Сипаттама
Дәрілік затты қолдану жөнінде
мамандарға арналған
нұсқаулық
ОКСАМП®-НАТРИЙ
(Oxamp-sodium)
Саудалық атауы
Оксамп-натрий
Халықаралық патенттелмеген атауы
Жоқ
Дәрілік түрі
Инъекция үшін ерітінді дайындауға арналған 0,5 г ұнтақ
Құрамы
Белсенді заттар: ампициллиннің натрилі тұзы (ампициллинге шаққанда) – 0,3335 г, оксациллиннің натрилі тұзы (оксациллинге шаққанда) – 0,1665 г
Сипаттамасы
Иісі жоқ сарғыш реңді ақ түсті ұнтақ. Су сіңіргіш.
Фармакотерапиялық тобы
Біріктірілген пенициллиндер (оның ішінде бета-лактамаза тежегіштерімен)
АТЖ коды J01CR50
Фармакологиялық қасиеттері
Фармакокинетикасы
Оксамп-натрийді бұлшықетке енгізгеннен кейін қанда ампициллиннің ең жоғарғы концентрациясына 1 сағаттан соң, көктамырішіне енгізгеннен кейін – инъекциядан соң 15 минуттан кейін жетеді. Қандағы антибиотиктің қанығу деңгейінің емдік мәнде 4-6 сағат бойы сақталады. Плазма ақуыздарымен аздаған бөлігі (10-30%) байланысады. Ампициллин тінге және организм сұйықтығына жақсы өтеді. Плацента арқылы енеді. Менингит кезінде жұлын сұйықтығында ампициллиннің қанығу деңгейі оның қан плазмасындағы қанығу деңгейінің 70-95% құрауы мүмкін. Іс жүзінде биотрансформацияға ұшырамайды. Жартылай шығарылу кезеңі 1-1,5 сағат, бүйрек қызметі бұзылған науқастарда – 7-20 сағат құрайды. Өзгермеген түрде бүйрек арқылы көбірек шығарылады. Ампициллиннің натрилі тұзын қайталап енгізгенде жинақталмайды.
Оксамп-натриін бұлшықетке енгізгеннен кейін қан плазмасында оксациллиннің қанығу деңгейіне 1-2 сағаттан соң жетеді. Қандағы емдік қанығу деңгейінің сақталу уақыты 3-тен 4 сағат аралығында.
Қан плазмасы ақуыздарымен байланысуы 93% құрайды. Препараттың қан сарысуындағы қанығу деңгейінің мынадай концентрациясы байқалған: плевральды сұйықтықта 10%-дай, синовиальды және асциттік сұйықтықта – 50%, өтте – 5-8%. Оксациллин зақымданбаған гематоэнцефалиялық кедергі арқылы өтпейді, ми қабатының қабынуында өту күшейеді. Плацентарлы кедергі арқылы өтеді, емшек сүтінде байқалды. Шығарылуы ең алдымен бауыр арқылы іске асады.
Фармакодинамикасы
Оксамп-натрий ампициллин мен оксациллин спекторын біріктіруші ретінің бактерияларға қарсы кең ауқымда әсер етеді. Оксамп-натрий бактериялық жасушаның лизисті бөлінісін туғызатын, пептидогликан синтезінің кешіккен этаптарының бұзылу салдарынан бактерияның жасуша қабырғаларының синтезін бөгейді (транспептидаза тежегіштерінің салдарынан пептид байланысының түзілуіне кедергі болады).
Ампициллин пенициллиназа арқылы бұзылатындықтан, пенициллиназа түзетін қоздырғыштар штамына әсер етпейді, оксациллин пенициллиназа әсеріне төзімді.
Ампициллин грамоң (Staphylococcus spp., Streptococcus spp., Streptococcus pneumoniae) және грамтеріс (Neisseria gonorrhoeae, Neisseria meningitides, Escherichia coli, Salmonella spp., Shigella spp., Proteus mirabilis, Haemophilus influenzae) микроорганизмдер жөнінде белсенді.
Оксациллин грамоң микроорганизмдер (Staphylococcus spp., Streptococcus spp., Streptococcus pneumoniae, Bacillus anthracis, Corynebacterium diphtheriae, анаэробты споратүзуші таяшықтар), грамтеріс кокктар (Neisseria gonorrhoeae, Neisseria meningitides), Actinomyces spp., Treponema spp. жөнінде белсенді.
Препарат әсеріне Pseudomonas aeruginosa, көбіне Proteus vulgaris, Proteus rettgeri, Proteus morganii штамдар төзімді.
Қолданылуы
- септицемияда,
- пневмонияда, эмпиемада
- қапшықты іріңдікте, флегмоналарда
- холециститте
- пиелитте, циститте
- остеомиелитте
- операциядан кейінгі жұқпа жұқтырған жарада
- жұқпа жұқтырылған күюлерде
- цервицитте, созда
- дизентерияда, сальмонеллезде
- жаңа туған балалардағы жұқпада (ұрық жанындағы сұйық, жұқпа түскенде болатын аспирациялық пневмонияда).
Қолдану тәсілдері және дозалары
Бұлшықетке немесе көктамырға (сорғалатып немесе тамшылатып минутына 60-80 тамшы жылдамдықпен). Бір реттік доза ересектер және 14 жастан үлкен балаларға – 0,5-1 г, тәуліктік доза – 2-4 г; жаңа туған, шала туылғандар және 1 жасқа дейінгі балаларға – тәулігіне дене салмағының бір келісіне 100-200 мг, 1-7 жастағыларға – тәулігіне дене салмағының бір келісіне 100 мг, 7-14 жастағыларға – тәулігіне дене салмағының бір келісіне 50 мг. Тәуліктік доза 6 сағаттық аралықпен 4 қабылдауға енгізеді. Жұқпаның ауыр ағымында көрсетілген дозаны 1,5-2 есеге ұлғайтады. Ересектерге арналған тәуліктік ең жоғарғы доза – 8 г. Емдеу ұзақтығы – 5-7 күн.
Бұлшықетке енгізу үшін құтының ішіндегісін (0,5 г) инъекцияға арналған 5 мл суға ерітеді. Көктамырға тамшылатып енгізу үшін ересектерге бір реттік дозаны натрий хлоридінің изотониялық 100-200 мл ерітіндісіне немесе глюкозаның 5% ерітіндісіне араластырады. Балаларға тамшылатып енгізу үшін ертінді ретінде глюкозаның 5% ерітіндісін пайдаланады (жасына байланысты 30-100 мл). Ерітіндіні дайындағаннан кейін сол сәтте пайдалану керек (дайындалған ерітіндіге басқа дәрілік затты араластыруға болмайды).
Жағымсыз әсерлері
- аллергиялық реакциялар (есекжем, тері гиперемиясы, тері бөртпесі, Квинке ісінуі, ринит, конъюнктивит, қызба, артралгия, эозинофилия, анафилактикалық шок)
- дисбактериоз, дәмнің сезінудің өзгеруі, құсу, жүрек айнуы, диарея, жалған жарғақшалы энтероколит, лейкопения, нейтропения, анемия
- көктамырға енгізу кезінде флебит және перифлебит туындауы мүмкін
- бұлшықетке енгізуде – енгізілген жердегі ауырсыну.
Қолдануға болмайтын жағдайлар
- пенициллин тобындағы препараттарға және басқадай бета-лактамды антибиотиктерге асқын сезімталдықта
- жұқтырылған мононуклеозда
- лимфолейкозда
- бауыр қызметінің ауыр бұзылыстарында
Дәрілермен өзара әрекеттесуі
- пробенецид, өзекшелік сөліністі бөгей отырып, қан сарысудағы оксациллиннің және ампициллиннің қанығу деңгейін жоғарылатады
- фармакодинамикасы макролидтермен, тетрациклиндермен, полимиксинмен сыйымсыз (өзара әсерінің төмендеуі)
- фармакокинетикасы бутадионмен, фуросемидпен, глюкокортикоидтармен сыйымсыз (оксациклиннің шығарылуын тездетеді)
- гепатоуытты әсері бар дәрілік препараттармен бірге қабылдауға болмайды
- құрамында эстроген бар ішілетін препараттармен бір мезгілде қабылдағанда олардың тиімділігінің төмендегені байқалған, ол бауыр айналымы эстрогендерінің әлсіреуінен болуы мүмкін.
Айрықша нұсқаулар
Препаратпен емдеу барысында бүйрек, бауыр қызметін және шеткергі қан көрінісін жүйелі түрде бақылауға алу керек. Бүйрек қызметінің бұзылысы бар емделушілер креатинин клиренсінің белгілеріне сәйкес дозалау режимін түзету талап етіледі.
Бүйрек жеткіліксіздігі бар емделушілер жоғары дозада қабылдағанда орталық жүйке жүйесіне уытты әсер етуі мүмкін. Бронхтық демікпеде, сенна қызбасында және басқадай аллергиялық ауруларда десенсибилизациялаушы дәрілермен бір мезгілде тағайындалғанда препаратты өте сақтықпен қабылдау керек.
Жүктілік және лактация
Жүктілік кезінде қолдану, егер ана үшін күтілген пайда ұрық үшін қаупі артқан жағдайда ғана қолдануға болады.
Препарат емшек сүтінмен аз концентрацияда бөлінеді. Лактация кезінде препаратты қабылдау қажет болғанда бала емізуді тоқтату туралы мәселені шешіп алу керек.
Дәрілік заттың көлік құралдарын немесе қаупі бар механизмдерді басқару қабілетіне әсер ету ерекшеліктері
Оксамп-натрий автомобиль жүргізу және техникамен жұмыс істеу қабілетіне әсер етпейді.
Артық дозаланғанда
Анықталмаған. Артық дозаланғанда нейроуытты әсер туындауы мүмкін.
Емі симптоматикалық.
Шығарылу түрі және қаптамасы
10 мл-лік құтыларда инъекция үшін ерітінді дайындауға арналған 0,5 г ұнтақ, қолдану жөніндегі нұсқаулықпен бірге картон пашкеге салынған.
Сақтау шарттары
Құрғақ, жарықтан қорғалған жерде, +20С-ден аспайтын температурада сақтау керек.
Балалардың қолы жетпейтін жерде сақтау керек!
Жарамдылық мерзімі
2 жыл
Жарамдылық мерзімі өткеннен кейін қолдануға болмайды.
Дәріханалардан босатылу шарттары
Рецепт бойынша
Өндіруші
“Медициналық препараттар мен бұйымдардың “Синтез” Қорғандық Акционерлік Қоғамы” (“Синтез”ААҚ) aшық акционерлік қоғамы
640008, Ресей, Қорған қаласы, Конституция даңғылы, 7.
