Сипаттама
Саудалық атауы
Глюкоза қосылған аскорбин қышқылы
Халықаралық патенттелмеген атауы
Жоқ
Дәрілік түрі
Таблеткалар
Құрамы
Бір таблетканың құрамында
белсенді заттар: аскорбин қышқылы 100 мг
глюкоза 877 мг
қосымша заттар: қант (сахароза), стеаринқышқылы, тальк.
Сипаттамасы
Жалпақ цилиндр пішінді, ойығы мен сызығы бар ақ түсті таблеткалар.
Фармакотерапиялық тобы
Ас қорыту жолы және зат алмасу. Дәрумендер. Аскорбин қышқылы, басқа препараттармен біріктірілімдерін қоса. Басқа препараттармен біріктірілген аскорбин қышқылы
АТХ коды А11GВ
Фармакологиялық қасиеттері
Фармакодинамикасы
Аскорбин қышқылы көптеген тотығу-қалпына келтіру реакцияларына белсенді қатысады, организмге спецификалық, жалпы көтермелейтін әсер көрсетеді. Организмнің үйренісу және оның инфекцияға қарсы тұру қабілетін жоғарылатады, регенерация үдерістеріне ықпал етеді.
Молекуласында диенольді топтың (-COH=COH-) болуына орай ол айқын күшті білінетін қалпына келтіргіш (антиоксидантты) қасиеттерге ие. Көптеген биохимиялық реакцияларда сутегі тасымалын реттейді, үшкарбонды қышқыл циклында глюкозаны пайдалануды жақсартады, тетрагидрофолий қышқылының, стероидты гормондардың, коллаген менпроколлаген синтезіне қатысады.
Холестерин алмасуына қатысады, бауырдың уытсыздандыратын және ақуыз синтездейтін қызметін күшейтеді. Жасуша аралық заттардың коллоидты күйін және капиллярлардың қалыпты өткізгіштігін демеп тұруға ықпал етеді. Өт бөлінуін және ұйқы безінің сыртқы секреторлық қызметін жақсартады.
Адам организмі С дәруменін өзі синтездей алмайды, оның қажеттілігі тамақ құрамынан алыну есебімен қанағаттандырылады.
Глюкоза организмде әр түрлі зат алмасу үдерістеріне қатысады, организмде тотығу-тотықсыздану үдерісін күшейтеді, бауырдың уыттылыққа қарсы функциясын жақсартады. Глюкоза метаболизмінде тіндерде елеулі шамада организмнің тіршілік әрекетіне қажетті энергия бөлінеді.
Фармакокинетикасы
Аскорбин қышқылының ауыз қуысында сіңуі бәсең жүреді, ал жіңішке ішекте – глюкозаның қатысуымен белсенді жүреді. Асқазан-ішек жолының патологиясы (пептикалық ойық жара, іш қату, іш өту, гельминт инвазиясы, лямблиоз) оның ішекте қорытылуын бұзады. С дәруменін емдік дозада қолданғандағы биосіңуі 70% құрайды, қабылдау артқан сайын ол төмендейді. Қандағы ең жоғарғы концентрациясына 4 сағаттан соң жетеді. Аскорбин қышқылы қаннан лейкоциттер мен тромбоциттерге бәрінен жақсы өтеді, гипофиздің артқы бөлігінде, бүйрек үсті безінде, көз эпителиясы менбауырда жинақталады.
Аскорбин қышқылының соңынан қымыздық қышқылына айналумен жүретін дегидроаскорбинді және дикетогулонді биотрансформациясы бауырда жүреді.
Жоғарыда аталған барлық метаболиттердің және аскорбин қышқылының өзінің өзгермеген түрінің экскрециясы негізінен бүйрекпен жүзеге асады.
Аскорбин қышқылымен адам организміне түсетін глюкоза организмнің барлық тіндеріне жеңіл сіңеді және жылдам таралады. Метаболизмнің негізгі жолдары гликолиз және аэробты тотығу болып табылады, соның нәтижесінде көмір қышқыл газы мен су түзіледі, сондай-ақ аденозинтрифосфор қышқылы және басқа макроэргиялық қосылыстар босап шығады.
Қолданылуы
- С дәрумені гипо- және авитаминозының профилактикасында және емдеуде
Қолдану тәсілі және дозалары
Препаратты ішке, тамақтан кейін қабылдайды.
Профилактикалық мақсатта: ересектерге – тәулігіне 50-100 мг
Емдеу мақсатында: ересектерге – тәулігіне 50-100 мг күніне 3 рет тағайындайды.
Емдеу ұзақтығы аурудың сипаты мен ағымына байланысты және дәрігер белгілейді.
Жағымсыз әсерлері
- аллергиялық реакциялар
- үлкен дозаны ұзақ уақыт қолданғанда – бас ауыруы, орталық жүйке жүйесі қозуының жоғарылауы, ұйқысыздық
- орташа полликиурия, ұзақ қолданғанда - гипероксалурия, нефролитиаз, бүйректің гломерулярлық аппаратының зақымдануы
- асқазан-ішек жолы шырышты қабығының тітіркенуі, ұзақ қолданғанда –жүрек айнуы, құсу, диарея, гиперацидті гастрит, асқазан-ішек жолы шырышты қабығының ульцерациясы
- ұзақ қолданғанда – капиллярлар өткізгіштігінің төмендеуі
- тері бөртпесі, тері гиперемиясы
- зертханалық көрсеткіштер: тромбоцитоз, гиперпротромбинемия, - эритропения, нейтрофильді лейкоцитоз, гипокалиемия, глюкозурия
- басқалары: ұйқы безінің инсулярлық аппараты функциясының бәсеңдеуі
Қолдануға болмайтын жағдайлар
- препарат компоненттеріне жоғары сезімталдық
- аскорбин қышқылына жоғары сезімталдық
- 18 жасқа дейінгі балалар
Үлкен дозалар тағайындамаған жөн:
- қан ұюының жоғарылауы, тромбофлебиттер және тромбозға бейімділігі бар науқастарға, сондай-ақ қант диабеті және қанда қант мөлшерінің жоғарылауымен қатар жүретін жағдайларда
Сақтықпен:
- қант диабеті, глюкоза-6-фосфатдегидрогеназа тапшылығы, гемохроматоз, сидеробластты анемия, талассемия, гипероксалурия, бүйрек-тас ауруы
Дәрілермен өзара әрекеттесуі
Глюкоза қосылған аскорбин қышқылын антибиотиктермен бірге тағайындағанда, аскорбин қышқылының қандағы бензилпенициллиндер мен тетрациклиндер концентрациясын жоғарылататынын ескерген жөн; 1 г/тәулігіне дозада этинилэстрадиол (оның ішінде пероральді контрацептивтер құрамына кіретін) биожетімділігін жоғарылатады.
Глюкоза қосылған аскорбин қышқылын қабылдағанда ішекте темір иондарының сіңуі жақсарады. Глюкоза қосылған аскорбин қышқылын дефероксамин сияқты препаратпен бір мезгілде қолданғанда да темірдің шығарылуы артуы мүмкін.
Глюкоза қосылған аскорбин қышқылы гепарин және тікелей емес антикоагулянттар тиімділігін төмендетеді.
Ацетилсалицил қышқылы, пероральді контрацептивтер, жаңа дайындалған шырындар және сілтілік сусындар сіңуі мен қорытылуын төмендетеді.
Аскорбин қышқылын бір уақытта қолданғанда аскорбин қышқылының несеппен шығарылуы жоғарылайды және аскорбин қышқылының шығарылуы төмендейді. Аскорбин қышқылының сіңуін аскорбин қышқылы шамамен 30 % төмендетеді.
Салицилаттармен және қысқа мерзімді әсерлі сульфаниламидтармен емдегенде кристаллурия даму қатері жоғарылайды, бүйрекпен қышқылдардың шығарылуы баяулайды, сілтілік реакциялары бар (оның ішінде алкалоидтардың) дәрілік заттардың шығарылуын ұлғайтады, қандағы пероральді контрацептивтердің концентрациясын төмендетеді.
Этанолдың жалпы клиренсін жоғарылатады, ол өз кезегінде организмдегі аскорбин қышқылының концентрациясын төмендетеді.
Хинолинді қатар дәрілік заттары, кальций хлориді, салицилаттар, глюкокортикостероидтар ұзақ уақыт қолданғанда аскорбин қышқылының қорын азайтады.
Бір мезгілде қолданғанда изопреналиннің хронотропты әсерін азайтады.
Ұзақ уақыт және жоғары дозаларда қолданғанда дисульфирам-этанолдың өз ара әрекеттесуін бұзуы мүмкін.
Жоғары дозаларда мексилетиннің бүйрекпен шығарылуын жоғарылатады.
Барбитураттар мен примидон аскорбин қышқылының несеппен шығарылуын жоғарылатады.
Антипсихотикалық дәрілік заттардың (нейролептиктер) – фенотиазин туындыларының емдік әсерін, амфетамин мен трициклді антидепрессанттардың өзекшелікқайта сіңуін азайтады.
Айрықша нұсқаулар
Аскорбин қышқылының кортикостероидты гормондарының синтезін көтермелейтін әсеріне байланысты бүйрек қызметі мен артериялық қысымды бақылау қажет.
Үлкен дозаны ұзақ уақыт қолданудан ұйқы безінің инсулярлық аппараты қызметі бәсеңсуі мүмкін, сондықтан емдеу барысында оны ұдайы бақылау қажет.
Организмінде темір құрамы жоғары пациенттер аскорбин қышқылын өте төменгі дозада қабылдауы тиіс.
Аскорбин қышқылын жылдам пролиферацияланатын және қарқынды метастазаланатын ісігі бар пациенттерге тағайындау үдеріс барысын күшейтіп жіберуі мүмкін.
Аскорбин қышқылы қалыпқа келтіруші ретінде әртүрлі зертханалық тестілердің (қан құрамындағы глюкоза, билирубинді, «бауыр» трансаминазалары мен ЛДГ белсенділігін) нәтижесін бұрмалауы мүмкін.
Жүктілік және лактация кезеңі
С дәруменінің тәулігіне 1 г артық жоғары дозалары эстрогендер синтезі жоғарылауына байланысты жүктілікті үзуді туындатуы мүмкін, сондықтан жүктілік кезінде сақтықпен қолдану керек. Жүктілік және лактация кезеңінде дәрігер кеңесінен кейін қолдану керек.
Жүктіліктің II-III триместрінде аскорбин қышқылына деген күнделікті ең төменгі қажеттілік – 60 мг жуық.
Емшекпен емізу кезеңіндегі күнделікті ең төменгі қажеттілік – 80 мг. Құрамында аскорбин қышқылының талапқа сай мөлшері бар ананың диетасы емшектегі баланың С дәрумені тапшылығының профилактикасы үшін жеткілікті (бала емізетін анаға аскорбин қышқылын қабылдауды күнделікті ең жоғарғы қажет шамасынан асырмау ұсынылады).
Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Әсер етпейді
Артық дозалануы
Симптомдары: күніне 1,0 г астам қабылдағанда қыжыл, диарея, несеп шығарудың қиындауы немесе несептің қызыл түске боялуы, гемолиз (глюкоза-6-фосфатдегидрогеназа тапшылығы бар пациенттерде) болуы мүмкін.
Емі: симптоматикалық, препаратты тоқтату.
Шығарылу түрі және қаптамасы
10 таблеткадан пішінді ұяшықты қаптамада.
Пішінді ұяшықты қаптамаларды қолдану жөніндегі мемлекеттік және орыс тіліндегі нұсқаулықтардың тең санымен картоннан жасалған жәшіктерге салады.
Сақтау шарттары
Құрғақ, жарықтан қорғалған жерде, 250С-ден аспайтын температурада сақтау керек.
Балалардың қолы жетпейтін жерде сақтау керек!
Сақтау мерзімі
2 жыл
Жарамдылық мерзімі өткеннен кейін қолдануға болмайды.
Дәріханалардан босатылу шарттары
Рецептісіз
