Сипаттама
Дәрілік затты медициналық
қолдану жөніндегі нұсқаулық
АЛФАГИН
Саудалық атауы
Алфагин
Халықаралық патенттелмеген атауы
Жоқ
Дәрілік түрі
Шәрбат
Құрамы
10 мл шәрбаттың құрамында
белсенді заттар:
дәрілік эмблика жемістерінің қою экстрактісі230 мг
егістік жоңышқа жапырағының қою экстрактісі115 мг
грек бойдана тұқымдарының қою экстрактісі 115 мг
сібір женьшені тамырларының қою экстрактісі60 мг
қосымша заттар: сахароза, мия экстрактісі, сусыз лимон қышқылы, метилпарагидроксибензоат, пропилпарагидроксибензоат, глицерин,апельсин хош иістендіргіші, құлпынай хош иістендіргіші, тазартылған су.
Сипаттамасы
Апельсин дәмі мен шөптерге тән иісі бар, күңгірт-қоңыр түсті шәрбат.
Фармакотерапиялық тобы
Жалпы сергітетін препараттар
АТХ коды А13А
Фармакологиялық қасиеттері
Фармакокинетикасы
Алфагин препаратының әсері оның компоненттерінің жиынтық әсері болып табылады, сондықтан кинетикалық бақылауларды жүргізу мүмкін емес; барлық компоненттері бірге маркерлер немесе биозерттеулердің көмегімен қадағаланбайды. Осы себептен препараттың метаболиттерін де анықтау мүмкін емес.
Фармакодинамикасы
Алфагин – кешенді өсімдік препараты, оның әсері құрамына кіретін өсімдіктерге негізделген.
Дәрілік эмблика – құрамында С, В1, В2 дәрумендері,микроэлементтер, кальций, фосфор, темір, пектин бар. Биологиялық белсенді, табиғи С дәруменінің көп мөлшері антиоксиданттық қасиеттеріне негіз болады (бос радикалдардың тежегіші болып табылады). Тәбетті қоздырады, ас қорытуды жақсартады, эритропоэзды, ақуыздардың биосинтезін көтермелейді, шығу тегі мезенхималық тіндердің – сүйек дентині мен коллагеннің дұрыс өндірілуіне ықпал етеді. Айқын иммуномодуляциялаушы әсері бар.
Егістік жоңышқа – құрамында метионинге бай жеңіл қорытылатын ақуыз, сапониндер, фолий қышқылы, A, C, D, E, K, B1, B6, B12 дәрумендері, микроэлементтер бар. Тұз қышқылы мен пепсиннің өндірілуін күшейту арқылы тәбетті көтермелейді. Әсіресе суық тию және инфекциялық аурулардың профилактикасында жалпы нығайтатын әсер береді. Стреске төзімділікті арттырады, қажу мен депрессия кезінде көмектеседі. Сапониндер атеросклероздың дамуының алдын ала отырып, қандағы жоғарылаған холестерин құрамының төмендеуіне ықпал етеді, жүрек-қантамыр жүйесін нығайтады. Жоңышқа хлорофилдерге бай, олар шығу тегі әртүрлі анемияларды емдеуге мүмкіндік береді.
Грек бойданасы – құрамында алкалоидтар (холин, тригонеллин), аминоқышқылдары (лизин, лецитин, гистидин), гликозидтік сапониндер (диосгенин, тигогенин), дәрумендер (каротин, В1, С), минералдар – күкірт, кальций, фосфор, едәуір мөлшерде органикалық жеңіл қорытылатын түрдегі темір бар. Ас қорытуды жақсарта отырып, жалпы панкреатиндік сөліністі көтермелейді. Жалпы нығайтатын және сергітетін қасиеттері бар, организмнің дене күшін қалпына келтіреді. Гемоглобин деңгейінің жоғарылауына ықпал етеді, бала емізетін аналарда лактация кезеңін ұзартады.
Сібір женьшені – физиологиялық белсенді заты элеутерозидтер (A, B, C, D, E) деп аталатын гликозидтер болып табылады, құрамында бұдан өзге кумариннің туындылары, аралин алкалоиды, сирингорезинол, изофраксидин, қатар жүретін заттар – эфир майы, шырыш, крахмал, полисахаридтер, липидтер, шайырлар, пектиндік заттар, дәрумендер, микроэлементтер бар. Айқын көтермелегіш және сергіткіш әсері бар, мидың қан айналымын жақсарта отырып, ақыл-ой еңбегіне қабілеттілікті көтермелейді. Липидтерді аз жұмсаудың есебінен, фосфорланумен және бұлшықеттердегі АТФ теңгерімінің сақталуымен астасқан бұлшықет еңбегіне қабілеттілікті арттырады. Көмірсу-фосфор алмасуына оң ықпалын тигізе отырып, қандағы қант құрамын төмендетеді (диабеттің жеңіл түрінде). Тамырды кеңейтетін әсерінің және жүректің капиллярлық торабының алмасу беткейін ұлғайтуы есебінен, тамыр соғысы мен артериялық қан қысымының бастапқы көрсеткіштерінің қалпына келуі уақытын азайта отырып, жүрек-қантамыр жүйесіне оң әсерін тигізеді.Сібір женьшені организмніңдене жүктемелеріне шыдамдылығын жақсартады, ортаның жағымсыз жағдайларына төзімділікті ұлғайтады, жаппай тұмау инфекциясы кезеңінде ауыруды азайтады. Сібір женьшенінің аурудан кейінгі қажуда, психоэмоционалдық стресте, аурудан кейінгі оңалту кезеңіндегі әсерлері клиникалық тұрғыдан дәлелденген.
Алфагин ОЖЖ-ға көтермелегіш әсер береді,ақыл-ой және дене еңбегіне қабілеттілікті арттырады. Сергітетін әсері бар, жүйкенің ширығуын, шаршау мен қажуды төмендетеді, организмнің шыдамдылығы мен психикалық төзімділігін арттырады. Адаптогендік қасиеттерінің арқасында, Алфагин организмнің ішкі және сыртқы стресс факторларына қарсы тұру қабілетін көтермелейді. Организмнің қорғаныс күшін белсендіреді, иммунитетті нығайтады, тәбетті арттырады. Аурудан кейін тез сауығуға ықпал етеді, өткерген аурудан кейінгі көңіл күйін жақсартады.
Жалпы нығайтқыш және антиоксиданттық қасиеттері бар.
Қолданылуы
- жалпы әлсіздікте
- қажу, жұмысқа қабілеттіліктің артуына қажеттілікте
- иммунитеттің төмендеуінде, жиі суық тиюде
- астеновегетативтік синдромда, жүйке жүйесінің тозуында, ваготонустық тип бойынша вегетотамырлық дистонияда
- химиотерапияда, сәулемен емдеуде, созылмалы уыттануда уытты әсерді төмендету қажет болғанда
- миокард инфарктісінен, жарақаттардан, операциялардан кейін науқастарды оңалту жүргізілгенде ұзақ уақыт демеуші емде
- темір тапшылықты анемияның жеңіл түрлерінің профилактикасында және емдеуде
- анорексияда,тәбеттің төмендеуінде, дене салмағының тапшылығында
- ауыр дене, ой және психикалық жүктемелерде.
Қолдану тәсілі мен дозалары
Ересектер үшін: тамақтан соң 2 шәй қасықтан күніне екі рет
Балалар үшін: 12 жастан асқанбалаларға күніне екі рет тамақтан соң 1 шәй қасық
Қабылдау уақыты – таңертең және түсте
Емдеу курсы -30 күн
Жағымсыз әсерлері
- препарат компоненттеріне аллергиялық реакция
- артериялық қысымның жоғарылауы
- Алфагинді түнге қарай қабылдаған жағдайда ұйқының бұзылуы
Қолдануға болмайтын жағдайлар
- препарат компоненттеріне жекелей жоғары сезімталдық
- гипертониялық криз
- қант диабеті
- жүктілік және лактация
- 12 жасқа дейінгі балаларға
Дәрілермен өзара әрекеттесуі
Бластомаға қарсы дәрілердің уыттылығын азайтады.
Андрогендер мен анаболикалық стероидтардың әсерін қуаттандырады.
Ұйықтататын және тыныштандыратын дәрілердің әсер ету ұзақтығын қысқартады.
Айрықша нұсқаулар
Шәрбаттың құрамында сахароза бар, қант диабетімен, экссудативті диатезбен науқастар, сондай-ақ гипокалориялы диетада осыны ескерулері қажет.
Препараттың сергіткіштік әсерін ескере отырып,препаратты күннің екінші жартысында қабылдамаған дұрыс.
Жүктілік және лактация кезеңінде қолдану ұсынылмайды, өйткені препаратты бұл кезеңде қолдану жөнінде клиникалық мәліметтер жоқ.
Дәрілік заттың көлік құралдарын және қауіптілігі зор механизмдерді басқару қабілетіне әсер ету ерекшеліктері
Әсер етпейді
Артық дозалануы
Анықталмаған
Шығарылу түрі және қаптамасы
120 мл, 150 мл препараттан полипропилен қақпақтары бар және балалардың ашып алуынан қорғалған янтарь түсті шыны құтыларға құйылған.
1 құтыдан өлшеуіш стақанымен және медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапқа салынған.
Сақтау шарттары
25ºС-ден аспайтын температурада сақтау керек.
Балалардың қолы жетпейтін жерде сақтау керек!
Сақтау мерзімі
3 жыл
Жарамдылық мерзімі өткеннен кейін қолдануға болмайды.
Қабылдар алдында жақсылап сілку керек
Дәріханалардан босатылу шарттары
Рецептісіз
Өндіруші
Хербион Пәкістан Пвт Лтд
Коранги өндіріс аймағы, 30/28
Карачи қ-сы, Пәкістан.
Тіркеу куәлігінің иесі
Хербион Пәкістан Пвт Лтд, Пәкістан
Қазақстан Республикасы аумағында тұтынушылардан өнім (тауар)
сапасына қатысты шағымдарды қабылдайтын, дәрілік заттың
қауіпсіздігіне тіркеуден кейінгі бақылауға жауапты ұйымныңмекенжайы
«Фармация Юниверсал» ЖШС
Алматы қ-сы, Чаплин /Халиуллин к-сі 71/66
Тел: 234-48-53, 234-44-88
Факс: 234-41-47
E-mail: info.kz@herbion.com
