Біздің компаниямыз жайлы жалпы ақпарат.
Дәрілік препаратты медициналық қолдану
жөніндегі нұсқаулық (Қосымша парақ)
Саудалық атауы
МУПОБЕЛ®
Халықаралық патенттелмеген атауы
Мупироцин
Дәрілік түрі, дозалануы
2% сыртқа қолдануға арналған жақпамай, 15 г және 30 г
Фармакотерапиялық тобы
Дерматология. Дерматологиялық қолдануға арналған антибиотиктер және химиотерапиялықпрепараттар. Жергілікті қолдануға арналған антибиотиктер. Жергілікті қолдануға арналған басқа антибиотиктер. Мупироцин.
АТХ коды D06AX09
Қолданылуы
МУПОБЕЛ® метициллинге төзімді штаммдарды, басқа да стафилококктарды, стрептококтарды қоса алғанда, Staphylococcus aureus сияқты көптеген тері инфекцияларына жауапты организмдерге қатысты белсенді жергілікті бактерияға қарсы құрал болып табылады. Ол сондай-ақ Escherichia coli және Haemophilus influenzae сияқты грамтеріс организмдерге қарсы белсенді.
МУПОБЕЛ® жақпамайы тері инфекцияларында, мысалы, импетиго, фолликулит, фурункулез кезінде қолданылады.
Қолдануды бастағанға дейін қажетті мәліметтер тізбесі
Қолдануға болмайтын жағдайлар
- мупироцинге немесе препараттың басқа компоненттеріне белгілі аса жоғары сезімталдық
- интраназальді және интраокулярлық пайдалану
- орташа және ауыр дәрежедегі бүйрек жеткіліксіздігі
Қолдану кезіндегі қажетті сақтық шаралары
Сирек жағдайларда аса жоғары сезімталдық реакциялары дамыған немесе ауыр жергілікті тітіркену бар болса, жүргізіліп жатқан емді дереу тоқтатып және кремді жуып-шаю керек, әрі қарай инфекцияны емдеу үшін басқа препаратпен емдеуге ауысады.
Басқа да антибиотиктер сияқты, препаратты ұзақ қолдану сезімтал емес флораның өсуіне әкелуі мүмкін.
Бактерияға қарсы препаратты пайдаланған кезде ауырлық деңгейі әр түрлі (жеңілден өмірге қауіп төндіретін) жалған жарғақшалы колиттің даму жағдайлары анықталған. Осылайша, антибиотиктерді қолдану кезінде немесе одан кейін пациентте диарея дамыған жағдайда осы диагноздың ықтималдығын қарастыру қажет. Мупироцинді сыртқа пайдаланған кезде колиттің пайда болу ықтималдығы тіптен мардымсыз болса да, ұзақ немесе ұзаққа созылған диарея және іштің аумағында түйілу болған жағдайда МУПОБЕЛ® препаратымен емдеу дереу тоқтатылуы және пациент әрі қарай тексерілуге жіберілуі тиіс.
Егер полиэтиленгликольдің көп мөлшерінің сіңірілу ықтималдығы бар болса, бүйрек жеткіліксіздігінің орташа немесе ауыр түрінің белгілері бар болса МУПОБЕЛ® егде жастағы пациенттерде қолданылмайды, себебі препараттың құрамына кіретін полиэтиленгликоль бүйрек арқылы шығарылады.
МУПОБЕЛ® препараты жақпамай түрінде:
Интраназальді қолдану қажет болған жағдайда МУПОБЕЛ® препаратын мұрын арқылы жақпамай түрінде пайдаланыңыз.
Көзге түсуіне жол бермеген жөн. Жақпамай көзге түсіп кеткенде, оны жақпамай толығымен кеткенге дейін сумен жуып тастау керек.
Полиэтиленгликольдің ашық жаралар және зақымданған тері арқылы сіңірілуі, әрі қарай бүйрек механизмі жолымен шығарылу мүмкін. Құрамында полиэтиленгликоль бар басқа препараттар сияқты, әсіресе ауырлық деңгейі орташа және ауыр бүйрек жеткіліксіздігі бар пациенттерде, МУПОБЕЛ® препаратын елеулі сіңірілу ықтималдығы болған жағдайда қолданылмауы тиіс.
Басқа дәрілік препараттармен өзара әрекеттесуі
Ешқандай дәрілік өзара әрекеттесулер байқалмайды. Жергілікті қолданылатын басқа препараттармен бір мезгілде жағылмайды.
Арнайы ескертулер
Жүктілік немесе лактация кезеңі
Жүктілік
МУПОБЕЛ® препаратын жүкті әйелдерде қолдану бойынша деректер жоқ, сондықтан препараттың зор пайдасы мүмкін болатын қауіптен жоғары болғанда ғана қолданады.
Лактация
Препараттың емшек сүтіне енуі бойынша деректер жоқ. Егер МУПОБЕЛ® препаратын емшек ұшының жарылуын емдеу үшін қолданса, бала емізер алдында емшекті жақпамайдың қалдығын қалдырмау үшін жуу керек.
Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Көлік құралдарын және қауіптілігі зор механизмдерді басқару қабілетіне қолайсыз әсері анықталған жоқ.
Қолдану жөніндегі нұсқаулар
Ересектер/балалар/егде жастағы пациенттер
Препаратты күніне 2-3 рет жағады. Жүргізіліп жатқан емнің клиникалық жауабына байланысты емдеу ұзақтығы – 10 күнге дейін.
Пациенттердің ерекше топтары
Балалар
Дозаны түзету қажет емес.
Егде жастағы пациенттер
Дозаны түзету қажет емес.
Бүйрек функциясы бұзылған пациенттер
Егде пациенттер: жүргізілген ем бүйрек жеткіліксіздігінің орташа немесе ауыр түрлері бар белгілері аясында полиэтиленгликоль сіңуіне әкелуі мүмкін жағдайларды қоспағанда, дозаны түзету қажет етілмейді.
Бауыр функциясы бұзылған пациенттер
Дозаны түзету қажет емес.
Енгізу жолы және тәсілі
Сыртқа жергілікті қолдану үшін.
Жақпамайдың аздаған мөлшерін терінің зақымданған аумағына жұқа қабаттап жағады. Өңделген аумаққа таңғышты қоюға болады.
Теріні өңдегеннен кейін жақпамайдың қалдығы қалмауы үшін қолды жуу керек.
Емдеу аяқталғаннан кейін препараттың кез-келген пайдаланылмаған қалдығы жойылуы тиіс.
Емдеу ұзақтығы
Жүргізіліп жатқан емнің клиникалық жауабына байланысты емдеу ұзақтығы – 10 күнге дейін.
Артық дозалану жағдайында қабылдануы қажетті шаралар
Мупироцинмен дозаланудың шектеулі тәжірибесі бар. Мупироцинмен артық дозалануды арнайы емдеу жоқ. Препаратты ішке әдейі қабылдаған жағдайда пациенттің жағдайына тиісті мониторинг жүргізу, симптоматикалық демеуші ем қолданылады. Одан әрі емдеу пациенттің клиникалық жағдайына сәйкес жүзеге асырылуы тиіс.
Жақпамайды байқаусызда көп мөлшерде жағу жағдайында бүйрек жеткіліксіздігі бар пациенттерде полиэтиленгликольге жағымсыз әсерлердің даму мүмкіндігіне байланысты бүйрек функциясын мұқият қадағалау қажет.
Дәрілік препаратты қолдану тәсілін түсіндіру үшін медицина қызметкерінен кеңес алу бойынша ұсынымдар
Дәрілік препаратты қабылдамас бұрын, дәрігердің немесе фармацевттің кеңесіне жүгініңіз.
ДП стандартты қолдану кезінде көрініс табатын жағымсыз реакциялардың сипаттамасы және осы жағдайда қабылдануы керек шаралар (қажет болса)
Кездесу жиілігі былай анықталады: өте жиі (≥1/10), жиі (≥1/100 және <1/10), жиі емес (≥1/1 000 және <1/100), сирек (≥1/10 000 және <1/1 000), өте сирек (<1/10 000) немесе белгісіз (жиілігі қолда бар деректер бойынша бағалануы мүмкін емес).
Жиі
- препаратты жаққан жерде күйдіру сезімі
Жиі емес
- қышыну, эритема, жаққан орындағы шаншу сезімі және құрғақтық сезімі
- мупироцин немесе жақпамайдың негізіне терінің аллергиялық реакциялары
Өте сирек
- жүйелік аллергиялық реакциялар, анафилаксияны, жайылған бөртпені, есекжемді, ангионевроздық ісінуіді қоса
Қосымша мәліметтер
1 г жақпамайдың құрамында
белсенді зат – 20.00 мг мупироцин,
қосымша заттар: полиэтиленгликоль (ПЭГ) 400, полиэтиленгликоль (ПЭГ) 4000Р.
Сыртқы түрінің, иісінің, дәмінің сипаттамасы
Жұмсақ консистенциялы ақ немесе ақ дерлік түсті бөтен қоспалардан бос біртекті жақпамай.
15 г немесе 30 г препараттанпластик қақпақпен тығындалған алюминий сықпаларға салады.
1 сықпадан медициналық қолдану жөніндегі қазақ және орыс тіліндегі нұсқаулықпен бірге картон қорапшаға салынады.
2 жыл
Жарамдылық мерзімі өткеннен кейін қолдануға болмайды!
Сақтау шарттары
Құрғақ, жарықтан қорғалған жерде 25 °С-ден аспайтын температурада сақтау керек.
Балалардың қолы жетпейтін жерде сақтау керек!
Дәріханалардан босатылу шарттары
Рецептісіз
Өндіруші туралы мәлімет
«Нобел Алматы Фармацевтикалық Фабрикасы» АҚ
Қазақстан Республикасы, Алматы қ., Шевченко к-сі, 162 Е.
Телефон нөмірі: (+7 727) 399-50-50
Факс нөмірі: (+7 727) 399-60-60
Электронды пошта nobel@nobel.kz
Тіркеу куәлігінің ұстаушысы
«Нобел Алматы Фармацевтикалық Фабрикасы» АҚ
Қазақстан Республикасы, Алматы қ., Шевченко к-сі, 162 Е.
Телефон нөмірі: (+7 727) 399-50-50
Факс нөмірі: (+7 727) 399-60-60
Электронды пошта nobel@nobel.kz
Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)
«Нобел Алматы Фармацевтикалық Фабрикасы» АҚ
Қазақстан Республикасы, Алматы қ., Шевченко к-сі, 162 Е.
Телефон нөмірі: (+7 727) 399-50-50
Факс нөмірі: (+7 727) 399-60-60
Электронды пошта nobel@nobel.kz
