Тауарлардың көрінісі фотосуретте көрсетілгеннен өзгеше болуы мүмкін

Актовегин раствор д/инъекций 40 мг/мл 5 мл № 5 амп

4338
Қолжетімділігі
Сатылымда бар
Үлгі
9003638404586
Елі
Австрия
Өндіруші
Nycomed Austria GmbH
0-0-4 бөліп төлеу
1085 x 4 ай
  • Сипаттама
  • Дәріханалар

Сипаттама

Дәрілік препаратты медициналық қолдану жөніндегі нұсқаулық

Саудалық атауы

Актовегин®

Халықаралық патенттелмеген атауы

Жоқ

Дәрілік түрі, дозалануы

Инъекцияға арналған ерітінді 40 мг/мл – 2 мл, 5 мл және 10 мл

Фармакотерапиялық тобы

Қан және қан түзу ағзалары. Басқа гематологиялық препараттар.

АТХ коды В06АВ

Қолданылуы

Кешенді емнің құрамында:

- инсульттен кейінгі когнитивті бұзылыстар мен деменцияны қоса, когнитивті бұзылыстарды симптоматикалық емдеу

- шеткергі қан айналымы бұзылыстарын және олардың салдарын симптоматикалық емдеу

- диабеттік полинейропатияны (ДПН) симптоматикалық емдеу

Қолданудың басталуына дейінгі қажетті мәліметтер тізбесі

Қолдануға болмайтын жағдайлар

- Актовегин® препаратының компоненттеріне аса жоғары сезімталдық

- инфузиялық емге жалпы қолдануға болмайтын жағдайлар: декомпенсацияланған жүрек жеткіліксіздігі, өкпенің ісінуі, олигурия, анурия, гипергидратация

- 18 жасқа дейінгі балалар.

Басқа дәрілік препараттармен өзара әрекеттесуі

Анықталмаған.

Арнайы сақтандырулар

Препаратты парентералдық енгізуді стерильді жағдайларда жүргізу керек.

Анафилаксиялық реакцияның пайда болу мүмкіндігіне байланысты сынамалық инъекция жүргізу ұсынылады (аса жоғары сезімталдыққа тест).

Электролиттік бұзылыстар кезінде (гиперхлоремия және гипернатриемия сияқты, сіз шамадан тыс шөлдеген кезіңізде, бұлшықет әлсіздігін сезінген кезде), көрсетілген жағдайлар тиісті түрде түзетілуі керек.

Инъекцияға арналған ерітіндінің түсі сәл сарғыш. Түстердің қарқындылығы пайдаланылған бастапқы материалдардың сипаттамаларына байланысты бір партиядан екінші партияға дейін өзгеруі мүмкін, бірақ бұл препараттың белсенділігіне немесе оның төзімділігіне теріс әсерін тигізбейді.

Мөлдір емес ерітіндіні немесе құрамында бөлшектері бар ерітіндіні қолданбаңыз.

Ампуланы ашқаннан кейін ерітіндіні сақтауға болмайды.

Препарат құрамында натрийдің болуына байланысты тұзсыз диетаны ұстанатын адамдар сақтықпен қолдануы керек.

Педиатрияда қолдану

Қазіргі уақытта Актовегин® препаратын балаларда қолдану туралы деректер жоқ, сондықтан оны осы топтағы адамдарда қолдану ұсынылмайды.

Жүктілік немесе лактация кезеңінде

Актовегин® емдік пайдасы шаранаға немесе балаға ықтимал қауіптен асып кеткен жағдайда ғана қолдану керек.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Актовегин® препаратының көлік құралдарын басқару және механизмдермен жұмыс істеу қабілетіне әсері анықталмаған.

Қолдану жөніндегі нұсқаулар

Дозалау режимі

Препаратты әрқашан Өзіңіздің емдеуші дәрігеріңіздің ұсыныстарына сәйкес қабылдаңыз. Күмәнданған кезде Өзіңіздің дәрігеріңізбен кеңесіңіз.

Бір сынық нүктесі бар ампулаларды пайдалану бойынша ұсыныстар:

  • Ампуланы үстіңгі жағындағы белгісі жоғары қарайтындай етіп алыңыз.
  • Саусағыңызды абайлап тырсылдатып, ампуланы сілкіп, ампуланың ұшынан ерітіндіні төмен қарай ағызыңыз.
  • Белгіге баса отырып, ампуланың жоғарғы жағын сындырыңыз.

Клиникалық көріністің ауырлық дәрежесіне байланысты алдымен күн сайын 10 – 20 мл препаратты вена ішіне немесе артерия ішіне; одан әрі емдеу үшін 5 мл вена ішіне немесе бұлшықет ішіне баяу, күн сайын немесе аптасына бірнеше рет енгізу керек. 10-нан 50 мл дейін препаратты инфузиялық енгізу үшін 200-300 мл негізгі ерітіндіні (натрий хлоридінің изотониялық ерітіндісін немесе 5% глюкоза ерітіндісін) қосу керек. Инфузия жылдамдығы шамамен 2 мл/мин құрайды.

Бұлшықет ішіне инъекциялау үшін 5 мл-ден аспайтын препарат қолданылады, оны баяу енгізу керек, себебі ерітінді гипертониялық болып табылады.

Инсульттан кейінгі когнитивті бұзылулар

Ишемиялық инсульттің жедел кезеңінде 5 – 7 күннен бастап тәулігіне 2000 мг-ден 20 инфузияға дейін вена ішіне тамшылатып, 2 таблеткадан күніне 3 рет (күніне 1200 мг) таблетка түріне ауысады. Емдеудің жалпы ұзақтығы 6 айды құрайды.

Деменция

Тәулігіне 2000 мг-ден 4 аптаға дейін вена ішіне тамшылатып.

Шеткергі қан айналымының бұзылуы және олардың салдары

Тәулігіне 800 – 2000 мг-ден артерия ішіне немесе вена ішіне тамшылатып. Емдеу ұзақтығы 4 аптаға дейін.

Диабеттік полинейропатия

Тәулігіне 2000 мг-нан 20 инфузия вена ішіне тамшылатып, күніне 3 рет 3 таблеткадан (күніне 1800 мг) таблетка түріне ауыса отырып, ұзақтығы 4 айдан 5 айға дейін.

Енгізу әдісі және жолы

Актовегин®, инъекцияға арналған ерітінді, бұлшықет ішіне, вена ішіне (оның ішінде инфузия түрінде) немесе артерия ішіне қолданылады.

Артық дозалану жағдайында қабылдау қажет болатын шаралар

Актовегин® препаратымен артық дозалану жағдайлары болған жоқ.

Дәрілік препаратты қолдану тәсілін түсіндіру үшін медицина қызметкерінен кеңес алу

Препаратты қолдану туралы сұрақтар туындаған жағдайда емдеуші дәрігеріңізге қаралыңыз.

Дәрілік препаратты стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар

Сирек (пациенттердің 0,01% - дан астамында, бірақ 0,1% - дан кемінде кездеседі)

  • аллергиялық реакциялар (дәрілік қызба, шок симптомдары).
  • есекжем, кенеттен қызару.

Өте сирек / Жекелеген жағдайларда және т. б. (пациенттердің 0,001% - дан кемінде кездеседі)

  • миалгия

Күтілетін дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек

Қазақстан Республикасы Денсаулық сақтау министрлігі Медициналық және фармацевтикалық бақылау комитеті комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препарат құрамы

Бір мл препараттың құрамында

белсенді зат - 40 мг бұзау қанының депротеинделген гемодериваты Актовегин® концентрат түрінде*

қосымша зат – инъекцияға арналған су.

*құрамында шамамен 26,8 мг натрий хлориді бар

Сыртқы түрінің, иісінің, дәмінің сипаттамасы

Сарғыш түсті мөлдір ерітінді.

Шығарылу түрі және қаптамасы

2, 5 немесе 10 мл препараттан сындыру нүктесі бар түссіз шыны ампулаларда.

5 ампуладан пластикалық пішінді ұяшықты қаптамаға салынады.

1 (5 мл және 10 мл үшін) немесе 5 (2 мл үшін) пішінді ұяшықты қаптамадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынады.

Қорапшаға голографиялық жазулары және алғашқы ашылуы бақыланатын дөңгелек нысандағы мөлдір қорғаныш жапсырмалар жапсырылады.

Сақтау мерзімі

3 жыл

Жарамдылық мерзімі өткеннен кейін қолдануға болмайды!

Сақтау шарттары

Жарықтан қорғалған жерде, 25°C-ден аспайтын температурада сақтау керек.

Препараттарды кәрізге немесе тұрмыстық қоқысқа тастамаңыз. Дәріхана қызметкерінен бұдан былай қажет болмайтын препараттарды қалай жоюға болатындығын анықтап алыңыз. Бұл шаралар қоршаған ортаны қорғауға мүмкіндік береді.

Балалардың қолы жетпейтін жерде сақтау керек!

Дәріханалардан босатылу шарттары

Рецепт арқылы

Өндіруші туралы мәліметтер

«Такеда Фармасьютикалс» ЖШҚ, Ресей, 150030, Ярославль қаласы, Технопарковая көшесі, 9 үй

«Takeda Pharmaceuticals» LLC, 150030, 9 Technoparkovaya street, Yaroslavl, Russia

Тел.: (495) 933-55-11

Факс: (495) 502-16-25

Электронды пошта: russia@takeda.com

Тіркеу куәлігінің ұстаушысы

«Такеда Фармасьютикалс» ЖШҚ, Ресей, 119048, Мәскеу қ., Усачев к-сі, 2 үй, 1 құр.

«Takeda Pharmaceuticals» LLC, 2, Bl.1, Usacheva street, Moscow, 119048, Russia

Тел.: (495) 933-55-11

Факс: (495) 502-16-25

Электронды пошта: russia@takeda.com

Қазақстан Республикасы аумағында тұтынушылардан дәрілік заттар сапасына қатысты шағымдар (ұсыныстар) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«Такеда Қазақстан» ЖШС

050040, Алматы, Шашкин к-сі 44

Телефон: +77272444004

Электронды пошта: AE.AsiaCaucasus@takeda.com

Дәріханалар

Тауар артығымен бар
Тауар аз қалды
Аптека №57
Демьяна бедного 3
Круглосуточно
Аптека № 74, Алматы, (Самал 1)
Самал-2, ул.Мендикулова 35 уг.ул.Аль-фараби
Круглосуточно
Аптека № 81, Алматы, (Магнум Абая)
Микрорайон Жетысу-3, 1г
Круглосуточно
Аптека №311
улица Курмангазы, дом 144, НП 74Б.
Круглосуточно
Аптека № 59, Алматы, (Радостовцова 292)
Бостандыкский р., ул.Радостовцова 292 (Магнум)
Круглосуточно
Аптека №159
г. Алматы, ул. Розыбакиева, 220
Круглосуточно
Аптека №234
ТД "Мерей" Райымбек батыры/Суюнбая
Круглосуточно
Аптека №309
ул. Тимирязева, дом № 42/30
09 00- 22 00
Аптека №175, Алматы, (Магнум Первомайка)
п. Первомайка тр.Алматы- Капчагай в ТД Магнум
Круглосуточно
Аптека №204, Алматы, (Казахфильм)
ул. Мартебе, 1а
09:00-22:00
Аптека №34 ПТ Алматы (Айнабулак)
мкр. Айнабулак 3 ул.Жумабаева д 98А
09:00-21:00
Аптека №94, Алматы, (ЖК Евразия)
ул.Масанчи, д.23/12 (ЖК Евразия)
09:00-22:00
Аптека №132 Алматы, (ул.Б.Майлина 2)          
г.Алматы, ул.Б.Майлина 2
Круглосуточно
Аптека №222
ул. Розыбакиева 33/1 ТК "Оптовка" магазин №3/8
08:00-20:00
Аптека №49
г.Алматы, Наурызбайский р-н, мкр. Калкаман 2 а
Круглосуточно
Аптека № 75, Алматы, Абая Жарокова)
ул.Абая 139, уг.ул Жарокова
Круглосуточно
Аптека №108 ПТ Алматы, (пр.Достык)
г.Алматы, Медеуский район, пр.Достык 248а
Круглосуточно
Аптека № 91, Алматы, (Магнум Думан)
мкр. Думан, ТД Магнум
Круглосуточно