Біздің компаниямыз жайлы жалпы ақпарат.
Дәрілік затты медициналық қолдану жөніндегі нұсқаулық
БЕНЗИЛБЕНЗОАТ ГРИНДЕКС
Саудалық атауы
БЕНЗИЛБЕНЗОАТ ГРИНДЕКС
Халықаралық патенттелмеген атауы
Бензилбензоат
Дәрілік түрі
Сыртқа қолдануға арналған жақпамай 200 мг/г
Құрамы
белсенді зат – 200 мг бензилбензоат,
қосымша заттар: полисорбат-80, карбомер, натрий гидроксиді, метилпарагидроксибензоат, пропилпарагидроксибензоат, бронопол, тазартылған су.
Сипаттамасы
Өзіне тән иісі бар, түсі ақ немесе ақ дерлік жақпамай.
Фармакотерапиялық тобы
Эктопаразиттерді жоюға арналған басқа да препараттар (оның ішінде қышыма кенесі). Бензилбензоат
АТХ коды Р03АХ01
Фармакологиялық қасиеттері
Фармакокинетикасы
Бензилбензоатты жергілікті қолданғанда эпидермистің жоғары қабатына өтеді, қанға сіңбейді. Бензилбензоат метаболизм үдерісінде бензил спиртіне айналады, ал ол одан әрі глицинмен өзара әрекеттесетін және организмнен гиппур қышқылы түрінде бөлініп шығатын бензой қышқылына метаболизденеді.
Фармакодинамикасы
Сыртқа қолдануға арналған паразиттерге қарсы препарат. Қышыма кенесіне (Acarus scabiei) және биттің барлық түріне (биттер 2-5 сағ кейін, кенелер - 7-32 мин кейін қырыла бастайды) қатысты уытты әсері бар. Препараттың белсенді заты – бензилбензоат - бензой қышқылыныңбензил эфирі болып табылады, қышыма кенесінің хитин жабындысы арқылы өтіп, олардың организмінде уыттылық концентрациясында жинақталады, сонысымен жүйке жүйесіне әсер ету арқылы ересек дарақтары мен балаңқұрттардың қырылуын туғызады. Препарат қышыма кенесінің жұмыртқасына әсер етпейді.
Бензилбензоаттың әлсіз жансыздандыратын әсері бар.
Қолданылуы
- қышымада
Қолдану тәсілі және дозалары
Сыртқа.
Қышыманы емдегенде жақпамайды тәулігіне 1 рет түнге қарай, бет пен бастың шашты бөлігін қоспағанда, бүкіл жуылып тазаланған дене терісіне жағады. Жақпамайды қолмен жағады және қолды таңға дейін жумайды (қолды жуған жағдайда жақпамаймен қайта өңдеу керек). 4-ші күні жақпамайды қайталап жағады. 5-ші күні жуыну, іш киімді және төсек-орынды ауыстыру тағайындалады. Бір ысқылап жағуға 30-40 г, емдеу курсына- 60-80 г жақпамай кетеді.
Жағымсыз әсерлері
Белгісіз (қолда бар деректер бойынша кездесу жиілігін анықтауға болмайды)
- аллергиялық реакциялар (терінің тітіркенуі, ашыту сезімі)
- жанаспалы дерматит
Жақпамайды теріге жаққанда бірнеше минуттан кейін қайтатын шымылдату сезімін тудыруы мүмкін.Егер оның беткейі зақымданған болса немесе жақпамай гениталий маңына тиіп кетсе, тері сезімталдығы күшейеді. Егер шымылдату сезімі қоймаса, терідегі жақпамайды сүртіп, тазарту керек.
Қолдануға болмайтын жағдайлар
- жақпамайдың компоненттеріне жоғары сезімталдық
- жүктілік, лактация кезеңі
- 3 жасқа дейінгі балаларға
Препаратты қабынған немесе зақымданған теріге, дененің дымқылданған беткейіне, көзге және шырышты қабықтарына жағуға болмайды.
Дәрілермен өзара әрекеттесуі
Анықталмаған
Айрықша нұсқаулар
Жақпамай құрамында бронопол, метилпарагидроксибензоат және пропилпарагидроксибензоат бар. Бронопол жергілікті тері реакцияларын туындатуы мүмкін (мысалы, жанаспалы дерматит). Метилпарагидроксибензоат және пропилпарагидроксибензоат могут аллергиялық (сондай-ақ баяу типі) реакциялар туындатуы мүмкін.
Препаратқа сезімталдықты анықтау үшін алдын ала жақпамайдың аздаған мөлшерін теріге жағу ұсынылады. Тітіркенуді болдырмас үшін жақпамайды қабынған немесе зақымданған теріге, дененің дымқылданған беткейіне, көзге және шырышты қабықтарға түсірмеуді қадағалау керек.
Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Препарат көлік құралын немесе қауіптілігі зор механизмдерді басқару қабілетіне әсер етпейді.
Артықдозалануы
Симптомдары: жақпамайды абайламай жұтып немесе оны көп мөлшерде жағып қойғанда орталық жүйке жүйесінің стимуляциясы (құрысулар) және несеп бөлінудің кідірісі болуы мүмкін.
Емі симптоматикалық. Теріні жақпамайдан тазарту керек, жұтып қойған жағдайда белсендірілген көмірді пайдаланып, асқазанды шаю керек. Қажет болған жағдайда құрысуға қарсы дәрілер қолданылады.
Шығарылу түрі және қаптамасы
30 г препараттан ішкі беткейі лакпен жабылған, мойнында қорғаныш алюминий жарғақшасы және пластмассадан жасалған бұрандалы бушонда жарғақша тесетін конус тәрізді құрылғысы бар алюминий сықпаға салынады.
Сықпа медициналық қолдану жөніндегі мемлекеттік және орыс тіліндегі нұсқаулықпен бірге қораптық картоннан жасалған қорапшаға салынған.
Сақтау шарттары
25°С-ден аспайтын температурада сақтау керек.
Мұздатып қатыруға болмайды!
Балалардың қолы жетпейтін жерде сақтау керек!
Сақтау мерзімі
2,5 жыл
Жарамдылық мерзімі өткеннен кейін қолдануға болмайды!
Дәріханалардан босатылу шарттары
Рецептісіз
Өндіруші
Таллинн фармацевтикалық зауыты АҚ. Тонди 33, 11316 Таллинн, Эстония
Тіркеу куәлігінің иесі
«Гриндекс» АҚ.
Крустпилс к-сі, 53, Рига, LV-1057, Латвия
Қазақстан Республикасы аумағында тұтынушылардан дәрілік заттың сапасына қатысты шағымдарды қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның мекенжайы
«Гриндекс» АҚ өкілдігі
050010, Алматы қ., Достық даңғ., Бөгенбай батыр көш. қиылысы, 34а/87а үй, № 1 кеңсе
т./ф. 291-88-77, 291-13-84
эл. пошта: grindeks.asia.kz@mail.ru
