Амосин 500 мг № 10 табл.

Сипаттама

Дәрілік затты медициналық қолдану

жөніндегі нұсқаулық

АМОСИН®

Саудалық атауы

АМОСИН®

Халықаралық патенттелмеген атауы

Амоксициллин

Дәрілік түрі

250 МГ, 500 МГ ТАБЛЕТКАЛАР

Құрамы

Бір таблетканың құрамында

белсенді зат – амоксициллин тригидраты (амоксициллинге шаққанда)

250 мг, 500 мг,

қосымша заттар: картоп крахмалы, магний стеараты, тальк, повидон, кальций стеараты.

Сипаттамасы

Жалпақ цилиндр пішінді, ойығы мен сызығы бар, ақ немесе ақ дерлік түсті таблеткалар.

Фармакотерапиялық тобы

Жүйелі қолдануға арналған микробқа қарсы препараттар. Жүйелі қолдануға арналған бактерияға қарсы препараттар. Бактерияға қарсы бета-лактамды препараттар – пенициллиндер. Әсер ету ауқымы кең пенициллиндер. Амоксициллин.

АТХ кодыJ01CA04

Фармакологиялық қасиеттері

Фармакокинетикасы

Сіңірілуі – жылдам, жоғары (93%), тамақтану сіңірілуіне ықпалын тигізбейді, асқазан қышқылды ортасында ыдырамайды. 125 мг және 250 мг дозада ішке қабылдағанда ең жоғары концентрациясы, тиісінше, 1.5-3 мкг/мл және 3.5-5 мкг/мл. Ішу арқылы қабылдағаннан кейін ең жоғары концентрациясына жету уақыты – 1-2 сағат.

Таралу көлемі үлкен: жоғары концентрацияларда плазмадан, қақырықтан, бронх секретінен (іріңді бронх секретінде таралуы әлсіз), плевралық және перитонеальді сұйықтықтан, несептен, тері күлдіреуіктерінің ішіндегісінен, өкпе тіндерінен, ішектің шырышты қабығынан, әйелдің жыныс ағзаларынан, қуық асты безінен, ортаңғы құлақ сұйықтығынан (ол қабынғанда), сүйектен, май тінінен, өт қабынан (қалыпты бауыр функциясында), шарана тіндерінен табылады. Дозаны 2 есеге арттырғанда концентрациясы да 2 есе ұлғаяды.

Өттегі концентрациясы плазмадағы концентрациясынан 2-4 есе асып кетеді. Амниотикалық сұйықтықта және кіндік тамырларында амоксициллин концентрациясы – жүкті әйел плазмасындағы деңгейдің 25-30%. Гематоэнцефалдық бөгет арқылы нашар өтеді, ми қабықтарының қабынуында жұлын сұйықтығындағы концентрациясы – плазмадағы деңгейінен 20% жуық. Плазма ақуыздарымен байланысы – 17 %. Белсенді емес метаболиттер түзумен ішінара метаболизденеді. Жартылай шығарылу кезеңі – 1-1.5 сағат. Өзгеріссіз күйде бүйрекпен 50-70% (өзекшелік секреция жолымен - 80 % және шумақтық сүзілістер арқылы - 20 %), бауырмен 10-20 % шығарылады. Аздаған мөлшерде ана сүтімен бөлінеді. Бүйрек функциясының бұзылуында (креатинин клиренсі (КК) 15 мл/минуттан аз немесе оған тең) жартылай шығарылу кезеңі 8.5 сағатқа дейін ұзарады.

Амоксициллин гемодиализ кезінде шығарылады.

Жасы. Амоксициллиннің жартылай шығарылу кезеңі 3 айдан 2 жасқа дейінгі балаларда және одан үлкен балалар мен ересектерде ұқсайды. Бүйрек пен бауыр қызметінің жетілмеуіне байланысты өте кішкентай балаларға (мерзімінен ерте туған нәрестелерді қоса) өмірінің бірінші аптасында қолдану аралығы күніне екі реттен аспауы тиіс. Егде жастағы пациенттер бүйрек функциясының төмендеуіне анағұрлым бейім болғандықтан, доза таңдауда көңіл бөлген жөн, бүйрек функциясына мониторингтің де пайдасы болуы мүмкін.

Жынысы

Адамның жынысы амоксициллин фармакокинетикасына елеулі әсер етпейді.

Бүйрек жеткіліксіздігі

Амоксициллиннің жалпы сарысу деңгейі бүйрек функциясының бәсеңдеуіне пропорционалды төмендейді.

Бауыр жеткіліксіздігі

Бауыр жеткіліксіздігі бар пациенттерге сақтықпен тағайындау керек, ал бауыр функциясы белгілі бір уақыт аралығынан кейін бақыланады.

Фармакодинамикасы

АМОСИН ® - жартылай синтетикалық пенициллиндер тобындағы әсер ету ауқымы кең бактерицидті антибиотик. Бөліну және өсу кезеңінде пептидогликан (жасуша қабырғасының тірек полимері) синтезін бұзады, бактериялар лизисін тудырады.

Препаратқа микроорганизмдердің мынадай түрлері сезімтал:

- грамоң аэробтар: Corinebacterium diphteriae, Enterococcus faecalis, Listeria monocytogenes, Streptococcus agalactiae, Streptococcus bovis, Streptococcus pyogenes;

- грамтеріс аэробтар: Helicobacter pylori;

- анаэробтар: Peptostreptococci;

- басқалары: Borrelia.

Тұрақты сезімтал емес (жүре біткен резистенттілік емдеуін қиындатуы мүмкін): Corinebacterium spp., Enterococcus faecium, Streptococcus pneumoniae, Streptococcus viridans, Escherichia coli, Haemophilus influenzae, Haemophilus parainfluenzae, Moraxella catarrhalis, Proteus mirabilis, Prevotella, Fusobacterium spp.

Төзімділері мынадай түрлері: Staphylococcus aureus, Acinetobacter, Citrobacter, Enterobacter, Klebsiella, Legionella, Morganella morganii, Proteus vulgaris, Providencia, Pseudomonas, Serratia, Bacteroides fragilis, Chlamidia, Mycoplasma, Rickettsia.

Қолданылуы

- жедел бактериялық синусит

- жедел ортаңғы отит

- жедел стрептококктік тонзиллит және фарингит

- созылмалы бронхиттің жедел асқынуы

- ауруханадан тыс пневмония

- жедел цистит

- жүктілік кезіндегі симптомсыз бактериурия

- жедел пиелонефрит

- сүзек және паратифті қызба

- целлюлиті тараған тіс абцесі

- буындарды протездеу

- Helicobacter pylori эрадикациясы

- Лайм ауруы

АМОСИН® эндокардиттің профилактикасы үшін де қолданылады.

Қолдану тәсілі және дозалары

Жеке инфекцияларды емдеу үшін таңдалған АМОСИН® дозасында ескерілуі тиіс:

• Күтілетін патогендер және олардың бактерияға қарсы препараттарға ықтимал сезімталдығы;

• Аурудың ауырлығы және инфекцияның орналасуы;

• пациенттің жасы, дене салмағы және бүйрек функциясы ескерілуі тиіс;

Емдеу ұзақтығы инфекцияның типіне және пациенттің жауабына қарай анықталуы және мүмкіндігінше қысқа болуы тиіс. Кейбір инфекциялар емдеудің анағұрлым ұзақ кезеңін талап етеді.

Ересектер және дене салмағы ≥40 кг балалар

Көрсетілім*

Доза*

Жедел бактериялық синусит

250 мг бастап 500 мг дейін әрбір 8 сағат сайын немесе

750 мг бастап 1 г дейін әрбір 12 сағат сайын

Ауыр инфекцияларда 750 мг бастап 1 г дейін әрбір 8 сағат сайын

Күніне екі рет 3 г бір күн бойы

Жүктілік кезіндегі симптомсыз бактериурия

Жедел пиелонефрит

Целлюлиті тараған тіс абцесі

Жедел цистит

Жедел ортаңғы отит

500 мг әрбір 8 сағат сайын, 750 мг бастап 1 г дейін әрбір 12 сағат сайын

Ауыр инфекцияларда 750 мг бастап 1 г бастап 10 күн бойы

Жедел стрептококктік тонзиллит және фарингит

Созылмалы бронхиттің жедел асқынуы

Ауруханадан тыс пневмония

500 мг бастап 1 г дейін әрбір 8 сағат сайын

Сүзек және паратифті қызба

500 мг бастап 2 г дейін әрбір 8 сағат сайын

Буындарды протездеу

500 мг бастап 1 г дейін әрбір 8 сағат сайын

Эндокардит профилактикасы

2 г пероральді, бір реттік доза емшараны жүргізерден 30-60 минут бұрын

Helicobacter pylori эрадикациясы

750 мг бастап 1 г дейін күніне екі рет протондық помпа тежегішімен (мысалы, омепразол, лансопразол) және басқа антибиотикпен (мысалы, кларитромицин, метронидазол) 7 күн бойы

Лайм ауруы

Ерте кезеңінде: 500 мг бастап 1 г дейін әрбір 8 сағат сайын тәулігіне 4 г дейін бөлінген дозада 14 күн бойы (10-нан 21 күнге дейін).

Кешеуілдеген кезеңінде (жүйелік араласу): 500 мг бастап 2 г әрбір 8 сағат сайын күніне 6 г бөлінген дозада 10-30 күн бойы.

* Әрбір көрсетілім үшін ресми басшылыққа алынатын емдеу қағидаларын ескерген жөн

Дене салмағы <40 кг балалар

Балаларға АМОСИН® таблеткалары, ішке қабылдау үшін суспензия дайындауға арналған ұнтақты тағайындауға болады. Суспензия дайындауға арналған ұнтақ жасы алты айға дейінгі балаларға ұсынылады. Дене салмағы 40 кг дейінгі және одан асқан балаларға ересек адамның дозасын тағайындау керек.

Ұсынылатын дозалар:

Көрсетілім+

Доза+

Жедел бактериялық синусит

20 бастап күніне 90 мг/кг дейін бөлінген дозада *

Жедел ортаңғы отит

Ауруханадан тыс пневмония

Жедел цистит

Жедел пиелонефрит

Целлюлиті тараған тіс абцесі

Жедел стрептококктік тонзиллит және фарингит

40 бастап күніне 90 мг/кг бөлінген дозада *

Сүзек және паратифті қызба

Күніне 100 мг/ кг үш дозада

Эндокардит профилактикасы

50 мг/кг пероральді, бір реттік доза емшараға дейін 30-60 минут бұрын

Лайм ауруы

Ерте кезеңінде: күніне 25 бастап 50 мг/кг үш бөлінген дозада 10-21 күн бойы

Кешеуілдеген кезеңінде (жүйелік араласу): күніне 100 мг/кг үш дозада 10-30 күн бойы

+ Әрбір көрсетілім үшін ресми басшылыққа алынатын емдеу қағидаларын ескерген жөн

* Екі рет дозалаудың тәуліктік сызбасы доза жоғарғы диапазонда болғанда ғана керек.

Егде жастағы пациенттер

Дозаны түзету қажет етілмейді.

Бүйрек функциясы бұзылған пациенттер.

ШСФ (мл/мин)

Ересектер және дене салмағы ≥40 кг балалар

Дене салмағы <40 кг балалар #

30 астам

дозаны түзету қажет етілмейді

дозаны түзету қажет етілмейді

10-нан 30 дейін

ең көбі 500 мг

күніне екі рет

15 мг/кг күніне екі рет

(ең көбі 500 мг күніне екі рет)

10 аздау

ең көбі 500 мг/тәул.

15 мг/кг бір реттік тәуліктік доза түрінде (ең көбі 500 мг)

# Көптеген жағдайда парентеральді ем дұрыс болады

Гемодиализдегі пациенттер

АМОСИН®-ді қан айналымынан гемодиализ арқылы жоюға болады.

Гемодиализ

Ересектер және дене салмағы >40 кг балалар

500 мг әрбір 24 сағ сайын

Гемодиализ алдында тағы 500 мг бір доза енгізу керек. Айналымдағы дәрілік препараттың деңгейін қалпына келтіру үшін, гемодиализден кейін тағы бір 500 мг дозаны енгізген жөн.

40 кг дейінгі балалар

Күніне 15 мг/кг бір реттік тәуліктік доза түрінде (ең көбі 500 мг) тағайындайды. Гемодиализ алдында 15 мг/кг дозаны қосымша енгізу керек. Айналымдағы дәрілер деңгейін қалпына келтіру үшін, гемодиализден кейін тағы бір 15 мг/кг дозаны енгізген жөн.

Перитонеальді диализдегі балалар

АМОСИН® ең көбі тәулігіне 500 мг.

Бауыр функциясы бұзылған пациенттер

Сақтықпен дозалаңыз және бауыр функциясын тұрақты уақыт аралығымен бақылап отыру керек.

Енгізу тәсілі

АМОСИН® тамақтануға байланыссыз, пероральді қолдануға арналған. Таблетканы бір стақан сумен ішіп, тұтастай жұтуға, бөліктерге бөлуге немесе шайнауға болады.

Жағымсызәсерлері

Диарея, жүрек айну және бөртпе сияқты препаратқа жағымсыз реакциялар туралы жиі хабарланған.

Жағымсыз әсерлердің туындауын жіктеу үшін мынадай терминдер пайдаланылған:

Өте жиі (≥1/10)

Жиі (1/100-ден <1/10 дейін)

Жиі емес (1/1000-нан <1/100 дейін)

Сирек (1/10000-нан <1/1000 дейін)

Өте сирек (<1/10000)

Белгісіз (жиілігін қолда бар деректер бойынша бағалау мүмкін емес).

Инфекциялар және инвазиялар.

Өте сирек:

- мукокутанды кандидоз

Қан және лимфа жүйесі бұзылыстары

Өте сирек:

- қайтымды лейкопения (ауыр нейтропения немесе агранулоцитозды қоса), қайтымды тромбоцитопения және гемолиздік анемия.

Иммун жүйесінің бұзылулары

Өте сирек:

- ауыр аллергиялық реакциялар, оның ішінде ангионевроздық ісіну, анафилаксия, аса жоғары сезімтал васкулит

Белгісіз:

- Яриш-Герксгеймер реакциясы

Жүйке жүйесінің бұзылулары

Өте сирек:

- гиперкинезия, бас айналу және құрысулар

Асқазан-ішек бұзылыстары

Жиі:

- диарея және жүрек айну

Жиі емес:

- құсу

Өте сирек:

- антибиотиктермен байланысты колит (оның ішінде жалған жарғақшалы колит және геморрагиялық колит).

- «қара түкті тіл»

Гепатобилиарлы бұзылыстар

Өте сирек:

- гепатит және холестаздық сарғаю, АСТ және/немесе АЛТ орташа артуы

Тері және тері асты шелі бұзылыстары

Жиі:

- тері бөртпесі

Жиі емес:

- есекжем және қышыну

Өте сирек:

- тері реакциялары, мультиформалы эритема, Стивенс-Джонсон синдромы, уытты эпидермалық некролиз, буллезді және эксфолиативті дерматит, жедел жайылған экзантематозды пустулез.

Бүйрек және несеп жолдары бұзылыстары

Өте сирек:

- интерстициальді нефрит, кристаллурия.

Қолдануға болмайтын жағдайлар

- белсенді затқа (ішінде басқа пенициллиндерге, цефалоспориндерге, карбапенемдерге) аса жоғары сезімталдық

- анамнезде басқа бета-лактамды агенттерді (оның ішінде цефалоспориндер, карбапенемдер немесе монобактамдар) қолданумен байланысты аса жоғары сезімталдықтың болуы(оның ішінде анафилаксия)

- 6 жасқа дейінгі балаларға (осы дәрілік түр үшін)

- лактация кезеңі

Дәрілермен өзара әрекеттесуі

Пробенецид

Пробенецидті бір мезгілде қолдану ұсынылмайды. Пробенецид амоксициллиннің бүйрек өзекшелік сөлінісін азайтады. Пробенецидті бір мезгілде қолдану шығарылуы ұзаққа созылатын амоксициллин деңгейінің артуына әкелуі мүмкін.

Аллопуринол

Амоксициллинмен емдеу кезінде аллопуринолды бір мезгілде қабылдау тері тарапынан аллергиялық реакциялардың пайда болу ықтималдығын арттырады.

Тетрациклиндер

Тетрациклиндер және басқа бактериостаздық препараттар амоксициллиннің бактерицидті әсеріне ықпал етуі мүмкін.

Пероральді қолдануға арналған антикоагулянттар

Пероральді қолдануға арналған антикоагулянттар және пенициллин қатарының антибиотиктері өзара әрекеттесуі туралы хабарлар болмағанда тәжірибеде кеңінен пайдаланылады. Алайда аценокумарол немесе варфарин қабылдаған және амоксициллинмен емдеу курсы тағайындалған пациенттерде халықаралық қалыптастыру коэффициентінің артуы жағдайлары сипатталған. Егер мұндай препараттарды бір мезгілде қабылдау қажет болса, амоксициллинді қосқанда немесе қабылдауды тоқтатқандапротромбин индексін немесе халықаралық қалыптандыру коэффициентін мұқият бақылау керек. Мұнымен қоса, пероральді қолдануға арналған антикоагулянттар дозасын түзету қажет.

Метотрексат

Пенициллиндер метотрексаттың шығарылуын төмендетуі мүмкін, бұл уыттылықтың потенциалды ұлғаюын туындатады.

Айрықша нұсқаулар

Аса жоғары сезімталдық реакциялары

АМОСИН® препаратымен емдеу басталғанға дейін пенициллиндерге, цефалоспориндерге немесе басқа бета-лактамды агенттерге алдыңғы аса жоғары сезімталдық реакцияларына қатысты мұқият зерттеу жүргізген жөн.

Пенициллинмен ем қабылдаған пациенттерде аса жоғары сезімталдық реакциясында (анафилактоидты реакциялар) күрделі, кейде өліммен аяқталатын жағдайлары тіркелген. Осы реакциялар анамнезінде пенициллинге жоғары сезімталдығы бар адамдарда және атопиясы бар пациенттерде жиі кездеседі. Аллергиялық реакция дамыған жағдайда, АМОСИН® препаратымен емдеуді тоқтатып және тиісті альтернативті емдеуді бастау қажет.

Сезімтал емес микроорганизмдер

Егер патоген анық болса, амоксициллин инфекциялардың кейбір түрлерін емдеуге жарамайды, әрі белгілі болғандай, сезімтал немесе қоздырғышамоксициллинмен емдеуге жарамды болады деген жоғары ықтималдығы бар.Мұны несеп шығару жолдарының инфекцияларын және құлақ, мұрын және тамақтың ауыр инфекцияларын емдеу кезінде ескеру қажет.

Құрысулар

Препараттың жоғары дозаларын қабылдайтын бүйрек функциясы бұзылған пациенттерде, сондай-ақ эпилепсиясы және менингиті бар пациенттерде құрысулар туындауы мүмкін.

Бүйрек жеткіліксіздігі

Бүйрек функциясы бұзылғанпациенттерде дозаны бұзылу дәрежесіне байланысты түзету керек.

Тері реакциялары

Пустулалартуындауымен байланысты қызбалық жайылған эритеманы емдеудің басында туындауы жедел жайылған экзантематозды пустулез (ГГЕП) симптомы болуы мүмкін. Мұндай реакция АМОСИН® қабылдауды тоқтатуды қажет етеді және амоксициллинді одан әрі қолдануға қарсы көрсетілім болып табылады.

Инфекциялық мононуклеозге күдік болғанда АМОСИН® қолданбаған жөн, өйткені мұндай жағдайда амоксициллин қолданғанда қызылша тәрізді бөртпе туындауымен байланысты болған.

Яриш-Герксгеймер реакциясы

Яриш-Герксгеймер реакциясы амоксициллинмен Лайм ауруын емдеуден кейін байқалған. Бұл Лайм ауруы бактериялары, Borrelia burgdorferi спирохеттері қоздырғыштарына амоксициллиннің бактерицидті белсенділігімен тікелей байланысты. Пациенттер мұның Лайм ауруы антибиотиктерапиясының таралған және әдетте өздігінен шектелетін салдары екеніне сенімді болуы тиіс.

Сезімтал емес микроорганизмдер ұлғаюы

Ұзақ қолдану жекелеген жағдайларда препаратқа сезімтал емес организмдердің шамадан тыс көбеюіне әкелуі мүмкін.

Амоксициллинді қоса, бактерияға қарсы барлық препараттарды қолданғанда, антибиотикпен астасқан колит туралы хабарланған, оның ауырлық дәрежесі жеңілден бастап өмірге қауіптісіне дейін өзгеріп отыруы мүмкін. Сондықтан осы диагнозды диареясы бар пациенттерде кез келген антибиотиктерді қабылдау кезінде немесе одан кейін ескерген маңызды. Антибиотикпен астасқан колит пайда болғанда АМОСИН® қолдануды дереу тоқтату, медициналық көмекке жүгіну және талапқа сай емдеуді бастау керек. Перистальтикаға қарсы препараттарды мұндай жағдайда қолдануға болмайды.

Ұзақ емдеу

Ұзақ емдеу кезінде ағзалар жүйесі функциясына, оның ішінде бүйрек, бауыр және қан түзу функциясына мерзімді мониторинг жүргізіп отыру керек.

Антикоагулянттар

Амоксициллин қабылдаған пациенттерде сирек жағдайларда протромбин индексінің артуы туралы хабарланған. Антикоагулянттарды бір мезгілде тағайындағанда талапқа сай бақылау жасаған жөн. Антикоагуляцияның лайықты деңгейін ұстап тұрып үшін пероральді қолдануға арналған антикоагулянттар дозасын түзету қажет болуы мүмкін.

Кристаллурия

Диурез төмендеген пациенттерде көбіне парентеральді ем кезінде кристаллурия өте сирек байқалған. Амоксициллинді жоғары дозаларда қабылдау кезінде сұйықтықты жеткілікті тұтынуды және амоксициллинмен байланысты кристаллурия ықтималдығын төмендету мақсатындағы диурезді ұстап тұру керек. Қуық катетеризациясымен пациенттерде катетерлер өткізгіштігін ұдайы тексеріп отыру керек.

Диагностикалық тестілерге араласу

Амоксициллинмен емдеу кезінде несепте глюкоза болуын сезінгенде глюкооксидазаны анықтаудың ферменттік әдістерін қолданған жөн, өйткені ферменттік емес әдістерді пайдаланған кезде жалғаноң нәтижелер алыну ықтималдығы бар.

Амоксициллиннің болуы жүкті әйелдерде эстриол талдауының нәтижелерін бұрмалауы мүмкін.

Жүктілік немесе бала емізу кезеңінде қолдану.

Жүктілік. Амоксициллинді қолдануға қатысты шектеулі деректер жүктілік кезінде адамда туа біткен ақаулардың туындау қаупінің жоғарылағанын көрсетпейді. Препаратты ана үшін болжамды пайдасы шаранаға төнетін қаупінен асып түсетін жағдайларды қоспағанда жүктілік кезінде қолданудан аулақ болған жөн.

Лактация кезеңі. Амоксициллин емшек сүтіне сенсибилизация қаупінің мүмкіндігі бар аздаған мөлшерде бөлінеді. Осылайша, емшекпен қоректенетін нәрестеде диарея және шырышты қабықтың зең инфекциясы туындауы мүмкін, сондықтан препаратты қабылдаған кезде бала емізуді тоқтату керек. Амоксициллин бала емізу кезінде пайда/қауіп арақатынасын дәрігер бағалағаннан кейін қолданылуы мүмкін.

Фертильдік. Амоксициллиннің адам фертильдігіне әсері туралы деректер жоқ. Жануарлардағы репродукциялық зерттеулер фертильдікке әсерін көрсетпеген.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Автомобиль жүргізу және басқа механизмдермен жұмыс істеу қабілетіне әсер ететін жағымсыз әсерлері (аллергиялық реакциялар, бас айналу, құрысулар сияқты) туындауы мүмкін.

Артық дозалануы

Симптомдары

Асқазан-ішек жолы бұзылыстарының симптомдары байқалуы мүмкін (жүрек айну, құсу, диарея) және сұйықтық және электролиттер теңгерімінің бұзылуы байқалуы мүмкін. Амоксициллинмен байланысты жекелеген жағдайларда бүйрек жеткіліксіздігіне әкелген кристаллурия байқалуы мүмкін.

Бүйрек функциясы бұзылған пациенттерде және препараттың жоғары дозаларын қабылдайтын пациенттерде құрысу туындауы мүмкін.

Емі

Асқазан-ішек жолы тарапынан симптомдарды сұйықтық және электролиттер теңгеріміне көңіл аудара отырып, симптоматикалық емдеуге болады.

Амоксициллин гемодиализ көмегімен қан ағымынан шығарылуы мүмкін.

Шығарылу түрі және қаптамасы

Таблеткалар 250 мг, 500 мг.

10 таблеткадан поливинилхлоридті үлбірден және баспалы лакталған алюминий фольгадан жасалған пішінді ұяшықты қаптамада.

1 пішінді ұяшықты қаптамадан медициналық қолдану жөніндегі мемлекеттік және орыс тіліндегі нұсқаулықпен бірге картон қорапшаға салынады.

Сақтау шарттары

Құрғақ, жарықтан қорғалған жерде, 25°C-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

2 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецепт арқылы

Өндіруші/Қаптаушы

«Синтез» ААҚ.

640008, Ресей, Қорған қ., Конституция даңғылы, 7

Тел/факс (3522) 48-16-89

E-mail: real@kurgansintez.ru

Интернет-сайт: http://www.kurgansintez.ru

«ПОЛЛО» ЖШҚ тапсырысы бойынша өндірілген

640000, Ресей, Қорған қ., Ленин к-сі, 5, 320 кеңсе

Тіркеу куәлігінің ұстаушысы

«ПОЛЛО» ЖШҚ, Ресей

640000, Ресей, Қорған қ., Ленин к-сі, 5, 320 кеңсе

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері

«Deсalog» ЖШҚ, 050050, Қазақстан Республикасы,

Алматы қ., Глазунов к-сі, 41 А-4

тел. 2944221, тел. 8 7017315218

E-mail: deсalog@nur.kz