Біздің компаниямыз жайлы жалпы ақпарат.
Дәрілік препаратты медициналық қолдану жөніндегі нұсқаулық (Қосымша парақ)
Саудалық атауы
Арбидол®
Халықаралық патенттелмеген атауы
Умифеновир
Дәрілік түрі, дозасы
Капсулалар 100 мг
Жүйелі қолдануға арналған инфекцияға қарсы препараттар. Жүйелі қолдануға арналған вирусқа қарсы дәрілер. Тікелей әсер ететін вирусқа қарсы препараттар. Вирусқа қарсы басқа да препараттар. Умифеновир.
АТХ коды J05AX13
Қолданылуы
- ересектердегі емдеу және профилактикасы: А және В тұмауы, басқа ЖРВИ
- операциядан кейінгі инфекциялық асқынулардың профилактикасы
Қолдануды бастағанға дейін қажетті мәліметтер тізбесі
Қолдануға болмайтын жағдайлар
- препарат компоненттеріне жоғары сезімталдық
- жүктіліктің бірінші триместрі
- емшек емізу кезеңі
- 18 жасқа дейінгі балалар
Қолдану кезіндегі қажетті сақтық шаралары
- жүктіліктің екінші және үшінші триместрлері
Басқа дәрілік препараттармен өзара әрекеттесуі
Басқа дәрілік заттармен тағайындағанда теріс әсерлері байқалмаған.
Арбидол® препаратының басқа дәрілік заттармен өзара әрекеттесуін зерттеуге арналған арнайы клиникалық зерттеулер жүргізілген жоқ.
Клиникалық зерттеулер жағдайында ыстықты түсіретін, муколитикалық және жергілікті тамыр тарылтатын дәрілік заттармен жағымсыз өзара әрекеттесудің болуы туралы мәліметтер анықталған жоқ.
Арнайы ескертулер
Арбидол® препаратын қатар жүретін жүрек-қантамыр жүйесі, бауыр мен бүйрек аурулары бар науқастарға сақтықпен тағайындаған жөн.
Нұсқаулықта ұсынылған препаратты қабылдау сызбасы мен ұзақтығын сақтау қажет. Препараттың бір дозасын қабылдауды өткізіп алған жағдайда онымүмкіндігінше ертерек қабылдап, препаратты қабылдау курсын бастаған сызба бойынша жалғастыру керек.
Егер Арбидол® препаратын қолданғаннан кейін үш тәулік ішінде тұмауды және басқа да ЖРВИ емдегенде ауру симптомдарының айқын көрінуі, оның ішінде жоғары температура (38°С және одан жоғары) сақталса, онда препаратты қабылдаудың негізділігін бағалау үшін дәрігерге жүгіну қажет.
Педиатрияда қолдану
Бұл препаратты 18 жасқа дейінгі балалар мен жасөспірімдерге қолдануға болмайды.
Жүктілік немесе лактация кезінде
Арбидол® препаратын жүктіліктің бірінші триместрінде қолдануға болмайды.
Жүктіліктің екінші және үшінші триместрінде Арбидол® ана үшін болжамды пайдасы шаранаға төнетін ықтимал қауіптен асып түскенде ғана, тұмауды емдеу мен профилактикасына қолданыла алады. Пайда/қауіп арақатынасын емдеуші дәрігер анықтайды.
Арбидол® препаратының лактация кезеңінде әйелдердің емшек сүтіне өтетіні белгісіз. Арбидол® препаратын қолдану қажеттілігі кезінде бала емізуді тоқтата тұру қажет.
Препараттың көлік құралдарын және әлеуетті қауіпті механизмдерді басқару қабілетіне әсер ету ерекшеліктері
Орталықтық нейротропты белсенділігі жоқ және медициналық тәжірибеде түрлі мамандық иелеріне, соның ішінде жоғары зейін қоюды және қимыл-қозғалыс үйлесімін қажет ететіндерге (көлік жүргізушілер, операторлар және т.б.) қолдануға болады.
Дозалау режимі
Ішке, ас қабылдағанға дейін.
| Препараттың бір реттік дозасы | 200 мг (2 капсула) |
| Ең жоғары бір реттік дозасы | 200 мг (2 капсула) |
| Ең жоғары тәуліктік дозасы | 800 мг (8 капсула) |
Енгізу әдісі және жолы
Ішке
Қабылдау уақыты көрсетілген қолдану жиілігі
Препаратты ас қабылдағанға дейін қабылдау керек.
| Қолданылуы | Препаратты қабылдау сызбасы |
| Тұмау және басқа ЖРВИ эпидемиясы кезеңіндегі спецификалық емес профилактика | бір реттік дозаны аптасына 2 рет 3 апта бойы |
| Тұмау және басқа ЖРВИ науқастармен тікелей қатынас кезіндеспецификалық емес профилактика | бір реттік дозаны күніне 1 рет 10-14 күн бойы |
| Тұмау және басқа ЖРВИ емдеу | бір реттік дозаны тәулігіне 4 рет (әр 6 сағат сайын) 5 тәулік бойы |
| Операциядан кейінгі инфекциялық асқынулардың профилактикасы | бір реттік дозаны 2 тәулік бұрыноперацияға дейін, содан соң операциядан кейінгі 2 және 5 тәулікте |
Препаратты тұмаумен және басқа да ЖРВИ ауруының алғашқы симптомдары пайда болған сәттен бастап,аурудың басталуынан 3 тәуліктен кешіктірмей қабылдауды бастайды.
Әр түрлі көрсеткіштер бойынша дәрілік препаратты қолданған кезде емдеу ұзақтығы «Қабылдау уақыты көрсетілген қолдану жиілігі» тармағында көрсетілген
Артық дозаланған жағдайда қолданылуы қажет шаралар
Препараттың артық дозалануы жағдайлары байқалған жоқ. Артық дозаланған жағдайда ем симптоматикалық.
Дәрілік препараттың бір немесе бірнеше дозасын өткізіп алған кездегі қажетті шаралар
Дәрілік препаратты қолдану тәсілін түсіндіру үшін медициналық қызметкерден кеңес алу үшін жүгіну бойынша ұсынымдар
Егер Арбидол® препаратын қолданғаннан кейін үш тәулік ішінде тұмауды және басқа да ЖРВИ емдегенде ауру симптомдарының айқын көрінуі, оның ішінде жоғары температура (38°С және одан жоғары) сақталса, онда препаратты қабылдаудың негізділігін бағалау үшін дәрігерге жүгіну қажет.
Тұмау және ЖРВИ емдеу кезінде ыстықты түсіретін препараттарды, муколитикалық және жергілікті тамыр тарылтатын дәрілерді қабылдауды қоса симптоматикалық емді қатар жүргізуге болады.
ДП стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар
Сирек
– аллергиялық реакциялар: тері бөртпесі, қышыну.
Егер нұсқаулықта көрсетілген кез келген жағымсыз әсерлер ушыққан болса немесе Сіз нұсқаулықта көрсетілмеген кез келген басқа жағымсызәсерлерді байқасаңыз, бұл туралы дәрігерге хабарлаңыз.
Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз
Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитеті «Дәрілік заттарды және медициналық бұйымдарды сараптау Ұлттық Орталығы» РМК ШЖҚ
Қосымша мәліметтер
Дәрілік препараттың құрамы
белсенді зат – умифеновир гидрохлориді моногидраты (умифеновир гидрохлоридіне шаққанда), 100 мг,
қосымша заттар: картоп крахмалы, микрокристалдыцеллюлоза, коллоидты кремнийдің қостотығы (аэросил), повидон К 25 (коллидон 25), кальций стеараты
Қаттыжелатинді капсулалар № 1:
Корпусы: титанның қостотығы (Е 171), желатин.
Қақпағы: титанның қостотығы (Е 171), күн батар түстес сары бояғыш (Е 110), хинолинді сары бояғыш (Е 104), желатин.
Сыртқы түрінің, иісінің, дәмінің сипаттамасы
Қақпақшасы сары түсті, ақ түсті №1 капсулалар.
Капсуланың құрамында – құрамында түйіршіктері және ақ немесе жасылдау-сары ақтан ақшыл сары немесе жасылдау реңді ақшыл-сары түске дейінгі ұнтағы бар қоспа.
10 капсуладан поливинилхлоридті үлбірден және лакталған баспалық алюминий фольгадан жасалған пішінді ұяшықты қаптамада.
1, 2 немесе 4 пішінді қаптамадан медициналық қолдану жөніндегі мемлекеттік және орыс тіліндегі нұсқаулықпен бірге картон қорапшада.
Сақтау мерзімі
3 жыл
Жарамдылық мерзімі өткеннен кейін қолдануға болмайды!
Сақтау шарттары
25 ºС-ден аспайтын температурада сақтау керек.
Балалардың қолы жетпейтін жерде сақтау керек!
Дәріханалардан босатылу шарттары
Рецептісіз
Өндіруші туралы деректер
"Фармстандарт-Лексредства" ААҚ
305022, Ресей, Курск қ.,
2-ші Агрегатная к-сі, 1а/18,
тел./факс: (4712) 34-03-13,
Тіркеу куәлігінің ұстаушысы
"Отисифарм" АҚ, Ресей
123112, Мәскеу қ., Тестовская к-сі, 10 үй
12 қабат, II үй-жай, 29 бөлме
Тел.: +7 (800) 775-98-19
Факс: +7 (495) 221-18-02
Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон,факс,электронды пошта)
"Қарағанды фармацевтикалық кешені" ЖШС,
100009, Қазақстан Республикасы, Қарағанды қ., Газалиев к-сі, 16 құрылым
Тел/факс: +7 (7212) 437002
Тел: + 7 (7212) 507322
E-mail: kphk@kphk.kz
