35 пәтер
Тел. 8-777-324-23-37
E-mail: al.rakhmetova@ yandex.kz
