Сермион 10 мг, №50, табл.

Сипаттама

Дәрілік затты медициналық қолдану

жөніндегі нұсқаулық

Сермион^®

Саудалық атауы

Сермион^®

Халықаралық патенттелмеген атауы

Ницерголин

Дәрілік түрі

Қантты қабықпен қапталған таблеткалар, 10 мг

Үлбірлі қабықпен қапталған таблеткалар, 30 мг

Құрамы

Бір таблетканың құрамында

белсенді зат – сәйкесінше 10,00 мг немесе 30,00 мг ницерголин,

қосымша заттар: кальций гидрофосфат дигидраты, микрокристалды целлюлоза, магний стеараты, натрий карбоксиметилцеллюлозасы;

қантты қабық (10 мг таблеткалар үшін): сахароза, тальк, акация, сандарак шайыры, магний карбонаты, титанның қостотығы (Е171), канифоль,карнауб балауызы;

немесе үлбірлі қабық (30 мг таблеткалар үшін): гидроксипропилметилцеллюлоза, титанның қостотығы (Е 171), полиэтиленгликоль 6000, темірдің сары тотығы (Е172), силикон.

Сипаттамасы

10 мг таблеткалар: дөңгелек, дөңес, ақ қантты қабықпен қапталғантаблеткалар

30 мг таблеткалар: дөңгелек, екі беті дөңес, күңгірт сары түсті үлбірлі қабықпен қапталған таблеткалар

Фармакотерапиялық тобы

Жүрек-қантамыр жүйесі. Шеткері вазодилататорлар. Қастауыш алкалоидтары. Ницерголин

АТX коды C04AЕ02

Фармакологиялық қасиеттері

Фармакокинетикасы

Сіңірілуі

Ішке қабылдаған кезде ницерголин тез және іс жүзінде толық сіңіріледі. Ницерголиннің төменгі дозаларын (4-5 мг) қабылдағаннан кейін қан сарысуында ең жоғарғы мөлшері препаратты қабылдағаннан кейін 1,5 сағаттан соң байқалады. Ницерголиннің емдік пероральді дозасын (30 мг) қабылдау препаратты қабылдағаннан кейін 3 сағаттан соң қан сарысуында шектік мөлшеріне жеткізеді.

Ницерголинді 15 мг дозада пероральді қабылдағаннан кейін негізгі белсенді метаболиті 10-метоксидигидролизергол (MDL) мен екінші белсенді метаболиті 1-метил-10-метоксидигидролизергол (MMDL) үшін қан сарысуындағы қисық астындағы ауданы (AUC) тиісінше бүкіл радиоактивті заттың AUC 81% және 6% құрайды. Қан плазмасында ең жоғарғы MDL концентрацияларына бір реттік және қайталанған 30 мг дозасын қабылдағаннан кейін шамамен 3-5 сағаттан соң жетеді. Ницерголиннің бір реттік 30 мг дозасын ішке қабылдағаннан кейін MMDL ең жоғарғы концентрацияларына шамамен 0,5-1 сағаттан соң жетеді.

Ницерголиннің абсолюттік биожетімділігі оның жүйеалды метаболизміне байланысты шамамен 5 % құрайды.

Ницерголиннің негізгі метаболиті MDL мөлшеріне байланысты оның фармакокинетикасы 30-дан 60 мг-ге дейінгі дозаны қабылдағанда дозаға байланысты сипатқа ие екендігі анықталды.

30 мг дозада ницерголинді қабылдаған кезде MDL және MMDL фармакокинетикасына ас ішу айтарлықтай әсер етпейді.

Таралуы

Ницерголиннің тіндерде таралуы тез және ауқымды көлемде жүреді. Ницерголин адамның плазма ақуыздарымен белсенді байланысады, оның үстіне α-қышқылды гликопротеинге тектестік дәрежесі қан сарысуы альбуминіне қарағанда 4 есе жоғары. Ницерголиннің концентрациясын 1 мкг/мл-ден 500 мкг/мл-ге дейін арттырған кезде байланысу пайызы салыстырмалы түрде тұрақты. Ницерголиннің екі метаболиті де - MDL және MMDL тиісінше 50–200 нг/мл концентрациялар ауқымында шамамен 14,7 % және 34,7 % мәндерімен төмен дәрежеде ақуыздармен байланысады.

Метаболизмі және шығарылуы

Ницерголин препаратты қолданғаннан кейін 120 сағат ішінде метаболиттер түрінде негізінен несеппен (жалпы дозаның шамамен 82%) және аздаған мөлшерде (10%) нәжіспен шығарылады. Ницерголин қарқынды метаболизденеді. Метаболизмнің негізгі жолы — бұл 1-метил-10-метоксидигидролизергол (MMDL) метаболитінің түзілуімен эфирлік байланыстардың гидролизі. Келесі биоөзгерісі CYP2D6 изоферментінің әсерімен деметилдену арқылы MDL метаболитінің түзілуіне әкеледі. Осылайша, CYP2D6 цитохромы генетикалық тапшылығы бар пациенттерде ницерголин мен оның метаболиттерінің фармакокинетикасы бұзылады. Түзілетін белсенді метаболиттер (MMDL және MDL) глюкурон қышқылымен конъюгацияланған. Негізгі метаболиті MDL жалпы дозасының 51 %-ын және 15 мг пероральді дозаны қабылдағаннан кейін несеппен бөлінетін радиоактивті заттың 76 % құрайды. MDL үшін ақырғы жартылай шығарылу кезеңінің орташа мәні шамамен 11-ден 20 сағатқа дейін құбылып отырды.

Пациенттердің ерекше топтары

Бүйрек функциясының жеңіл (креатинин клиренсі (КК) 60–80 мл/мин), орташа (КК 30–50 мл/мин) және ауыр (КК 10–25 мл/мин) дәрежедегі бұзылуы бар пациенттерде ницерголинді 30 мг (тиісінше дозадан 38,1 %, 42,6 % және 25,7 %)дозада пероральді қабылдағаннан кейін 120 сағат ішінде несеппен шығарылған MDLмөлшерінде елеулі айырмашылықтар байқалды; MMDL үшін тиісті мәндер тиісінше 1,7 %, 0,6 % және 0,2 % құрайды. Бүйрек функциясының ауыр бұзылуы бар пациенттерде басқа екі топпен салыстырғанда несеппен MDL шығарылуының елеулі төмендеуі байқалды. Бұдан өзге, жеңіл, орташа және ауыр дәрежедегі бүйрек функциясының бұзылуы бар пациенттерде ницерголинді 30 мг дозада қабылдағанда бүйрек функциясы қалыпты пациенттермен салыстырғанда, MDL несеппен шығарылуының (0–72 сағат) 32 %, 32 % және 59 %-ға орташа төмендеуі байқалды.

Бауыр функциясы бұзылған пациенттерде ницерголин фармакокинетикасы зерттелмеген.

Балаларда ницерголин фармакокинетикасы зерттелмеген.

Ницерголин фармакокинетикасына жас шамасының (гериатриялық зерттеулер) әсері толық зерттелмеген.

Фармакодинамикасы

Ницерголин қастауыш алкалоидының туындысы болып табылады.

Ішке қабылдағаннан кейін препарат орталық жүйке жүйесінің түрлі деңгейінде әсер көрсететін бірқатар метаболиттер түзе отырып, тез және белсенді метаболизмге ұшырайды.

Пероральді қабылдағаннан кейін ницерголин көптеген нейрофармакологиялық әсер көрсетеді: препарат мидағы глюкозаның қармалуы мен тұтынылуын, ақуыздар мен нуклеин қышқылдарының биосинтезін жақсартып қана қоймай, түрлі нейромедиаторлық жүйелерге әсер етеді, сондай-ақ церебральді холинергиялық функцияларды жақсартады. Ницерголин АХЭ (ацетилхолинэстераза) белсенділігін айтарлықтай төмендетті.

Бір реттік және ұзақ уақыт бойы пероральдіенгізу де фосфоинозитидтің базальді және агонист-тәуелді алмасуын жеделдетті. Сондай-ақ, ницерголин протеинкиназа C Са-тәуелді изоформаларының жасушалық жарғақша саласына белсенділігі мен жылжуын арттырады. Бұл ферменттер амилоидтың еритін ақуыз-ізашары (amyloid precursor protein, APP) секрециясының механизміне қатысады, бұл аномальді бета-амилоид өнімінің босап шығуы мен қысқаруының ұлғаюына әкеледі. Бұл әсері адамның нейробластомасы өсірінділерінен көрінді.

Өзінің антиоксиданттық қасиеттерінің және уытсыздандыру ферменттерінің белсенділенуі көмегімен ницерголин жүйке жасушаларын тотықтырғыш стресстен туындаған қырылудан, сондай-ақ апоптоздан қорғайды.

Ницерголин конгнитивтік функцияның жақсаруына ықпал ететін азот тотығының нейрональді синтетазасының (Neuronal Nitric Oxide Synthase, nNOS) мРНҚ экспрессиясының жас шамалық төмендеуін азайтады.

Ницерголин α және β белсенділігін арттыра және δ және θ белсенділігін төмендете отырып гипоксия жағдайындағы егде жастағы және ересек жас пациенттердің электроэнцефалограммасына қалыпқа келтіретін әсер көрсетеді. Шығу тегі әртүрлі жеңіл және орташа ауырлық дәрежесіндегі деменциясы (альцгеймер типті сенильді және мультиинфарктілі деменциясы) бар пациенттерде ницерголинмен ұзақ емдеген кезде (2–6 ай) ықтимал оқиғаларға және туындаған реакцияларға тәуелді оң өзгерістер тіркелді; бұл өзгерістер клиникалық симптомдардың жақсаруымен байланысты болды. Жоғарыда аталғандар негізінде ницерголиннің деменция патогенезіне тартылған жасушалық және молекулалық механизмдер модуляциясының кең ауқымы арқылы әсер ететіні анықталды.

Ницерголинмен ұзақ емдеу барысында деменциямен байланысты когнитивтік және мінез-құлықтық бұзылыстарда жай-күйді тұрақты жақсарту байқалған. Өзгерістерді 2 ай емдегеннен кейін-ақ байқауға болады, және олар бір жыл бойы емдегенде сақталды.

Қолданылуы

- деменция және Альцгеймер ауруында

Қолдану тәсілі және дозалары

Сермион 10 мг

Препараттың ұсынылатын тәуліктік дозасы күніне үш рет, үздіксіз емдеу үшін дұрысы ас ішулер арасында, тең аралықтармен 10 мг құрайды.

Дозалау режимдері, емдеудің ұзақтығы мен енгізу тәсілі жекелей клиникалық жағдайға тәуелді.

Сермион 30 мг

Препараттың ұсынылатын тәуліктік дозасы тәулігіне бір немесе екі рет 30 мг (30–60 мг) құрайды. Стандартты тәуліктік дозасы ересектер үшін 30 мг құрайды. Уақытша тәуліктік дозасын 60 мг дейін арттыруға болады.

Ересек және егде жастағы пациенттер

Фармакокинетикасы мен көтерімділігін зерттеу нәтижелеріне сәйкес, ересек және егде жастағы пациенттер үшін дозасын түзету қажет емес.

Бүйрек функциясы бұзылған пациенттер

Ницерголин мен оның метаболиттері бүйрек арқылы шығарылатындықтан (80 %), бүйрек функциясы бұзылған пациенттерде (сарысулық креатинин деңгейі ≥ 2 мг/мл) дозасын төмендету керек.

Емдеуден болатын әсер біртіндеп білінеді. Әдетте емдеу ұзақ уақыт бойы жүргізілетіндіктен, дәрігер ұдайы аралықпен, бірақ 6 айда бір реттен сиретпей емді жалғастыру қажеттілігін бағалап отыруы тиіс.

Балалар

Ницерголиннің балалардағы қауіпсіздігі мен тиімділігі анықталмаған. Мәліметтер жоқ.

Жағымсыз әсерлері

Сермион^® препаратын қолданған кезде төмендегідей көрініс беру жиілігі бойынша жіктелген жағымсыз әсерлер тіркелді: жиі ( ≥1/100- ден < 1/10 дейін); жиі емес ( ≥1/1000-нан <1/100 дейін); белгісіз (қолда бар деректер негізінде анықтау мүмкін емес).

Жиі

- іштегі жайсыздық сезімі

Жиі емес

- үрейлі қозу, сананың шатасуы, ұйқысыздық

- ұйқышылдық, бас айналу, бас ауыруы

- артериялық гипотензия, гиперемия

- жүрек айнуы, іштің қатуы, диарея

- қышыну

- қандағы несеп қышқылы деңгейінің жоғарылауы

Белгісіз (қолда бар деректер негізінде анықтау мүмкін емес)

- ысыну сезімі

- бөртпе

- фиброз

Болжамды жағымсыз реакциялар туралы мәліметтерді хабарлау

Дәрілік препаратты тіркегеннен кейін анықталған болжамды жағымсыз реакциялар туралы мәліметтерді хабарлаудың маңызы зор. Бұл дәрілік препараттың пайдасы мен қаупінің арақатынасына мониторинг жүргізуді жалғастыруға мүмкіндік береді. Медицина қызметкерлері мен барлық пациенттерден медициналық қолдану жөніндегі осы нұсқаулықтың соңында көрсетілген мекенжай бойынша Сермион^® препаратын қабылдаған кезде анықталған кез келген жағымсыз реакциялар туралы хабарлау сұралады.

Қолдануға болмайтын жағдайлар

- ницерголинге, қастауыш алкалоидтарына немесе дәрілік препараттың құрамына кіретін қосымша заттарға жоғары сезімталдық

- жуырда бастан өткерген миокард инфарктісі

- жедел қан кету

- айқын брадикардия

- ортостатикалық артериялық гипотензия

- фруктозаны көтере алмаушылық, глюкоза және галактоза мальабсорбциясы немесе сахаразо-изомальтаза жеткіліксіздігі (себебі 10 мг дозадағы Сермион^® таблеткаларының құрамында сахароза бар)

- жүктілік және лактация кезеңі

• 18 жасқа дейінгі балалар мен жасөспірімдер

Дәрілермен өзара әрекеттесуі

Сермион^® препаратын тағайындаған кезде төмендегі препараттармен бірге қабылдағанда сақ болу керек:

- гипертензияға қарсы препараттар, себебі ницерголин гипертензияға қарсы дәрілердіңжүрекке әсерін немесе бета-адреноблокаторлар әсерін күшейтуі мүмкін

- симпатомиметиктер, себебі ницерголин өзінің альфа-адренобөгегіш әсерінің арқасында симпатомиметиктердің тамыр тарылтатын әсерін бәсеңдетуі мүмкін

- ницерголин CYP2D6 ферменті арқылы метаболизденетіндіктен, Р450 цитохромының CYP2D6 изоферментімен метаболизденетін дәрілік заттар, сондықтан осы ферментпен метаболизденетін дәрілік заттармен оның өзара әрекеттесуін жоққа шығаруға болмайды

- антиагреганттар мен антикоагулянттар (мысалы, ацетилсалицил қышқылы), себебі ницерголин тромбоциттер агрегациясына және қанның ұюына кедергі келтіретін препараттардың гемостазға әсерін күшейтеді, сондықтан, қан ұю уақыты ұзаруы мүмкін

- несеп қышқылының метаболизміне әсер ететін препараттар, себебі ницерголин қан сарысуында несеп қышқылы деңгейінің симптомсыз жоғарылауын туғызуы мүмкін

Айрықша нұсқаулар

Ницерголиннің бір реттік немесе көп реттік дозаларының зерттеулері артериялық қысымы қалыпты және жоғары пациенттерде ницерголин систолалық артериялық қысымды төмендетуі мүмкіндігін және дистолалық артериялық қысымды едәуір төмен мәндерге дейін төмендететінін көрсетті. Бұл әсерлер құбылуы мүмкін,себебі басқа зерттеулер систолалық және дистолалық артериялық қысымның өзгерістерін анықтаған жоқ.

Ницерголинді қабылдап жүрген пациенттерде, симпатомиметиктерді сақтықпен қолдану керек.

Бұл дәрілік препаратты гиперурикемиясы немесе анамнезінде подаграсы бар пациенттерге және/немесе несеп қышқылының метаболизміне және шығарылуына әсер етуі мүмкін дәрілік заттарды қабылдайтын пациенттерге сақтықпен қолдану керек.

Серотониндік 5-HT 2β рецепторларға қатысты агонистік әсері бар кейбір қастауыш алколоидтарын қолдануфиброздың дамуымен қатар жүрді (мысалы, өкпе, жүрек, жүрек клапандарының фиброзы және ретроперитонеальді фиброз).

Кейбір қастауыш алколоидтары мен олардың туындыларын ішке қабылдаған кезде жүрек айнуын, құсуды, диареяны, абдоминальді ауыруды және шеткері қантамырларының тарылуын қоса, эрготизм симптомдарының пайда болуы туралыхабарланған. Препаратты тағайындайтын медицина мамандары осы кластың препараттарын тағайындар алдында қастауыш алколоидтарының артық дозалану белгілері мен симптомдары туралы білуі тиіс.

Жүктілік

Жүктілік кезінде арнайы зерттеулердің жоқтығына байланысты Сермион^® препаратын, ана үшін күтілетін пайдасы шарана үшін ықтимал қауіптен асып түсетін жағдайда ғана қолдану керек.

Лактация кезеңі

Ницерголиннің әйелдің емшек сүтіне бөлініп шығатын-шықпайтындығы белгісіз, сондықтан оны лактация кезеңінде қолдану ұсынылмайды.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Сермион^® реакцияны және зейін қоюды жақсартатынына қарамастан, оның автокөлік құралдарын немесе қауіптілігі зор механизмдерді басқару қабілетіне әсер етуі арнайы зерттелген жоқ. Қандай жағдай болмасын, негізгі ауру сипатын ескере отырып, сақ болу керек. Автокөлік құралдарын басқарғанда немесеқауіптілігі зор механизмдермен жұмыс істегенде, бас айналу немесе ұйқышылдықтың туындауы мүмкіндігін ескеру керек.

Артық дозалануы

Ницерголинді жоғары дозада қолданған кезде артериялық қысымның уақытша төмендеуі туындауы мүмкін. Әдетте арнайы ем қажет емес, науқас бірнеше минут жатса жеткілікті. Ми және жүрек-қантамыр қан айналымының ауыр бұзылуларының айрықша жағдайларында артериялық қысымды тұрақты бақылай отырып,симпатомиметикалық дәрілерді енгізу ұсынылады.

Шығарылу түрі және қаптамасы

25 таблетка поливинилхлорид/поливинилдихлорид үлбірден және алюминий/поливинилдихлорид фольгадан жасалған пішінді ұяшықты қаптамаға салынған.

Пішінді ұяшықты 2 қаптамадан медициналық қолдану жөніндегі мемлекеттік және орыс тіліндегі нұсқаулықпен бірге картон қорапшаға салынады (10 мг доза үшін).

15 таблетка поливинилхлорид/поливинилдихлорид үлбірден және алюминий/поливинилдихлорид фольгадан жасалған пішінді ұяшықты қаптамаға салынған.

Пішінді ұяшықты 2 қаптамадан медициналық қолдану жөніндегі мемлекеттік және орыс тіліндегі нұсқаулықпен бірге картон қорапшаға салынады (30 мг доза үшін).

Сақтау шарттары

25 ^оС-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецепт арқылы

Өндіруші және қаптаушы

Пфайзер Италия С.р.л.

Локалита Марино дель Тронто

Асколи Пичено, Италия

Тіркеу куәлігінің ұстаушысы

Пфайзер Эйч Си Пи Корпорэйшн, Нью-Йорк, АҚШ

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымныңатауы, мекенжайы және байланыс деректері (телефоны, факсы, электронды пошта):

Қазақстан Республикасындағы Филиалы арқылы әрекет ететін Pfizer Export B.V. (Пфайзер Экспорт Би.Ви.) компаниясы

Қазақстан Республикасы, Алматы қ., 050000, Медеу ауданы, Нұрсұлтан Назарбаев даңғылы 100/4 үй

тел.: +7 (727) 250 09 16

факс: +7 (727) 272 04 06

электронды пошта: PfizerKazakhstan@pfizer.com