Сипаттама
Дәрілік препаратты медициналық қолдану жөніндегі нұсқаулық
Саудалық атауы
Аевит
Халықаралық патенттелмеген атауы
Жоқ
Дәрілік түрі, дозалануы
Капсулалар
Фармакотерапиялық тобы
Ас қорыту жолы және зат алмасу. Дәрумендер. Дәрумендердің басқа біріктірілімі. Дәрумендер біріктірілімі.
АТХ коды А11JА
Қолданылуы
- А және Е авитаминозында
- тіндер трофикасы бұзылуымен (псориаз, экземаның кейбір түрлері, ихтиоз, себореялық дерматит) қатар жүретін тері аурулары кезіндегі кешенді емде
Қолданудың басталуына дейінгі қажетті мәліметтер тізбесі
Қолдануға болмайтын жағдайлар
- препарат компоненттеріне жоғары сезімталдық
- өт-тас ауруы
- созылмалы панкреатит
- А және/немесе Е гипервитаминозы
- жүктілік және емшек емізу кезеңі
- балалар мен 18 жасқа дейінгі жасөспірімдерге
Қолдану кезіндегі қажетті сақтандыру шаралары
Созылмалы жүрек қызметі, тиреотоксикоз, бауыр циррозы, вирустық гепатит, алкоголизм, жедел және созылмалы нефрит, бүйрек жеткіліксіздігі, егде жастағы, гипопротромбинемия (К дәруменінің тапшылығы жағдайында Е дәруменінің мөлшері 400 ХБ-ден артық болғанда күшеюі мүмкін), холецистит, өт-тас ауруы және созылмалы панкреатит кезінде препаратты сақтықпен қолданған жөн.
Дозалануы жөніндегі нұсқаулықты қатаң сақтау қажет. А және Е гипервитаминозы пайда болуы мүмкін. А дәруменінің көп мөлшерін, сондай-ақ оны профилактика емес, емдеу мақсатында пайдаланатынын ескерген жөн.
Майда еритін дәрумендердің (А және Е) артық дозалануы туындауы мүмкіндігіне байланысты, басқа полидәруменді препараттармен ұзақ уақыт бірге тағайындауға болмайды.
Құрамында селен және күкірт бар амин қышқылдарының мөлшері жоғары болатын диета Е дәрумені қажеттілігін төмендетеді.
Басқа дәрілік препараттармен өзара әрекеттесуі
А дәрумені кальций препараттарының әсерін бәсеңдетеді, гиперкальциемияның даму қаупін арттырады. Колестирамин, колестипол, минералды майлар, неомицин А және Е дәрумендерінің сіңірілуін азайтады (дозаны арттыру қажет болуы мүмкін). Пероральді контрацептивтер плазмада А дәруменінің концентрациясын ұлғайтады. Изотретиноин А дәруменімен уыттанудың даму қаупін арттырады. Тетрациклин және А дәруменін жоғары дозада (50 мың ӘБ және жоғары) бір уақытта қабылдау бассүйекішілік гипертензияның даму қаупін арттырады.
Е дәрумені глюкокортикостероидтар, қабынуға қарсы стероидты емес препараттар, антиоксиданттардың әсерін күшейтеді, А, D дәрумендері, жүрек гликозидтері тиімділігін арттырады және уыттылығын азайтады. Е дәруменін жоғары дозада тағайындау организмде А дәрумені тапшылығын туындатуы мүмкін. Е дәруменін тәулігіне 400 ӘБ астам дозада антикоагулянттармен (кумарин және индандиол туындыларымен) бір мезгілде қолдану гипопротромбинемияның және қан кетудің даму қаупін арттырады. Темірдің жоғары дозалары организмде тотығу үдерістерін күшейтеді, ол Е дәруменінің қажеттігін арттырады.
Арнайы сақтандырулар
Педиатрияда қолдану
Препарат педиатриялық практикада қолданылмайды.
Бауыр және/немесе бүйрек функциясы бұзылған адамдарда қолданылуы
Сақтық таныту керек, себебі А гипервитаминозының даму қаупі айтарлықтай артады.
Жүктілік немесе лактация кезінде
Жүктілік кезінде (әсіресе I триместрде) және лактация кезеңінде (емдеу кезеңінде емшек сүтімен емізуді тоқтату қажет) қолдануға болмайды. Ретинолдың жоғары дозаларының тератогенді әсері оны қабылдау тоқтатылғаннан кейін де сақталады, сондықтан препаратты қолдану кезінде жүктілікті тек 6-12 айдан кейін жоспарлау ұсынылады.
Препараттың көлік құралын және қауіптілігі зор механизмдерді басқару қабілетіне әсер ету ерекшеліктері
Препаратты қолдану ерекше назар аударуды және жылдам реакцияларды талап ететін қауіптілігі зор қызмет түрлерін орындауға әсер етпейді.
Қолдану жөніндегі нұсқаулар
Дозалану режимі
Тәулігіне 1 капсуладан.
Енгізу әдісі және жолы
Ас қабылдауға қарамастан, ішке қабылдау керек.
Қабылдау уақыты көрсетілген қолдану жиілігі
Күнделікті тәулігіне 1 капсуладан.
Емдеу ұзақтығы
20-40 күн. Дәрігермен кеңескеннен кейін қайта емдеу курсын жүргізуге болады.
Артық дозалану жағдайында қабылдау қажет болатын шаралар
А дәруменімен жедел артық дозалану симптомдары (енгізгеннен кейін 6 сағаттан соң дамиды): ересектерде – ұйқышылдық, әлсіздік, диплопия, бас айналу, қатты бас ауруы, жүректің айнуы, тоқтаусыз құсу, диарея, ашушаңдық, остеопороз, қызылиектен қан кету, ауыз қуысының шырышты қабығының құрғауы және жарасы, еріннің, терінің қабыршақтануы (әсіресе алақанның), қозу, сананың шатасуы, бассүйекішілік қысымның жоғарылауы; емшек еметін жастағы балаларда – гидроэнцефалия, еңбектің томпаюы.
А дәруменінің созылмалы уыттану симптомдары: анорексия, сүйектің ауыруы, терінің, еріннің жарылуы мен құрғақтығы, ауыз қуысының шырышты қабығының құрғауы, гастралгия, құсу, гипертермия, астения, бас ауруы, фотосенсибилизация, поллакиурия, никтурия, полиурия, ашушаңдық, шаштың түсуі, табандағы, алақандағы, мұрын ерін аумағындағы сары-қызғылт дақтар, гепатотоксикалық құбылыстар, көзішілік қысым жоғарлауы, олигоменорея, порталды гипертензия, гемолитикалық анемия, қисық рентгенограммаларындағы өзгерістер, құрысулар; фетотоксикалық құбылыстар: несеп шығару жүйесінің даму ақаулары, өсудің кідірісі, өсудің эпифизарлы аймақтарының ерте жабылуы.
Е дәруменімен артық дозалану симптомдары: ұзақ уақыт тәулігіне 400-800 ХБ дозада қабылдағанда – анық көрмеу, бас айналуы, бас ауыруы, жүрек айнуы, диарея, гастралгия, астения; ұзақ уақыт тәулігіне 800 ХБ жоғары дозада қабылдау К гиповитаминозбен науқастарда қан кетудің даму қаупін жоғарылатады, тиреоидты гормондардың метаболизмінің бұзылуы, сексуальді қызметтің бұзылуы, тромбофлебит, тромбоэмболия, некрозды колит, сепсис, гепатомегалия, гипербилирубинемия, бүйрек жеткіліксіздігі, көздің торлы қабығына қан құйылуы, геморрагиялық инсульт, асцит.
Үлкен дозаларда ұзақ уақыт қолданғанда холелитиаздың және созылмалы панкреатиттің асқынуы мүмкін.
Емі: препаратты тоқтату, симптоматикалық ем.
Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша нұсқаулар
Препаратты қолдану бойынша сұрақтар болса, емдеуші дәрігерге немесе дәріхана қызметкеріне хабарласыңыз.
ДП стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар
Аллергиялық реакция (тері бөртпелері), эпигастрия аймағында жайсыздық сезімі, жүрек айнуы, құсу, диарея.
Күтілген дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса,дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз
Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитеті «Дәрілік заттарды және медициналық бұйымдарды сараптау ұлттық орталығы» ШЖҚ РМК
http://www.ndda.kz
Қосымша мәліметтер
Дәрілік препарат құрамы
Бір капсуланың құрамында
белсенді заттар: ретинол пальмитаты (100% затқа шаққанда) – 55.036 мг
(100000 ХБ),
альфа-токоферилацетат (100% затқа шаққанда) – 100 мг
қосымша зат: күнбағыс майы
Капсуланың қабығы: желатин, глицерин, тазартылған су, натрий бензоаты.
Сыртқы түрінің, иісінің, дәмінің сипаттамасы
Жігі бар сфера пішінді ашық сарыдан күңгірт сары түске дейінгі жұмсақ желатинді капсулалар.
Капсула құрамында - ашық-сарыдан қоңыр-сары түске дейінгі майлы сұйықтық.
Шығарылу түрі және қаптамасы
10 немесе 15 капсуладан поливинилхлоридті үлбірден және лакталған баспалық алюминий фольгадан жасалған пішінді ұяшықты қаптамада.
2 пішінді ұяшықтықаптамадан № 10 немесе 1, 2, 4пішінді ұяшықты қаптамадан № 15 медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынған.
100 пішінді ұяшықты қаптамадан (блистерлер) № 10 медициналық қолдану жөніндегі қазақ және орыс тілдеріндегі нұсқаулықтың сәйкес санымен картон қораптан жасалған пеналға салынады.
Сақтау мерзімі
2 жыл
Жарамдылық мерзімі өткеннен кейін қолдануға болмайды.
Сақтау шарттары
Жарық пен ылғалдан қорғалған жерде, 15°С-ден 25 °С-ге дейінгі температурада сақтау керек.
Балалардың қолы жетпейтін жерде сақтау керек!
Дәріханалардан босатылу шарттары
Рецептісіз
Өндіруші туралы мәліметтер
«Минскинтеркапс» УК, Беларусь Республикасы,
220075,Минск қ., а/ж 112,Инженерная к., 26/3 үй
Тел./факс (+ 37517) 267-01-59
E-mail: info@mic.by, www.mic.by
Тіркеу куәлігінің ұстаушысы
«Минскинтеркапс» УК, Беларусь Республикасы,
220075,Минск қ., а/ж 112,Инженерная к., 26 үй
Тел./факс (+ 37517) 267-01-59
E-mail: info@mic.by, www.mic.by
Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттардың тіркеуден кейінгі қауіпсіздігін қадағалауға жауапты ұйымның атауы,мекенжайы және байланыс деректері (телефон, факс, электронды пошта)
«Рахметова» ЖК
Қазақстан Республикасы, Алматы қ., Байзақов к-сі, 116 үй,35 пәтер
Тел. 8-777-324-23-37
E-mail: al.rakhmetova@ yandex.kz
