Сипаттама
Медициналық мақсаттағы бұйымды медицинада
қолдану жөніндегі нұсқаулық
Медициналық мақсаттағы бұйымның атауы
Липой қышқылы, гипромеллоза және амин қышқылдары бар 8 мл Тиоретин А көз тамшылары
Бұйымның құрамы мен сипаттамасы
Гипромеллоза - 0,300 г
Липой қышқылы - 0,100 г
N-гидроксиметилглицинат - 0,002 г
Трометанин - 0,150 г
Натрий эдетаты - 0,100 г
L-пролин - 0,0752 г
L-глицин -0,100 г
L-лизин хлоргидрат - 0,014 г
L-лейцин -0,0108 г
Изотониялық буферлік ерітінді (рН 7,2) q.s. 100 мл-ге дейін
Тиоретин А гипромеллоза мен липой қышқылы бар стерильді изотониялық офтальмологиялық ерітінді болып табылады. Ол көздің беткейін қорғайды және ылғалдандырады, антиоксиданттық қызмет атқарады көз жасы үлбірін тұрақтандырады және қалпына келтіреді.
Гипромеллоза – ол мукомиметикалық сипаттары бар полимер, көздің беткейіндегікөз жасы үлбірін қалпына келтіретін және тұрақтандыратын қасиеттерге ие қорғағыш мөлдір қатты қалқан.
Препараттың құрамындағы аминқышқылдары L-пролин, L-глицин, L-лизин хлоргидрат, L-лейцин көз беткейінің майлануын арттырады және стресстің әр түрін өткеретін эпителий қорғанысының жақсаруына ықпал етеді.
Гидроксиметилглицинат – ол туынды аминқышқылдары, оның микробқа қарсы әсерінің арқасында көз беткейіне негативті әсері жоқ тиімді консервант.
Қолданылу саласы
Тотықтыру-қалпына келтіру тепе-теңдігінің бұзылу мен көз беткейінде бос радикалдардың жасушалық жинақталуы туындатқан мөлдір қабықтың/конъюнктиваның гистологиялық өзгерістерінде көз үлбірін тұрақтандырады және реинтеграциялайды.
Атап айтқанда тотықтану стрессінің:
- Метаболизмдік (жасқа байланысты диабеттік патология)
- Физикалық-химиялық сияқты белгілі бір жағдайларында қолданылады.
Қолдану тәсілі
Күніне 2-3 рет немесе дәрігердің нұсқауымен конъюнктивальді қапшыққа 1 немесе 2 тамшыдан тамызады.
Қолдануға болмайтын жағдайлар
Препараттың компоненттеріне жекелей аса жоғары сезімталдық.
Сақтық шаралары
- Ерітінді құтысы ашылғанға дейін стерильді;
- Ерітіндінің ластану қаупінен аулақ болу үшін қалпақшасын тығыз жабу керек; дозатордың көзбен немесе басқа заттармен жанаспайтынына көз жеткізу қажет;
- Құтысында көрсетілген жарамдылық мерзімінің күні өткеннен кейін пайдалануға болмайды;
- Офтальмологияда тек сыртқа пайдалануға арналған;
- Тағайындалған көз ерітінділерімен бір мезгілде пайдаланғанда дәрігермен кеңесу керек;
- Жанаспалы линзаларды тағып жүрген кезде ерітіндіні пайдаланудың алдында оларды шешіп қою керек;
- Егер құтысы зақымданса, пайдалануға болмайды;
- Көз инфекциясы жағдайында пайдалануға болмайды;
- Балалардың қолы жетпейтін жерде сақтау керек.
Жағымсыз әсерлері
Ерітіндіні пайдаланғанда жағымсыз әсерлерітіркелмеген. Жағымсыз реакция жағдайында ерітіндіні пайдалануды тоқтату және дәрігерге көріну керек. Ерітіндіні қолданған кезде орташа өтпелі көрудің анық еместігі байқалуы мүмкін.
Соған сәйкес медициналық мақсаттағы бұйым өндірілген нормативтік құжаттың атауы
Еуропа Кеңесінің медициналық аспаптар жөніндегі 93/42/ЕЭС Директивасы
Сақтау шарттары
25°C-ден жоғары температурада сақтауға болмайды
Жарамдылық мерзімі
2 жыл
Құтысы ашылғаннан кейін 90 күн өткенде ішіндегісін пайдалануға болмайды
Жарамдылық мерзімі өткеннен кейін қолдануға болмайды
Стерильді
Өндіруші ұйым
SOOFT italia S.p.A.
Contrada Molino, 17, 63833 Montegiorgio (FM), Италия
Қазақстан аумағында шағымдарды қабылдайтын ұйымның атауы және мекенжайы
«Биофармед» ЖШС, Қазақстан Республикасы
050013, Алматы қ-сы, Мұқанов к-сі 241, 85 пәтер;
тел/факс.: +7 (727) 313 74 96, 313 74 97
