Биол 10 мг, №30, табл.

Сипаттама

Дәрілік заттың медициналық қолдану

жөніндегі нұсқаулық

Биол^®

Саудалық атауы

Биол^®

Халықаралық патенттелмеген атауы

Бисопролол

Дәрілік түрі

Үлбірлі қабықпен қапталған таблеткалар, 2,5 мг, 5 мг, 10 мг

Құрамы

Бір таблетканың құрамында

белсенді зат – 2,5 мг, 5 мг, 10 мг бисопролол фумараты,

қосымша заттар: кальций гидрофосфаты (сусыз), микрокристалды целлюлоза, жүгері крахмалы (желатинделген), натрий кроскарамеллозасы, сусыз коллоидты кремнийдің қостотығы, магний стеараты.

қабық құрамы: лактоза моногидраты, гипромеллоза, титанның қостотығы (Е 171), макрогол 4000, темірдің сары тотығы (Е 172) (5 мг және 10 мг доза үшін), темірдің қызыл тотығы (Е172) (10 мг доза үшін).

Сипаттамасы

Ақ түсті, дөңгелек пішінді, таблетканы 2 бөлікке бөлетін сызығы, бір жағында «BIS2,5» өрнегі бар, диаметрі 4.8-ден 5.2 мм дейінгі, үлбірлі қабықпен қапталған таблеткалар (2.5 мг доза үшін).

Сары түсті, дөңгелек пішінді, таблетканы 4 бөлікке бөлетін сызығы, бір жағында«BIS5» өрнегі бар, диаметрі 5.4 -ден 5.8 мм дейінгі, үлбірлі қабықпен қапталған таблеткалар (5 мг доза үшін).

Сары өрік түсті, дөңгелек пішінді, таблетканы 4 бөлікке бөлетін сызығы, бір жағында«BIS 10» өрнегі бар, диаметрі 6.9 -ден 7.2 мм дейінгі, үлбірлі қабықпен қапталған таблеткалар (10 мг доза үшін).

Фармакотерапиялық тобы

Жүрек-қантамыр жүйесі. Бета-адреноблокаторлар. Селективті бета-адреноблокаторлар. Бисопролол.

АТХ коды C07AB07

Фармакологиялық қасиеттері

Фармакокинетикасы

Ішке қабылдағаннан кейін бисопролол толық сіңеді және биожетімділігі 90% жуықты құрайды. Қан плазмасындағы ақуыздармен байланысуы шамамен 30% құрайды, таралу көлемі 3,5 л/кг құрайды. Жалпы клиренс 15 л/сағ жуықты құрайды. Плазмадан жартылай шығарылу кезеңі 10-12 сағатты құрайды, бұл бір реттік тәуліктік дозаны тағайындағаннан кейін 24 сағат әсер етуге мүмкіндік береді.

Бисопролол организмнен екі жолмен шығарылады. Оның 50% бауырда белсенді емес метаболиттерге дейін метаболизденеді, ол соңынан бүйрекпен экскрецияланады. Қалған 50% бүйрекпен өзгермеген түрде шығарылады. Бүйрекпен және бауырмен элиминациялануы бірдей дәрежеде жүретіндіктен бүйрек және бауыр функциясы бұзылуы бар пациенттерде әдетте доза түзету талап етілмейді.

Бисопролол фармакокинетикасы дозаға тәуелді және жасына байланысты болмайды.

Тұрақты созылмалы жүрек жеткіліксіздігі бар пациенттерде (III класс NYHA – Нью-Йорк кардиологиялық қауымдастығы) бисопрололдың плазмадағы деңгейі жоғары және жартылай шығарылу кезеңі көбірек. Плазмадағы тұрақты шыңдық концентрациясы 10 мг тәуліктік дозада 64 ± 21 нг/мл деңгей болып табылады, ал жартылай шығарылу кезеңі 17 ± 5 сағатты құрайды.

Фармакодинамикасы

Бисопролол жоғары селективті β₁ – адреноблокатор, өзіндік симпатомиметикалық белсенділігі жоқ,жарғақша тұрақтандыратын әсері жоқ. Бронхтар мен тамырлардың тегіс бұлшықеттерінің бета2-рецепторларына, сондай-ақ зат алмасуын реттеуге қатысты бета2-рецепторларына өте төмен тектестігі бар. Сондықтан, бисопролол негізінен тыныс алу жолдарының және бета2-арқылы жүретін метаболизмдік әсерлердің резистенттілігін туындатпайды. Препараттың бета1-рецепторларына таңдап әсер етуі емдік дозалардан тыс жүреді.

Қолданылуы

- артериялық гипертензияда

- стенокардия ұстамаларының профилактикасында

- сол жақ қарыншаның систолалық функциясы төмен тұрақты созылмалы жүрек жеткіліксіздігін емдеуде, АӨФ тежегіштеріне жәнедиуретиктерге, және қажет болғанда жүрек гликозидтеріне қосымша.

Қолдану тәсілі және дозалары

Артериялық гипертензия, стенокардия ұстамаларының профилактикасы

Ересектер

Барлық жағдайларда пациенттің ЖЖЖ және емдеу тиімділігін ескере отырып, қабылдау режимін және дозалауды дәрігер әр пациентке жеке таңдайды.

Әдетте бастапқы доза күніне бір рет Биол препаратының 5 мг құрайды. Қажет болғанда дозалауды күніне бір рет Биол препаратын 10 мгдейін арттыруға болады, ұсынылатын ең жоғары тәуліктік доза 20 мг құрайды.

Егде жастағы пациенттер

Емдеуді ең төменгі дозадан бастау ұсынылады.

Бауыр немесе бүйрек функциясының бұзылуы бар пациенттер

Жеңіл немесе орташа дәрежелі бауыр немесе бүйрек функциясы бұзылуы әдетте доза түзетуді талап етпейді.

Бүйрек функциясы айқын бұзылуында (креатинин клиренсі 20 мл/мин. төмен) және бауырдың ауыр аурулары бар пациенттерде ең жоғары тәуліктік доза Биол препаратының 10 мг құрайды.

Гемодиализде жүрген пациенттерде бисопролол қолдану тәжірибесі шектеулі, алайда дозалауды өзгерту қажеттігін айғақтайтын деректер жоқ.

Емдеуді тоқтату

Емдеуді күрт тоқтатуға болмайды. Биол препаратының тәуліктік дозасын сатылап төмендеу ұсынылады.

Созылмалы жүрек жеткіліксіздігі (СЖЖ)

СЖЖ стандартты емі АӨФ тежегіштерінен (немесе, АӨФ тежегіштерін көтере алмаған жағдайда ангиотензингерецепторлар блокаторынан), бета-блокаторлардан, диуретиктерден, және қажет болған жағдайда жүрек гликозидтерінен тұрады. Бисопрололмен емдеудің бұлтартпас шарты асқыну белгілері жоқ тұрақты созылмалы жүрек жеткіліксіздігі болуы болып табылады.

Емдеуші дәрігердің созылмалы жүрек жеткіліксіздігі бар пациенттерді емдеуде тәжірибесі болғаны жөн.

Созылмалы жүрек жеткіліксіздігін бисопрололмен емдеу төмендегі титрлеу сызбасына сәйкес басталады. Пациенттің тағайындалған дозаны қаншалықты жақсы көтере алатындығына қарай жеке дағдылануы талап етілуі мүмкін, яғни дозаны тек алдыңғы дозаны жақсы көтерген жағдайда ғана арттыруға болады.

1ші апта:	1,25 мг Биол препаратын күніне бір рет
2 ші апта:	2,5мг Биол препаратын күніне бір рет
3 ші апта:	3,75 мг Биол препаратын күніне бір рет
4 ші - 7 ші апта:	5мг Биол препаратын күніне бір рет
8 ші -11ші апта:	7,5 мг Биол препаратын күніне бір рет
12 ші апта және одан әрі:	10 мг Биол препаратын күніне бір рет демеуші ем ретінде

Созылмалы жүрек жеткіліксіздігін емдеуде ұсынылатын ең жоғары доза күніне бір рет Биол препаратының 10 мг құрайды.

Титрлеу фазасы кезінде өмірлік қызмет көрсеткіштерін (қан қысымы, ЖЖЖ) және жүрек жеткіліксіздігі үдеуінің симптомдарын мұқият бақылау талап етіледі.

Емнің модификациясы

Егер ұсынылатын ең жоғары дозаны көтере алмаса, дозаны біртіндеп төмендету мәселесі қарастырылуы мүмкін. Егер титрлеу фазасы кезінде немесе одан кейін жүрек жеткіліксіздігінің уақытша нашарлауы байқалса, гипотензия немесебрадикардия дамыса, қатарлас препараттың дозасын қайта қарау ұсынылады. Сондай-ақ бисопролол дозасын уақытша төмендету немесе емді тоқтату талап етілуі мүмкін.

Пациенттің жай-күйі тұрақтанғаннан кейін қайта титрлеу жүргізілуі немесе емді жалғастыру керек.

Емнің ұзақтығы

Биол препаратымен емдеу курсы ұзақ болады. Емде күрт үзіліс жасауға немесе емдеуші дәрігердің кеңесін алмай ұсынылған дозаны өзгертуге болмайды, өйткені бұл пациент жағдайының уақытша нашарлауына алып келуі мүмкін. Бұл әсіресе жүректің ишемиялық ауруы бар пациенттерге қатысты. Биол препаратының тәуліктік дозасын сатылап төмендету ұсынылады.

Бауыр немесе бүйрек функциясының бұзылуы бар пациенттер

Созылмалы жүрек жеткіліксіздігі және бауыр немесе бүйрек функциясының қатарлас бұзылуы бар пациенттерде бисопролол фармакокинетикасына қатысты ақпарат жоқ. Сондықтан аталған топтардағыпациенттерде доза титрлеуді ерекше сақтықпен жүргізу керек.

Барлық көрсетілімдер үшін

Егде жастағы пациенттер

Доза түзету талап етілмейді.

Балалық жаста

Бисопрололды балаларда қолдану тәжірибесі жоқ, сондықтан Биол^® препаратын балаларда қолдану ұсынылмайды.

Қолдану тәсілі

Биол таблеткасын таңертең қабылдау керек, тамақтану кезінде де қабылдауға болады. Таблеткаларды сұйықтықтың аздаған мөлшерімен ішу керек. Таблеткаларды шайнауға болмайды.

Таблетканы сындыру үшін оны тегіс беткейге сызығын жоғары қаратып қойыңыз. Таблетка үлкен саусақпенәлсіз басу нәтижесінде сындырылады.

Жағымсыз әсерлері

Күмәнді жағымсыз әсерлері туралы хабарлар

Кез келген күмәнді жағымсыз әсерлері туралы хабарлаудың маңызы зор. Бұл дәрілік заттың пайда/қауіп арақатынасы бейінін үздіксіз бақылауға мүмкіндік береді.

Жағымсыз әсерлер тізімі жиілігіне сәйкес берілген. Төмендегіше сипатталған жағдайлар жиілігіне сәйкес: өте жиі (≥1/10), жиі (≥1/100 - < 1/10 дейін) , жиі емес (≥1/1000 - < 1/100 дейін), сирек (≥1/10000 - < 1/1000 дейін), өте сирек (<1/10000) және жиілігі белгісіз (жиілігі қолда бар деректер негізінде анықталуы мүмкін емес).

Өте жиі

- брадикардия (созылмалы жүрек жеткіліксіздігі бар пациенттерде)

Жиі

- бұрыннан бар жүрек жеткіліксіздігінің нашарлауы (созылмалы жүрек жеткіліксіздігі бар пациенттерде)

- бас айналуы, бас ауыруы

- жүрек айнуы, құсу, диарея, іш қатуы

- аяқ-қолдың суықтығын немесе ұюын сезіну (әсіресе жүрек жеткіліксіздігі бар пациенттерде)

- астения (созылмалы жүрек жеткіліксіздігі бар пациенттерде), шаршағыштық

Жиі емес

- атриовентрикулярлық өткізгіштіктің бұзылуы, бұрыннан бар жүрек жеткіліксіздігінің нашарлауы, гипертониясы немесе стенокардия кернеуі бар пациенттердегі брадикардия

- ортостатикалық гипотензия

- астения (гипертензиясы немесе стенокардиясы бар пациенттерде)

- бронх демікпесі немесе анамнезде тыныс алу ағзаларының обструктивті аурулары бар пациенттердегі бронх түйілуі

- бұлшықет әлсіздігі, бұлшықет түйілуі

- депрессия, ұйқы бұзылуы

Сирек

- естен тану

- триглицеридтер деңгейінің жоғарылауы, бауыр ферменттері (АЛТ, АСТ) деңгейінің жоғарылауы

- көз жасы ағуының азаюы (пациент жанаспалы линза таққанда ескеруі керек)

- естудің бұзылуы

- аллергиялық ринит

- қышыну, қызару, бөртпе сияқты аса жоғары сезімталдық реакциялары

- гепатит

- потенция бұзылуы

- түнгі қорқыныштар, елестеулер

Өте сирек

- конъюнктивит

- кеуденің ауыруы

- псориаз дамуы немесе бұрыннан бар аурудың асқынуы немесепсориазға ұқсас бөртулер

- алопеция

Қолдануға болмайтын жағдайлар

- бисопрололға немесе препарат компоненттерінің кез келгеніне жоғары сезімталдық

- жедел жүрек жеткіліксіздігі немесе инотропты ем талап ететін декомпенсация күйіндегі созылмалы жүрек жеткіліксіздігі

- кардиогендік шок

- II және III дәрежелі атриовентрикулярлық блокада

- синустық түйіннің әлсіздік синдромы

- синоатриалдық блокада

- симптоматикалық брадикардия (ЖЖЖ<60 соғу/мин)

- симптоматикалық гипотензия (систолалыққысым <100 мм сын. бағ.)

- метаболизмдік ацидоз

- бронх демікпесінің ауыр түрлері

- шеткері қан айналу бұзылуларының кешеуілді сатылары, Рейно ауруы

- емделмеген феохромоцитома

-18 жасқа дейінгі балалық жас (тиімділігі мен қауіпсіздігі анықталмаған)

- жүктілік және лактация кезеңі

- флоктафенинмен және сультопридпен біріктірілген ем

- сирек туа біткен галактоза жақпаушылығы, lapp лактаза тапшылығы немесе глюкоза-галактоза мальабсорбциясы синдромы (препарат құрамында лактоза болғандықтан).

Дәрілермен өзара әрекеттесуі

Бір мезгілде басқа да препараттарды қабылдау препараттың тиімділігі мен көтерімділігіне әсер етуі мүмкін. Сондай-ақ егер басқа препараттарды қабылдау сәтінен өте аз уақыт өтсе де бұған ұқсас өзара әрекеттесулер жүруі мүмкін. Егер сіз қандай да бір басқа препараттарды қабылдасаңыз, тіпті оларды Сізге Өзіңіздің дәрігеріңіз тағайындаса да, сіз өзіңіздің емдеушідәрігеріңізді хабардар етіңіз.

Рұқсат етілмейтін біріктірілімдер

• Флоктафенин: Бисопрололды флоктафенинмен бір мезгілде қолдануға болмайды, өйткені β-адренорецепторлар блокаторлары флоктафениннен туындаған артериялық гипотензиямен немесе шокпен байланысты жүрек-қан тамырларының компенсаторлық реакцияларына кедергі келтіруі мүмкін.
• Сультоприд: Бисопрололды сультопридпен бір мезгілде қолдануға болмайды, өйткені бұл арада қарыншалық аритмия қаупі артады. Ұсынылмайтын біріктірілімдер

•Верапамил типті кальций антагонистері және дилтиазем аз дәрежеде, бисопрололмен бір мезгілде қолданғанда жүрек бұлшықеттерінің жиырылғыш қабілетінің төмендеуіне алып келуі мүмкін және атриовентрикулярлық импульстардың өтуін іркуі мүмкін. Көбіне верапамилді бета-блокаторлармен ем қабылдаушы пациенттерге вена ішіне енгізу терең гипотензияға және атриовентрикулярлық блокадаға алып келуі мүмкін.

•I класты антиаритмиялық дәрілер (мысалы, хинидин, дизопирамид, лидокаин, фенитоин, флекаинид, пропафенон) бисопрололдың атриовентрикулярлық өткізгіштік және жүрек бұлшықетінің жиырылу қабілетіне қатысты бәсеңдеткіш әсерін күшейтуі мүмкін.

•Әсері орталықтық гипотензиялық препараттар (мысалы, клонидин, метилдопа, моксонидин, резерпин, рилменидин) айқын жүрек жеткіліксіздігіне, ЖЖЖ және жүрек лықсытуының қысқаруына, сондай-ақ орталық симпатикалық тонус төмендеуі салдарынан вазодилатацияға алып келуі мүмкін. Әсіресе бета-блокаторлар тоқтатылғанша күрт тоқтату «рикошеттік» гипертензия даму қаупін арттыруы мүмкін.

Сақтықпен қолдану керек біріктірілімдер

•Дигидропиридин типті кальций антагонистері (мысалы нифедипин, фелодипин, амлодипин): артериялық гипотензия туындау қаупін жоғарылатуы мүмкін. Жүрек жеткіліксіздігі бар пациенттерде миокардтыңинотроптық функциясына теріс әсерін арттыруы мүмкіндігі жоққа шығарылмайды.

•III класты антиаритмиялық препараттар (мысалы, амиодарон) атриовентрикулярлық өткізгіштіктің уақыты ұзаруы мүмкін.

• Жергілікті әсер ететін β-адренорецепторлар блокаторлары (мысалы глаукоманы емдеуге арналған көз тамшыларының құрамында болатын): бисопролол әсері күшеюі мүмкін.

•Парасимпатомиметикалық препараттар бисопрололмен бір мезгілде қолданғандаатриовентрикулярлық импульстарды өткізуге бәсеңдететін әсерді күшейтуі мүмкін және брадикардия даму қаупін арттыруы мүмкін.

• Инсулин және пероральді гипогликемиялаушы дәрілер: бұл препараттардың әсері күшейеді. Гипогликемия белгілері бүркемеленуі мүмкін.

• Анестезияға арналған дәрілер: миокард функциясын бәсеңдету қаупі жоғарылайды және артериялық гипотензия туындау қаупі жоғарылайды.

• Жүрек гликозидтері (оймақгүл препараттары) ЖЖЖ төмендетуі, AV-өткізгіштік уақытын арттыруы мүмкін.

• Қабынуға қарсы стероидты емес дәрілер (ҚҚСД) бисопрололдың гипотензиялық әсерін төмендетуі мүмкін.

• β-симпатомиметиктер (мысалы изопреналин, добутамин) екі дәрінің де емдік әсерінің төмендеуіне алып келуі мүмкін.

• α- және β-адренорецепторларын белсендіретін симпатомиметиктер (мысалы, адреналин, норадреналин) АҚ арттырады және мезгіл-мезгіл ақсаңдауды күшейтеді. Бұндай өзара әрекеттесулер селективті емес β-адренорецепторлар блокаторларын қолданғанда көбірек ықтимал.

• Гипертензияға қарсы дәрілер, сондай-ақ болжамды гипертензияға қарсы әсері бар басқа да дәрілер (мысалы, үшциклдық антидепрессанттар, барбитураттар, фенотиазиндер) бисопрололдың гипотензиялық әсерін күшейтуі мүмкін.

Талқылауға жататын біріктірілімдер

• Мефлохин бисопрололмен бір мезгілде қолданғанда ЖЖЖ төмендеу қаупін арттыруы мүмкін (брадикардия).

• Моноаминоксидаза тежегіштері (моноаминоксидаза В тежегіштерін қоспағанда) бета-блокаторлардың гипотензиялық әсерін күшейтуі мүмкін. Сондай-ақ бір мезгілде қолданғанда гипертониялық криз дамуына алып келуі мүмкін.

• Рифампицин бисопрололдың жартылай шығарылу кезеңін елеулі төмендетуі мүмкін. Әдетте доза түзетудің қажеті болмайды.

• Эрготамин туындылары.Эрготамин туындыларымен бір мезгілде қолданғанда шеткері перфузия бұзылуы күшейеді.

Айрықша нұсқаулар

СЖЖ бисопрололмен емдеуді дозаны титрлеуден бастау керек. Емдеуде күрт үзіліс жасауға болмайды, өйткені бұл жүректің жай-күйінің уақытша нашарлауына алып келуі мүмкін. Бұл жүректің ишемиялық ауруы бар пациенттерде ерекше қауіпті. Созылмалы жүрек жеткіліксіздігін емдеудің басы мен тоқтатылуын ұдайы мониторингтеу керек.

Жүрек жеткіліксіздігімен қатарлас жүретін гипертониясы немесестенокардиясы бар пациенттерді бисопрололмен емдеу кезінде ерекше сақтық керек.

Егер жүректің ишемиялық ауруы бар пациенттерде емдеу күрт тоқтатылса миокард инфарктісі және кенеттен болатын өлім қаупі бар.

Препаратты төмендегі жай-күйлердегі пациенттерде сақтықпен қолдану керек:

- I дәрежелі атриовентрикулярлық блокада

- қандағы глюкоза деңгейі көрсеткіштерінің күрт ауытқулары бар қант диабеті. Гипогликемия симптомдары жасырын болуы мүмкін (мысалы тахикардия, жүрек қағуын сезіну, жоғары тершеңдік)

-қатаң диета

- Принцметал стенокардиясы

- бронх түйілуі (БД және өкпенің басқа да ауырлығы орташа обструктивті аурулары)

Бронх демікпесінде немесе өкпеніңбасқа да симптоматикалық созылмалы обструктивті ауруларында қатарлас бронх кеңейтетін ем көрсетілген. Демікпесі бар пациенттерде кейде тыныс алу жолдарының резистенттілігі жоғарылауы болуы мүмкін, бұл бета2-симпатомиметиктердің жоғарылау дозалануын талап етеді.

- ұзақ уақыттық десенсибилизациялық ем

Биспорололды қоса,бета-блокаторлар аллергендерге сезімталдықты және

бета-блокаторлар әсерімен адренергиялық кері реттелу әлсізденуінен анафилаксиялық реакциялар ауырлығын арттыруы мүмкін. Адреналинмен емдеу болжамды емдік әсерді әркез бере алмайды.

- шеткері қан айналымының бұзылуы (симптомдардың айқындығы артуы мүмкін, әсіресе емнің басында)

- жалпы анестезия

Анестезиолог-дәрігерге міндетті түрде алдын ала β-адренорецепторлар блокаторларын қабылдап жүргені туралы ескерту керек. Хирургиялық араласулар кезінде β-адренорецепторлар блокаторларын қолдану ұсынылмайды. Бұл аритмияның және миокард ишемиясының туындау қаупін арттыруы мүмкін. Дозаны біртіндеп төмендетіп және препарат қабылдауды жалпы анестезиядан шамамен 48 сағат бұрынтоқтату керек.

Төмендегі аурулары және патологиялық жай-күйлері бар пациенттерде СЖЖ емдеудің жеткілікті емдік тәжірибесі жоқ:

- I типті қант диабеті

- бүйрек және/немесе бауыр функциясының ауыр бұзылуы

- рестриктивтік кардиомиопатия

- туа біткен жүрек ақауы

- гемодинамикалық маңызды, жүре пайда болған жүрек клапанының ақауы

- соңғы 3 айдағы миокард инфарктісі

Псориазбен науқастарға (соның ішінде анамнездегі) β-адренорецепторлар блокаторларын пайда/қаупін мұқият бағалаудан соң тағайындайды.
Феохромоцитомасы барпациенттерге бисопрололды алдында α-адренорецепторлар блокаторларымен болған ем аясында ғана тағайындайды.
Бисопрололмен ем кезінде тиреотоксикоз симптомдары бүркемеленуі мүмкін.
Бисопрололдың әдетте кальций антагонистерімен (верапамил және дилтиазем), I класты антиаритмиялық дәрілермен және орталықтық әсері бар гипотензиялық препараттармен біріктірілімі ұсынылмайды.

Биол препаратын қолдану допинг-тесттілеуде оң реакция беруі мүмкін.

Тыныс алу жүйесі: селективті емес бета-блокаторлармен салыстырғанда өкпе функциясына кардиоселективті (β1) бета-блокаторлар аздау әсер етуіне қарамастан, егер оларды пайдалануға дәйекті себептері болмаса, барлық бета-блокаторлар сияқты, олар тыныс алу жолдарының обструкциялық аурулары бар пациенттерге қолданылмауы тиіс. Егер мұндай себептер бар болса, Биолды сақтықпен пайдалануға болады.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Бисопролол жүректің коронарлық қан тамырлары ауруларынан зардап шегетін пациенттерді зерттеу кезінде автокөлік басқару қабілетіне ықпал етпеген. Алайда жекеше реакциялар салдарынан автокөлік басқару немесе техникалық күрделі механизмдермен жұмыс істеу қабілеті бұзылуы мүмкін. Бұған емдеудің басында, дозаны өзгерткеннен кейін ерекше назар аударған жөн.

Артық дозалануы

Симптомдары: брадикардия, артериялық гипотензия, бронх түйілуі, жедел жүрек жеткіліксіздігі, гипогликемия.

Емі: препарат қабылдауды тоқтатып және дәрігерге қаралу керек. Демеуші емді және симптоматикалық емді артық дозалануының дәрежесіне қарай жүргізеді. Бисопрололдың диализбен нашар шығарылуы жөнінде деректер бар.

Брадикардияда: атропинді в/і енгізу. Емге жауабы жоқ брадикардия жағдайында изопреналинді немесе хронотропты әсері оң басқа да дәрілерді, қажет болғанда – кардиостимуляцияны сақтықпен қолдануға болады.

Артериялық гипотензияда: тамыр тарылтатын препараттарды қабылдау, в/і глюкагон енгізу.
II және III дәрежелі AV-блокадада: изопреналинді инфузиялық енгізу кезінде пациенттерге мұқият мониторинг керек; қажет болғанда кардиостимуляцияны қолданады.

СЖЖ асқынғанда: диуретикалық дәрілерді, вазодилататорларды және тамыр тарылтатын дәрілерді в/і енгізу.

Бронх түйілуінде: бронхолитикалық препараттар (мысалы изопреналин), β₂-адреномиметиктер блокаторлары және/немесе аминофиллин.

Гипогликемияда: в/і глюкоза енгізу.

Шығарылу түрі және қаптамасы

Алюминий фольгадан жасалған пішінді ұяшықты қаптамада 15 таблеткадан.

2 пішінді ұяшықты қаптамадан медициналық қолдану жөніндегі мемлекеттік және орыс тіліндегі нұсқаулықпен бірге картон қорапшаға салынған.

Сақтау шарттары

25 °С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецепт арқылы

Өндіруші/ Қаптаушы

Лек С.А., Польша

Podlipie Str. 16, 95-010 Stryków, Poland

Тіркеу куәлігінің ұстаушысы

Сандоз ГмбХ, Австрия

Biochemiestrasse 10, 6250 Kundl, Austria

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта):

«Сандоз Фармасьютикалс д.д.» акционерлік қоғамының Қазақстан Республикасындағы өкілдігі,

Қазақстан Республикасы, Алматы қ., 050000,

Құрманғазы к-сі 95.

Тел.: +7 (727) 258-24-47

Факс: +7 (727) 244-26-51

e-mail: drugsafety.cis@novartis.com