Сипаттама
Дәрілік препаратты медициналық қолдану
жөніндегі нұсқаулық (Қосымша парақ)
Саудалық атауы
Цефтриаксон
Халықаралық патенттелмеген атауы
Цефтриаксон
Дәрілік түрі, дозасы
Вена ішіне және бұлшықет ішіне енгізу үшін ерітінді дайындауға арналған ұнтақ 1.0 г
Фармакотерапиялық тобы
Жүйелі қолдануға арналған инфекцияға қарсы препараттар. Жүйелі қолдануға арналған бактерияға қарсы препараттар. Бактерияға қарсыбасқа бета-лактамды препараттар. Үшінші буын цефалоспориндері. Цефтриаксон.
АТХ коды J01DD04
Қолданылуы
Цефтриаксон ересектерде және мерзімі жетіп туылған нәрестелерді қоса, балаларда, келесі инфекцияларды емдеу үшін қолданылады:
- бактериялық менингитте
- ауруханадан тыс пневмонияда
- ауруханалық пневмонияда
-созылмалы обструкциялық бронхиттің өршуінде (ересектерде)
-жедел ортаңғы отитте
-интраабдоминальді инфекцияларда
-бүйрек және несеп шығару жолдарының асқынған инфекцияларында (соның ішінде пиелонефритте)
-сүйектер мен буындардың инфекцияларында
-тері мен жұмсақ тіндердің асқынған инфекцияларында
-созда
-мерезде
-ересектердегі және 15 күндік және одан үлкен жаңа туған нәрестелерді қоса, балалардағы диссеминацияланған Лайм ауруында (аурудың II (бастапқы) және III (кейінгі) сатыларында)
-бактериялық эндокардитте
-фебрильді нейтропенияда
-бактериемияда
Операция кезеңіндегі инфекциялардың профилактикасы үшін қолданылады.
Бактерияға қарсы дәрілерді тиісінше қолдану жөніндегі ресми нұсқауларды ескеру керек.
Қолдануды бастағанға дейін қажетті мәліметтер тізбесі
Қолдануға болмайтын жағдайлар
- цефтриаксонға, басқа цефалоспориндерге немесе қосымша заттарының кез келгеніне аса жоғары сезімталдық
- анамнездегі бактерияға қарсы кез келген басқа бета-лактамдық препараттарға (пенициллиндер, монобактамдар, карбапенемдер) аса жоғары сезімталдықтың ауыр реакциялары (мысалы, анафилаксиялық реакциялар)
Цефтриаксонды:
- 41 апта мерзімге жетпеген (гестациялық мерзімі + хронологиялық жасы) шала туылған нәрестелерге*
- мерзімі жетіп туылған нәрестелерге (өмірінің 28 күніне дейін) қолдануға болмайды:
- гипербилирубинемия, сарғаю, гипоальбуминемия немесе ацидоз болса, билирубин байланысы бұзылуы мүмкін жағдайларда*
- егер оларға кальций мен құрамында кальций бар ерітінділерді вена ішіне енгізу қажет болса (немесе қажет болуы мүмкін болса), цефтриаксонның кальций тұзы преципитаттарының түзілу қаупіне байланысты.
* Іn vitro зерттеулер, цефтриаксонның билирубинді сарысудағы альбуминмен байланысынан ығыстыруы мүмкіндігін көрсетті, бұл ондай пациенттерде билирубиндік энцефалопатия қаупін арттырады.
Цефтриаксонды бұлшықет ішіне енгізер алдында, еріткіш ретінде лидокаин пайдаланылса, лидокаин үшін қарсы көрсетілімдерді ескеру керек («Дәрілік препараттың жалпы сипаттамасындағы», «Лидокаин дәрілік препаратын медициналық қолдану жөніндегі нұсқаулықтағы (Қосымша парақтағы)»ақпаратты қараңыз). Құрамында лидокаин бар цефтриаксон ерітінділерін вена ішіне енгізбеу керек.
Қолдану кезінде қажетті сақтық шаралары
Цефтриаксонды анамнезінде басқа бета-лактамдық антибиотиктерге (пенициллиндер, монобактамдар, карбапенемдер) аса жоғары сезімталдықтың ауыр емес реакцияларына нұсқаулар болған пациенттерде сақ болып қолдану керек.
Басқа дәрілік препараттармен өзара әрекеттесуі
Цефтриаксонның құрамында, этанолды бір мезгілде қолданғанда дисульфирам тәрізді әсерлерді және кейбір цефалоспориндерге тән қанағыштықты туғызатын N-метилтиотетразол тобы жоқ.
Пробенецид цефтриаксонның шығарылуына әсер етпейді.
Цефтриаксон мен аминогликозидтер арасында грамтеріс бактериялардың көпшілігіне қатысты синергизм бары көрсетілген. Ондай біріктірілімдерінің тиімділігінің жоғарылығын әрдайым болжап білуге болмайтындығына қарамастан, оны ауыр, өмірге қауіп төндіретін инфекциялар кезінде ескеру керек.
Цефтриаксонмен емдеу аясында К дәруменінің антагонистерін қолданғанда, қан кетулер қаупі жоғарылауы мүмкін. Халықаралық қалыптастырылған қатынас (ХҚҚ) көрсеткішін бақылауға алу, қажет болған жағдайда, цефтриаксонмен емдеу барысында да, емдеуді аяқтағаннан кейін де К дәрумені антагонисінің дозасын түзету керек.
Цефтриаксон фармацевтикалық тұрғыдан құрамында кальций бар ерітінділермен (Рингер ерітіндісімен немесе Хартман ерітіндісімен, ондай-ақ, құрамында кальций бар, парентеральді қоректендіруге арналған ерітінділермен) үйлесімсіз; сондай-ақ, амсакринмен, ванкомицинмен, флуконазолмен және аминогликозидтермен - преципитаттары түзілуі мүмкін. Цефтриаксонның кальций тұздары преципитаттарының түзілуі препарат пен құрамында кальций бар ерітінділерді араластырғанда да, венаға енгізудің бір жолы пайдаланылғанда орын алуы мүмкін. Цефтриаксонды құрамында кальций бар, в/і енгізуге арналған ерітінділермен, соның ішінде, құрамында кальций бар ерітінділердің ұзаққа созылатын инфузияларымен, мысалы, Y-коннекторды пайдаланып парентеральді қолдану кезінде бір мезгілде қолдануға болмайды. Жаңа туған нәрестелерден басқа, пациенттердің барлық топтары үшін құюлар арасында инфузиялық жүйелер үйлесімді сұйықтықпен мұқият жуылып-шайылатын жағдайда, препарат пен құрамында кальций бар ерітінділерді брінен соң бірін енгізуге болады.
Цефтриаксон мен құрамында кальций бар пероральді препараттардың өзара әрекеттесуі немесе бұлшықет ішіне енгізілетін цефтриаксон мен құрамында кальций бар препараттардың (венаішілік немесе пероральді қолдануға арналған) өзара әрекеттесуі туралы хабарламалар келген жоқ.
In vitro хлорамфеникол мен цефтриаксон арасында антагонизм байқалады. Аталған антагонизмнің клиникалық маңызы белгісіз.
Препараттың жоғары дозалары мен «ілмектік» диуретиктерді (мысалы, фуросемидті) бір мезгілде қолданғанда, бүйрек функциясының бұзылулары байқалған жоқ.
Аминогликозидтерді цефалоспориндермен қолданған кезде, олардың нефроуыттылығы жоғарылауы ықтималдығы жөнінде қарама-қайшы деректер бар, сондықтан, бүйрек функциясына және қандағы аминогликозидтер концентрациясына мониторинг жүргізу қажет.
Арнайы ескертулер
Аса жоғары сезімталдық реакциялары
Басқа бета-лактамдық антибиотиктерді қолданғандағы сияқты, аса жоғары сезімталдық реакциясының ауыр, соның ішінде өлімге соқтырған жағдайлары тіркелді. Аса жоғары сезімталдықтың ауыр реакциясы дамыған жағдайда, препаратпен емдеуді тоқтату және сәйкесінше шұғыл емдеу шараларын жүргізу қажет. Емдеуді бастар алдында пациентте цефтриаксонға, цефалоспориндерге аса жоғары сезімталдық реакциясының немесе басқа бета-лактамдық антибиотиктерге (пенициллиндерге және карбапенемдерге) аса жоғары сезімталдықтың ауыр реакциясының байқалған-байқалмағандығын анықтап алу қажет. Анамнезінде басқа бета-лактамдық антибиотиктерге (пенициллиндер, монобактамдар және карбапенемдер) аса жоғары сезімталдықтың ауыр емес реакциялары болған пациенттерде цефтриаксонды қолданғанда сақтық таныту қажет.
Терідегі ауыр жағымсыз дәрілік реакциялар (Стивенс-Джонсон синдромы, уытты эпидермалық некролиз (Лайелл синдромы) және эозинофилиямен және жүйелі симптомдарымен жүретін дәрілік реакция (DRESS-синдром)) туралы хабарламалар бар. Алайда, аталған оқиғалардың жиілігі белгісіз.
Иммундық гемолиздік анемия
Басқа цефалоспориндерді қолданғандағы сияқты, препаратпен емдеу кезінде гемолиздік анемия дамуы мүмкін. Цефалоспориндерді қабылдаған ересектер мен балаларда ауыр, соның ішінде өлімге соқтыратын гемолиздік анемия жағдайлары тіркелді. Анемия үдей түскен жағдайда, препаратпен емдеуді тоқтату керек.
Цефтриаксон препаратының дәрілік түрінің құрамында натрий бар
1 г препараттың құрамында 3.6 ммоль натрий бар. Мұны натрий мөлшері бақыланатын диета ұстап жүрген пациенттер ескеруі керек.
Өт қалтасында цефтриаксонның кальций тұздары преципитаттарының түзілуі
Сирек жағдайларда цефтриаксонмен емдеу аясында немесе емдеуден кейін, өт қалтасын ультрадыбыстық зерттеу кезінде акустикалық көлеңкелер анықталады, олардың түзілу ықтималдығы балалар жасындағы пациенттерде анағұрлым зор. Бұл құбылыстарға өт қалтасындағы цефтриаксонның преципитациясы және кальциймен шөгінді түзілуі түрткі болады. Преципитаттар қандай-да бір симптоматиканы сирек береді және емдеу аяқталғаннан немесе тоқтатылғаннан кейін жоғалып кетеді. Егер бұл құбылыстар клиникалық симптоматикамен қатар жүрсе, хирургиялық емес дағдылы емді жүргізу ұсынылады, ал препаратты тоқтату туралы шешімді қабылдау емдеуші дәрігердің қалауына қалдырылады және пайдасы мен қаупін жекелей бағалауға негізделуі тиіс.
Билиарлық сладж
Препаратты қолданғанда, өт жолдарының обструкциясы салдарынан дамуы мүмкін панкреатиттің сирек жағдайлары сипатталды. Пациенттердің көпшілігінде өт жолдарындағы іркілістің қауіп факторлары (осының алдындағы қарқынды дәрілік емдеу, қатарлас күрделі аурулар, толықтай парентеральді тамақтану) болды; сонымен қатар, цефтриаксонның әсерінен өт жолдарында преципитаттардың түзілуінің шешуші ролі барын жоққа шығаруға болмайды.
Бүйректе цефтриаксонның кальций тұздары преципитаттарының түзілуі
Бүйректе цефтриаксонның кальций тұздарының преципитаттары түзілуінің қайтымды сипатты иеленген және препаратпен емдеуді тоқтатқаннан кейін жоғалып кеткен жағдайлары туралы хабарланды. Клиникалық симптомдары пайда болған жағдайда, ультрадыбыстық тексеру жүргізу ұсынылады. Бүйректе түзілімдері бар немесе анамнезінде гиперкальциурия болған пациенттерге препаратты тағайындау пайдасы мен қаупін бағалауды қажет етеді.
Құрамында кальций бар препараттармен өзара әрекеттесуі
Жаңа туған нәрестелердің өкпесі мен бүйрегінде цефтриаксон-кальций преципитаттарының жинақталуы нәтижесіндегі фатальді реакциялар жағдайлар сипатталды.
Цефтриаксонды және құрамында кальций бар инфузиялық ерітінділерді немесе құрамында кальций бар кез келген басқа препараттарды қолданғанда, тек қана жаңа туған нәрестелерде тамырішілік преципитаттардың түзілгені туралы деректердің бар екендігіне қарамастан, цефтриаксонды балалар мен ересек пациенттерге құрамында кальций бар инфузиялық ерітінділермен араластырмау, немесе тіпті венаға енгізудің әр түрлі жолдарын пайдаланып та бір мезгілде тағайындамау керек.
Алайда, жаңа туған нәрестелерден басқа, пациенттердің барлық топтары үшін, құюлардың арасында инфузиялық жүйелер физиологиялық ерітіндімен мұқият жуылып-шайылған немесе венаға енгізудің түрлі жолдары арқылы енгізілетін жағдайда, Цефтриаксон препараты мен құрамында кальций бар ерітінділерді бірінен соң бірін енгізуге болады.
Преципитаттардың түзілуін болдырмау мақсатында парентеральді қоректендіруге арналған, құрамында кальций бар ерітінділерді тағайындау қажет болса, баламалы антибиотикті тағайындау мүмкіндігін қарастыру керек. Парентеральді қорек қабылдап жүрген пациенттерге цефтриаксонды енгізу қажет болған жағдайларда, Цефтриаксон препараты мен құрамында кальций бар, парентеральді қоректендіруге арналған ерітінділер венаға енгізудің түрлі жолдарын пайдалана отырып бір мезгілде енгізіледі. Бұдан өзге, цефтриаксон инфузиясы кезінде құрамында кальций бар ерітінділерді енгізуді парентеральді қоректендіруге арналған тоқтата тұруға болады.
Цефтриаксонның құрамында кальций бар, ішуге арналған препараттармен, сондай-ақ, б/і енгізуге арналған цефтриаксонның құрамында кальций бар (в/і енгізуге немесе ішу арқылы қабылдауға арналған) препараттармен өзара әрекеттесуі мүмкіндігі туралы деректер жоқ.
Серологиялық тестілердің нәтижелеріне ықпалы
Цефтриаксонмен емдеу кезінде Кумбс сынамасының, галактоземияға сынамалардың, несептегі глюкозаны анықтауда жалған оң нәтижелері байқалуы мүмкін (глюкозурияны тек ферменттік әдіспен анықтау ұсынылады).
Лидокаинді пайдалану
Жергілікті реакциялардың алдын алу үшін, б/і енгізген кезде еріткіш ретінде лидокаинді пайдалану ұсынылады. Цефтриаксон препаратының лидокаинді пайдаланып дайындалған ерітінділерін тек бұлшықет ішіне енгізу керек. Лидокаинді пайдаланар алдында Лидокаинді қолдануға болмайтын жағдайлармен, оның қолдану кезінде қажетті сақтық шараларымен және «Лидокаин дәрілік препаратын медициналық қолдану жөніндегі нұсқаулық (Қосымша парақ)» келтірілген басқа сәйкесінше ақпаратпен танысып шығу керек.
Бактерияға қарсы ауқымы
Аэробты-анаэробты флорадан туындаған инфекциялар (перитонит, өкпе абсцесі, плевра эмпиемасы, кіші жамбас ағзаларының инфекциялары) кезінде, цефтриаксонды анаэробты инфекция кезінде қолданылатын (мысалы, 5-нитроимидазолдар тобына жататын) препараттармен біріктіру ұсынылады. Аралас және этиологиясында хламидиялар мен микоплазмалардың рөлі болуы ықтимал инфекциялар кезінде цефтриаксонды тетрациклиндермен немесе макролидтермен біріктіру ұсынылады.
Колит / сезімтал емес микрофлораның шамадан тыс көбеюі
Препаратты қодданғанда Clostridium difficile туғызған, ауырлық дәрежесі әр түрлі: жеңіл өтпелі диареядан өмірге қауіп төндіретін жалғанжарғақшалы колитке дейінгідиарея (жалғанжарғақшалы колит) дамыған жағдайлар тіркелген. Егжей-тегжейлі анамнез жинақтау қажет, өйткені, антибиотиктермен емдеуден кейін 2 айдан аса уақыт өткен соң Clostridium difficile туғызған диарея туындаған жағдайлар білінген. Жалғанжарғақшалы колит дамыған жағдайда, сәйкесінше ем тағайындалуы тиіс (сұйықтық, электролиттер, ақуыз жоғалтылуының орнын толтыру, Clostridium difficile қатысты антибиотикпен ем, қажет болған жағдайда, хирургиялық ем жүргізу көрсетілген). Ішек перистальтикасын тежейтін препараттарды тағайындауға болмайды.
Басқа антибиотиктерді тағайындағандағы сияқты, цефтриаксонды қолдану сезімтал емес микрофлораның колониясы түзілуіне және суперинфекцияның дамуына алып келуі мүмкін.
Біріктірілген оральді контрацептивтер (БОК)
Біріктірілген оральді контрацептивтердің (БОК) контрацепциялық тиімділігі, әсер ету ауқымы кең антибиотиктердің көпшілігінің, соның ішінде цефтриаксонның бірге қолданылуына байланысты емес екендігі анықталды.
Ұзақ уақыт қолдану
Ұзақ уақыт қолданғанда шеткері қан көрінісін, бауыр мен бүйректің функционалдық жағдайының көрсеткіштерін жүйелі түрде бақылап отыру қажет.
Бүйрек пен бауырдың ауыр жеткіліксіздігі
Бүйрек пен бауырдың ауыр жеткіліксіздігі бірге келген кезде, сондай-ақ, гемодиализ жүргізілетін пациенттерде қан плазмасындағы цефтриаксон концентрациясын жүйелі түрде анықтап отыру керек.
Яриш-Герксгеймер реакциясы (JHR)
Спирохеталардан туындаған инфекциясы бар кейбір пациенттерде цефтриаксонмен емдеуден кейін көп ұзамай Яриш-Герксгеймер реакциясы (JHR) туындауы мүмкін. Реакция, әдетте, өздігінен басылады, немесе симптоматикалық емнің көмегімен басуға болады. Реакция туындаған жағдайда, антибиотикпен емдеуді тоқтатпаған дұрыс.
Жүктілік немесе лактация кезінде
Цефтриаксон плацентарлық бөгет арқылы өтеді. Цефтриаксонды жүкті әйелдерде қолдану жөніндегі деректер шектеулі. Цефтриаксон препаратын жүктілік кезінде, әсіресе, бірінші триместрінде тек, қатаң көрсетілімдер бойынша, анасы үшін болжамды пайдасы шарана үшін ықтимал қауіптен асып түсетін жағдайларда ғана қолдануға болады.
Цефтриаксон адамда емшек сүтіне азғантай концентрацияларда өтеді. Анасы цефтриаксонды емдік дозаларында қолданғанда, оның емшек еміп жүрген нәрестеге әсер ету ықтималдығы аз. Алайда, емшек емізудің бала үшін пайдасын және емдеудің әйел үшін пайдасын ескере отырып, не емшек емізуді тоқтату, не болмаса Цефтриаксон препаратымен емдеуді тоқтату туралы шешім қабылдау қажет.
Педиатрияда пайдаланылуы
Цефтриаксонның жаңа туған нәрестелерді қоса, балалардағы қауіпсіздігі мен тиімділігі «Қолдану жөніндегі нұсқаулар» бөлімінде көрсетілген дозалау режимдері үшін анықталды. Басқа цефалоспориндер сияқты, цефтриаксон билирубинді сарысудағы альбуминмен байланыстан ығыстырып, сарғаюы бар жаңа туған нәрестелерде билирубиндік энцефалопатияның даму қаупін арттыруы мүмкін.
Шала туылған және мерзімі жетіп туылған нәрестелерде билирубиндік энцефалопатия қаупі болған жағдайда, оларға цефтриаксонды қолдануға болмайды.
Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Препаратты қолданғанда бас айналуы және бас ауыруы сияқты жағымсыз реакциялар дамуы мүмкін, олар көлік құралдарын басқару және зейін қою мен психомоторлық реакциялардың жылдамдығын қажет ететін қауіптілігі зор қызмет түрлерін атқару қабілетіне теріс әсерін тигізуі мүмкін.
Көлік құралдарын басқару немесе механизмдермен жұмыс істеу кезінде сақтық таныту ұсынылады.
Қолдану жөніндегі нұсқаулар
Дозалау режимі
Препараттыңдозасы инфекцияның типіне, орналасуына және ауырлығына, қоздырғышының сезімталдығына, пациенттің жас шамасына және оның бауыры мен бүйрегі функцияларының жағдайына тәуелді. Төменде көрсетілген кестелердегі дозалары аталған көрсетілімдер кезіндеқолдану үшін ұсынылған. Аса ауыр жағдайлардакөрсетілген ауқымдарынан ең жоғары дозаларын тағайындаудың талапқа сай болатындығын қарастыру керек.
Ересектер және 12 жастан асқан балалар (дене салмағы ≥ 50 кг):
| Дозасы* | Енгізу жиілігі** | Қолданылуы |
| 1-2 г | тәулігіне 1 рет | Ауруханадан тыс пневмонияда. Өкпенің созылмалы обструкциялық ауруының өршуінде. Интраабдоминальді инфекцияларда. Несеп шығару жолдарының асқынған инфекцияларында (пиелонефритті қоса). |
| 2 г | тәулігіне 1 рет | Ауруханалықпневмонияда. Тері мен жұмсақ тіндердің асқынғанинфекцияларында. Сүйектер мен буындардың инфекцияларында. |
| 2-4 г | тәулігіне 1 рет | Нейтропениядажәне бактериялық инфекциядан туындаған қызбада. Бактериялық эндокардитте. Бактериялық менингитте. |
* Бактериемия анықталған жағдайда,келтірілген ауқымының ішінен анағұрлым жоғары дозалары қарастырылады.
** Тәулігіне 2 г артық дозасы тағайындалған жағдайда, препаратты күніне 2 рет қолдану мүмкіндігі қарастырылады.
Препаратты енгізудің арнайы режимін қажет ететін ересектер мен 12 жастан асқан балалар (≥50 кг) үшін көрсетілімдер:
Жедел ортаңғы отит. Әдетте, препараттыпрепаратты1-2 г дозада бұлшықет ішіне бір рет енгізу жеткілікті. Шектеулі деректер, ауыр жағдайларда немесе осының алдындағы емнің әсері болмаған жағдайда, цефтриаксонды 3 күн бойытәулігіне 1-2 г дозада бұлшықет ішіне енгізу тиімді болуы мүмкін екендігін көрсетіп отыр.
Операция алдындағы хирургиялық инфекциялардың профилактикасы үшін. Операция алдында2 дозада бір рет енгізеді.
Соз. 500 мг дозада бұлшықет ішіне бір рет енгізеді.
Мерез. Ұсынылған дозалары тәулігіне бір рет0,5 гнемесе 1 г; нейромерез кезінде дозасын тәулігіне бір рет2 гдейін арттырады; емдеу ұзақтығы 10-14 күн.Мерез, соның ішінде нейромерез кезіндедозалау жөніндегі нұсқауларшектеулі деректерге негізделген. Аталған патологияның бактерияға қарсы емі жөніндегіұлттық және жергілікті нұсқаулықтарды ескеру қажет.
Диссеминацияланған Лайм-боррелиоз (бастапқы(II) және кейінгі (III) сатылары)
14-21 күн бойытәулігіне бір рет 2 г дозада қолдану керек. Ұсынылатын емдеу ұзақтығы ауытқып отырады. Аталған патологияның бактерияға қарсы емі жөніндегіұлттық және жергілікті нұсқаулықтарды ескеру қажет.
Балаларда қолданылуы
Жаңа туған нәрестелер, 15 күннен 12 жасқа дейінгі сәбилер мен балалар (<50 кг)
| Дозасы* | Енгізу жиілігі ** | Қолданылуы |
| кгдене салмағына 50-80 мг | тәулігіне 1 рет | Интраабдоминальді инфекцияларда. Несеп шығару жолдарының асқынған инфекцияларында (пиелонефритті қоса). Ауруханадан тыспневмонияда. Ауруханалық пневмонияда. |
| кг дене салмағына 50-100 мг (ең жоғарғы дозасы4 г) | тәулігіне 1 рет | Тері мен жұмсақ тіндердің асқынғанинфекцияларында. Сүйектер мен буындардың инфекцияларында. Нейтропениядажәне бактериялық инфекциядан туындаған қызбада. |
| кг дене салмағына 80-100 мг(ең жоғарғы дозасы4 г) | тәулігіне 1 рет | Бактериялық менингит |
| кг дене салмағына100 мг(ең жоғарғы дозасы4 г) | тәулігіне 1 рет | Бактериялық эндокардит |
* Бактериемия анықталған жағдайда,келтірілген ауқымының ішінен анағұрлым жоғары дозалары қарастырылады.
** Тәулігіне 2 г артық дозасы тағайындалған жағдайда,препаратты күніне 2 рет қолдану мүмкіндігі қарастырылады.
Препаратты енгізудің арнайы режимін қажет ететін жаңа туған нәрестелер, 15 күннен 12 жасқа дейінгі сәбилер мен балалар (<50кг) үшін көрсетілімдер:
Жедел ортаңғы отит. Әдетте, препараттыкг дене салмағына 50 мг дозадабұлшықет ішіне бір рет енгізу жеткілікті. Шектеулі деректер, ауыр жағдайларда немесе осының алдындағы емнің әсері болмаған жағдайда, цефтриаксонды3 күн бойытәулігіне 50 мг/кг дозада бұлшықет ішіне енгізутиімді болуы мүмкін екендігін көрсетіп отыр.
Операция алдындағы хирургиялық инфекциялардың профилактикасы үшін. Операция алдындакг дене салмағына50-80 мг дозадабір рет енгізеді.
Мерез. Ұсынылатын дозалары кг дене салмағына тәулігіне бір рет75-100 мг; емдеу ұзақтығы 10-14 күн.Мерез, соның ішінде нейромерез кезіндедозалау жөніндегі нұсқауларшектеулі деректерге негізделген. Аталған патологияның бактерияға қарсы емі жөніндегіұлттық және жергілікті нұсқаулықтарды ескеру қажет.
Диссеминацияланған Лайм-боррелиоз (бастапқы (II) және кейінгі (III) сатылары).
14-21 күн бойы кг дене салмағына тәулігіне бір рет50-80 мг дозада қолдану керек. Ұсынылатын емдеу ұзақтығы ауытқып отырады. Аталған патологияның бактерияға қарсы емі жөніндегіұлттық және жергілікті нұсқаулықтарды ескеру қажет.
Жаңа туған 0 - 14 күндік нәрестелер
| Дозасы* | Енгізу жиілігі | Қолданылуы |
| кгдене салмағына20-50 мг | тәулігіне 1 рет | Интраабдоминальді инфекцияларда. Тері мен жұмсақ тіндердің асқынған инфекцияларында. Несеп шығару жолдарының асқынған инфекцияларында (пиелонефритті қоса). Ауруханадан тыспневмонияда. Ауруханалық пневмонияда. Сүйектер мен буындардың инфекцияларында. Нейтропениядажәне бактериялық инфекциядан туындаған қызбада. |
| 50 мг/кг массы тела | тәулігіне 1 рет | Бактериялық менингитте. Бактериялық эндокардитте. |
* Бактериемия анықталған жағдайда,келтірілген ауқымының ішінен анағұрлым жоғары дозалары қарастырылады. Ең жоғарғы, кг дене салмағына 50 мг тәуліктікдозасын арттырмау керек.
Препаратты енгізудің арнайы режимін қажет ететін жаңа туған 0-14 күндік нәрестелер үшін көрсетілімдер:
Жедел ортаңғы отит. Әдетте, препараттыкг дене салмағына 50 мг дозада бұлшықет ішінебір ретенгізу жеткілікті.
Операция алдындағы хирургиялық инфекциялардың профилактикасы үшін. Операция алдындакг дене салмағына 20-50 мг дозада бір рет енгізіледі.
Мерез. Ұсынылатын дозасыкг дене салмағына тәулігіне бір рет50 мг, емдеу ұзақтығы 10-14 күн.Мерез, соның ішінде нейромерез кезіндедозалау жөніндегі нұсқауларшектеулі деректерге негізделген. Аталған патологияның бактерияға қарсы емі жөніндегіұлттық және жергілікті нұсқаулықтарды ескеру қажет.
Егде жастағы пациенттерде бүйрек және бауырфункциясы қалыпты болған жағдайда, дозасын түзету қажет.
Бауыр функциясының бұзылуы бар пациенттерде бауыр функциясыныңжеңіл немесе орташа бұзылуы жағдайында немесе бүйрек функциясы қалыпты болған жағдайда,дозасын түзету қажет емес. Бауырдың ауыржеткіліксіздігі барпациенттерде препараттыңқолданылуына қатысты зерттеулержүргізілмеген.
Бүйрек функциясының бұзылуы бар пациенттерде бауыр функциясы бұзылмаған жағдайда,дозасын түзету қажет емес. Бүйректің претерминальді жеткіліксіздігі (креатинин клиренсі<10 мл/мин) жағдайларында цефтриаксонныңдозасытәулігіне 2 г аспауы тиіс. Диализжүргізілетінпациенттерде емшарадан кейінпрепаратты қосымша енгізуқажет емес. Цефтриаксон перитонеальді гемодиализ жолымен шығарылмайды. Препараттың қауіпсіздігі мен тиімділігіне клиникалық бақылау жүргізу қажет.
Бүйрек пен бауырдың ауыр жеткіліксіздігі бар пациенттерде цефтриаксонды қолданғанда препараттың қауіпсіздігі мен тиімділігінеклиникалық бақылау жүргізу қажет.
Енгізу әдісі және жолы
Цефтриаксонды венаішілік инфузия түрінде, вена ішіне сорғалатып немесе бұлшықет ішіне енгізеді. Вена ішіне енгізу мүмкін болмаған, немесе пациент үшін бұлшықетішілік енгізу жолы қолайлы болып табылған жағдайларда, цефтриаксон ерітіндісін бұлшықетішіне енгізген дұрыс. 2 г асатын дозалары үшін венаішілік енгізу тәсілін пайдалану керек. Сәбилер мен 12 жасқа дейінгі балаларда 50 мг/кг немесе одан жоғары дозаларын венаішілік инфузия жолымен енгізу керек. Ықтимал билирубиндік энцефалопатия қаупін азайту үшін, жаңа туған нәрестелерде инфузия ұзақтығы 60 минуттан көп құрауы тиіс. Операция алдындағы хирургиялық инфекциялардың профилактикасы үшін, цефтриаксонды операцияға дейін 30-90 минут бұрын енгізген дұрыс.
Бұлшықет ішіне енгізу
1 г препаратты бұлшықет ішіне енгізу үшін 3,5 мл 1 % лидокаин ерітіндісінде (ұсынылады) немесе инъекцияға арналған стерильді суда ерітеді. Алынған ерітіндіні дененің айқын бұлшықет қабаттары бар бөліктеріне (бөксенің үстіңгі-сыртқы квадрантына немесе санның латеральді беткейіне) бұлшықет ішіне терең енгізеді; бір бұлшықетке препаратты 1 г асырмай енгізу керек. Ерітіндінің қантамырға енгізіліп кетуін болдырмас үшін, аспирациялануына тест жүргізу ұсынылады.
Лидокаинді 15 жасқа дейінгібалаларда еріткіш ретінде және амидтік типтегі жергілікті анестетиктержақпайтын адамдарғапайдалануға болмайды. Лидокаинді еріткіш ретінде пайдаланғанда 15 жастан асқан адамдардалидокаинге теріішілік аллергия сынамасын жүргізу ұсынылады.
Құрамындалидокаин барцефтриаксон ерітінділерін вена ішіне енгізуге болмайды!
Вена ішіне сорғалатып енгізу
1 г препаратты вена ішіне сорғалатып енгізу үшін, инъекцияға арналған 10 мл стерильді суда ерітеді. Вена ішіне сорғалатып енгізуді 5 минут ішінде, дұрысы ірі веналарға жүргізу керек.
Венаішілік инфузиясы
1 г препараттың венаішілік инфузиясы үшін инъекцияға арналған 4-5 мл стерильді суда ерітеді. Алынған ерітіндіні ішінде кальций иондарынан бос кемінде 50 мл инфузиялық ерітінді: натрий хлоридінің 0,9 % ерітіндісі, 5 % декстроза ерітіндісі немесе цефтриаксонмен үйлесімді басқа инфузиялық ерітінді: декстрозаның 10 % ерітіндісі; натрий хлоридінің 0,45 % ерітіндісі +2,5 % декстроза ерітіндісі; 5 % декстроза ерітіндісіндегі 6 % декстран ерітіндісі; гидроксиэтилкрахмалдың 6 % және 10 % ерітінділері бар құтыға қосады. Кемінде 30 минут бойыв/ітамшылатып енгізеді.
Цефтриаксонды еріткіш ретінде пайдалануға немесе құрамында кальций иондары бар ерітінділерге (Рингер және Хартман ерітінділеріне) қосуға болмайды. Үйлесімсіз болуы мүмкіндігіне байланысты, препараттың ерітінділерін жоғарыда атап келтірілгендерден өзге, құрамында микробқа қарсыбасқа препараттар бар ерітінділермен немесе басқа еріткіштермен араластыруға немесе қосуға болмайды.
Емдеу ұзақтығы
Емдеу ұзақтығы аурудың ағымына тәуелді. Цефтриаксонды қолдануды дене температурасы қалыпқа түскеннен кейін немесе қоздырғыш эрадикациясы расталғаннан кейін 48-72 сағат бойы жалғастырған дұрыс.
Артық дозаланған жағдайда қолдану қажет шаралар
Симптомдары: жүрек айнуы, құсу, диарея, сананың шатасуы, құрысулар.
Емі: симптоматикалық ем, арнайы антидотыжоқ. Гемодиализ бенперитонеальді диализ тиімсіз.
Дәрілік препараттың бір немесе бірнеше дозасын жіберіп алғанда қажетті шаралар
Препараттың кезекті дозасын жіберіп алған жағдайда, оны барынша тезірек енгізу қажет. Егер келесі дозасын енгізетін уақыт жақындап қалса, жіберіп алған дозасын енгізбеген дұрыс.
Жіберіп алғандозасының орнын толтыру үшін препараттың екі есе дозасын енгізбеу керек.
Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша нұсқаулар
Цефтриаксон препаратының дозасын және оны енгізу ұзақтығын емдеуші дәрігер аурудың типіне, ауырлығына немесе ағымына байланысты белгілейді. Цефтриаксонды әдетте, дәрігер немесе медбике енгізеді, өйткені оны енгізу үшін бұлшықетішілік инъекция немесе тікелей венаға инъекция немесе инфузия жолымен енгізу қажет. Цефтриаксон препаратын қабылдауды тоқтату көзделген жағдайда, емдеуші дәрігердің кеңесіне жүгіну керек.
Дәрілік препаратты стандартты қолдану кезінде көрініс табатын жағымсыз реакциялардың сипаттамасы
Жағымсыз дәрілік реакциялар MedDRA жүйелік-ағзалық кластарының негізінде топтастырылған. Жағымсыз реакциялардың жиілігі келесі градация түрінде келтірілген: өте жиі (≥1/10), жиі (≥1/100, <1/10), жиі емес (≥1/1000, <1/100), сирек (≥1/10000, <1/1000), өте сирек (<1/10000, жекелеген хабарламаларды қоса), жиілігі белгісіз (қолда бар деректер бойынша жиілігін анықтау мүмкін емес).
