Декетон 25 мг №20,табл

Сипаттама

Дәрілік препаратты медициналық қолдану жөніндегі нұсқаулық

Саудалық атауы

Декетон

Халықаралық патенттелмеген атауы

Декскетопрофен

Дәрілік түрі, дозалануы

Үлбірлі қабықпен қапталған таблеткалар, 25 мг

Фармакотерапиялық тобы

Сүйек-бұлшықет жүйесі. Қабынуға қарсы және ревматизмге қарсы препараттар. Қабынуға қарсы және ревматизмге қарсы, стероидты емес препараттар. Пропион қышқылының туындылары. Декскетопрофен.

АТХ коды M01AE17

Қолданылуы

- қарқындылық дәрежесі жеңіл және орташа ауыруды симптоматикалық емдеуде

- бұлшықеттер мен сүйектердің ауыруында

- ауырсынумен жүретін етеккірлер мен тіс ауыруында

Дәрілік препаратты қолданудың басталуына дейінгі қажетті мәліметтер тізбесі

Қолдануға болмайтын жағдайлар

- әсер етуші затына, кез келген басқаҚҚСД немесе қосымша заттарының кез келгеніне аса жоғары сезімталдық

- егер әсері ұқсас заттар (мысалы, ацетилсалицил қышқылы және басқа ҚҚСД) демікпе ұстамаларының, бронх түйілуінің, жедел риниттің дамуына түрткі болса немесе мұрын полиптерінің дамуын, есекжемнің немесе ангионевроздық ісінудің дамуын туғызса

- қазіргі уақытта немесе бұрын белсенді немесе қайталанатын пептидік ойық жараның /АІЖ қан кетулердің болуы (екі немесе одан да көп жекелеген көріністері расталған ойық жара ауруы немесе қан кетулер), сондай-ақ, созылмалы диспепсия жағдайында немесе пептидтік ойық жараға/ қан кетуге күдіктенген кезде

- анамнезде осының алдындағы ҚҚСД емімен байланысты асқазан-ішектен қан кетулердің немесе тесілудің болуы

- асқазан-ішектен қан кету, басқа белсенді немесе қанағыштығы жоғары фазадағы қан кету, қан ұюының бұзылуы

- Крон ауруы немесе спецификалық емес ойық жаралы колит

- жүректің ауыр жеткіліксіздігі

- бүйрек функциясының орташа немесе ауыр дәрежедегі бұзылуы (креатинин клиренсі ≤ 59 мл/мин)

- бауыр функциясының ауыр бұзылуы (Чайлд-Пью жіктемесі бойынша 10-15)

- геморрагиялық диатез және қан ұюының басқа бұзылулары

- кетопрофенмен немесе фибраттармен емдеу кезіндегі фотоаллергиялық немесе фотоуытты реакциялар

- созылмалы диспепсиея

- айқын дегидратацияда (құсудың, диареяның немесе сұйықтықты аз ішудің нәтижесінде)

- жүктіліктің үшінші триместрі және лактация кезеңі

- балалар мен 18 жасқа дейінгі жасөспірімдер

Қолдану кезіндегі қажетті сақтандыру шаралары

Анамнезінде аллергиялық реакциялары бар науқастарда сақтықпен қолдану керек.

Декетон препаратының басқа ҚҚСД, соның ішінде, циклооксигеназа-2 іріктелген тежегіштерімен бірге қолданылуын болдырмау керек.

Жағымсыз әсерлерін, жағдайды жақсарту үшін қажетті азғантай уақыт ішінде ең аз тиімді дозасын пайдаланудың есебінен азайтуға болады.

Қолданылуының асқазан-ішек жолына қатысты қауіпсіздігі

Асқазан-ішектен қан кету, кей жағдайларда өлімге соқтыратын ойық жараның түзілуі немесе тесілуі, ізашар симптомдардың болуына немесе анамнезінде АІЖ тарапынан күрделі патологияның болуына қарамастан, емдеудің түрлі сатыларында барлық ҚҚСД-мен емдеу кезінде хабарланған. Декетон қолдану аясында асқазан-ішектен қан кету дамыған жағдайдапрепаратты тоқтату керек.

Асқазан-ішектен қан кету, ойық жараның түзілуі немесе тесілуі қаупі анамнезінде әсіресе қан кетумен немесе тесілумен асқынған ойық жарасы бар науқастарда ҚҚСД дозасын арттырған кезде, сондай-ақ, егде жастағы пациенттерде жоғарылай түседі.

Егде жастағы пациенттер: егде жастағы пациенттерде қабынуға қарсы стероидтық емес препараттардың, әсіресе,асқазан-ішектен қан кету және ойық жараның тесілуі сияқты жағымсыз әсерлерінің туындау жиілігі жоғары, олар өмірге қауіп төндіруі мүмкін. Мұндай пациенттерді емдеуді мүмкіндігінше ең аз дозасынан бастау керек.

Декскетопрофен трометамолымен емдеуді бастар алдында - басқа ҚҚСД жағдайларындағы сияқты – пациенттен анамнезінде эзофагит, гастрит және/немесе ойық жара ауруының болған-болмағандығын сұрап білу және, аталған аурулардың толықтай емделгендігіне көз жеткізу керек. Анамнезінде АІЖ тарапынан симптомдары немесе патологиясы және асқазан-ішек аурулары бар науқастарда ас қорыту жолы тарапынан болатын бұзылуларға, әсіресе, асқазан-ішектен қан кетуге қатысты бақылау жүргізу қажет.

Анамнезінде асқазан-ішек аурулары (ойық жаралы колит, Крон ауруы) бар науқастарға ҚҚСД сақтықпен тағайындау керек, өйткені аталған аурулардың өршу қаупі бар.

Мұндай пациенттер үшін, сондай-ақ, төмен дозалардағы аспиринмен қатарлас емдеуді немесе асқазан-ішек жолы тарапынан бұзылулардың туындау қаупін арттыратын басқа препараттарды қабылдауды керек ететін пациенттер үшін, протектор препараттармен, мысалы, мизопростолмен немесе протондық сорғылардың тежегіштерімен біріктіріп қолдану мүмкіндігін қарастыру керек.

Әсіресе егде жастағы, анамнезінде АІЖ тарапынан жағымсыз әсерлер орын алған пациенттер, әсіресе, емдеудің бастапқы сатыларында, ас қорыту жолымен байланысты әдеттен тыс барлық симптомдар (атап айтқанда, асқазан-ішектен қан кетулер) туралы хабарлап отыруға тиіс.

Препаратты пероральді кортикостероидтар, антикоагулянттар (мысалы, варфарин), серотонинді кері қармаудың іріктелген тежегіштері немесе антиагреганттар, мысалы, аспирин сияқты, ойық жара мен қан кетудің туындау қаупін арттыруы мүмкін дәрілерді бір мезгілде қабылдап жүрген пациенттерге сақтықпен тағайындау керек.

Қолданылуының бүйрекке қатысты қауіпсіздігі

Бүйрек функциясының бұзылуы бар науқастарға препаратты абайлап тағайындау керек, өйткені ҚҚСД қолдану аясында бүйрек функциясы нашарлауы, организмде сұйықтық іркілуі немесе ісінулер болуы мүмкін. Нефроуыттылық қаупі жоғары болғандықтан, диуретиктермен емдеу кезінде, сондай-ақ, гиповолемия дамуы мүмкін пациенттерге препаратты абайлап тағайындау керек.

Емдеу кезінде бүйрекке уытты әсерінің күшеюіне алып келуі мүмкін сусыздануды болдырмау үшін,организм сұйықтықты жеткілікті мөлшерде қабылдауға тиіс.

Барлық ҚҚСД сияқты, препарат қан плазмасындағы мочевина азоты мен креатинин концентрациясын жоғарылатуға қабілетті. Простагландиндер синтезінің басқа тежегіштері сияқты, оны қолдану бүйрек тарапынан гломерулонефритке, интерстициальді нефритке, папиллярлық некрозға, нефроздық синдромға және бүйректің жедел жеткіліксіздігіне алып келетін жағымсыз әсерлерменқатар жүруі мүмкін.

Егде жастағы адамдар бүйрек функциясының бұзылуларына көбірек ұшырайды.

Қолданылуының бауырға қатысты қауіпсіздігі

Бауыр функциясының бұзылуы бар науқастарға препаратты сақтықпен тағайындау керек. Басқа ҚҚСД сияқты, препарат бауырдың кейбір көрсеткіштерінің уақытша және елеусіз жоғарылауын, сондай-ақ, АСТ және АЛТ белсенділігінің айқын жоғарылауын туғызуы мүмкін. Аталған көрсеткіштер сәйкесінше артқан жағдайда, емдеуді тоқтату керек.

Егде жастағы адамдар бауыр функциясының бұзылуларына көбірек ұшырайды.

Қолданылуының жүрек-қантамыр жүйесі мен ми қанайналымына қатысты қауіпсіздігі

Анамнезінде гипертензиясы және/немесе жүректің ауырлық дәрежесі жеңілден орташаға дейінгі жеткіліксіздігі бар науқастарды тиісінше бақылау және ұсынымдар беру қажет. Анамнезінде жүрек аурулары бар, атап айтқанда, осының алдында жүрек жеткіліксіздігінің көріністері болған науқастарды емдегенде айрықша сақтық таныту қажет, өйткені ҚҚСД емі жүрек жеткіліксіздігінің даму қаупін жоғарылатуға қабілетті; ҚҚСД қабылдаумен байланысты сұйықтық іркілуі мен ісіну жағдайлары сипатталған.

Клиникалық зерттеулердің нәтижелері мен эпидемиологиялық мәліметтерге сәйкес, кейбір ҚҚСД, әсіресе жоғары дозаларында және ұзақ уақыт бойы қолдану артериялық тромбоздар (мысалы, миокард инфарктісі немесе инсульт) қаупінің біраз жоғарылауымен қатар жүруі мүмкін. Декскетопрофен трометамолын қолданғандағы мұндай қауіпті жоққа шығару үшін мәліметтер жеткіліксіз.

Демек, бақыланбайтын артериялық гипертензия, жүректің іркілісті жеткіліксіздігі, жүректің ишемиялық ауруы, шеткері артериялардың және/немесе ми қантамырларының ауруларында декскетопрофен трометамолын тек, науқастың жағдайын мұқият бағалаудан кейін ғана тағайындау керек. Дәл осы мәселелер жүрек-қантамыр ауруларының қауіп факторлары (мысалы, гипертензия, гиперлипидемия, қант диабеті, шылым шегу) бар пациенттерді ұзақ уақыт емдеуді бастар алдында шешімін табуға тиіс.

Іріктелмеген ҚҚСД простагландиндер синтезін бәсеңдетудің есебінен тромбоциттер агрегациясын азайтуға және қан кету уақытын ұзартуға қабілетті. Сондықтан, декскетопрофен трометамолын гемостазға әсер ететін препараттарды, мысалы, варфарин немесе басқа кумариндерді немесе гепариндерді қабылдап жүрген науқастарға тағайындау ұсынылмайды.

Егде жастағы пациенттердің жүрек-қантамыр жүйесі функциясының бұзылуларына ұшырау дәрежесі жоғарырақ.

Тері реакциялары

ҚҚСД қолданумен өзара байланыстырылып терінің ауыр, кейде өлімге соқтыратын реакцияларының, мысалы, эксфолиативтік дерматиттің, Стивенс-Джонсон синдромының және уытты эпидермалық некролиздің аса сирек жағдайлары сипатталған. Шамалағанымыздай, терінің уытты реакциялары дамуының ең жоғарғы қаупі емдеудің бастапқы кезеңінде, өйткені көпшілік жағдайларда тері реакциялары емдеудің алғашқы айы ішінде дамиды. Тері бөртпесінің, шырышты қабықтардың зақымдануының ағашқы белілері немесе аса жоғары сезімталдықтың басқа симптомдары білінген жағдайда, Декетон препаратын тоқтату керек.

Басқа да ақпараттар

Препаратты келесі науқастарға тағайындағанда айрықша сақтық таныту қажет:

- порфирин метаболизмінің туа біткен бұзылулары бар (мысалы, ұстамалыжедел порфирия жағдайында);

- сусыздануы бар;

- ауқымды хирургиялық араласулардан кейін дереу.

Егер дәрігер, декскетопрофенді ұзақ уақыт қолдану қажет деп есептесе, бауыр мен бүйрек функциясын жүйелі түрде бақылап отыру керек.

Аса сирек жағдайларда аса жоғары сезімталдықтың ауыр жедел реакциялары (мысалы, анафилаксиялық шок) байқалған. Аса жоғары сезімталдықтың ауыр реакция алғашқы белгілері білінген жағдайда, Декетон препаратын қабылдауды тоқтату және симптомдарына байланысты қажетті емдеу шараларын қабылдау үшін, дәрігерге қаралу қажет.

Созылмалы ринитпен, созылмалы синуситпен және/немесе мұрын полиптерімен бірлескен демікпеден зардап шегіп жүрген пациенттердің халықтың қалған бөлігіне қарағанда, ацетилсалицил қышқылына және/немесе ҚҚСД аллергия қаупіне ұшырауы жоғарырақ. Бұл дәрілік затты енгізу, әсіресе, ацетилсалицил қышқылына немесе ҚҚСД аллергиясы бар пациенттерде демікпе ұстамаларын немесе бронх түйілуін туғызуы мүмкін.

Айрықша жағдайларда желшешек аясында тері мен жұмсақ тіндер тарапынанауыр инфекциялық асқынулар дамуы мүмкін. Бүгінде ҚҚСД ондай инфекциялық асқынуардың дамуымен өзара байланыстылығы ықтималдығын толықтай жоққа шығару мүмкін емес. Сондықтан, желшешек кезінде Декетон препаратын қабылдаудан аулақ болу керек.

Декетон препаратын қан түзілуінің бұзылулары, жүйелі қызыл жегі немесе дәнекер тіндердің аралас ауруы кезінде сақтықпен қолдану қажет.

Басқа ҚҚСД сияқты, декскетопрофен инфекциялық аурулардың симптомдарын бүркемелеуге қабілетті.

Балалар

Балалар мен жасөспірімдерде қолданылуының қауіпсіздігі анықталмаған. Декетонды балалар мен жасөспірімдерге қолданбаған жөн.

Басқа дәрілікпрепараттармен өзара әрекеттесуі

Әрі қарай барлық қабынуға қарсы стероидтық емес дәрілер (ҚҚСД) үшін өзара әрекеттесулердің жалпы түрлері сипатталған:

Келесі дәрілерді ҚҚСД-мен бірге қолдану ұсынылмайды:

- жоғары дозалардағы (тәулігіне ³ 3 г) салицилаттарды қоса, басқа ҚҚСД: екі немесе одан да көп ҚҚСД бірге қолданғанда, аталған препараттардың өзара күшейетін әсерлерінің салдарынан, ойық жара мен асқазан-ішектен қан кетудің даму қаупі жоғарылайды;

- антикоагулянттар: декскетопрофеннің плазма ақуыздарымен байланысу дәрежесінің жоғарылығы, сондай-ақ, тромбоциттер функциясының бәсеңдеуі және асқазан мен он екі елі ішектің шырышты қабығының зақымдануы салдарынан, ҚҚСД антикоагулянтардың, мысалы, варфариннің әсерін күшейтеді. Егер бірге қолдану қажет болса, ол дәрігердің мұқият қадағалауымен және зертханалық көрсеткіштерді бақылаумен жүргізілуге тиіс;

- гепариндер: қан кетулер қаупі жоғарылайды (тромбоциттер функциясының бәсеңдеуі және асқазан мен он екі елі ішектің шырышты қабығының зақымдануына байланысты). Егер бірге қолдану қажет болса, ол дәрігердің мұқият қадағалауымен және зертханалық көрсеткіштерді бақылаумен жүргізілуге тиіс;

- кортикостероидтар: ойық жараның және асқазан-ішектен қан кетудің даму қаупі жоғарылайды;

- литий (кейбір ҚҚСД үшін сипатталған): ҚҚСД қандағы литий концентрациясын арттырады, бұл уыттануға (литийдің бүйрек арқылы шығарылуының төмендеуі) алып келуі мүмкін. Сондықтан,декскетопрофенды қолданудың басында, дозасын түзеткен және препаратты тоқтатқан кезде литий концентрациясын бақылау қажет;

- жоғары дозалардағы метотрексат (аптасына 15 мг немесе одан жоғары): қабынуға қарсы дәрілерді қолдану аясында метотрексаттың бүйректік клиренсінің азаюы есебінен, тұтас алғанда, оның қан жүйесіне уытты әсері күшейеді;

- гидантоин туындылары және сульфонамидтер: аталған заттардың уытты әсерлері күшеюі мүмкін.

Декетон мен төмендегі дәрілік заттарды бірге тағайындау сақтықты талап етеді:

- диуретиктер, АӨФ тежегіштері, бактерияға қарсы аминогликозидтер және ангиотензин II рецепторларының антагонистері: Декскетопрофен диуретиктер мен басқа гипотензиялық дәрілердің әсерін әлсіретеді. Бүйрек функциясының бұзылуы бар кейбір пациенттерде (мысалы, сусыздану кезінде немесе бүйрек функциясының бұзылуы бар егде жастағы пациенттерде) циклооксигеназаға бәсеңдеткіш әсер беретін дәрілерді АӨФ тежегіштерімен, ангиотензин II рецепторларының антагонистерімен немесе аминогликозидтік қатардың антибиотиктерімен бірге қолдану жағдайды ушықтыруы мүмкін, бұл әдетте, қайтымды сипатта болады. Декскетопрофенды диуретикпен бір мезгілде тағайындағанда, пациенттің сұйықтықты жеткілікті қабылдап жүргеніне көз жеткізу, сондай-ақ, емдеудің басында бүйрек функциясын бақылау аса қажет;

- төмен, аптасына 15 мг аз дозалардағы метотрексат: қабынуға қарсы дәрілерді қолдану аясында метотрексаттың бүйректік клиренсінің азаюы есебінен, оның қан жүйесіне тұтас алғандағы уытты әсері күшейеді. Бірге қолданылуының алғашқы апталарында апта сайын қан талдауын жасау қажет. Бүйрек функциясының тіпті болар-болмас бұзылуы жағдайында, сондай-ақ, егде жастағы науқастарда емдеуді дәрігердің қатаң қадағалауыменжүргізу керек;

- пентоксифиллин: қан кетулер қаупі жоғарылайды. Бақылауды күшейту және қан кету уақытын жиірек тексеру қажет;

- зидовудин: ретикулоциттерге әсер етуінің есебінен эритроциттерге уытты әсерінің күшею қаупі бар, бұл ҚҚСД қолданудың алғашқы аптасынан кейін ауыр анемияға әкеп соқтыруы мүмкін. ҚҚСД қолдану басталғаннан кейінгі бір-екі апта ішінде жалпы қан талдауын жүргізу және ретикулоциттер мөлшерін тексеру керек;

- сульфонилмочевина препараттары: ҚҚСД сульфонилмочевина препараттарының плазма ақуыздарымен қосылыстарындағы орынбасуы есебінен, олардың гипогликемиялық әсерін күшейтуге қабілетті.

Келесі дәрілерді пайдаланған кезде өзара әрекеттесуі мүмкіндіктерін ескеру керек:

- бета-блокаторлар: простагландиндер синтезін бәсеңдетудің есебінен,ҚҚСД олардың гипотензиялық әсерін әлсіретуге қабілетті;

- циклоспорин мен такролимус: ҚҚСД бүйрек простагландиндеріне әсер етуінің есебінен, нефроуыттылығы күшеюі мүмкін. Біріктіріп емдеу кезінде бүйрек функциясын бақылау керек;

- тромболитикалық дәрілер: қан кетулер қаупі жоғарылайды;

- антиагреганттар және серотонинді кері қармаудың іріктелген тежегіштері (СҚҚІТ): асқазан-ішектен қан кетулер қаупі жоғарылайды;

- пробенецид: декскетопрофеннің плазмадағы концентрациясы жоғарылауы мүмкін, бұған, өзекшелік сөлінісінің бәсеңдеуі және препараттың глюкурон қышқылымен конъюгациялануы түрткі болуы ықтимал және декскетопрофен дозасын түзетуді қажет етеді;

- жүрек гликозидтері: ҚҚСД гликозидтердің плазмадағы концентрациясын арттыруға қабілетті;

- мифепристон: теориялық тұрғыдан, простагландин-синтаза тежегіштерінің әсерінен мифепристон тиімділігінің өзгеру қаупі бар: мифепристонды тағайындағаннан кейін 8-12 күн бойы ҚҚСД қолданбау керек;

- хинолондық қатардың антибиотиктері: хинолон туындыларын жоғары дозаларында ҚҚСД-мен бірге қолдану құрысулардың пайда болу қаупін арттырады.

- теновир: ҚҚСД-мен бірге қолдану қан плазмасындағы мочевина азоты мен креатининді жоғарылатуы мүмкін, бүйрек функциясына ықтимал синэнергиялық әсерін қадағалап отыру үшін, бүйрек функциясын бақылауда ұстау қажет.

- деферозирокс: ҚҚСД-мен бірге қолдану асқазан-ішектік уыттылығы қаупін арттыруы мүмкін. Деферозироксты аталған заттарменбіріктіргенде қатаң клиникалық бақылау жүргізу қажет.

- пеметрексед: ҚҚСД-мен бірге қолдану пеметрекседтің шығарылуын азайтуы мүмкін, сондықтан, ҚҚСД жоғарырақ дозаларын қолданғанда сақтық таныту қажет. Бүйректің жеңіл немесе орташа жеткіліксіздігі бар (креатинин клиренсі 45-тен 79 мл/минутқа дейін) пациенттерде пеметрекседті қабылдағанға дейін 2 күн және қабылдағаннан кейін 2 күн бойы пеметрекседтің ҚҚСД-мен бірге қолданылуын болдырмау қажет.

Арнайы сақтандырулар

Егде жастағы пациенттер

Егде жастағы пациенттерге емдеуді төмен дозасынан (тәуліктік жиынтық дозасы 50 мг) ұсынылады. Тек көтерімділігі жақсы болған жағдайда ғана, егде жастағы пациенттерде бастапқы дозасын әрі қарай әдеттегі пациенттерге ұсынылатын дозасына дейін арттыруға болады.

Бауыр жеткіліксіздігі бар пациенттер

Бауыр функциясының ауырлығы жеңілден орташа дәрежеге дейінгі бұзылулары бар науқастарда емдеуді төмен дозасынан (тәуліктік жиынтық дозасы 50 мг) және дәрігердің мұқият қадағалауымен бастау керек. Декетонды бауырдың ауыр дисфункциясы бар пациенттерге қолданбау керек.

Бүйрек жеткіліксіздігі бар пациенттер

Бүйрек функциясының ауырлығы жеңіл дәрежедегі (креатинин клиренсі 50-80 мл/мин) науқастар үшін бастапқы дозасын тәулігіне 50 мг дейін төмендету керек. Декетон препаратын орташа және ауыр дәрежедегі бүйрек дисфункциясы (креатинин клиренсі <50 мл/мин) бар пациенттерге қолдануға болмайды.

Педиатрияда қолдану

Декетонның балалар мен жасөспірімдердегі қауіпсіздігі мен тиімділігі анықталмаған.

Жүктілік немесе лактация кезінде

Жүктілік

Декскетопрофен трометамолын жүктіліктің бірінше және екінші триместрінде тек, аса қажет болған жағдайда ғана тағайындауға болады. Декскетопрофен трометамолын жүктілікті жоспарлап жүрген әйелдерге, немесе жүктіліктің бірінші және екінші триместрінде тағайындағанда, емдеудің аса қысқа мерзімінде мүмкіндігінше ең аз дозасын таңдау керек.

Простагландиндер синтезінің тежегіштерін жүктіліктің үшінші триместрінде қолдану аясында шаранада келесі ауытқулар болуы мүмкін:

- жүрек-өкпе уыттылығының көріністері (мысалы, артериялық қан ағымының мерзімінен бұрын жабылып қалуы және өкпе артериясы жүйесіндегі гипертензия);

- бүйрек дисфункциясы, ол үдеуі және олигогидрамнионмен жүретін бүйрек жеткіліксіздігіне ұласуы мүмкін.

Жүктіліктің соңғы мерзімдеріндегі ана мен жаңа туған нәрестеде келесі құбылыстар болуы мүмкін:

- қан кету уақытының ұзаруы – препаратты тіпті өте төмен дозаларында қолданғанда да болуы мүмкін тромбоциттер агрегациясын тежеу әсері;

-жатырдың жиырылу белсенділігінің бәсеңдеуі, ол босанудың кідіруіне немесе ұзаққа созылуына алып келеді.

Лактация

Декскетопрофеннің ана сүтіне өтетіні туралы деректер жоқ. Декетонды емшек емізу кезінде қолдануға болмайды.

Дәрілік заттың көлік құралын және қауіптілігі зор механизмдердібасқару қабілетіне әсер ету ерекшеліктері

Декетон препаратын қабылдағанда бас айналуы, көрудің бұзылулары немесе ұйқышылдық сияқты жағымсыз әсерлер пайда болуы мүмкін. Сондықтан ол реакцияға және көлік құралдарын басқару қабілетіне және механизмдермен жұмыс істеуге әлсіз немесе орташа әсер береді.

Қолдану жөніндегі нұсқаулар

Дозалану режимі

Ауырудың сипаты мен айқындығына байланысты ұсынылатын дозасы, 4-6 сағат аралықпен 12,5 мг немесе 8 сағат аралықпен 25 мг құрайды. Тәуліктік жиынтық дозасы 75 мг аспауға тиіс.

Жағымсыз әсерлерін, жағдайды жақсарту үшін қажетті азғантай уақыт ішінде ең аз тиімді дозасын пайдаланудың есебінен азайтуға болады.

Енгізу әдісі және жолы

Таблеткаларды пероральді түрде, жеткілікті мөлшердегі сумен ішу арқылы қабылдау керек.

Қабылдау уақыты көрсетілген қолдану жиілігі

Тамақпен бірге қабылдау препараттың сіңірілуін баяулатады; сондықтан, қатты ауырулар кезінде препаратты ас ішкенге дейін кемінде 30 минут бұрын қабылдау ұсынылады.

Емдеу ұзақтығы

Декетон таблеткаларын ұзақ уақыт бойы қолдануға арналмаған; емдеу симптомдар бар кезбен шектелуге тиіс.

Артық дозалану жағдайында қабылдау қажет болатын шаралар

Препараттың артық дозалану симптомдары белгісіз. Осыған ұқсас препараттармен артық дозалану асқазан-ішектік (құсу, тәбеттің болмауы, іш тұсының ауыруы) және неврологиялық бұзылулармен (ұйқышылдық, бас айналуы, бағдарсыздық, бас ауыруы) көрініс береді.

Емі:байқаусызда артық дозаланған немесе тым көп дозалары қабылданған жағдайда, науқастың жағдайына сәйкес симптоматикалық емді кідіртпей бастау керек. Ересек адамнемесе бала 5 мг/кг артық қабылдаған жағдайда, бір сағат ішінде белсендірілген көмірді ішке қабылдауы қажет. Декскетопрофен трометамолы организмнен диализдің көмегімен шығарылады.

Дәрілік препаратты қолдану тәсілін түсіну үшін медицина қызметкерінен кеңес алу жөніндегі ұсынымдар

Егер сізде бұл препаратты қолдану бойынша қосымша сұрақтар туындаса, дәрігермен немесемедбикемен ақылдасыңыз.

Дәріханалар

Қалалар