Біздің компаниямыз жайлы жалпы ақпарат.
Дәрілік препаратты медициналық қолдану
жөніндегі нұсқаулық (қосымша парақ)
Саудалық атауы
Анальгин
Халықаралық патенттелмеген атауы
Натрий метамизолы
Дәрілік түрі, дозалануы
Инъекцияға арналған ерітінді 50% 2 мл
Фармакотерапиялық тобы
Жүйке жүйесі. Анальгетиктер. Басқа анальгетиктер – антипиретиктер. Пиразолондар. Натрий метамизолы.
АТХ коды N02BB02
Қолданылуы
- жарақаттан немесе операциядан кейінгі жедел ауыру
- шаншулар
- ісікке байланысты ауыру
- басқа да жедел және созылмалы қарқынды ауырулар, өзге емдік шаралар мүмкін болмаған кезде
- қызба, басқа шаралар тиімсіз болған кезде
Дәрілік затты парентеральді енгізу энтеральді қолдану мүмкін болмаған жағдайларда ғана пайдаланылады
Қолданудың басталуына дейінгі қажетті мәліметтер тізбесі
Қолдануға болмайтын жағдайлар
- әсер етуші затқа немесеқосымша заттардың кез келгеніне аса жоғары сезімталдық
- осы препараттарды қолданғаннан кейін агранулоцитоз дамыған пациенттерді қоса, пиразолонның басқа туындыларына (мысалы, феназон, пропифеназон) немесе пиразолидинге (мысалы, фенилбутазон, оксифенбутазон) жоғары сезімталдық
- сүйек кемігі функциясының бәсеңдеуі (мысалы, цитостатиктермен емдегеннен кейін) немесе қан түзу жүйесінің аурулары
- бронх түйілуі немесе салицилаттарға, парацетамолға немесе диклофенак, ибупрофен, индометацин немесе напроксен сияқты басқа есірткілік емес анальгетиктерге анафилактоидты реакциялардың (мысалы, есекжем, ринит, ангионевроздық ісіну) басқатүрлері бар пациенттерде
- жедел ауыспалы бауыр порфириясы (порфирия ұстамасының даму қаупі)
- глюкоза-6-фосфатдегидрогеназаның генетикалық тапшылығы (гемолиз)
- артериялық гипотензия және / немесе тұрақсыз гемодинамика
- жүктіліктің үшінші триместрі
Қолдану кезіндегі қажетті сақтандыру шаралары
Агранулоцитоз
Натрий метамизолын қабылдау аясында агранулоцитоздың дамуы мүмкін. Ол өте сирек туындайды, кем дегенде бір аптаға созылады, дозаға байланыссыз, ауыр болуы, өмірге қауіп төндіруі мүмкін және кейбір жағдайларда өлімге әкеледі. Осыған байланысты, температураның жөнсіз көтерілуі, қалтырау, тамақтың ауыруы, жұтудың қиындауы, стоматит, ауыз қуысының эрозиялық-ойық жаралы зақымдануы, шеткері қандағы нейтрофилдер санының 1500/мм3 кем төмендеуі сияқты симптомдар анықталған кезде дереу дәрігерге қаралу және натрий метамизолын тоқтату қажет.
Панцитопения
Панцитопения дамығанда емдеу дереу тоқтатылып, әрі қарай қан талдауы қалпына келгенге дейін бақылануы тиіс. Пациент егер емдеу кезінде қанның патологиялық өзгерістерін айғақтайтын белгілер мен симптомдар (мысалы, дімкәстік, инфекция, тұрақты қызба, қанталаулар, қан кету, бозару) пайда болса, дәрігерге көріну қажеттігі туралы хабардар етілуі тиіс.
Анафилаксиялық реакциялар
Бейімділігі бар пациенттерде анафилаксиялық шок пайда болуы мүмкін, сондықтан демікпесі немесе атопиясы бар пациенттерге натрий метамизолын сақтықпен тағайындау керек. Натрий метамизолын қолдануға жауап ретінде анафилактоидты реакциялар пайда болатын пациенттер басқа да есірткілік емес анальгетиктерді қолдануға жауап ретінде олардың даму қаупіне ұшырауға бейім.
Натрийдің метамизолын қолдануға жауап ретінде анафилаксиялық немесе басқа иммунитетке байланысты реакциялар (мысалы, агранулоцитоз) пайда болатын пациенттер де басқа пиразолондар мен пиразолидиндерді қолдануға жауап ретінде олардың даму қаупіне ұшырауға бейім.
Анафилаксиялық/анафилактоидты реакциялар
Препаратты енгізу тәсілін таңдау кезінде парентеральді енгізу анафилаксиялық/анафилактоидты реакциялардың пайда болу қаупінің жоғары болуымен байланысты екенін ескеру керек. Натрий метамизолына аса жоғары сезімталдық реакцияларының даму қаупінің жоғарылауы келесі жағдайларға байланысты болуы мүмкін:
- анальгетиктерге демікпе синдромымен немесе ангионевроздық ісінумен
- анальгетикалық бронх демікпесі, әсіресе қатарлас полипозды риносинуситпен
- созылмалы есекжем
- алкоголь жағымсыздығы (алкогольге жоғары сезімталдық), тіпті кейбір алкогольді сусындардың аздаған мөлшерін қабылдағанда да. Пациенттерде түшкіру, көзден жас ағуы және беттің айқынқызаруы байқалады.
Алкоголь жағымсыздығы бұрын анықталмаған аспирин демікпесі синдромын көрсетуі мүмкін
- бояғыштар (мысалы, тартразинге) немесе консерванттар (мысалы, бензоатқа) жағымсыздығы немесе жоғары сезімталдық.
Натрий метамизолын қолданар алдында пациенттен сауалнаманы мұқият алу қажет. Анафилактоидтық реакцияның даму қаупі анықталған жағдайда қаупі/пайдасының арақатынасын анықтағаннан кейін ғана қабылдау мүмкін болады.
Аса жоғары сезімталдық реакцияларының даму қаупі жоғары пациенттерде натрий метамизолын қолданған жағдайда олардың жай-күйін қатаң медициналық бақылау және анафилаксиялық/анафилактоидтық реакциялар дамыған жағдайда оларға шұғыл көмек көрсету үшін құралдардың болуы қажет.
Оқшауланған гипотензивті реакциялар
Метамизолды қабылдау гипотензивті реакцияларға әкелуі мүмкін. Бұл реакциялар дозаға тәуелді болуы мүмкін. Әдетте бұл реакциялар парентеральді енгізу кезінде пайда болады. Мұндай реакциялар қаупін болдырмау үшін:
- венаішілік инъекцияны баяу енгізу
- алдыңғы гипотензиясы, сусыздануы немесе дегидратациясы, тұрақсыз артериялық қысымы бар немесе қан айналымының бастапқы жеткіліксіздігі бар пациенттерде гемодинамиканы қалпына келтіру
- температурасы жоғары науқастарды бақылау керек.
Мұндай пациенттерде мұқият тексеру және дұрыс бақылау қажет. Гипотензивті реакциялар қаупін азайту үшін алдын-алу шаралары (мысалы, қан айналымын тұрақтандыру) қажет болуы мүмкін.
Ауыр тері реакциялары
Анальгинді қолданған кезде Стивенс-Джонсон синдромы және уытты эпидермальді некролиз сияқты өмірге қауіпті тері реакциялары тіркелді. Стивенс-Джонсон синдромының немесе уытты эпидермальді некролиздің симптомдары немесе белгілері (мысалы, үдемелі тері бөртпесі, көбінесе көпіршіктері бар немесе шырышты қабықтың зақымдануы) пайда болған кезде, анальгинмен емдеуді дереу тоқтату қажет. Пациенттер белгілер мен симптомдар туралы біліп, терінің өзгеруін, әсіресе емдеудің алғашқы апталарында мұқият қадағалап отыруы керек.
Бүйрек немесе бауыр функциясы бұзылған пациенттерде натрий метамизолын шығару жылдамдығының төмендеуіне байланысты жоғары дозаларда қабылдаудан аулақ болу ұсынылады. Анафилаксиялық/анафилактоидты реакциялардың алғашқы белгілері кезінде енгізуді тоқтатуға, сондай-ақ жекелеген гипотензивті реакциялардың туындауын барынша азайту үшін вена ішіне енгізуді өте баяу (1 мл/мин-ден аспайтын) жүзеге асырған жөн.
Артериялық қысымның төмендеу қаупін азайту үшін вена ішіне енгізу баяу (1 мл/мин аспайтын жылдамдықпен), пациенттің "жатқан"қалпында, артериялық қысымды, жүрек жиырылу жиілігін және тыныс алуды бақылау арқылы жүргізілуі тиіс. Алдын ала сынама (0,1-ден 0,2 мл-ге дейін инъекция және пациентті 1-ден 2 минутқа дейін бақылау) жалпы дозаны дәл енгізер алдында анафилаксиялық шок қаупін төмендетуі мүмкін.
Егер анальгин сияқты пиразол туындыларын қабылдағаннан кейін қызба төмендемесе немесе шырышты қабықтарда, әсіресе аузында, мұрнында немесетамақта жаңа немесе ауыратын ойылған жаралар пайда болса, басқа ауырсынуды басатын немесеыстық түсіретін препараттарды қолданбай, препаратты дереу тоқтату керек.
Бұл әдетте 2-ден 3 аптаға дейін созылады, оның барысында кең ауқымдағы антибиотиктер мен антимикотиктерді тағайындау қажет. Кейде несептің қызылға боялуыбайқалады: клиникалық маңызы жоқ және бұл бүйрек арқылы улы емес метаболиттің (рубазон қышқылы) шығарылуымен байланысты.
Басқа дәрілікпрепараттармен өзара әрекеттесуі
Натрий метамизолы плазмадағы циклоспорин концентрациясының төмендеуіне әкелуі мүмкін, сондықтан оларды бір мезгілде қолданған кезде циклоспорин концентрациясын бақылау керек.
Натрий метамизолын және метотрексатты немесе басқа миелоуытты дәрілерді бір мезгілде қолдану, әсіресе егде жастағы пациенттерде соңғысының гематоуыттылығын күшейтуі мүмкін.
Бірге қолданғанда натрий метамизолы ацетилсалицил қышқылының тромбоциттер агрегациясына әсерін азайтуы мүмкін. Сондықтан бұл біріктірілімді кардиопротекция үшін ацетилсалицил қышқылының төмен дозаларын қабылдайтын пациенттерді емдеу кезінде сақтықпен қолданған жөн.
Бір мезгілде қолданған кезде натрий метамизолы қандағы бупропион концентрациясын төмендетуі мүмкін.
Зертханалық зерттеулердің нәтижелеріне әсері
Метамизолды қолдану Триндер реакциясына немесе Триндерге ұқсас реакцияларға негізделген зертханалық зерттеулердің нәтижелерін бұрмалауы мүмкін (мысалы, креатинин, триглицеридтер, холестерин- ЛПТЖ немесе сарысудағы несеп қышқылы деңгейін анықтау).
Арнайы сақтандырулар
Жүктілік немесе лактация кезінде
Жүктілік кезінде натрий метамизолын қолдану туралы мәліметтер шектеулі. Жарияланған деректердің нәтижелері бойынша бірінші триместрде (n = 568) метамизол әсеріне ұшыраған жүкті әйелдердегі натрий метамизолының тератогендік немесе эмбриоуыттылық әсері байқалмады. Натрий метамизолын жүктіліктің бірінші және екінші триместрінде қабылдауға болмайды.
Метамизолды үшінші триместрде байқаусызда қолданған жағдайда амниотикалық сұйықтық пен артериялық ағын жолын тексеру керек: УДЗ және эхокардиография. Сондықтан натрий метамизолы жүктіліктің үшінші триместрінде қарсы көрсетілімде. Натрий метамизолы плацентарлыбөгет арқылы өтеді.
Натрий метамизолы метаболиттері емшек сүтіне енеді, сондықтан препаратты қолданғанда, сондай-ақ соңғы дозаны қабылдағаннан кейін 48 сағат ішіндебала емізуді тоқтату керек.
Метамизолдың фертильділікке әсері туралы деректер жоқ немесе мәліметтер шектеулі
Дәрілік заттың көлік құралын және қауіптілігі зор механизмдердібасқару қабілетіне әсер ету ерекшеліктері
Ұсынылған дозалар диапазоны концентрацияға және реакция жылдамдығына ықпал етпейді. Жоғары дозаларды қабылдаған кезде сақтық шарасы ретінде машиналарды, көлік құралдарын жүргізуден немесе басқақауіпті қызмет түрлерінен аулақ болу керек. Бұл, атап айтқанда, алкогольмен біріктіруге қатысты.
Қолдану жөніндегі нұсқаулар
Дозалау режимі
Дозалануы ауырудың қарқындылығына, қызбаға және анальгинді қабылдауға жауап ретіндегі жеке сезімталдыққа байланысты.
Ауыруды және қызбаны бақылайтын төмен тиімді дозалар таңдалуы тиіс.
14 жасқа дейінгі балалар мен жасөспірімдер үшін метамизолдың бір реттік дозасы дене салмағының килограмына 8-16 мг. Балаларда температураны төмендету үшін, әдетте, метамизолдың жеткілікті дозасы дене салмағының килограмына10 мг құрайды. 15 жастан асқан (> 53 кг) ересектер мен жасөспірімдерге бір жолы 1000 мг дейін қабылдауға болады..
Бір реттік қабылдаудың әсері жеткіліксіз болған жағдайда ең жоғары тәуліктік дозаға байланысты ең жоғары бір реттік дозаны 6-дан 8 сағатқа дейінгі аралықпен тәулігіне 4 ретке дейін қабылдауға болады.
Әсері парентеральді енгізгеннен кейін 30 минуттан соң басталады. Вена ішіне инъекция жасау жағдайында гипотония қаупінен аулақ болу үшін дәріні өте баяу енгізу керек.
Төмендегі кестеде ұсынылған дозалар мен ең жоғары дозалар келтірілген.
| Дене салмағы | Бір реттік доза | Ең жоғары доза | |||
| кг | жас | мл | мг | мл | мг |
| 5-8 | 3-11 ай | 0.1-0.2 | 50-100 | 0.4-0.8 | 200-400 |
| 9-15 | 1-3 жас | 0.2-0.5 | 100-250 | 0.8-2.0 | 400-1000 |
| 16-23 | 4-6 жас | 0.3-0.8 | 150-400 | 1.2-3.2 | 600-1600 |
| 24-30 | 7-9 жас | 0.4-1.0 | 200-500 | 1.6-4.0 | 800-2000 |
| 31-45 | 10-12 жас | 0.5-1.4 | 250-700 | 2.0-5.6 | 1000-2800 |
| 46-53 | 13-14 жас | 0.8-1.8 | 400-900 | 3.2-7.2 | 1600-3600 |
| >53 | ≥15 жас | 1.0-2.0* | 500-1000* | 4.0-8.0* | 2000-4000* |
* қажет болса бір реттік дозаны 5 мл дейін (2500 мг натрий метамизолына сәйкес келеді) және тәуліктік дозаны 10 мл дейін (5000 мг натрий метамизолына сәйкес келеді) ұлғайтуға болады.
Пациенттердің ерекше топтары
Егде пациенттер және бүйрек функциясы төмендегенде және креатинин клиренсі бұзылғанда
Пациенттердің бұл санатында доза азайтылуы тиіс, өйткені метамизолды қабылдаған кезде зат алмасу өнімдерінің шығарылуы баяулауы мүмкін.
Бүйрек немесе бауыр функциясының бұзылуы
Бүйрек немесе бауыр функциясы төмендеген кезде жоғары дозалардан аулақ болу керек. Дозаны төмендетпей аз уақытқа қолдануға болады. Ұзақ қолдану мүмкін емес.
Енгізу тәсілі қажетті емдік әсерге және пациенттің жай-күйіне байланысты. Көп жағдайларда, қанағаттанарлық әсерге жету үшін пероральді енгізу жеткілікті болады. Жылдам әсеріне жету қажет болғанда дәрілік затты вена ішіне немесе бұлшықет ішіне енгізуге болады. Енгізу тәсілін таңдаған кезде анафилаксиялық немесе анафилактоидты реакциялардың даму қаупі парентеральді енгізгенде жоғарырақ екенін ескеру қажет.
Инъекциялық анальгин ерітіндісін 5 % глюкоза ерітіндісімен, 0,9 % физиологиялық ерітіндімен немесе Рингер-лактат ерітіндісімен араластыруға немесе сұйылтуға болады. Аталған ерітінділердің тұрақтылығы шектеулі болуына байланысты, оларды дереу пайдалану керек.
Потенциальды үйлесімсіздік салдарынан, анальгин ерітіндісін басқа дәрілік заттармен бір шприцте немесе вена ішілік инфузияға арналған жүйеде пайдалану ұсынылмайды.
Артық дозалану жағдайында қабылдау қажет болатын шаралар
Симптомдары
Артық дозаланғанда келесі симптомдар пайда болуы мүмкін: жедел агранулоцитоз, бүйрек функциясының төмендеуі/олигуриямен жедел бүйрек жеткіліксіздігі (мысалы, интерстициальді нефриттің дамуына байланысты), орталық жүйке жүйесінің сирек кездесетін симптомдары (бас айналу, ұйқышылдық, құлақтағы шуыл, сандырақтау, сананың бұзылуы, кома, құрысулар) және артериялық қысымның күрт төмендеуі (кейде шокқа дейін үдейтін), сондай-ақ жүрек ырғағының бұзылуы (тахикардия). Жоғары дозаларды қабылдағаннан кейін бүйрек арқылы уытты емес метаболитті (рубазон қышқылы) шығару несептің қызыл түске боялуына әкелуі мүмкін.
Емі
Метамизол натрийіне спецификалық антидот жоқ. Егер препаратты қабылдағаннан кейін 1-2 сағаттан аспайтын ғана уақыт өтсе, онда сіз құстырып, зонд арқылы асқазанды шаюды жүргізе аласыз; тұзды іш жібіткіш дәрілерді, белсендірілген көмірді тағайындаңыз. Артық дозаланған кезде қарқынды диурез көрсетіледі. Бас метаболит (4-N-метиламиноантипирин) гемодиализ, гемофильтрация, гемоперфузия немесе қан плазмасын сүзу көмегімен шығарылуы мүмкін.
Дәрілік препараттың бір немесе бірнеше дозасын өткізіп алу кезіндегі қажетті шаралар
Қабылданбай қалған дозаның орнын толтыру үшін екі есе дозаны қабылдамаңыз
Дәрілік препаратты қолдану тәсілін түсіндіру үшін медицина қызметкерінен кеңес алуға жүгіну бойынша ұсынымдар
Дәрілік препаратты қолданар алдында дәрігерге немесе фармацевтке жүгініңіз.
ДП стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар
Жүрек тарапынан бұзылулар
Иммундық жүйе тарапынан бұзылулар
анафилаксиялық немесе анафилактоидты реакциялар. Бұл реакциялар күрделі болады және өмірге қауіпті және кейбір жағдайларда өлімге әкелуі мүмкін.
Мұндай реакциялар инъекция кезінде немесе дәрілік затты қабылдағаннан кейін бірден, сондай-ақ бірнеше сағаттан кейін дамуы мүмкін. Негізінен, бұл реакциялар енгізілгеннен кейін бірінші сағат ішінде дамиды.
Жеңіл жағдайларда олар тері симптомдары мен шырышты қабықтың симптомдары (қышыну, күйдіру, гиперемия, есекжем, ісіну), ентігу немесе асқазан-ішек жолдарының шағымдары түрінде көрінеді.
Ауыртүрлері жайылған есекжеммен, Квинка ісінуімен (оның ішінде көмейдің), ауыр бронх түйілуімен, жүрек ырғағының бұзылуымен, артериялық гипотензиямен (кейде артериялық қысымның жоғарылауынан бұрын болуы мүмкін), тамырлық шокпен көрінуі мүмкін.
Анальгетиктер жағымсыздығы бар науқастарда демікпе ұстамалары дамуы мүмкін.
Тері және тері асты тіндері тарапынан бұзылулар
Тіркелген дәрілік дерматит, тері бөртпесі, жиілігі белгісіз: Стивенс-Джонсон синдромы, уытты эпидермальді некролиз (Лайелл синдромы).
Қан және лимфа жүйесі тарапынан
Лейкопения, агранулоцитоз (өліммен аяқталған жағдайларды қоса алғанда), тромбоцитопения, апластикалық анемия, панцитопения (өліммен аяқталған жағдайларды қоса алғанда).
Агранулоцитоздың типтік симптомдары мыналар болып табылады:
- шырышты қабықтардың зақымдануы (ауыз қуысы мен жұтқыншақ, аноректальді аймақ, жыныс мүшелері), тамақтың ауыруы
- қызба
- қалтырау
- стенокардия
- лимфаденопатия кезінде ЭШЖ елеусіз үдеуі немесе болмауы
- гемоглобиннің, эритроциттердің және тромбоциттердің көрсеткіштері қалыпты болып қалады.
Тромбоцитопенияның типтік симптомдары - бұл қан кету бейімділігінің артуыжәне теріде және шырышты қабаттарда петехияның туындауы болып табылады.
Емдеуді тоқтатқаннан кейін лейкоциттер әр 2-3 апта сайын нормадағы қалпына келеді.
Осы кезеңде кең спектрлі антибиотиктер мен антимикотиктерді тағайындау қажет.
Назар аударыңыз: антибиотиктер қабылдағанпациенттерде, агранулоцитоздың типтік симптомдары ең аз болуы мүмкін
Қан тамырлары тарапынан бұзылулар
- оқшауланған артериялық гипотензия.
Препаратты қабылдағаннан кейін артериялық қысымның оқшауланған транзиторлы төмендеуі мүмкін (мүмкін фармакологиялық шартталған және анафилаксиялық/анафилактоидтық реакциялардың басқа да көріністерімен қатар жүрмейтін).
Сирек: артериялық қысымның күрт білінген төмендеуі
Бүйрек және несеп шығару жолдары тарапынан
Өте сирек: бүйрек функциясының бұзылуы
Өте сирек жағдайларда бүйрек функциясы бұзылған пациенттерде бүйрек функциясының жедел нашарлауы (жедел бүйрек жеткіліксіздігі), кейбір жағдайларда олигурия, анурия, протеинуриямен.
Жиілігі белгісіз: интерстициальді нефрит.
Жиі емес: несепте метаболит-рубазон қышқылы болуына байланысты несептің қызыл түске боялуы мүмкін
Енгізу орнындағы жалпы реакциялар
өте сирек – флебит
Асқазан-ішек жолы тарапынан бұзылулар
Асқазан-ішектен қан кету туралы хабарламалар болды
Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек:
Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК
Қосымша мәліметтер
Дәрілік препарат құрамы
2 мл препараттың ішінде
белсенді зат -1000.0 мг натрий метамизол моногидраты,
қосымша зат - инъекцияға арналған су.
Сыртқы түрінің, иісінің, дәмінің сипаттамасы
Түссізден сарғыштау түске дейінгі мөлдір ерітінді
Шығарылу түрі және қаптамасы
2 мл-ден шприцпен толтырылатын бейтарап шыны ампуладанемесе сындыру нүктесі немесе сындыру сақинасы баршприцпен толтырылатын импорттық стерильді ампулада.
Әрбір ампулаға заттаңбалық немесе жазу қағазынан жасалған заттаңба жапсырылады.
5 немесе 10 ампуладан поливинилхлоридті үлбір мен алюминий немесе импорттық фольгадан жасалған пішінді ұяшықты қаптамаға қапталған.
Пішінді ұяшықты қаптамалар медициналық қолдану жөніндегі мемлекеттік және орыс тіліндегі бекітілген нұсқаулықпен бірге картон немесе гофрланған картоннан жасалған қорапқа салынады. Медициналық қолдану жөніндегі нұсқаулықтар мөлшері қаптама саны бойынша салынады.
Сақтау мерзімі
3 жыл.
Жарамдылық мерзімі өткеннен кейін қолдануға болмайды!
Сақтау шарттары
Жарықтан қорғалған жерде, 25 оС-ден аспайтын температурада сақтау керек.
Балалардың қолы жетпейтін жерде сақтау керек!
Дәріханалардан босатылу шарттары
Рецепт арқылы
Өндіруші туралы мәліметтер
«Химфарм» АҚ, Қазақстан Республикасы, Шымкент қ., Рашидов к-сі, 81
Телефон нөмірі +7 7252 (610151)
Автожауапбергіш нөмірі +7 7252 (561342)
Электронды пошта complaints@santo.kz
Тіркеу куәлігінің ұстаушысы
«Химфарм» АҚ, Қазақстан Республикасы, Шымкент қ., Рашидов к-сі, 81
Телефон нөмірі +7 7252 (610151)
Автожауапбергіш нөмірі +7 7252 (561342)
Электронды пошта complaints@santo.kz
Қазақстан Республикасы аумағында тұтынушылардан дәрілік заттар сапасына қатысты шағымдар (ұсыныстар) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)
«Химфарм» АҚ, Қазақстан Республикасы, Шымкент қ., Рашидов к-сі, 81
Телефон нөмірі +7 7252 (610150)
Электронды пошта phv@santo.kz; infomed@santo.kz
