Сипаттама
Дәрілік препаратты медициналық қолдану жөніндегі нұсқаулық
Саудалық атауы
Вирган
Халықаралық патенттелмеген атауы
Ганцикловир
Дәрілік түрі, дозасы
Көзге арналған гель, 1,5 мг/г
Фармакотерапиялықтобы
Сезім мүшелері. Офтальмологиялық препараттар. Микробтарға қарсы препараттар. Вирустарға қарсы препараттар. Ганцикловир.
АТХ коды S01AD09
Қолданылуы
Қарапайым герпес вирусымен туындаған жедел кератитті емдеу.
Қолдануды бастағанға дейін қажетті мәліметтер тізбесі
Қолдануға болмайтын жағдайлар
Ганцикловирге, ацикловирге немесе препарат компоненттерінің кез келгеніне аса жоғары сезімталдық.
Қолдану кезінде қажетті сақтық шаралары
Вирустардың басқа типтерінен туындаған кератоконъюнктивиттерге қатысты тиімділік анықталмаған.
Иммунитет тапшылығы бар пациенттерде ешқандай арнайы зерттеулер жүргізілген жоқ.
Бензалконий хлориді көздің тітіркенуін тудыруы мүмкін. Препараттың жұмсақ жанаспалы линзалармен жанасуына жол бермеу керек. Препаратты қолданар алдында жанаспалы линзаларды шешіп, оларды тамызғаннан кейін 15 минуттан кейін қайта орнатыңыз.
Бензалконий хлориді жұмсақ жанаспалы линзалардың түсін өзгертуі мүмкін.
Басқа дәрілік препараттармен өзара әрекеттесуі
Көзге арналған басқа тамшылармен қатар емдеген кезде тамызулар арасындағы аралық кемінде 15 минутты құрауы тиіс. Бұл жағдайда Вирганды соңғы кезекте тамызу ұсынылады.
Арнайы ескертулер
Жануарларға жүргізілген зерттеулердегі геноуытты әсерге байланысты Вирган қабылдайтын ерлерге емдеу кезінде және одан кейін үш айға дейінгі мерзімде жергілікті контрацепция шараларын (мүшеқап ретінде) пайдалану ұсынылады.
Педиатрияда қолдану
18 жасқа толмаған балаларда дәрілік затты пайдалану ұсынылмайды, өйткені ешқандай нақты зерттеулер жүргізілмеген.
Жүктілік немесе лактация кезінде
Жүктілік немесе емшек емізу кезіндегі қауіпсіздігін бағалау үшін көзге арналған Вирган гелін қолдануға қатысты жеткілікті тәжірибе жоқ.
Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Пациент препаратпен емдеу барысында кез-келген көру қабілеті бұзылған жағдайда автомобильді басқарудан немесе күрделі техникамен жұмыс істеуден бас тартуы тиіс.
Қолдану жөніндегі нұсқаулар
Дозалау режимі
Мөлдір қабық толық реэпителизацияланғанға дейін күніне 1 тамшыдан 5 рет, содан кейін 7 күн бойы күніне 1 тамшыдан 3 рет.
Емдеу ұзақтығы әдетте 21 күннен аспау керек.
Балалар
18 жасқа толмаған балаларда дәрілік препаратты қолдану ұсынылмайды, өйткені ешқандай арнайы зерттеулер жүргізілмеген.
ДП стандартты қолдану кезінде көрініс беретін жағымсыз реакциялар сипаттамасы және осы жағдайда (қажет кезде) қабылдау керек шаралар
Жағымсыз құбылыстар келесі жіктеме бойынша жүйелік-ағзалық кластары мен жиілігі бойынша төменде келтірілген: өте жиі (≥ 1/10), жиі (≥ 1/100<1/10 дейін), жиі емес (≥1/1000 <1/100 дейін), сирек (≥1/10,000 <1/1000 дейін), өте сирек (<1/10,000), жиілігі белгісіз (жиілігі белгісіз жағымсыз реакциялар бар деректердің негізінде бағалануы мүмкін емес).
Өте жиі(≥ 1/100 <1/10 дейін),
- көздегі өтпелі шымылдатып ашытуды сезіну немесе шаншу
- көздің шырышты қабығының тітіркенуі
- бұлыңғырланып көріну
Жиі(≥1/1000 <1/100 дейін)
- беткейлік нүктелі кератит
- конъюнктива гиперемиясы
Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз
Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК
http://www.ndda.kz
Қосымша мәліметтер
Дәрілік препараттың құрамы
1 г препараттың құрамында
белсенді зат – 1.5 мг ганцикловир,
қосымша заттар: карбомер (карбопол 974Р), сорбитол, бензалконий хлориді, натрий гидроксиді, тазартылған су).
Сыртқы түрінің, иісінің, дәмінің сипаттамасы
Көзге көрінбейтін механикалық қоспаларсыз, түссіз гель.
Шығарылу түрі және қаптамасы
Бұралып жабылатын пластмасса қақпағымен, ламинацияланған жабыны бар алюминий сықпада 5 г препараттан.
Бір сықпадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынады.
Сақтау мерзімі
3 жыл
Алғаш ашқаннан кейінгі сақтау мерзімі - 4 апта
Жарамдылық мерзімі өткеннен кейін қолдануға болмайды!
Сақтау шарттары
25 °С-ден аспайтын температурада.
Балалардың қолы жетпейтін жерде сақтау керек!
Дәріханалардан босатылу шарттары
Рецепт арқылы
Өндіруші туралы мәлімет
Фармила-Зеа Фармасьютичи С.п.А, Италия
(Farmila-Thea Pharmaceutici S.P.A)
Тіркеу куәлігінің ұстаушысы
Лаборатория Зеа (Laboratoires Théa)
12, Луи Блерио к-сі, 63017 Клермон-Ферран, Седекс 2, Франция
Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон,факс,электрондыпошта)
«Cантен» АҚ Қазақстандағы өкілдігі, Қазақстан Республикасы, 050000, Алматы қ., Панфилов к-сі 98, 713 кеңсе
Телефон нөмірі – 250-39-17 Телефон 24/7
Электронды пошта: santen.kaz@santen.com
