Біздің компаниямыз жайлы жалпы ақпарат.
Дәрілік препаратты медициналық қолдану жөніндегі нұсқаулық
Саудалық атауы
Ремаксол®
Халықаралық патенттелмеген атауы
Жоқ
Дәрілік түрі, дозалануы
Инфузияға арналған ерітінді
Фармакотерапиялық тобы
Ас қорыту жолы және зат алмасу.
Бауыр және өт шығару жолдарының ауруларын емдеуге арналған препараттар.
Бауыр ауруларын емдеуге арналған препараттар, липотропты препараттар.
Бауыр ауруларын емдеуге арналған препараттар.
АТХ коды А05ВА
Қолданылуы
– бауырдың жедел және созылмалы зақымдануы (уытты, алкогольдік, дәрілік гепатит) салдарынан оның функциясының бұзылуында
– вирустық гепатитті кешенді емдеуде (этиотропты емге қосымша)
Қолдануды бастағанға дейін қажетті мәліметтер тізбесі
Қолдануға болмайтын жағдайлар
– әсер етуші заттарға немесе қосымша заттардың кез келгеніне аса жоғары сезімталдық
– жүктілік және лактация кезеңі
– балалар мен жасөспірімдер (18 жасқа дейінгі)
Қолдану кезіндегі қажетті сақтық шаралары
Нефролитиаз, подагра, гиперурикемия кезінде сақтықпен қолдану керек.
Басқа дәрілік препараттармен өзара әрекеттесуі
Бір құтыда вена ішіне енгізуге арналған басқа дәрілік заттармен араластыруға болмайды.
Препарат дәрілік препараттардың метаболизміне жауап беретін (CYP 1A2, CYP 3A4, CYP 2C9, CYP 2C19, CYP 2D6) цитохромдарды тежемейді; цитостатиктердің (платина препараттары, антиметаболиттер, алкалоидтар) ісікке қарсы әсерін жоймайды, жаңа түзілімдердің цитостатикалық емінің тиімділігін жоғарылатады.
Арнайы ескертулер
Педиатрияда қолдану
18 жасқа дейінгі балаларда препаратты қолданудың тиімділігі мен қауіпсіздігі анықталмаған.
Егде жастағы пациенттерде қолдану
Егде жастағы пациенттерде тәуліктік доза әр адамға жеке анықталады. Препаратты қолдануды доза диапазонының төменгі шегінен және баяу жылдамдықта енгізуден бастау керек: минутына 30-40 тамшы (1.5–2.0 мл).
Бүйрек жеткіліксіздігі бар паценттерде қолдану
Бүйрек жеткіліксіздігі бар пациенттер арасында зерттеулер жүргізілген жоқ. Осыған байланысты мұндай пациенттерге препаратты қолданған кезде сақ болу ұсынылады.
Препараттың көлік құралдарын немесе қауіптілігі зор механизмдерді басқару қабілетіне әсер ету ерекшеліктері
Көлік құралын немесе қауіптілігі зор механизмдерді басқару қабілетіне ықпал етпейді.
Қолдану жөніндегі нұсқаулар
Дозалау режимі
Аурудың күрделілігіне байланысты – тәуліктік доза 400 мл-ден 800 мл-ге дейін 3-12 күн бойы. Енгізу жылдамдығы – минутына 40-60 тамшы (2-3 мл).
Енгізу жолы және тәсілі
Вена ішіне тамшылатып
ДП стандартты қолдану кезінде көрініс табатын жағымсыз реакциялардың сипаттамасы және осы жағдайда қабылдануы керек шаралар (қажет болса)
Препаратты жылдам енгізу кезінде мынадай жағымсыз реакциялар болуы мүмкін:
Сирек
– тері жабындарының гиперемиясы
– ысыну сезімі
– тамақтың жыбырлауы
– ауыздың құрғауы
Өте сирек
– антигистаминді препараттарды қолданумен қайтатын бөртпе және тері қышынуы түріндегі аллергиялық реакциялар
– жүрек айнуы
– бас ауыруы, бас айналуы
Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз
Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК
Қосымша мәліметтер
Дәрілік препараттың құрамы
400 мл препараттың құрамында
белсенді заттар:янтарь қышқылы – 2.112 г,
меглюмин (N-метилглюкамин) – 3.490 г,
инозин (рибоксин) – 0.80 г,
метионин – 0.300 г,
никотинамид – 0.100 г;
қосымша заттар: натрий хлориді, калий хлориді, магний хлориді гексагидраты (сусызға шаққанда), натрий гидроксиді, инъекцияға арналған су.
1 л иондық құрамы:
натрий-ион – 147 ммоль
калий-ион– 4.00 ммоль
магний-ион – 1.26 ммоль
хлорид-ион – 109 ммоль
Осмоляльділігі 329 мосмоль/кг
Сыртқы түрінің, иісінің, дәмінің сипаттамасы
Өзіне тән әлсіз иісі бар мөлдір түссіз сұйықтық.
Шығарылу түрі және қаптамасы
Инфузияға арналған ерітінді 400 мл-ден резеңке тығынмен тығындалған және алюминий қалпақшамен немесе алюминий және пластмассадан жасалған біріктірілген қалпақшалармен қаусырылған, сыйымдылығы 500 мл шыны бөтелкелерде. Бөтелкеге өздігінен желімденетін заттаңба жапсырылады. Әрбір бөтелке медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынады, оған алғашқы ашылуы бақыланатын заттаңба жабыстыруға жол беріледі.
Сақтау мерзімі
5 жыл
Жарамдылық мерзімі өткеннен кейін қолдануға болмайды!
Сақтау шарттары
Жарықтан қорғалған жерде, 25°С-ден аспайтын температурада сақтау керек.
Балалардың қолы жетпейтін жерде сақтау керек!
Дәріханалардан босатылу шарттары
Рецепт арқылы
Өндіруші туралы мәлімет
«ПОЛИСАН»Ғылыми-технологиялық фармацевтикалық фирмасы» ЖШҚ («ПОЛИСАН» ҒТФФ» ЖШҚ)
Ресей, 192102, Санкт-Петербург қ-сы, Салов к-сі, 72 үй, 2 корп., лит. А, тел./факс: (812) 710-82-25, E-mail: info@polysan.ru
Тіркеу куәлігінің ұстаушысы
«ПОЛИСАН»Ғылыми-технологиялық фармацевтикалық фирмасы» ЖШҚ («ПОЛИСАН» ҒТФФ» ЖШҚ)
Ресей, 192102, Санкт-Петербург қ-сы, Салов к-сі, 72 үй, 2 корп., лит. А, тел./факс: (812) 710-82-25, E-mail: info@polysan.ru
Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын ұйымның атауы, мекенжайы және байланыс деректері (телефон, факс, электронды пошта)
«Parasat Pharma Medical» ЖШС, Қазақстан Республикасы, Алматы қ.,
Абай даңғ., 150/230 үй, 867 тұрғын емес орынжай, 11 блок.
Тел.: +7 (727) 364-52-05, E-mail: prs-arman@mail.ru.
Қазақстан Республикасы аумағында дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)
И. А. Козлов, Қазақстан Республикасы, Алматы қ-сы, Бөгенбай батыр к-сі, 136 үй, 27 пәтер.
Тел.: +7 (777) 211-72-97. E-mail: doctorkvi@gmail.com.
