Сипаттама
Дәрілік заттың медицинада қолданылуы
жөніндегі нұсқаулық
ДИЦИНОН 250
Саудалық атауы
Дицинон 250
Халықаралық патенттелмеген атауы
Этамзилат
Дәрілік түрі
Инъекцияға арналған 250 мг/2 мл, 2 мл ерітінді
Құрамы
Бір ампуланың құрамында
белсенді зат - этамзилат - 250,0 мг,
қосымша заттар - натрий метабисульфиті, натрий гидрокарбонаты, инъекцияға арналған су, азот.
Сипаттамасы
Түссіз мөлдір немесе сәл сарғыш ерітінді.
Фармакотерапиялық тобы
Гемостатиктер. Басқа да жүйелік гемостатиктер.
АТЖ кодыB02B X01
Фармакологиялық қасиеттері
Фармакокинетикасы
500 мг этамзилатты көктамырға енгізгеннен кейін, плазмадағы ең жоғарғы концентрациясына 10 минуттан соң жетеді; қан плазмасынан жартылай шығарылу кезеңі шамамен 1,9 сағатты құрайды. Қабылданған дозасының 85%-ға жуығы алғашқы 24 сағат ішінде несеппен бөлініп шығады.
Қан плазмасы ақуыздарымен байланысу дәрежесі шамамен 95% құрайды. Қан плазмасынан жартылай шығу кезеңі шамамен 3,7 сағатты құрайды. Қабылданған дозасының шамамен 72%-ы алғашқы 24 сағат ішінде несеппен бөлініп шығады: молекула өзгеріссіз күйде бөлініп шығады. Этамзилат плацентарлық бөгет арқылы өтеді. Аналық және кіндік қанының құрамында этамзилаттың ұқсас концентрациялары бар. Этамзилаттың емшек сүтіне ену-енбеуі белгісіз.
Бауыр және бүйрек қызметінің жеткіліксіздігі бар емделушілердегі фармококинетикасы.Бауыр және/немесе бүйрек қызметі бұзылған емделушілердегі этамзилаттың фармокинетикалық қасиеттерінің өзгеруі-өзгермеуі белгісіз.
Фармакодинамикасы
Этамзилат – бұл синтетикалық қан тоқтатқыш және ангиопротекторлық препарат, алғашқы қан тоқтатқыш құрал ретінде қолданылады (эндотелий-тромбоциттердің өзара әрекеттесуі). Тромбоциттердің адгезивтілігін жақсарта және қылтамырлардың резистенттілігін қалпына келтіре отырып, препарат қансырау уақыты мен қан жоғалтудың қысқаруын қамтамасыз етеді.
Этамзилаттың қантамырларды тарылтатын әсері жоқ, фибринолизге әсер етпейді және плазманың коагуляциялық факторларын өзгертпейді.
Қолданылуы
- қан кетулердің алдын алу және тоқтату: паренхиматоздық және қылтамырлық қан кетулерде (соның ішінде жарақаттық, қатты тамырланған мүшелер мен тіндерге операция жасаудағы хирургияда, стоматологиялық, урологиялық және офтальмологиялық операциялық араласуларда, отоларингологиялық тәжірибеде, ішектен, бүйректен, өкпеден қан кетулер, фибромиомадағы метро- және менорагиялар және т.б.)
- гематурияда
- бассүйекшілік қан құйылуларда (соның ішінде жаңа туған және шала туылған балаларда)
- артериялық гипертензия аясындағы мұрыннан қан кетуде
- дәрілік заттарды қабылдаудан туындаған қан кетулерде
- геморрагиялық диатезде (соның ішінде Верльгоф, Виллебранд-Юргенс ауруы, тромбоцитопатия)
Қолдану тәсілі мен дозалары
Ересектер
Операцияға дейін:операцияға дейін 1 сағат бұрын көктамыр ішіне немесе бұлшықет ішіне1-2 ампуладан (250 - 500 мг).
Операция кезінде (қажеттілігіне қарай):көктамыр ішіне 1-2 ампуладан (250 - 500 мг).
Операциядан кейін (алдын алу үшін):егер қан кету қаупі туындаса, операциядан кейін алдын алу үшін 24 сағат бойы бірқалыпты 2-4 ампуласын енгізу немесе 2-ден 8 таблеткаға дейін беру керек.
Шұғыл жағдайларда, жағдайдың ауырлығына сәйкес:әр 4-6 сағат сайын көктамыр ішіне немесе бұлшықет ішіне қан кету қаупі бар уақыттың барлығында 1-2 ампуласын енгізу керек.
Жергілікті емдеу:тампонды ампуланың ішіндегісімен дымқылдап және қан кету орнына немесе тіс жұлғаннан кейінгі тістің қуысына бастырып қояды. Қажет болған жағдайда ампуланың ішіндегісіне малынған тампонды қайталап бастыруға немесе препаратты ішу арқылы немесе парентеральді қабылдаумен үйлестіруге болады.
Балаларға:тәулікдозасы3-4 қабылдауғабөліп, денесалмағына 10-15 мг/кгқұрайды.
Неонатология:дицинон туылғаннан кейінгі 2 сағат ішінде және 4 күн бойы әр 6 сағат сайын, бұлшықет ішіне немесе көктамыр ішіне дене салмағына 12,5 мг/кг-нан (0,1 мл = 12,5 мг) енгізілуі тиіс.
Жағымсыз әсерлері
- артериялық қан қысымының төмендеуі
- жүрек айнуы, ауыздағы ащы дәм, гастралгия, диарея
- бас ауруы, бас айналуы
- беттің гиперемиясы
- аллергиялық реакциялар (тері бөртпелері, анафилаксиялық шок, өмірге қауіпті демікпе ұстамалары)
- арқаның ауыруы
- аяқтардың парестезиясы
- тромбоэмболия (өте сирек)
- жедел порфирия (өте сирек)
Қолдануға болмайтын жағдайлар
- препараттың кез-келген құрамдас бөлігіне асқын сезімталдықта
- жедел порфирияда
- бронх демікпесінде
- балалардағы гемобластозда (лимфобласттық және миелобласттық лейкоз, остеосаркома)
- тромбозда, тромбоэмболияда
Дәрілермен өзара әрекеттестігі
Декстрандарды енгізгенге дейін 1 сағат бұрын алдында (орташа молекулярдық көлемі 30-40 мың Да) дене салмағына 10 мг/кг дозада енгізу олардың антиагреганттық әсерін болдырмайды. Декстрандарды енгізгеннен кейін Дицинон 250 енгізу гемостатикалық әсер етпейді.
Аминокапрон қышқылы және менадион натрий бисульфитімен үйлестірілуі мүмкін.
Басқа дәрілік заттармен (бір еккіште) фармацевтикалық үйлесімсіз.
Айрықша нұсқаулар
Сыртартқысында тромбоздары немесе тромбоэмболиялары бар науқастарға этамзилатты тағайындағанда сақ болу қажет (тромб түзілу индукциясының жоқтығына қарамастан).
Антикоагулянттардың артық дозалануымен байланысты, геморрагиялық асқынуларда, арнайы у қайтарғыларын пайдалану ұсынылады. Қанның ұю жүйесінің көрсеткіштері бұзылған науқастарда этамзилатты қолдануға болады, бірақ ол анықталған қан ұю жүйесі факторларының тапшылығы немесе ақауларын жоятын дәрілік заттарды енгізумен толықтырылуы тиіс. Емдеуді бастар алдында препараттың тромбоцитопениясы бар науқастарда тиімсіз екендігін ескеру қажет.
Дицинон 250 препаратын парентеральді енгізу қан қысымының төмендеуін туғызатындықтан, артериялық қан қысымы ауытқуынан немесе гипотониядан зардап шегетін науқастарды мұқият бақылау жүргізу керек. («Жағымсыз әсерлерін» қараңыз).
Дицинон 250 құрамында сульфиттер бар, соның салдарынан оны бронх демікпесі және аллергиясы бар науқастарға енгізгенде сақ болу қажет.
Аллергиялық реакциялар туындаған жағдайда препаратпен емдеуді дереу тоқтату керек.
Жүктілік және лактация кезеңі.
Жүктілікте тек ана үшін емдеудің күтілетін пайдасы ұрық үшін қауіптен асатын жағдайда ғана қолдануға болады. Препаратты лактация кезінде тағайындау қажет болған жағдайда, бала емізуді тоқтату мәселесін шешіп алған дұрыс.
Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Препараттың көлік және зейін шоғырландыруды қажет ететін механизмдерді басқару қабілетіне әсер етуі туралы мәліметтер жоқ.
Артық дозаланғанда
Артық дозаланған жағдайлар туралы деректер жоқ.
Шығарылу түрі мен қаптамасы
2 мл-ден түссіз шыны ампулаларға құяды. Ампуланың үстіңгі жағында түрлі-түсті нүкте және ампуланы ашуға арналған сақина бар.
Ампулаға өздігінен жабысатын затбелгі жабыстырылады.
4 ампуладан қатты поливинилхлоридті үлбірден жасалған пішінді ұяшықты қаптамаға салады.
1 пішінді ұяшықты қаптамадан мемлекеттік және орыс тілдеріндегі медицинада қолданылуы жөніндегі нұсқаулықпен бірге картон пәшкеге салады.
Сақтау шарттары
Салқын жерде,30°C-ден аспайтын температурада сақтау керек.
Балалардың қолы жетпейтін жерде сақтау керек!
Сақтау мерзімі
5 жыл
Қаптамасында көрсетілген сақтау мерзімі өткеннен кейін пайдалануға болмайды.
Босатылу шарттары
Рецепт арқылы
Өндіруші
OMPHARMA, Швейцария
Тіркеу куәлігінің иесі:
OMPHARMA, Швейцария
Қазақстан Республикасы аумағында тұтынушылардан өнім (тауар) сапасы жөніндегі шағымдарды қабылдайтын ұйымның мекенжайы:
OM PHARMA, Швейцария
22, rue du Bois-du-Lan
1217 Meyrin 2 / Женева, Швейцария
